Nyɛ̀nɛ̀ŋ 26:7 - WƆŊ FƐ̀Ì EBÒ SÌÀŊ DAYÀA

⁷ Maŋ zìì ɗì zììyà jɛ̀wɛ̀ tìyèe wi màŋ zoolà maŋ e dùùm yèè maŋ gɔɛɛ ke jii tùlia sùà wèè aŋ yɛmɛ̀ kɛ̀ e ɗààhiìɛ wo Dayà naŋ wa jɔ̀ɔ̀ lɛ e hɛɛnɛ̀ŋ, e kìlà wèè ke jìì tùlìà guùŋ yɛɛ̀, Kanaà Àgulepɔ̀, aŋ Juùù nyaŋ naim gbùwò maŋ keì ɗì.

Nyɛ̀nɛ̀ŋ 26:7 ပူးပေါင်းရင်းမြစ်များ

Maafiù 19:28

Wo Jisɛ̀ naŋ nyiŋ fasàì wààŋ, “Tɔ̀ miŋ woòiŋ e tɔɔɓaaà kɛ̀, nìŋ yaà anyùùŋ màŋjɛ̀wɛ̀im. Yèè e ɗuunyaŋ jɛiɛ̀ do nàŋ hnè lɛ, sèè miàim wo Jɔ̀àfèlàà Nyuùŋ Kpùnɔɔ̀ŋ mìŋ jaà wa nàwèè ke kpùà e jòòwo gbee miɛ̀ŋ diɛŋ wèè ka kɛ̀ɛ̀ kana, nìŋ do nàŋ jɛ̀ì maŋ kpùà kana diɛŋ, màŋ zììyà jɛ̀wɛ̀ tìyèe wèè naŋ gbàì maŋ zìì ɗì zììyà jɛ̀wɛ̀ tìyèe màŋ ko Ezɔ̀ɛ̀.

Luù 2:25

E teenga lii sùà wo kenàŋ bà àŋ nyaaŋ wa wo Simiɔ̀ŋ hewa jòò ko Jùlusɛ̀làm. Wò yaà wa wo nyùùŋ tɔ̀ɔ̀nyaàŋ yèè wò duɔŋ wa wo Dayà, e kìlà wò yaà wa fùlìè wo Dayà wèè wo joeyè e kìlà wo kiɛ̀ŋ anyùùŋ Ezɔ̀ɛ̀ nyaŋ ke jii nyingè, nààŋ wò hewa nàŋ tùɔ̀ŋ wo yèɔ wò naŋ tàeɗùù wèè wo joeyè anyùùŋ nyaŋ e ɗuunyaàŋ. E kìlà nààŋ wo Jìnàŋ Nɛɛmaàŋ yàaùŋ wa maŋjɛ̀wɛ,

Luù 22:30

Nìŋ do nàŋ jènɛ̀ŋ yèè naŋ tìà wɔŋ gbɛ̀gbɛ̀ miɔ̀ŋ diɛŋ e Kana mɛ̀ sùà. Yèè nìŋ do nàŋ jɛ̀ì maŋ kpùà kana diɛŋ wèè naŋ nɔ̀ŋ aŋ sìèfeìŋ maŋ zìì ɗì zììyà jɛ̀wɛ̀ tìyèe màŋ diɛŋ ko Ezɔ̀ɛ̀.”

Nyɛ̀nɛ̀ŋ 20:31

Yɛ̀mɛìŋ nyɛ̀iŋ bi diɛŋ! Jàaìŋ jii kɛ̀ mìŋ naiŋ wa gbòò kɔɔ maŋ gɔɛɛ yèè e dùùm, mìŋ naŋ kɔ̀ e keì nyìnga dìì, yèè mìŋ naiŋ kaà wèè maŋ dòà taai.

Nyɛ̀nɛ̀ŋ 24:15

Mìŋ kuwa ke jii tùlia wo Dayà sùà màànààŋ nɔŋ nyiŋ pɛɛ jàà nìŋ kùàŋ dìì lɛ, kɛ̀ anyuùŋ fàa nyàŋ gbiŋ, wo jè tɔ̀ɔ̀nyaàaŋ yèè wo jè maŋ tùwo naanààaŋ do wa nàwèè nàŋ yèwè e fàaà dìì.

Nyɛ̀nɛ̀ŋ 26:2

Wo Pɔɔ̀ naŋ jòòwò wɔŋ kuàuŋ nɔɔ̀ŋ fùùŋ yèè wò naŋ woò wààŋ, “Kanaà Àgulepɔ̀, e zɔlɔ̀ yààìm nàaŋ ke ɗɔɔ yɛɛ̀ wèè e ɗeweɛ̀ nìŋ naim kiɛ̀ŋ wèè ka gbòà wèè miàŋ bi ko fɛɛ̀fenùum e nyaàiŋ dè maŋ keì mɛɛ̀ŋ gbiŋ aŋ Juùù nyuuŋ nyɛɛ̀ŋ naim yaà gbùwò ɗì maŋ,

Nyɛ̀nɛ̀ŋ 26:3

ɓɔɔɓɔɔ ngèè màŋ nyìmàŋ e zimgbe niŋ e nyaàiŋ dè e làngì zòòlo aŋ Juùù nyaŋ yaà maŋ hààwe màŋ naŋ gòònò tɛɛ màŋ. Weètii mìŋ manaŋ maim kumiàŋ tɛ̀ɛ̀ ke jii tɔumtɔ̀ùm sùà.

Nyɛ̀nɛ̀ŋ 28:20

Wèè esaɓù lɛɛ̀ mìŋ naŋ dawè wèè kaum yɛmɛ̀ e kìlà wèè kaum gbòà kɔɔ, nààŋ è yaà esàɓù wo nyùnɔ̀ɔŋ wo yèɔ anyùùŋ Ezɔ̀ɛ̀ nyaŋ kuwa ke jii tùlia sùà wɔ àŋ naim sìè maŋ jɔ̀ɔɔ mɛɛ̀ŋ.”

Fèle 3:11

wèè kɛ̀ ke jii tùlia sùà, wo Dayà doim nàŋ gè e fàaà dìì wɔŋ nyiiŋ gèeɔ̀ sùà miàŋ pɛɛ.

1Tɛsè 3:10

E dùùm yaà maŋ gɔɛ è dawàìŋ Dayà maŋ jii wi màŋ gbiŋ wèè wo haà ke dòmaŋ e seenèiŋ, yèè wo fèiŋ e yèɛ gbiŋ nìŋ naŋ mɔ̀nɔ̀ŋ e hààweiŋ nɛ̀ sùà lɛ.

1Time 5:5

Wo jɔ̀ùŋèèdààa yaà wèè wuŋ bi wɔ̀, wo yèɔ kuwà nyuùŋ kpùùmauŋ wɔ̀, wò naŋ sìè ke jii tùliauŋ nɛɛ̀ŋ wo Dayà sùà yèè wò do nàŋ nɔ̀ŋ zoolo keleiŋ wò yaà dààwè Dayà wèè è kpùùmaŋ e dùùm yaà maŋ gɔɛ.

Jìiiŋ 1:1

E yìwìà miàŋ Jìiiŋ sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɓɔ̀ìjɔ̀à Dayàa yèè wo ɓɔ̀ìjɔ̀à Kanaà Jisɛ̀ Kulaìɔ. Mìŋ yaà sìngìè wɔŋ fɛi wɛɛ̀ŋ koɓɛ̀ anyùùŋ Dayà nyaŋ gbiŋ naŋ ɓààyè e ɗuunyaŋ lɛɛ̀ sùà nyaŋ. Mìŋ zuumàŋ nyɛ̀iŋ nààŋ gbiŋ.