Nyɛ̀nɛ̀ŋ 26:31 - WƆŊ FƐ̀Ì EBÒ SÌÀŊ DAYÀA

³¹ Nààŋ àŋ naŋ fòlò ko zɛ̀mɛ̀ɛ̀ŋ dèèneì wèè anyùùŋ nyaŋ gbiŋ aŋ ka wa, àŋ naŋ wòò aŋ dàwi fèemàŋ nyààŋ, “Wo felaa wɛɛ̀ gò nyɛ̀nɛ̀ŋ è keì gbiŋ wèè euŋ jeè wèè e nɔ̀ŋ èsaɓù wèè auŋ jìwà ɔ̀ɔ̀ auŋ gbìàŋ kò sààŋ nyìwì.”

Nyɛ̀nɛ̀ŋ 26:31 ပူးပေါင်းရင်းမြစ်များ

Luù 23:4

Kpeiŋ wo Paalè naŋ wòò aŋ kànà sìèfèìŋ zòòlo nyàŋ wààŋ, “Miŋ gò yɛ̀mɛ̀ ke sàwàa wò felaa wɛɛ̀ naŋ pɔɔ̀ yɛ wèè kauŋ jèè è keì.”

Nyɛ̀nɛ̀ŋ 23:29

Mìŋ naŋ nyɛ̀nɛ̀ŋ maŋ nɔnɔŋ tùaŋ, kɛɛ miŋ gò yɛ̀mɛ̀ è keìɛ wò naŋ nyɛ̀nɛ̀ŋ lɛ wèè wo yɛ̀mɛ̀ fàa ɔ̀ɔ̀ wèè auŋ pɛɛ gbìàŋ kò sààŋ nyìwì. E keìɛ àŋ nauŋ gbùwò ɗì lɛ e nyaàiŋ naŋ dè maŋ sàwà nyiŋ màŋ.

Nyɛ̀nɛ̀ŋ 23:9

Yèè maŋ mìè kpààŋ e nyaàŋ tàaŋ nyiŋ nɛ̀ naŋ dɛ̀kɛ̀ò sùà. Aŋ kààmɔ̀ɔ̀ŋ maŋ Sàwà Mòòze nyàŋ bà nyiŋ yaà wa aŋ Fɛlosiì. Ko diemeì, aŋ Fɛlosiì nyaŋ naŋ tuù yèè àŋ naŋ woò nyààŋ, “E gòiŋ yɛ̀mɛ̀ è keì naanààaŋ wò felaa wɛɛ̀ naŋ nyɛ̀nɛ̀ŋ lɛ. È wɛ̀i ɓɛ̀nɛ̀ŋ nɔ̀ɔŋ kɛ̀ wo jinàŋ ɔ̀ɔ̀ wo màikà naŋ gbòò ko nɛ̀ɛ̀uŋ niìŋ.”

Nyɛ̀nɛ̀ŋ 25:25

Kɛɛ miŋ gò yɛ̀mɛ̀ è keì gbiŋ è yèɛ wò naŋ nyɛ̀nɛ̀ŋ lɛ wèè wo yɛ̀mɛ̀ è fàa; yèè nààŋ wuŋ bi naŋ dawè wèè wo Kànà Gbèè wɔŋ fùɔ̀ŋ anyùùŋ Luùm nyaŋ wouŋ gbaì, mìŋ naŋ ɗewè wèè kauŋ tùàŋ ko Luùm.

Nyɛ̀nɛ̀ŋ 28:18

Àŋ naŋ nyɛ̀nɛ̀ŋ maŋ nɔnɔŋ tùàŋ e nyaàiŋ dè maŋ keì maŋ àŋ naim gbùwò e ɗì maŋ, àŋ manaŋ weè aim dangè wèè ka ka, esaɓù kɛ̀ aŋ gò yɛ̀mɛ̀ è keì naanààaŋ mìŋ naŋ nyɛ̀nɛ̀ŋ lɛ wèè aim jìwà.

1Pììlɛ 3:16

Nyɛ̀nɛìŋ tɛɛ̀ e tùwo siaŋ diɛŋ, yèè e ɓɛ̀ɛ̀jàa sùà. Yèè maŋ jiiŋ màŋ nɔ̀ŋ sengei wèè kɛ̀ sèè àŋ pɔɔ̀ìŋ ɓɛ̀ɛ, anyùùŋ nyaŋ gboo naanààŋ wèè maŋ tùwo siaŋ sìàiŋ màŋ wo Jisɛ̀ Kulaì sùà nyaŋ e sàngè do nyiŋ nàŋ nyɛ̀nɛ̀ŋ wèè e nɛ̀ɛŋ àŋ woà lɛ.