Nyɛ̀nɛ̀ŋ 26:22 - WƆŊ FƐ̀Ì EBÒ SÌÀŊ DAYÀA

²² Kɛɛ wo Dayà naim kpuumò e teenga lɛɛ̀ gbiŋ sùà. Kà kìɛ̀ŋ ke mìè seì koɓɛ̀ anyuùŋ pɔ̀ɔ nyàŋ yèè anyuùŋ bàne nyàŋ. Mìŋ naŋ nyiŋ wòò e yèɛ nɔŋ aŋ wɛ̀ijì nyaŋ yèè wo Mòòze naŋ woò kɛ̀ è do nàŋ kaaìŋ lɛ.

Nyɛ̀nɛ̀ŋ 26:22 ပူးပေါင်းရင်းမြစ်များ

Maafiù 26:24

Miàim wo Jɔ̀àfèlàà Nyuùŋ Kpùnɔɔ̀ŋ do nàŋ fɔ̀ màànààŋ nɔŋ è yaà sìnga niŋ wɔŋ fɛ̀ì Dayàa sùà e nyaàiŋ eim dè. Kɛɛ diè e keì nyìnga do yɛi nàŋ nɔ̀ŋ wèè wo nyùnɔ̀ɔŋ do nàŋ mààŋ miàim wo Jɔ̀àfèlàà Nyuùŋ Kpùnɔɔ̀ŋ le! È hewa weè nàŋ nɔŋ tɛ̀ɛ̀ weèuŋ sèè wo nààŋ gouŋ wa weè komàŋ gbiŋ!”

Luù 16:28

Kòò mìŋ kuwao aŋ wùìyà nyùùŋ nɔɔnɔŋ. Wòouŋ wo ka wo kiɛ̀ŋ nyiŋ e goò wèè kɛ̀ aŋ go nàŋ hnè koɓɛ̀ keì nyìnga yaà.’

Luù 24:27

Wo Jisɛ̀ naŋ nyiŋ kpìnìè maŋ keì maŋ gbiŋ yaà sìnga miŋ màŋ wɔŋ fɛ̀ì Dayàa sùà e nyaàiŋ dè wuŋ bi, e yìwìà maŋ Sàwà Mòòze màŋ yèè maŋ fɛ̀ì aŋ wɛ̀ijì nyaŋ gbiŋ sùà.

Luù 24:44

Kpeiŋ wò naŋ nyiŋ woò wààŋ, “Maŋ kèì guùŋ mɛɛ̀ŋ mìŋ naiŋ woò e teengaà mìŋ yààìŋ wa e tɛɛ lɛ̀. Maŋ keì maŋ gbiŋ yaà sìnga miŋ maŋ Sàwà Mòòze màŋ sùà, maŋ fɛ̀ì aŋ wɛ̀ijì nyaŋ sùà, yèè wɔŋ fɛ̀ì Saàaŋ sùà, màŋ kuwa maŋ hɛɛnɛ̀ŋ.”

Luù 24:46

yèè wò naŋ nyiŋ woò wààŋ, “Tɛɛ̀ nàŋ yaà sìnga niŋ wɔŋ fɛ̀ì Dayàa sùà, kɛ̀ wo Kulaìɔ, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, kuwa wo kà e keì nyìnga dìì, yèè sèè e gɔ̀ɛ̀ɛ̀ taai è maaŋ wo yèwà e fàaà dìì wɔ̀ŋ nyiiŋ gèeo sùà.

Jɔ̀ɔŋ 1:17

Wo Dayà naŋ wa kìɛ̀ŋ wo Mòòze maŋ Sàwà wèè koɓɛ̀ anyùùŋ nyaŋ, kɛɛ wo Dayà naŋ wa tɔ̀ɔ̀ e mànauŋ nɛ̀ yèè wò naŋ tɔ̀ɔ̀ e tɔ̀ɔ̀nyaàaŋ e nyaàiŋ dè wuŋ bi e yìwìà wo Jisɛ̀ Kulaì sùà.

Jɔ̀ɔŋ 1:45

Wo Felè naŋ mɛ̀ɛ̀ŋ wo Nàntanyàŋ yèè wò nauŋ woò wààŋ, “Èiŋ mɛ̀ɛ̀ŋ wo Jisɛ̀ e yìwìà ko Naazɔ̀ɛ̀, wo jɔ̀àfèlàà Jòòsɛɔ̀ wo yèɔ maŋ Sàwà Mòòze màŋ yèè aŋ Wɛ̀ijì nyaŋ naŋ wa sìngè kiiuŋ wɔ̀.”

Jɔ̀ɔŋ 5:39

Nìŋ kpɛnɛŋ wɔŋ fɛ̀ì Dayàa, esaɓù nìŋ naŋ gongò kɛ̀ maŋ fɛi bi sùà nìŋ do nàŋ yɛ̀mɛ̀ wɔŋ nyiiŋ gèe gò jùà. Yèè wɔŋ fɛ̀ì guùŋ bi naŋ kìɛ̀ŋ ke mìè seì ko nɛ̀ɛ̀iŋ niìŋ e nyaàiŋ eim dè.

Jɔ̀ɔŋ 5:46

Sèè naŋ wa weè kɛ̀ɛ̀nɛ̀ŋ e hààwe wo Mòòze sùà, nìŋ heim weè nàŋ kɛ̀ɛ̀nɛ̀ŋ e hààwe ko sùà, esaɓù kɛ̀ wò naŋ wa sìngè wɔŋ fɛi e nyaàiŋ eim dè.

Nyɛ̀nɛ̀ŋ 10:43

Wèè wuŋ aŋ wɛ̀ijì nyaŋ gbiŋ naŋ wa gbòò ke mìè seì, kɛ̀ wo nyùnɔ̀ɔŋ gbiŋ haawàuŋ wɔ, maŋ jùumùuŋ màŋ do nàŋ nɔ̀ŋ hakɛ̀ jùùya miŋ esàɓù e deèuŋ nɛ̀ sùà.”

Nyɛ̀nɛ̀ŋ 13:29

Nààŋ àŋ naŋ wa naàŋ kpɛ̀ɛ̀yɛ̀ nyɛ̀nɛ̀ŋ e yèɛ wɔŋ Fɛ̀ì Dayàa naŋ woò lɛ, nààŋ àŋ naŋ wa jìwè wo Jisɛ̀, àŋ naŋ wa gè e dieuŋ nɛ̀ e yìwìà wɔŋ vànèkpaaà diɛŋ yèè àŋ nauŋ hèè ke hùaàŋ sùà.

Nyɛ̀nɛ̀ŋ 24:14

Kà nyimèè kɛ̀ aŋ màmàŋkùmɛŋ nyiŋ nyàŋ gongà kɛ̀ ke Dòmàŋ Kanaà mìŋ naŋ dè maŋjɛ̀wɛ yɛ̀ ke fè kè dòmaŋ kɛnɛɛ̀. Kɛɛ wo Dàyà gunɔ̀ɔŋ nɔŋ aŋ nèwàènèweim nyàŋ zoolà wɔ̀ wuŋ nɔŋ mìŋ zoolà. Mìŋ naŋ hààwè e yèɛ gbiŋ yaà sìnga niŋ maŋ Sàwà maŋ wo Dayà naŋ wa kìɛ̀ŋ wo Mòòze màŋ sùà yèè e yèɛ aŋ wɛ̀ijì nyaŋ naŋ woò lɛ.

Nyɛ̀nɛ̀ŋ 26:17

Mìŋ doum nàŋ joeyè e yìwìà aŋ Juùù nyaŋ sìwè, anyùùŋ muàŋ bi nyàŋ, yèè e yìwìà anyùùŋ nyaŋ fè àŋ Juùù nyaŋ. Ko nɛ̀ɛ̀ŋ nyiŋ niìŋ mìŋ doiŋ nàŋ tùɔ̀ŋ.

Nyɛ̀nɛ̀ŋ 26:6

Mìŋ sia nàaŋ kià wèè aim gbaì esaɓù mìŋ kuwa ke jii tùlia wèè e ɗààhiìɛ wo Dayà naŋ wa jɔ̀ɔ̀ lɛ koɓɛ̀ aŋ nèwàènèwe wi nyàŋ.

Nyɛ̀nɛ̀ŋ 28:23

Nààŋ àŋ naŋ tɔ̀ɔ̀ e teenga wèè aŋ mɛ̀ɛ̀ŋ wo Pɔɔ̀, aŋ zimgbe nyiŋ naŋ wa hnè ko gbooì wò joà lɛ ke ɗɔɔ yii. Wo Pɔɔ̀ naŋ gbòò ko nɛ̀ɛ̀ŋ nyiŋ niìŋ e nyaàiŋ dè e Kànà Dayàa e yìwìà maŋ nyiìŋ tɛ̀tɛ̀ e jèèsùà e gɔɛɛ hàì ko ɗìò tɛɛ. Wò naŋ gbòò ko nɛ̀ɛ̀ŋ nyiŋ niìŋ e yìwìà maŋ Sàwà maŋ wo Dayà naŋ wa kìɛ̀ŋ wo Mòòze màŋ yèè maŋ keì wòo màŋ e yìwìà maŋ fɛ̀ì aŋ Wɛ̀ijì nyaŋ sùà wèè wo kamè ɗewe aŋ kɛɛnɛ̀ŋ e hààwe wo Jisɛ̀ sùà.

Luùm 3:21

Èiŋ naàŋ nyìmàŋ e ɗeweɛ̀ wo Dayà jaa nyùùŋ kùàŋ dìì wèè wo nɔ̀ŋ nyùùŋ tɔ̀ɔ̀nyaàŋ lɛ. E fè wèè eiŋ jɔ̀ɔ̀lɔ̀ màŋ sàwà maŋ dìì, jòòpɛɛ maŋ Sàwà Dayà maŋ yèè aŋ wɛ̀ijì nyaŋ naŋ kìɛ̀ŋ ke mìè seì e weè niŋ.

1 Kɔliìŋ 15:3

E nɛ̀ɛŋ naim sɛ̀ɛ̀ sìwè lɛ mìŋ naiŋ niŋ woò, e yèɛ yaà e keì kɛnɛ gbeeɛ̀ lɛ kɛ̀ wo Jisɛ̀ Kulaì naŋ fɔ̀ wèè maŋ jùumù wi màŋ, màànààŋ è yaà sìngaiŋ wɔŋ fɛ̀ì Dayàa sùà lɛ,

1 Kɔliìŋ 15:4

kɛ̀ àŋ nauŋ sìè, yèè wo Dayà nauŋ gè e fàaà dìì e gɔ̀ɛ̀ taaà diɛŋ màànààŋ è yaà sìngaiŋ wɔŋ fɛ̀ì Dayàa sùà lɛ̀,

2Time 3:11

Màŋ nyìmàŋ maŋ keì nyìnga màŋ yaà e mɔ̀ɔ̀nɛɛ̀ŋ gbiŋ mìŋ naŋ kɔ̀ dìì ko Aŋtiɔ̀, ko Ìkɔniɔ̀ŋ, yaà ko Lesità maŋ, yèè maŋ keì mèè nyìnga màŋ naim kaaìŋ maŋ. Kɛɛ wo Kanaà naim joeyè woim gè màŋ gbiŋ sùà.

Maŋ kèì nyɛɛnɛŋ 11:18

Anyuùŋ gò hààwè Dayà nyaŋ e dììɛ diɛŋ naŋ wa tuù, esaɓù kɛ̀ e teengaà è naàŋ haì wèè maŋ tɔ̀ɔ̀ e ɗeweɛ̀ mùŋ tuù lɛ, e teengaà è haì wèè maŋ gbàì anyùùŋ nyaŋ gbiŋ naŋ fɔ̀ nyaŋ. E teengaà è haì wèè maŋ kìɛ̀ŋ aŋ ɓɔìjɔ̀àum nyàŋ, aŋ wɛ̀ijì nyaŋ, e pààwa nyiŋ nɛ̀, e kìlà anyùùŋ nɛɛmaŋ nyàŋ gbiŋ, anyùùŋ nyaŋ gbiŋ kuwa e ɓɛ̀ɛ̀jàa weèum nyàŋ, wo gbeeɔ̀ yèè wo tòloòɔ pɛɛ. E teengaà è haì wèè maŋ pɔ̀ɔ̀pɔ̀ɔ̀ anyùùŋ nyaŋ naŋ pɔ̀ɔ̀pɔ̀ɔ̀ e dììɛ nyàŋ!”

Maŋ kèì nyɛɛnɛŋ 15:3

e kìlà àŋ yaà dàa suà maŋ nùŋ Mòòze màŋ, wo ɓɔ̀ìjɔ̀à Dayàa, yaà wɔŋ nùŋ Ɓaawaaà nyààŋ, “Kanaà Dàyà Gaàŋ Gbeeɔ̀, màŋ nyɛ̀nɛ̀ŋ maŋ keì gbee yaà maŋ kèè mèè zimgbe! Mùŋ yaà wo Kana wèè anyùùŋ nyaŋ maŋ fuɔŋ màŋ gbiŋ sùà! Maŋ kpèèuŋ màŋ yaà tɔ̀ɔ̀nyaàŋ yèè mùŋ naŋ jilɛ̀ŋ e teenga gbiŋ.

Maŋ kèì nyɛɛnɛŋ 20:12

Mìŋ naŋ yɛ̀mɛ̀ anyuùŋ fàa nyàŋ, wo gbeeɔ̀ yèè tòloòɔ, àŋ sia ke kpùà Kanaà feìŋ. Maŋ fɛi naŋ nɔ̀ŋ yìle miŋ. Wɔŋ fɛi joo bà naŋ wa ɓɛìŋ nɔ̀ŋ yìle wuŋ, wɔŋ fɛ̀ì anyuùŋ gè nyiiŋ nyàŋ. Àŋ naŋ gbàì anyuùŋ fàa nyàŋ e nyaàiŋ dè maŋ keì maŋ àŋ naŋ wa nyɛ̀nɛ̀ŋ maŋ, nààŋ è yaà sìnga niŋ maŋ fɛi màŋ sùà lɛ kɛ̀,