Nyɛ̀nɛ̀ŋ 26:2 - WƆŊ FƐ̀Ì EBÒ SÌÀŊ DAYÀA

² Wo Pɔɔ̀ naŋ jòòwò wɔŋ kuàuŋ nɔɔ̀ŋ fùùŋ yèè wò naŋ woò wààŋ, “Kanaà Àgulepɔ̀, e zɔlɔ̀ yààìm nàaŋ ke ɗɔɔ yɛɛ̀ wèè e ɗeweɛ̀ nìŋ naim kiɛ̀ŋ wèè ka gbòà wèè miàŋ bi ko fɛɛ̀fenùum e nyaàiŋ dè maŋ keì mɛɛ̀ŋ gbiŋ aŋ Juùù nyuuŋ nyɛɛ̀ŋ naim yaà gbùwò ɗì maŋ,

Nyɛ̀nɛ̀ŋ 26:2 ပူးပေါင်းရင်းမြစ်များ

Maafiù 10:19

Sèè anyùùŋ kùwòìŋ e kìlà aiŋ hìàŋ ke sàwàa fɛɛ̀feìŋ wèè aiŋ gbaì, ɓɔ̀ nìŋ sɛɛ̀ jii wèè e nɛ̀ɛŋ nìŋ do nàŋ woò lɛ, ɔ̀ɔ̀ dièsɔa nìŋ do niŋ nàŋ woò. Wo Jìnàŋ Nɛɛmaàŋ doiŋ nàŋ kìɛ̀ŋ mìè gbòa màŋ wèè e yèɛ nìŋ do nàŋ woò lɛ.

Luù 12:11

“Sèè anyùùŋ aiŋ kùwà e kìlà aiŋ hìàŋ ko sààŋ zòòlò aŋ Juùù nyaŋ ɔ̀ɔ̀ aŋ kana yaà anyùùŋ gbèègbèè fuɔŋ nyàŋ fɛɛ̀feìŋ wèè aiŋ gbaì, ɓɔ̀ nìŋ sɛɛ̀ jii wèè è ɗeweɛ̀ nìŋ do nàŋ gbaì wèè nyɛ̀iŋ bi lɛ̀ ɔ̀ɔ̀ wèè e nɛ̀ɛŋ nìŋ do nàŋ woò lɛ̀.

Luù 21:12

Wèè paŋ maŋ keì mɛɛ̀ŋ gbiŋ maŋ kaaìŋ, anyùùŋ doiŋ nàŋ kùwò aiŋ kòà ke sàwà wèè aiŋ gbaì. Àŋ doiŋ nàŋ kɔ̀ɔ̀ maŋ sààŋ zòòlò aŋ Juùù nyaŋ dìì e kìlà àŋ doiŋ nàŋ gbìɛ̀ŋ ko sààŋ nyìwì. Nìŋ do nàŋ sìè aŋ kana yaà aŋ ɓɛ̀mànɗì fuɔŋ fɛɛ̀feìŋ wèè esàɓù e deè mɛ̀.

Nyɛ̀nɛ̀ŋ 25:26

Mìŋ kuwa ka sìngà maŋ keì titi bà koɓɛ̀ wo Kànà Gbèè wɔŋ fùɔ̀ŋ anyùùŋ Luùm nyaŋ e nyaàiŋ dè wo felaa wɛɛ̀. Weètii mìŋ nauŋ hìɛ̀ŋ ko fɛ̀ɛ̀fèìŋ nyɛ̀iŋ nààŋ gbiŋ, kɛɛ ɓɔɔɓɔɔ, wo Kanaà Àgulepɔ̀. Sèè è kpɛɛyɛ̀ìŋ e keì lɛɛ̀ tùàŋ maŋ nɔnɔŋ, kɛ̀ kà kɛ̀ɛ̀nɛ̀ŋ e nɛ̀ŋ bà wèè ka sìngà.

Nyɛ̀nɛ̀ŋ 26:1

Wo Àgulepɔ̀ naŋ wòò wo pɔɔ̀ wààŋ, “Màŋ naàŋ ɓɛ̀nɛ̀ŋ gbòa wèè muàŋ bi.”

Nyɛ̀nɛ̀ŋ 26:19

Wo Pɔɔ̀ naŋ ɓɛìŋ woò wààŋ, “Nààŋ è yaà lɛ, Kanaà Àgulepɔ̀, miŋ gò wa gììyà è gɔ̀à gò jɛ̀ì lɛɛ̀ màŋhɛɛ e yìwìà kò àìjɛnɛ̀ŋ.

Nyɛ̀nɛ̀ŋ 26:26

Maŋ keì mɛɛ̀ŋ bà gbiŋ gò kààìŋ kò zɔ̀nù kòɓɛ̀ bà. Mìŋ naŋ haawè kɛ̀ wo Kanaà Àgulepɔ̀ nyìmàŋ e yèɛ mìŋ yaà woo lɛ̀. Wèè esaɓù lɛɛ̀ mìŋ gboo ko nɛ̀ɛ̀ŋ muìŋ janyai.

Nyɛ̀nɛ̀ŋ 26:3

ɓɔɔɓɔɔ ngèè màŋ nyìmàŋ e zimgbe niŋ e nyaàiŋ dè e làngì zòòlo aŋ Juùù nyaŋ yaà maŋ hààwe màŋ naŋ gòònò tɛɛ màŋ. Weètii mìŋ manaŋ maim kumiàŋ tɛ̀ɛ̀ ke jii tɔumtɔ̀ùm sùà.

Nyɛ̀nɛ̀ŋ 26:7

Maŋ zìì ɗì zììyà jɛ̀wɛ̀ tìyèe wi màŋ zoolà maŋ e dùùm yèè maŋ gɔɛɛ ke jii tùlia sùà wèè aŋ yɛmɛ̀ kɛ̀ e ɗààhiìɛ wo Dayà naŋ wa jɔ̀ɔ̀ lɛ e hɛɛnɛ̀ŋ, e kìlà wèè ke jìì tùlìà guùŋ yɛɛ̀, Kanaà Àgulepɔ̀, aŋ Juùù nyaŋ naim gbùwò maŋ keì ɗì.