Nyɛ̀nɛ̀ŋ 26:17 - WƆŊ FƐ̀Ì EBÒ SÌÀŊ DAYÀA

¹⁷ Mìŋ doum nàŋ joeyè e yìwìà aŋ Juùù nyaŋ sìwè, anyùùŋ muàŋ bi nyàŋ, yèè e yìwìà anyùùŋ nyaŋ fè àŋ Juùù nyaŋ. Ko nɛ̀ɛ̀ŋ nyiŋ niìŋ mìŋ doiŋ nàŋ tùɔ̀ŋ.

Nyɛ̀nɛ̀ŋ 26:17 ပူးပေါင်းရင်းမြစ်များ

Nyɛ̀nɛ̀ŋ 13:50

Kɛɛ anyùùŋ gbèègbèè aŋ Juùù nyaŋ naŋ kɔ̀ koɓɛ̀ aŋ kpàkòò ɓììɓìì nyaŋ bà ko jawaì yèè aŋ jɔùŋ kɛ̀ɛ̀nɛ̀ŋ ɓɛ̀ɛ̀jàa nyàŋ bà aŋ yè nyaŋ fè àŋ Juùù nyaŋ kɛɛ àŋ zoolà Dayà nyaŋ, yèè àŋ naŋ nyiŋ nyɛ̀nɛ̀ŋ aŋ kɛ̀ɛ̀nɛ̀ŋ maŋ jii fiìì wèè wo Pɔɔ̀ yèè wo Bànaŋɓà, yèè aŋ naŋ nyiŋ nimilà, e nɔ̀ŋ esaɓù aŋ nyiŋ nyìmàŋ aŋ nyiŋ gè maŋ tàta miiŋ wɔŋ fuɔɔ̀ŋ sùà.

Nyɛ̀nɛ̀ŋ 16:39

Yèè àŋ naŋ kɔ̀ aŋ nyiŋ hùmàŋ hakɛ̀. Kpeiŋ àŋ naŋ nyiŋ gè ko sààŋ nyìwìi yèè àŋ naŋ nyiŋ dawè wèè aŋ yèwà ko jawa gbeeì.

Nyɛ̀nɛ̀ŋ 17:10

Wɔŋ dùùm guùŋ wiiŋ anyuùŋ hààwe nyàŋ naŋ tùɔ̀ŋ wo Pɔɔ̀ yaà wo Silà ko Bɛ̀lià. Yèè nààŋ àŋ nao haì, àŋ naŋ kɔ̀ ko sààŋ zòòlò aŋ Juùù nyaŋ.

Nyɛ̀nɛ̀ŋ 17:14

Ko fɛɛ̀feìŋ anyuùŋ hààwe nyàŋ naŋ tùɔ̀ŋ wo Pɔɔ̀ wɔŋ juwoɔ̀ kɔɔ, kɛɛ wo Silà yaà wo Timetè naŋ wa jòò ko Bɛ̀lià.

Nyɛ̀nɛ̀ŋ 18:10

Kòò mìŋ yààùm maŋjɛ̀wɛ, wo nyùùŋ gbiŋ naàum gbùwò kè gùuŋ wèè woum nɛɛmùŋ, esaɓù anyùùŋ nyaŋ zimgbe nyiŋ ko jawa gbee àŋ yaà anyunùim.”

Nyɛ̀nɛ̀ŋ 25:3

wo kpuumàŋ nyiŋ wo nyɛ̀nɛ̀ŋ esaɓù wo Pɔɔ̀ wo ka ko Jùlusɛ̀làm, fòfoo àŋ naŋ wa ɗewè wèè auŋ jìwìà ko dòmaìŋ sèè wò nɔ̀ŋ kɔɔyɛ.

Nyɛ̀nɛ̀ŋ 28:28

Wo Pɔɔ̀ naŋ kpɛ̀ɛ̀yɛ̀ gbòa wààŋ, “Nyìmaìŋ kɛ̀ wo Dayà manaŋ wo jòèyè anyùùŋ nyaŋ fè àŋ Juùù nyaŋ! E kìlà àŋ do nàŋ jàà maŋ nùŋ dìì aŋ kumiàŋ tɛ̀ɛ̀.” [

Nyɛ̀nɛ̀ŋ 9:15

Kɛɛ wo Kanaà naŋ wòò wo Ananaayà wààŋ, “Kɔ̀ào, esaɓù kɛ̀ kàuŋ tàeɗùù wèè wo koà ke mìè gbìàŋ Ebò Siaŋ mɛ̀ koɓɛ̀ anyùùŋ nyaŋ fè àŋ Juùù nyaŋ yaà aŋ kànà fuɔŋ nyàŋ e kpùlìà aŋ Juùù nyaŋ nyiŋ bi, aŋ jɔ̀à kòmàŋ Ezɔ̀ɛ̀ nyaŋ.

Luùm 11:13

Mìŋ yaà naàŋ gbùùyè ko nɛ̀ɛ̀iŋ niìŋ nyɛ̀iŋ nààŋ nyùùŋ nyaŋ fè àŋ Juùù nyaŋ. Mìŋ yaà wo keela tàeɗùù ko nɛ̀ɛ̀iŋ niìŋ. Mìŋ naŋ gè wo Dayà sɛ̀ wèè e tòmoɛ̀ wò naim kiɛ̀ŋ wèè ka nyɛ̀nɛ̀ŋ lɛ.

Luùm 15:16

Wò naim wa tàeɗùù wèè ka nɔ̀ŋ ɓɔìjɔ̀à tòmo wèè Jisɛ̀ Kulaì anyùùŋ nyaŋ fè àŋ Juùù nyaŋ tɛɛ, e kìlà wèè ka nyɛ̀nɛ̀ŋ e tòmo mààŋ wo sìèfèìŋ zòòlo, nààŋ mìŋ wòò ke mìè gbìàŋ Ebò Siauŋ nɛ̀, wèè e nyɛ̀nɛ̀ŋ wo jàà anyùùŋ nyaŋ fè àŋ Juùù nyaŋ naŋ hààwè Jisɛ̀ nyaŋ kùàŋ dìì. Àŋ do nàŋ nɔ̀ŋ mààŋ e nɛ̀ŋ kìɛŋ koɓɛ̀ Dayài e yèɛ àŋ naŋ jàà e ɓula ko nɛ̀ɛ̀uŋ niìŋ e yìwìà wo Jìnàŋ Nɛɛmaàŋ.

Gàla 2:9

Wo Jìiiŋ, wo Pììlɛ, yàà wo Jɔ̀ɔŋ, aŋ yè nyaŋ yaà wa mààŋ aŋ sìèfeìŋ ke gbòò anyuùŋ hààwe nyàŋ, naŋ wa nyìmè kɛ̀ wo Dayà naŋ wi kìɛ̀ŋ e dɛ̀ɛ̀kɛ titi lɛɛ̀, yèè àŋ naŋ wi hɔ̀ɔ̀ kùàŋ sìwè yàwi Bànaŋɓà, wèè e tɔɔ̀ kɛ̀ yàwi nààŋ gbiŋ è yààìŋ anyùùŋ guùŋ. Yàwi Bànaŋɓà naŋ wa nyimèè wèè e tòòmò anyùùŋ nyaŋ fè àŋ Juùù nyaŋ tɛɛ e kìlà anyuùŋ gbànaŋ nyàŋ aŋ tòòmò aŋ Juùù jàà kpùa nyaŋ tɛɛ.

1Time 2:7

yèè wèètii wo Dayà naim tùɔ̀ŋ wèè ka nɔ̀ŋ wo keela tàeɗùùuŋ nɔɔ̀ŋ bà, yèè wo kààmɔɔŋ koɓɛ̀ anyùùŋ nyaŋ fè àŋ Juùù nyaŋ, wèè ka dàànè ebò ke mìè gbìaŋ e hààwe yaà e tɔ̀ɔ̀nyaàaŋ. Miŋ fè tòaà sùà, mìŋ yààìŋ wòò sùà e tɔ̀ɔ̀nyaàaŋ.

2Time 1:11

Wo Dayà naim nyɛ̀nɛ̀ŋ wo keela tàeɗùù, yèè wo kààmɔɔŋ wèè ka dàànè Ebò Siaàŋ.

2Time 3:11

Màŋ nyìmàŋ maŋ keì nyìnga màŋ yaà e mɔ̀ɔ̀nɛɛ̀ŋ gbiŋ mìŋ naŋ kɔ̀ dìì ko Aŋtiɔ̀, ko Ìkɔniɔ̀ŋ, yaà ko Lesità maŋ, yèè maŋ keì mèè nyìnga màŋ naim kaaìŋ maŋ. Kɛɛ wo Kanaà naim joeyè woim gè màŋ gbiŋ sùà.