Nyɛ̀nɛ̀ŋ 26:14 - WƆŊ FƐ̀Ì EBÒ SÌÀŊ DAYÀA

¹⁴ Yàwi nààŋ gbiŋ naŋ sɔ̀ɔ̀ ko dììnaŋ, yèè mìŋ naŋ kòmò ke mìè nyùùŋ kè naim woò e Hiɓulù mieɛ̀ sùà wààŋ, ‘Sɔɔ̀, Sɔɔ̀, wèè kiìŋ mùŋ yààìm nìmila sùà? È yaà e kèì ɓàaɓàa wèè maim sumiàŋ!’

Nyɛ̀nɛ̀ŋ 26:14 ပူးပေါင်းရင်းမြစ်များ

Nyɛ̀nɛ̀ŋ 21:40

Wo kànà aŋ kààlòòɗùà nyaŋ nauŋ gè nyààŋ diɛŋ wèè wò gbòà, yèè wo Pɔɔ̀ naŋ sìè ke kùù kɛinyɛɛ̀ŋ diɛŋ wèè ko saaìŋ yèè wò naŋ mɛ̀ɛ̀mɛ̀ɛ̀ŋ maŋ kùàŋ koɓɛ̀ anyùùŋ nyaŋ. Nààŋ àŋ naŋ wa nɔ̀ŋ dìì tɔ̀ɔ̀ùŋ, wo Pɔɔ̀ naŋ gbòò ko nɛ̀ɛ̀ŋ nyiŋ niìŋ e Hiɓulù mieɛ̀ sùà, wɔŋ kàìŋ aŋ Hiɓulù nyaŋ.

Nyɛ̀nɛ̀ŋ 22:2

Nààŋ àŋ naŋ wa kòmò wo Pɔɔ̀ yaà gbùùyè ko nɛ̀ɛ̀ŋ nyiŋ niìŋ e Hiɓulù mieɛ̀ sùà, àŋ naŋ nɔ̀ŋ dìì tɔ̀ùŋ.

Nyɛ̀nɛ̀ŋ 26:13

È yaà wa ebɛ̀ŋ gɔɛɛ hàì ɗìò tɛɛ, oo Kanaà, yèè mìŋ naŋ yɛ̀mɛ̀ e gbolòùŋ, kɛɛ è mɛɛŋ e nìàŋ e gɔɛɛ̀, e yìwìà ko àìjɛnɛ̀ŋ eim dè e kpùlìà anyùùŋ nyaŋ yààìm wa kààìŋ maŋjɛ̀wɛ nyàŋ.

Nyɛ̀nɛ̀ŋ 26:15

Yèè mìŋ naŋ Dawè mìàŋ, ‘Ɓòò nàŋ yààùm, Kanaà?’ Yèè wo Kanaà naŋ woò wààŋ, ‘Miàŋ nàŋ yaà wo Jisɛ̀ wo yèɔ mùŋ yaà nìmila sùà wɔ.

Nyɛ̀nɛ̀ŋ 9:7

Anyùùŋ nyaŋ yaà wa kààìŋ wo Sɔɔ̀ maŋjɛ̀wɛ nyàŋ naŋ wa sie, kɛɛ maŋ nyaàŋ nyiŋ màŋ naŋ wa suo kpaŋ, àŋ naŋ wa kòmò ke mìè nyùùŋ, kɛɛ aŋ gò wa yɛ̀mɛ̀ wò nyùùŋ gbiŋ.

1 Kɔliìŋ 10:22

È doiŋ nàŋ nyɛ̀nɛ̀ŋ wo Kanaà wo gè le koo sèè è nyɛ̀nɛ̀ìŋ tɛɛ̀. È gongàìŋ kɛ̀ èiŋ nyìngà sùà èiŋ wuŋ nìàŋ?