Nyɛ̀nɛ̀ŋ 26:13 - WƆŊ FƐ̀Ì EBÒ SÌÀŊ DAYÀA

¹³ È yaà wa ebɛ̀ŋ gɔɛɛ hàì ɗìò tɛɛ, oo Kanaà, yèè mìŋ naŋ yɛ̀mɛ̀ e gbolòùŋ, kɛɛ è mɛɛŋ e nìàŋ e gɔɛɛ̀, e yìwìà ko àìjɛnɛ̀ŋ eim dè e kpùlìà anyùùŋ nyaŋ yààìm wa kààìŋ maŋjɛ̀wɛ nyàŋ.

Nyɛ̀nɛ̀ŋ 26:13 ပူးပေါင်းရင်းမြစ်များ

Maafiù 17:2

Nààŋ anyùùŋ màŋjɛ̀wɛ̀ nyaŋ yàaùŋ wa yɛɛmɛ, e nɔ̀ŋ kìì Jisɛ̀ɛ naŋ wa kìlè. Wɔŋ dewàuŋ nɔɔ̀ŋ yaà mɛ̀ɛ̀ŋ sùà mààŋ e gɔɛɛ̀, yèè maŋ dèè kɔɔuŋ màŋ naŋ fòò pepe, e nìàŋ maŋ yè maŋ wo nyùùŋ kpùùŋ ɗuunyaŋ naŋ weè ɓɛ̀nɛ̀ŋ sòa màŋ e ɗuunyaàŋ dìì.

Nyɛ̀nɛ̀ŋ 22:6

Wo Pɔɔ̀ naŋ ɓɛìŋ woò wààŋ, “Nààŋ mìŋ yaà wa kaaiŋ yèè mìŋ yaà hinie e gbɛ̀ɛ̀ ko Dàmakɔ̀, ebɛ̀ŋ e gɔɛɛ hàì dìò tɛɛ e hmɔɔ̀ŋ mɛ̀ɛŋ e yìwìà ko àìjɛnɛ̀ŋ naim dè fiò eim gbàì kɔɔ gbòlòuŋ.

Nyɛ̀nɛ̀ŋ 22:9

Àŋ felaa nyàŋ yààìm wa kɔɔ nyàŋ naŋ yɛ̀mɛ̀ e gbolòùŋ mɛ̀ɛɛ̀ŋ, kɛɛ àŋ gò wa kòmàŋ kè mìè wò nyùnɔ̀ɔŋ yà wa gbùùyè kò nɛ̀ɛ̀ŋ miìŋ wɔ̀.

Nyɛ̀nɛ̀ŋ 26:12

Wo Pɔɔ̀ naŋ ɓɛìŋ woò wààŋ, “E wèè esaɓù lɛɛ̀ mìŋ naŋ wa kɔ̀ ko Dàmakɔ̀ e yìwìà e gààaŋ aŋ kànà sìèfèìŋ zòòlo nyàŋ naim wa kiɛ̀ŋ lɛ.

Nyɛ̀nɛ̀ŋ 26:14

Yàwi nààŋ gbiŋ naŋ sɔ̀ɔ̀ ko dììnaŋ, yèè mìŋ naŋ kòmò ke mìè nyùùŋ kè naim woò e Hiɓulù mieɛ̀ sùà wààŋ, ‘Sɔɔ̀, Sɔɔ̀, wèè kiìŋ mùŋ yààìm nìmila sùà? È yaà e kèì ɓàaɓàa wèè maim sumiàŋ!’

Nyɛ̀nɛ̀ŋ 9:3

Nààŋ wo Sɔɔ̀ yaà wa naàŋ hinie wò naŋ gbɛ̀ɛ̀ ko Dàmakɔ̀, e gbolòùŋ mɛ̀ɛŋ gbee nauŋ dè e yìwìà ko àìjɛnɛ̀ŋ euŋ gbàì kɔɔ gbòlòùŋ.

Maŋ kèì nyɛɛnɛŋ 1:16

Wò kuwa wa maŋ ɗù nɔɔnɔŋ le tìyèe ko sìwè wɔŋ kùàŋ jìkauŋ nɔɔ̀ŋ, yèè e kòyà ɗùà maŋ nyààŋ tìyèe nauŋ fòlò ko nyààŋ. Wɔŋ dewàuŋ nɔɔ̀ŋ mɛɛŋ wa mààŋ e gɔɛɛ hàì ɗìò tɛɛ.

Maŋ kèì nyɛɛnɛŋ 21:23

Ko jawa gbeeì, esaɓù bà fè wa wèè è gɔɛɛ̀ ɔ̀ɔ̀ wɔ̀ŋ wààa mao dè, fòfoo e jòòwò Dayàa nàŋ mɛɛŋ ko jawaì, e kìlà wo Ɓaawaaà nàŋ yaà e laumpòɛ wèè ko jawa gbeeì.