Nyɛ̀nɛ̀ŋ 26:10 - WƆŊ FƐ̀Ì EBÒ SÌÀŊ DAYÀA

¹⁰ Mìŋ naŋ wa tɛɛ̀ nyɛ̀nɛ̀ŋ ko Jùlusɛ̀làm kuŋ jiɛ̀. Aŋ kànà sìèfèìŋ zòòlo nyàŋ naim wa kìɛ̀ŋ e gààaŋ wèè ka gbìàŋ anyùùŋ nɛɛmaŋ nyàŋ zimgbe nyiŋ ko sààŋ nyìwì. E kìlà mìŋ naŋ wa nyɛ̀nɛ̀ŋ aŋ yɛ̀mɛ̀ fàa.

Nyɛ̀nɛ̀ŋ 26:10 ပူးပေါင်းရင်းမြစ်များ

Nyɛ̀nɛ̀ŋ 7:58

auŋ gɔ̀ɛ̀ɛ̀ dìì auŋ gè ko jawa gbeeì yèè àŋ nauŋ tɔ̀ɔ̀tù hɔ̀wa. Aŋ sèì nyaŋ naŋ wa gè maŋ kùmà gbeegbèè nyiŋ màŋ yèè àŋ naŋ miŋ jùùyè wo kɔmɔŋjɔa bɔwɔ bà aŋ nyaaŋ wo Sɔɔ̀.

Nyɛ̀nɛ̀ŋ 8:1

Wo Sɔɔ̀ naŋ wa nyimèè wèè aŋ jìwà wo Siiwììŋ. Ke ɗɔ̀ɔ̀ guùŋ bi diɛŋ ke gbòò anyuùŋ hààwe nyàŋ naŋ wa tɔ̀ɔ̀tù e nimilà kùwa ko Jùlusɛ̀làm. Anyuùŋ hààwe nyàŋ gbiŋ, eɓìèmaŋjɛ̀wɛ̀ aŋ keela tàeɗùù nyaŋ, naŋ wa dùɔ̀ŋ aŋ ɓààyè maŋ tàta màŋ sùà wɔŋ fùɔ̀ŋ Jùdiàa sùà yèè ko Sàmilià.

Nyɛ̀nɛ̀ŋ 8:3

Kɛɛ wo Sɔɔ̀ naŋ tɔ̀ɔ̀tù ke gbòò anyuùŋ hààwe nyàŋ nìmila. Wò yaà wa jɔ̀à sùà maŋ saaŋ màŋ dìì guùŋ guùŋ, wò kuwo aŋ felaa yèè aŋ jɔùŋ wò deke, yèè wò gbìɛ̀ŋ nyìŋ ko sààŋ nyìwì.

Nyɛ̀nɛ̀ŋ 9:21

È naŋ wa fòònò anyùùŋ nyaŋ gbiŋ nauŋ wa kumiè nyaŋ yèè àŋ naŋ dawè nyààŋ, “Wɛɛ̀ nààŋ fè wò felaaà yaà wa nìmìla sùà ànyùùŋ nyaŋ yaà wa zòòlò sùà è dèè Jisɛ̀ɛ diɛŋ kò Jùlusɛ̀làm wɔ? Yèè e kèì guùŋ bi nààŋ wo gò hnàŋ nyinie, wèè wo nyiŋ kùwà yèè wo nyiŋ kòà koɓɛ̀ wo kànà sìèfèìŋ zòòlo gbeeɔ̀?”

Nyɛ̀nɛ̀ŋ 9:26

Yèè nààŋ wo Sɔɔ̀ naŋ wa hàì ko Jùlusɛ̀làm, wò naŋ wa kàmè ɗewe wèè wo sɛ̀ɛ̀ ke gbòò anyùùŋ màŋjɛ̀wɛ̀ Jisɛ̀ nyaŋ sùà. Kɛɛ e jùùɛ yaà wa aŋ gbiŋ e weèuŋ, esaɓù kɛ̀ aŋ gò wa haawè kɛ̀ wò yaà wa wò nyùùŋ màŋjɛ̀wɛ̀ɔ bà guùŋ.

Nyɛ̀nɛ̀ŋ 9:32

Kpeiŋ nààŋ wo Pììlɛ yaà wa kɔ̀ɔ̀yɛ̀ maŋ tàta màŋ sùà, wò naŋ wa jààmè anyùùŋ nɛɛmaŋ nyàŋ hewa jòò ko jawaì àŋ nyaaŋ ko Leɗià.

Nyɛ̀nɛ̀ŋ 9:41

Wo Pììlɛ nauŋ kùwò kùàŋ wouŋ kpuumàŋ wo yèwà dìì wo sie. Wò naŋ nyààŋ aŋ jɔ̀ùnèèdàà nyaŋ yèè anyuùŋ hààwe gbànaŋ nyàŋ ko saaìŋ yèè wò naŋ nyiŋ kìɛ̀ŋ wo Dɔkà wɔŋ nyiiŋ gèe sùà.

1 Kɔliìŋ 15:9

Miàŋ nàŋ yaà wo keela tàeɗùù tòloòɔ aŋ keela tàeɗùù nyaŋ sùà, miŋ fè tɛ̀ɛ̀ wèè aim nyààŋ wò keela tàeɗùù, esaɓù kɛ̀ mìŋ naŋ ɓùlò anyùùŋ e yìwìà ke gbòò anyuùŋ hààwe Dayà nyaŋ sùà.

Gàla 1:13

Nàŋ nyìmàŋ e ɗeweɛ̀ mìŋ yaà wa wɔŋ nyiiŋ gèe miɔ̀ŋ sùà mààŋ wo Juùù nyuùŋ lɛ̀. Miŋ gò wa kɛ̀ɛ̀nɛ̀ŋ kè nyowo wèè anyuùŋ hààwè Dayà nyaŋ, yèè mìŋ hewa kàmè e ɗeweɛ̀ gbiŋ mìŋ naŋ ɓɛnɛ̀ŋ lɛ wèè ka nyiŋ nimilà.

Ɛfesɔ̀ 1:1

E yìwìà miàim Pɔɔ̀ sìwè, wo yèɔ yaà wo keela tàeɗùù wèè Kulaì Jisɛ̀ esàɓù e kèè jìì Dayàa sùà wɔ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nɛɛmaŋ nyàŋ kuwa maŋ jii tùlia maŋ nyiiŋ gèe nyiŋ màŋ sùà àŋ yaà aŋ bà nyiŋ bà Jisɛ̀ Kulaì sùà ko Ɛfesɔ̀ nyaŋ.

Maŋ kèì nyɛɛnɛŋ 17:6

Mìŋ naŋ wa yɛmɛ̀ kɛ̀ maŋ mùàŋ naŋ wa kùwò wo nìeɔ̀ e yìwìà maŋ sɛ̀ìŋ anyùùŋ nɛɛmaŋ nyàŋ yèè maŋ sɛ̀ìŋ anyùùŋ nyaŋ àŋ naŋ wa jìwè nyaŋ, esaɓù kɛ̀ àŋ yaà wa aŋ seì yèè àŋ naŋ kìɛ̀ŋ maŋ nyiiŋ nyiŋ màŋ wèè Jisɛ̀. E teengaà mìŋ nauŋ wa yɛmɛ̀ lɛ, è naim wa foonò kpɛlɛmɛɛŋ.