Nyɛ̀nɛ̀ŋ 25:8 - WƆŊ FƐ̀Ì EBÒ SÌÀŊ DAYÀA

⁸ Kpeiŋ wo Pɔɔ̀ naŋ sie yèè wò naŋ gbaì wèè wuŋ bi wààŋ, “Miŋ gò pɔ̀ɔ̀ màŋ Sàwà Dayà maŋ, maŋ yè maŋ yaà wèè yàwi nààŋ Juùù nyaŋ. Miŋ gò nyɛ̀nɛ̀ŋ è keì naanààŋ gbiŋ è yèɛ naŋ tɔ̀ɔ̀ è ɓɛ̀ɛ̀pɔ̀ɔ kòɓɛ̀ kè Saaŋ Zòòlò Dayài ɔ̀ɔ̀ koɓɛ̀ Siisɔ̀i, wo Kànà anyùùŋ fùɔ̀ŋ Luùm nyaŋ.”

Nyɛ̀nɛ̀ŋ 25:8 ပူးပေါင်းရင်းမြစ်များ

Nyɛ̀nɛ̀ŋ 23:1

Wo Pɔɔ̀ naŋ yɛ̀mɛ̀ anyùùŋ gbèègbèè aŋ Juùù nyaŋ dìiiŋ yèè wò naŋ woò wààŋ, “Wùìyaim nyàŋ, e gòngo mɛ̀ è yaà zɛ̀nɛŋ niŋ janjai e ɗeweɛ̀ mìŋ naŋ nyɛ̀nɛ̀ŋ wɔŋ nyiiŋ gèe siaŋ miɔ̀ŋ wo Dayà fɛɛ̀feìŋ lɛ e jèèsùà e hàì ke ɗɔɔ yɛɛ̀ nàaŋ.”

Nyɛ̀nɛ̀ŋ 24:12

Aŋ Juùù nyaŋ gòim mɛɛ̀ŋ yàwi nyùùŋ gbiŋ è doò nɔ̀ŋ kpaane kpaane kò Saaŋ Zòòlò Dayài. Miŋ gò dàà è gbɔ̀ɔ kò sààŋ zòòlò aŋ Juùù nyaŋ ɔ̀ɔ̀ ko Jùlusɛ̀làm, ko jawa gbeeì.

Nyɛ̀nɛ̀ŋ 24:14

Kà nyimèè kɛ̀ aŋ màmàŋkùmɛŋ nyiŋ nyàŋ gongà kɛ̀ ke Dòmàŋ Kanaà mìŋ naŋ dè maŋjɛ̀wɛ yɛ̀ ke fè kè dòmaŋ kɛnɛɛ̀. Kɛɛ wo Dàyà gunɔ̀ɔŋ nɔŋ aŋ nèwàènèweim nyàŋ zoolà wɔ̀ wuŋ nɔŋ mìŋ zoolà. Mìŋ naŋ hààwè e yèɛ gbiŋ yaà sìnga niŋ maŋ Sàwà maŋ wo Dayà naŋ wa kìɛ̀ŋ wo Mòòze màŋ sùà yèè e yèɛ aŋ wɛ̀ijì nyaŋ naŋ woò lɛ.

Nyɛ̀nɛ̀ŋ 24:6

Wò naŋ ngèè ɓɛìŋ kàmè ɗewe wèè wo hiàŋ e ɓɛ̀ɛ̀pɔ̀ɔ ko Saaŋ Zòòlò Dayài, yèè è nauŋ kùwò. [È naŋ ɗewè wèè euŋ gbaì nààŋ maŋ sàwà yàwi bi màŋ naŋ tɔɔ̀ lɛ,

Nyɛ̀nɛ̀ŋ 25:10

Wo Pɔɔ̀ naŋ fasàì wààŋ, “Mìŋ yaà kɔ̀ɔ̀yɛ̀ e gbài dìì ko sààŋ sàwà kanaà Siisɔ̀, wo Kànà anyùùŋ fùɔ̀ŋ Luùm nyaŋ, yèè kuŋ è naŋ tɛɛwɛ̀ wèè aim gbaì. Màŋ nyìmàŋ fo kɛ̀ kòò mìŋ nyɛ̀nɛ̀ŋ è keì naanààŋ gbiŋ è yèɛ do nàŋ dàà kè kpùùnɛɛ̀ kòɓɛ̀ wɔ̀ŋ fùɔ̀ŋ àŋ Juùù nyaŋ.

Nyɛ̀nɛ̀ŋ 28:17

Maŋ ɗɔ̀ɔ̀ taai naŋ màànààŋ è naiŋ hàì ko Luùm, yèè wo Pɔɔ̀ naŋ nyààŋ aŋ ɓɛ̀màŋɗì aŋ Juùù nyaŋ bà wò naŋ nyiŋ woò wààŋ, “Wùìyaim nyàŋ, kòò mìŋ nyɛ̀nɛ̀ŋ wa è keì gbiŋ è do hìàŋ kè jii mɔ̀ɔ̀nɛ̀ŋ kòɓɛ̀ ànyunùim nyàŋ, kòò mìŋ fè màŋ sàwà àŋ nèwàènèwe wi nyàŋ jɛwɛ kè ɗɔ̀ɔ̀ guùŋ pɛɛ. Kɛɛ anyuùŋ wi nyàŋ ko Jùlusɛ̀làm naim kìlè koɓɛ̀ e kànà wɔŋ fùɔ̀ŋ anyùùŋ Luùm nyaŋ e pèesìnàŋ dìì.

Nyɛ̀nɛ̀ŋ 28:21

Yèè àŋ naŋ wòò wo Pɔɔ̀ nyààŋ, “Kòò è yɛ̀mɛ̀ìŋ wɔ̀ŋ fɛi gbiŋ e yìwìà ko Jùdià è nyaàìŋ eum dè, yèè aŋ wùìya wi nyàŋ kinɛiŋ yaà kià hinie nyàŋ bà gbiŋ kòò wò wòò wì è kiium, ɔ̀ɔ̀ wo wòò è keì naanààŋ weèum.

2 Kɔliìŋ 1:12

E zɔlɔ̀ naŋ wi dìè jii, esaɓù kɛ̀ e gòngo wilɛ̀ è wi nyɛ̀nɛ̀ŋ è nyìmàŋ kɛ̀ maŋ kpèè wi màŋ e nyaàiŋ de manɛ̀ŋ maŋ wɔŋ nyiiŋ gèe wiɔ̀ sùà e ɗuunyaŋ lɛɛ̀, kaikai ngèè e mɔ̀ɔ̀nɔɛ̀ŋ yèè e jìlɛɛ̀ŋ yaà wì e fèemàŋ yàwiiŋ nɛ̀, è yaà e gààŋ nɛ̀ɛ̀màŋ Dayàa dìì. E gò e yìwìà è jììkɛ̀ɛ̀ nyuùŋkpùuŋ sùà.