Nyɛ̀nɛ̀ŋ 25:7 - WƆŊ FƐ̀Ì EBÒ SÌÀŊ DAYÀA

⁷ Nààŋ wo Pɔɔ̀ naŋ hnè ko fɛɛ̀feìŋ, aŋ Juùù nyaŋ nao wa kɔ̀ nyaŋ e yìwìà ko Jùlusɛ̀làm naŋ sie yèè àŋ naŋ gbùwò maŋ keì zimgbe wo Pɔɔ̀ ɗì maŋ yè maŋ aŋ fè wa ɓɛ̀nɛ̀ŋ tɔ̀ɔ janyai è tɔ̀ɔ̀nyaàŋ sùà wèè maŋ nɔ̀ŋ kɛ̀ sɔ̀uŋ.

Nyɛ̀nɛ̀ŋ 25:7 ပူးပေါင်းရင်းမြစ်များ

Maafiù 15:1

Kpeiŋ aŋ Fɛlosiì nyaŋ yaà aŋ kààmɔ̀ɔ̀ŋ maŋ Sàwà Dayà nyaŋ bà, naŋ yìwìè ko Jùlusɛ̀làm àŋ naŋ hnè koɓɛ̀ Jisɛ̀i yèè àŋ nauŋ dawè nyààŋ,

Luù 23:10

Kpeiŋ aŋ kànà sìèfèìŋ zòòlo nyàŋ yèè aŋ kààmɔ̀ɔ̀ŋ maŋ Sàwà Dayà nyaŋ naŋ sie yèè àŋ naŋ gbùwò wo Jisɛ̀ maŋ keì naanààŋ zimgbe ɗi.

Luù 23:2

Yèè àŋ nauŋ tɔ̀ɔ̀tù e keì jàà ɗì nyààŋ, “È naiŋ kùwò wo felaa wɛɛ̀ wò yaà dè sùà anyuùŋ wi nyàŋ ke dòmaŋ naanààŋ diɛŋ. Wò naŋ nyiŋ woò wààŋ kɛ̀ ɓɔ̀ àŋ paawà è nɛ̀ɛ̀nɛ̀ŋ fuɔŋ kòɓɛ̀ Siisɔ̀i, wo Kànà anyùùŋ fùɔ̀ŋ Luùm nyaŋ. Wò naŋ ɓɛìŋ ɓèmè wuŋ bi wèè wo nɔ̀ŋ wo Kulaìɔ, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo kana wiɔ̀.”

Nyɛ̀nɛ̀ŋ 21:28

Kpeiŋ àŋ naŋ tɔ̀ɔ̀tù kpàaŋ nyààŋ, “Nyɛ̀iŋ nààŋ nyùùŋ Ezɔ̀ɛ̀ nyaŋ, kìɛìŋ e kpùùmaŋ! Wo felaa wɛɛ̀ nàŋ yaà kàà sùà anyùùŋ nyaŋ gbiŋ maŋ tàta màŋ sùà kɛ̀ aŋ fè anyuùŋ wi nyàŋ jɛwɛ e kìlà ɓɔ̀ àŋ jɔɔlɔ̀iŋ maŋ Sàwà maŋ wo Dayà naŋ kìɛ̀ŋ Mòòze màŋ dìì; eɓìèmàŋjɛ̀wɛ̀ tii, wò naŋ hìɛ̀ŋ anyùùŋ nyaŋ fè àŋ Juùù nyaŋ wo nyiŋ jɔ̀ɔ̀yɛ̀ ko Saaŋ Zòòlò Dayài, yèè wò gè e ɓɛ̀ɛ̀jàa zɛ̀nɛɛ̀ŋ ko zòòlò nɛɛmaŋ yaà!”

Nyɛ̀nɛ̀ŋ 24:13

Aŋ kuwà kè dòmàŋ tɔ̀ɔ̀nyaàŋ gbiŋ janyai wèè màŋ keì mɛɛ̀ŋ àŋ yààìm yaà gbùwà sùà ɗì maŋ.

Nyɛ̀nɛ̀ŋ 25:24

yèè wo Fɛtɔ̀ naŋ woò wààŋ, “Kanaà Àgulepɔ̀ yèè nyɛ̀iŋ nààŋ gbiŋ e dèène lɛɛ̀ sùà, yɛ̀mɛìŋ wo felaa wɛɛ̀! Aŋ Juùù nyaŋ gbiŋ e yìwìà ko Jùlusɛ̀làm yèè ko Sesèlià àŋ hnàŋ ko nɛ̀ɛ̀ŋ miìŋ, yèè àŋ naŋ kpààŋ nyààŋ aŋ manàŋ wò do nɔ̀ŋ wɔ̀ŋ nyiiŋ gèeɔ̀ sùà.

1Tɛsè 2:16

Àŋ naŋ ngèè pɛɛ fɛ̀ɛ̀ wèè aŋ wi kìlìà kùàŋ feìŋ wèè e goiŋ nàŋ wòò ke miè gbìaàŋ kòɓɛ̀ ànyùùŋ nyaŋ fè àŋ Juùù nyaŋ, wèè aŋ yɛ̀mɛ̀ è jòèye. E ɗewe lɛɛ̀ sùà, àŋ hàì ko dìà maŋ jùumù nyiŋ màŋ gbiŋ àŋ naŋ wa dè nyɛ̀nɛŋ màŋ. Wèètii e nìmìlà Dayàa è nyiŋ dèyà diɛŋ.