Nyɛ̀nɛ̀ŋ 25:4 - WƆŊ FƐ̀Ì EBÒ SÌÀŊ DAYÀA

⁴ Kɛɛ wo Fɛtɔ̀ naŋ nyiŋ woò wààŋ, “Wo Pɔɔ̀ do nàŋ nɔ̀ŋ ko Sesèlià, esaɓù kɛ̀ miàŋ bì mìŋ doo nàŋ kɛɛ̀ e teenga kpuu sùà.

Nyɛ̀nɛ̀ŋ 25:4 ပူးပေါင်းရင်းမြစ်များ

Nyɛ̀nɛ̀ŋ 24:23

Wò naŋ wòò wo nyùùŋ gbèè kààlòòɗùàa yaà wa yɛ̀ɛ̀mɛ̀ wo Pɔɔ̀ diɛŋ wɔ̀ kɛ̀ wo yɛmɛ̀uŋ diɛŋ, kɛɛ ɓɔ̀ wò gbìàuŋ kò sààŋ nyìwì yèè kɛ̀ ɓɔ̀ wò keewè àŋ dàwiuŋ nyàŋ kùàŋ feìŋ sèè àŋ mɔnɔŋ wèè auŋ kpuumàŋ.

Nyɛ̀nɛ̀ŋ 24:27

Maŋ dòà tìyèe naŋ mààŋ, yèè wo Pɔsiɔ̀ Fɛtɔ̀ naŋ nɔ̀ŋ wo kana ebɛ̀ŋ wo Filɛ̀. Wo Kanaà Filɛ̀ manaŋ wa wo fɔ̀ɔ̀yɛ̀ aŋ Juùù nyaŋ maŋ jii, weètii wò naŋ nyiŋ wa kìɛ̀ŋ wo Pɔɔ̀ yèè wò nauŋ jòò ko sààŋ nyìwìi.

Nyɛ̀nɛ̀ŋ 25:1

Nààŋ wo Fɛtɔ̀ naŋ tɔ̀ɔ̀tù e tòmouŋ nɛ̀, maŋ ɗɔ̀ɔ̀ taai naŋ mààŋ yèè wò naŋ kɔ̀ ko Jùlusɛ̀làm e yìwìà ko Sesèlià.

Nyɛ̀nɛ̀ŋ 25:13

E teenga bà naŋ mààŋ yèè wo Kanaà Àgulepɔ̀ yaà wo jaauŋ nɔɔ̀ŋ Bɛ̀niìŋ naŋ hnè ko Sesèlià ko jààmè wo Fɛtɔ̀.

Nyɛ̀nɛ̀ŋ 25:16

Kɛɛ mìŋ naŋ nyiŋ woò mìàŋ tɛɛ̀ nàŋ fè è làŋgì ànyùùŋ fùɔ̀ŋ Luùm nyaŋ wèè aŋ kìlà wò nyùùŋ keì kòɓɛ̀ ànyùùŋ nyaŋ nauŋ gbùwò maŋ keì ɗì nyaŋ.

Nyɛ̀nɛ̀ŋ 25:5

Sèè mààŋ wò naŋ nyɛ̀nɛ̀ŋ e keì naanààŋ gbiŋ, kɛ̀ tɔ̀ aŋ ɓɛ̀màŋɗìiŋ nyàŋ aŋ dèim maŋjɛ̀wɛ aŋ ka aŋ tɔɔ̀ kuii e zawèuŋ nɛ̀.”

Nyɛ̀nɛ̀ŋ 25:6

Wo Fɛtɔ̀ naŋ nɔ̀ŋ ko Jùlusɛ̀làm wèè maŋ ɗɔ̀ɔ̀ nɔɔnɔŋ le taai ɔ̀ɔ̀ maŋ ɗɔ̀ɔ̀ zììyà paŋgàà wò naŋ kɛ̀ɛ̀ maŋjɛ̀wɛ ko Sesèlià. Wɔŋ niìsìaà bàa wò naŋ jɛ̀ì ke kpùà kanauŋ nɛɛ̀ŋ diɛŋ yèè wò naŋ nyɛ̀nɛ̀ŋ aŋ kààlòòɗùà nyaŋ aŋ hìàŋ wo Pɔɔ̀ ko fɛɛ̀feìŋ.

Nyɛ̀nɛ̀ŋ 8:40

Wo Felè naŋ wa yɛ̀mɛ̀ wuŋ bi wò yaà ko jawaì àŋ nyaaŋ ko Àzotɔ̀. Wò naŋ wa kìlìè maŋ jawa màŋ gbiŋ sùà wɔŋ fàà bi, e jèèsùà wo hàì ko Sesèlià, wo yaà wòò Ebò Siaàŋ e nyaàìŋ dè wo Jisɛ̀ koɓɛ̀ anyùùŋ nyaŋ.