Nyɛ̀nɛ̀ŋ 25:17 - WƆŊ FƐ̀Ì EBÒ SÌÀŊ DAYÀA

¹⁷ Kpeiŋ nààŋ àŋ naim dè maŋjɛ̀wɛ è naiŋ kià hnè, miŋ gò dɔɔnɔ̀ŋ. Wɔŋ niìsìaà bàa mìŋ naŋ jɛ̀ì ke kpùà kana miɛ̀ŋ diɛŋ yèè mìŋ naŋ nyɛ̀nɛ̀ŋ aŋ kààlòòɗùà nyaŋ aŋ hìàŋ wo Pɔɔ̀ ko fɛɛ̀feìŋ.

Nyɛ̀nɛ̀ŋ 25:17 ပူးပေါင်းရင်းမြစ်များ

Maafiù 27:19

Nààŋ wo Paalè jaa wa ko sààŋ sàwài, wo jawèuŋ nɔɔ̀ŋ nauŋ tùɔ̀ŋ ke miè gbìaŋ wààŋ, “Ɓɔ̀ mùŋ nyiniàŋ wò fèlàà tɔ̀ɔ̀nyaàŋ wii è nɛ̀ŋ gbiŋ, esaɓù kɛ̀ mìŋ naŋ nàaŋ kɔ̀ e mɔ̀ɔ̀nɛŋ dìì wɔŋ dùùm wɛɛ̀ŋ e weèuŋ e gɔagòo sùà.”

Nyɛ̀nɛ̀ŋ 25:10

Wo Pɔɔ̀ naŋ fasàì wààŋ, “Mìŋ yaà kɔ̀ɔ̀yɛ̀ e gbài dìì ko sààŋ sàwà kanaà Siisɔ̀, wo Kànà anyùùŋ fùɔ̀ŋ Luùm nyaŋ, yèè kuŋ è naŋ tɛɛwɛ̀ wèè aim gbaì. Màŋ nyìmàŋ fo kɛ̀ kòò mìŋ nyɛ̀nɛ̀ŋ è keì naanààŋ gbiŋ è yèɛ do nàŋ dàà kè kpùùnɛɛ̀ kòɓɛ̀ wɔ̀ŋ fùɔ̀ŋ àŋ Juùù nyaŋ.

Nyɛ̀nɛ̀ŋ 25:18

Kɛɛ nààŋ aŋ joouŋ nyàŋ naŋ sie wèè aŋ woò kɛ̀ kiìŋ wò naŋ nyɛ̀nɛ̀ŋ, aŋ gò wòò è kèì tɔ̀ɔ̀nyaàŋ gbiŋ janyai e yèɛ mìŋ yaà wa yɛ̀ɛ̀mɛ̀ dòmaŋ wèè è keìɛ nyààŋ wò naŋ nyɛ̀nɛ̀ŋ lɛ.

Nyɛ̀nɛ̀ŋ 25:6

Wo Fɛtɔ̀ naŋ nɔ̀ŋ ko Jùlusɛ̀làm wèè maŋ ɗɔ̀ɔ̀ nɔɔnɔŋ le taai ɔ̀ɔ̀ maŋ ɗɔ̀ɔ̀ zììyà paŋgàà wò naŋ kɛ̀ɛ̀ maŋjɛ̀wɛ ko Sesèlià. Wɔŋ niìsìaà bàa wò naŋ jɛ̀ì ke kpùà kanauŋ nɛɛ̀ŋ diɛŋ yèè wò naŋ nyɛ̀nɛ̀ŋ aŋ kààlòòɗùà nyaŋ aŋ hìàŋ wo Pɔɔ̀ ko fɛɛ̀feìŋ.