Nyɛ̀nɛ̀ŋ 24:5 - WƆŊ FƐ̀Ì EBÒ SÌÀŊ DAYÀA

⁵ Wo felaa wɛɛ̀ yaà wo nyuùŋ dàà ke gbòà yèè ke kpùùnɛɛ̀ wèè aŋ Juùù nyuuŋ nyaŋ e ɗuunyaàŋ gbiŋ sùà. Wò yaà ɓɛìŋ wo ɓɛ̀màŋɗì ke gbòò bà e yìwìà ko Naazɔ̀ɛ̀.

Nyɛ̀nɛ̀ŋ 24:5 ပူးပေါင်းရင်းမြစ်များ

Maafiù 10:25

Weètii wo kààjɔa kuwa wo kɛ̀ɛ̀nɛ̀ŋ ke jii fàa wèè wò nɔ̀ŋ mààŋ wo kààmɔɔuŋ nɔɔ̀ŋ, e kìlà wo ɗo wò nɔ̀ŋ mààŋ wo kɛ̀ɛ̀nɛuŋ nɔɔ̀ŋ. Sèè anyùùŋ aŋ nyààŋ wo ɓɛ̀màŋɗì ke kpooɛ̀ wo Bɛɛziɓù, jàaìŋ jii kɛ̀ àŋ doiŋ nàŋ nyììnyɛ̀ŋ maŋ dèè maŋ gòiŋ teenè maŋ.

Maafiù 2:23

Yèè wo Jòòsɛ naŋ kɔ̀ɔ̀ ke kpoouŋ nɛɛ̀ŋ yèè àŋ naŋ jɛ̀ì ko jawaì àŋ nyaaŋ ko Naazɔ̀ɛ̀ lɛ. Tɛɛ̀ naŋ wa kaaìŋ wèè kɛ̀ e nyɛ̀nɛ̀ŋ e nɛ̀ɛŋ wo wɛ̀ijìɔ naŋ wa woò lɛ e hɛɛnɛ̀ŋ kɛ̀, “Àŋ douŋ nàŋ nyààŋ wo jɔ̀à kùmìàŋ ko Naazɔ̀ɛ̀.”

Luù 23:19

Àŋ naŋ wa gbìɛ̀ŋ wo Bàlaɓà ko sààŋ nyìwì wèè e gbɔ̀ɔ gbee bà e yèɛ naŋ wa sɔ̀ɔ̀ ko jawa gbeeì, yèè wèè anyuùŋ jìwa.

Luù 23:2

Yèè àŋ nauŋ tɔ̀ɔ̀tù e keì jàà ɗì nyààŋ, “È naiŋ kùwò wo felaa wɛɛ̀ wò yaà dè sùà anyuùŋ wi nyàŋ ke dòmaŋ naanààŋ diɛŋ. Wò naŋ nyiŋ woò wààŋ kɛ̀ ɓɔ̀ àŋ paawà è nɛ̀ɛ̀nɛ̀ŋ fuɔŋ kòɓɛ̀ Siisɔ̀i, wo Kànà anyùùŋ fùɔ̀ŋ Luùm nyaŋ. Wò naŋ ɓɛìŋ ɓèmè wuŋ bi wèè wo nɔ̀ŋ wo Kulaìɔ, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo kana wiɔ̀.”

Luù 23:25

Wò naŋ dàngè wo Bàlaɓà wo ka, wo yèɔ àŋ naŋ wa gbìɛ̀ŋ ko sààŋ nyìwì esaɓù kɛ̀ wò naŋ wa dàà e gbɔ̀ɔɔ e kànà fuɔɔ̀ŋ diɛŋ e kìlà wò naŋ jìwè nyùùŋ, esaɓù kɛ̀ wuŋ anyùùŋ nyaŋ manaŋ wa wèè wo dangè. Kpeiŋ wò naŋ kìlè wo Jisɛ̀ ko nɛ̀ɛ̀ŋ nyiŋ niìŋ wèè nyiniàuŋ e nɛ̀ɛŋ àŋ manaŋ wa lɛ̀.

Luù 23:5

Kɛɛ àŋ naŋ wa kùwò e kèì guùŋ bi kpaŋ àŋ yaà woo nyààŋ, “E nɛ̀ɛŋ wò naŋ kàà anyùùŋ nyaŋ lɛ è yaà dàà sùà ke kpùùnɛɛ̀ wɔŋ fùɔ̀ŋ Jùdiàa gbiŋ sùà. Wò naŋ niŋ tɔ̀ɔ̀tù ko Galaliì yèè wò niŋ naàŋ kià halèè.”

Nyɛ̀nɛ̀ŋ 15:5

Kɛɛ anyuùŋ hààwe nyàŋ bà nyiŋ ke gbòò aŋ Fɛlosiì nyaŋ sùà naŋ woò nyààŋ, “Anyùùŋ nyaŋ fè àŋ Juùù yèè àŋ naŋ kìlè koɓɛ̀ Dayài nyàŋ nɔ̀ŋ kpùa jàa nyiŋ e kìlà aŋ jɔɔlɔ̀ maŋ Sàwà maŋ wo Mòòze naŋ wi kiɛ̀ŋ maŋ dìì.”

Nyɛ̀nɛ̀ŋ 21:28

Kpeiŋ àŋ naŋ tɔ̀ɔ̀tù kpàaŋ nyààŋ, “Nyɛ̀iŋ nààŋ nyùùŋ Ezɔ̀ɛ̀ nyaŋ, kìɛìŋ e kpùùmaŋ! Wo felaa wɛɛ̀ nàŋ yaà kàà sùà anyùùŋ nyaŋ gbiŋ maŋ tàta màŋ sùà kɛ̀ aŋ fè anyuùŋ wi nyàŋ jɛwɛ e kìlà ɓɔ̀ àŋ jɔɔlɔ̀iŋ maŋ Sàwà maŋ wo Dayà naŋ kìɛ̀ŋ Mòòze màŋ dìì; eɓìèmàŋjɛ̀wɛ̀ tii, wò naŋ hìɛ̀ŋ anyùùŋ nyaŋ fè àŋ Juùù nyaŋ wo nyiŋ jɔ̀ɔ̀yɛ̀ ko Saaŋ Zòòlò Dayài, yèè wò gè e ɓɛ̀ɛ̀jàa zɛ̀nɛɛ̀ŋ ko zòòlò nɛɛmaŋ yaà!”

Nyɛ̀nɛ̀ŋ 22:22

E faaàŋ naŋ jèè kùmìè e yèɛ wo Pɔɔ̀ yaà woo lɛ̀, e jèèsùà wo tɛɛ̀ woò. Yèè anyùùŋ nyaŋ naŋ tɔ̀ɔ̀tù kpàaŋ nyààŋ, “Jiwàuŋ, wo fè tɛ̀ɛ̀ wèè wo nɔ̀ŋ wɔ̀ŋ nyiiŋ gèeɔ̀ sùà è ɗuunyaàŋ.”

Nyɛ̀nɛ̀ŋ 24:14

Kà nyimèè kɛ̀ aŋ màmàŋkùmɛŋ nyiŋ nyàŋ gongà kɛ̀ ke Dòmàŋ Kanaà mìŋ naŋ dè maŋjɛ̀wɛ yɛ̀ ke fè kè dòmaŋ kɛnɛɛ̀. Kɛɛ wo Dàyà gunɔ̀ɔŋ nɔŋ aŋ nèwàènèweim nyàŋ zoolà wɔ̀ wuŋ nɔŋ mìŋ zoolà. Mìŋ naŋ hààwè e yèɛ gbiŋ yaà sìnga niŋ maŋ Sàwà maŋ wo Dayà naŋ wa kìɛ̀ŋ wo Mòòze màŋ sùà yèè e yèɛ aŋ wɛ̀ijì nyaŋ naŋ woò lɛ.

Nyɛ̀nɛ̀ŋ 24:4

Miŋ manàŋ wèè kà pɔ̀ɔ̀ è teenga mɔ̀ɛ̀ zimgbe, kɛɛ mìŋ yààùm pɔɔwɔ, kɔ̀nɛɛ̀ŋ wèè maŋ gɔ̀àì jii dìì wèè maŋ wi kumiàŋ eum kìɛ̀ŋ ke jii gbài kpuu.

Nyɛ̀nɛ̀ŋ 25:7

Nààŋ wo Pɔɔ̀ naŋ hnè ko fɛɛ̀feìŋ, aŋ Juùù nyaŋ nao wa kɔ̀ nyaŋ e yìwìà ko Jùlusɛ̀làm naŋ sie yèè àŋ naŋ gbùwò maŋ keì zimgbe wo Pɔɔ̀ ɗì maŋ yè maŋ aŋ fè wa ɓɛ̀nɛ̀ŋ tɔ̀ɔ janyai è tɔ̀ɔ̀nyaàŋ sùà wèè maŋ nɔ̀ŋ kɛ̀ sɔ̀uŋ.

Nyɛ̀nɛ̀ŋ 26:5

Àŋ nyìmàŋ wèè e teenga mùnlaŋ bà naàŋ, sèè àŋ nyimààŋ weè wèè aŋ kìɛ̀ŋ ke mìè seì weèim kɛ̀ mìŋ naŋ nyìnìè wɔŋ nyiiŋ gèe miɔ̀ŋ yèè mìŋ naŋ nɔ̀ŋ wo bàimbà wèè ke gbòò aŋ Fɛlosiì nyaŋ naŋ wa kùwò e hààwe wilɛ̀ kpaŋ e nìàŋ ke gbòò bà gbiŋ.

Nyɛ̀nɛ̀ŋ 28:22

Kɛɛ tɔ̀ e nyìmàŋ kɛ̀ kiìŋ nàŋ yaà e gòngo mɔ̀ɛ̀. Èiŋ nyìmàŋ kɛ̀ anyùùŋ maŋ tàta màŋ gbiŋ sùà yaà wòò e kèè ke gbòò yɛɛ̀ mùŋ sùà yaà lɛ naanààŋ.”

Nyɛ̀nɛ̀ŋ 5:17

Kpeiŋ e kooɛ̀ naŋ wa dìè wo Kànà Sìèfèìŋ Zòòlo Gbeeɔ̀ yaà aŋ jeuŋ anyuùŋ kpùùmaŋ nyàŋ, aŋ yè nyaŋ yaà wa ke gbòò aŋ Sadusiì nyaŋ sùà, wèè aŋ keela nyàŋ, yèè àŋ naŋ ɗewè wèè aŋ keewè nyiŋ kùàŋ feìŋ.

Nyɛ̀nɛ̀ŋ 6:13

Kpeiŋ àŋ naŋ hìɛ̀ŋ aŋ sèì kàaɓì nyiŋ nyàŋ wèè aŋ tuuyà wo Siiwììŋ. Àŋ naŋ woò nyààŋ, “Wo felaa wɛɛ̀, ke ɗɔɔ gbiŋ wò woà e keì naanààŋ nyaàiŋ dè ke Sààŋ Zòòlò Nɛɛmaŋ wiɛ̀ yèè maŋ Sàwà Dayà maŋ.

1 Kɔliìŋ 11:19

E keì dììyè nyùùŋ jii gbiŋ fòo, e fèemàŋ gòòno kòò è yààìŋ wɛ̀i naàŋ e tɛɛ, wèè aŋ yɛmɛ̀ aŋ yè nyaŋ yaà e tɔ̀ɔ̀nyaàaŋ sùà àŋ naŋ jàà kùàŋ dìì nyaŋ janjai.

1 Kɔliìŋ 4:13

Sèè àŋ diɛ̀ŋ wì, e nyiŋ jàà kùàŋ dìì maŋ mìè gbòa siaŋ sùà. È yààìŋ maŋ dɛ̀ɛ̀ ko gbìli wèè e ɗuunyaŋ lɛɛ̀ mààŋ sààngɛ lɛɛ̀ sùà pɛɛ.

1Pììlɛ 2:19

Wo Dayà doiŋ nàŋ gbìɛ̀ŋ e keì sìàŋ maŋjɛ̀wɛ wèè tɛɛ̀, sèè naŋ kɔ̀ɛ̀ e jèlà keì nyìngà kàaɓì dìì, esaɓù kɛ̀ e gòngoiŋ nɛ̀ è yaà koɓɛ̀ Dayài.