Nyɛ̀nɛ̀ŋ 24:24 - WƆŊ FƐ̀Ì EBÒ SÌÀŊ DAYÀA

²⁴ Maŋ ɗɔɔ kpàa bà naŋ mààŋ yèè wo Kanaà Filɛ̀ yaà wo jawèuŋ Dɔ̀silà, wuŋ pɛɛ wò yaà wa wo Juùù, naŋ kɔ̀ koɓɛ̀i wo Pɔɔ̀ yaà wa lɛ̀. Àŋ naŋ tùɔ̀ŋ wèè wo Pɔɔ̀ wèè wo gbòà nyiŋ kɔɔ e nyaàiŋ dè e hààwe kɛ̀ɛ̀nɛŋ wo Jisɛ̀ Kulaì sùà.

Nyɛ̀nɛ̀ŋ 24:24 ပူးပေါင်းရင်းမြစ်များ

Luù 19:3

Wò yaà wa kààmè ɗewe wèè wo yɛmɛ̀ Jisɛ̀, kɛɛ wò naŋ wa kpuumɛ̀ɛ̀ŋ, yèè wo gò wa ɓɛ̀nɛ̀ŋ yɛ̀mɛ̀ wò Jisɛ̀ esaɓù kɛ̀ anyùùŋ nyaŋ nauŋ wa kiliè.

Luù 23:8

Ke jii naŋ wa fɔ̀ wo Hɛɛlɔ̀ nààŋ wò naŋ yɛ̀mɛ̀ wo Jisɛ̀, esaɓù kɛ̀ wò wa kòmàŋ e kiiuŋ yèè wò manaŋ wa wèè wouŋ yɛmɛ̀. E kìlà wò yaà wa yɛ̀ɛ̀mɛ̀ dòmaŋ e teenga mùnlaŋ wèè wo yɛ̀mɛ̀ Jisɛ̀ nyɛ̀nɛ̀ŋ e kèè mèè.

Nyɛ̀nɛ̀ŋ 16:31

Wo Pɔɔ̀ yèè wo Silà nauŋ fasàì nyààŋ, “Sèè mùŋ kɛɛnɛ̀ŋ e hààwe wo Kanaà Jisɛ̀ Kulaì sùà, muàŋ yèè anyùùŋ nyaŋ ko gboo moo nìŋ do nàŋ jòèyè.”

Nyɛ̀nɛ̀ŋ 20:21

Mìŋ naŋ wòò aŋ Juùù yèè anyùùŋ nyaŋ fè àŋ Juùù nyaŋ kɛ̀ aŋ fè maŋ tùwo naanààŋ nyiŋ màŋ jɛwɛ wèè aŋ kìlà koɓɛ̀ Dayài yèè aŋ kɛɛnɛ̀ŋ hààwe wo Kana wiɔ̀ Jisɛ̀ sùà.

Nyɛ̀nɛ̀ŋ 24:25

Kɛɛ e jùù naŋ wa nyɛ̀nɛ̀ŋ wo Kanaà Filɛ̀ nààŋ wo Pɔɔ̀ naŋ wòò e kèè e tùwo siaŋ, yèè wo nyùùŋ yɛmɛ̀ wuŋ bi diɛŋ wèè ke kpèèuŋ nɛɛ̀ŋ, yèè ke ɗɔ̀ɔ̀ e gbàiɛ̀ do nàŋ hnè yɛ. Wo Kanaà Filɛ̀ naŋ wòò wo Pɔɔ̀ wààŋ, “E keì wòoɛ̀ yaà naàŋ tɛ̀ɛ̀. Màŋ naàŋ ɓɛ̀nɛ̀ŋ kàa. Kɛɛ sèè mìŋ kɛɛnɛ̀ŋ ɓɛìŋ e ɗewe mìŋ do nàŋ tùɔ̀ŋ weèum.”

Nyɛ̀nɛ̀ŋ 26:22

Kɛɛ wo Dayà naim kpuumò e teenga lɛɛ̀ gbiŋ sùà. Kà kìɛ̀ŋ ke mìè seì koɓɛ̀ anyuùŋ pɔ̀ɔ nyàŋ yèè anyuùŋ bàne nyàŋ. Mìŋ naŋ nyiŋ wòò e yèɛ nɔŋ aŋ wɛ̀ijì nyaŋ yèè wo Mòòze naŋ woò kɛ̀ è do nàŋ kaaìŋ lɛ.

Gàla 2:16

Kɛɛ èiŋ nyìmàŋ kɛ̀ anyùùŋ nyaŋ nɔŋ wo Dayà jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ nyaŋ nàŋ yaà, aŋ yè nyaŋ naŋ sìè e hààwe nyiŋ nɛ wo Jisɛ̀ Kulaì sùà nyaŋ. E kìlà e jɔ̀ɔ̀lɔ wilɛ̀ ke Sàwàa dìì nààŋ fè fɔ̀ɔ̀yɛ̀ wo Dayà kè jii. Weè niŋ è naŋ sìè e hààwe wilɛ̀ Jisɛ̀ Kulaì sùà, yèè wo Dayà naŋ wi jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ esàɓù e hààwe wilɛ̀.

Gàla 2:20

Jòòpɛɛ kà naàŋ fà, kɛɛ wo Jisɛ̀ Kulaì yaà wɔŋ nyiiŋ gèe miɔ̀ŋ sùà. E kìlà mìŋ yaà naàŋ wɔŋ nyiiŋ gèe e hààwe wo Jɔ̀àfelàà Dayàa sùà, wo yèɔ naim mɔ̀nɔ̀ŋ yèè wò naŋ kìɛ̀ŋ wɔŋ nyiiuŋ nɔɔ̀ŋ e weèim wɔ̀.

Gàla 3:2

Wòò nìim e kèì ɗì guùŋ, nìŋ naŋ wa yɛ̀mɛ̀ wo Jìnàŋ Nɛɛmaàŋ esàɓù kɛ̀, nìŋ naŋ wa jɔ̀ɔ̀lɔ̀ ke Sàwàa dìì ɔ̀ɔ̀ nààŋ nìŋ naŋ wa kòmò e Ebò Siaàŋ yèè nìŋ naŋ niŋ haawè lɛ?

1Jɔ̀ɔŋ 5:1

Wo nyùnɔ̀ɔŋ gbiŋ naŋ haawè kɛ̀ wo Jisɛ̀ nàŋ yaà wo Kulaìɔ wɔ̀ wò yaà wo jɔ̀à Dayà. Yèè wo nyùnɔ̀ɔŋ gbiŋ manaŋ wo nyuùŋ kòmaŋ wɔ̀, wò manaŋ wo jɔ̀à nyùùŋ bi wuŋ pɛɛ.

Juù 1:3

Nyɛiŋ nààŋ dàwi mànaim nyàŋ, tɔɔɓaa mìŋ yaà wa zoolo sɛmɛ e wànàŋ gbee sùà wèè ka sìngà ko nɛ̀ɛ̀iŋ niìŋ e nyaàiŋ dè e jòèyè nɛɛmaàŋ è naiŋ gòònò e fèemàŋ lɛ. Kɛɛ sɔɔ̀ ka sìngà kaiŋ dawè wèè naŋ dè e hààwe bi gòlò jɛwɛ e yèɛ wo Dayà naŋ kìɛ̀ŋ anyunùuŋ nyàŋ yèè e bà gbiŋ gò jòò jɛ̀wɛ̀ lɛ.

Maŋ kèì nyɛɛnɛŋ 14:12

Tɛɛ̀ naŋ tɔɔ̀ kɛ̀ anyùùŋ nɛ̀ɛ̀màŋ Dayà nyaŋ kuwa aŋ gbèè e ɗèwè e keì nyìnga kùwa ke jii tɔumtɔ̀ùm sùà. Yèè àŋ kuwa ɓɛìŋ aŋ jɔ̀ɔ̀lɔ̀ maŋ sàwàuŋ màŋ dìì e kìlà aŋ kɛ̀ɛ̀nɛ̀ŋ hààwe wo Jisɛ̀ sùà.