Nyɛ̀nɛ̀ŋ 24:22 - WƆŊ FƐ̀Ì EBÒ SÌÀŊ DAYÀA

²² Wo Kanaà Filɛ̀, wo yèɔ naŋ wa nyìmè e ɗeweɛ̀ e nyaàiŋ dè ke Dòmàŋ Kanaà Jisɛ̀ wɔ, naŋ nyɛ̀nɛ̀ŋ maŋ nɔnɔŋ tùaŋ yèè wò naŋ hìɛ̀ŋ e keì wòo bi ko dìa. Wò naŋ woò wààŋ, “Mìŋ do nàŋ hàà e kiti mɛ̀ sèè wo Lasià, wo kànà aŋ kààlòòɗùà nyaŋ wò hnàŋ.”

Nyɛ̀nɛ̀ŋ 24:22 ပူးပေါင်းရင်းမြစ်များ

Maafiù 2:7

Kpeiŋ wo Hɛɛlɔ̀ naŋ nyààŋ anyuùŋ kɛ̀ɛ̀jii nyàŋ yaà wa kààmè wo jɔaa kòmaŋ jɛiɔ̀ wɔ, ke gbùnuo sùà yèè wò naŋ nyiŋ dawè sèè mààŋ kiìŋ è teenga titi àŋ naŋ yɛ̀mɛ̀ wɔŋ ɗuɔ̀ ko fùùiŋ.

Nyɛ̀nɛ̀ŋ 18:20

Anyùùŋ nyaŋ nauŋ wa dawè wèè wo nɔ̀ŋ nyiŋ le gòlò wèè maŋ ɗɔɔ kpàa, kɛɛ wo gò wa nyimèè.

Nyɛ̀nɛ̀ŋ 19:40

Àŋ wi weè ɓɛ̀nɛ̀ŋ gbùwà e keì ɗì wèè e gbɔ̀ɔ lɛɛ̀ nàaŋ ɗɔɔ yɛɛ̀, yèè e naiŋ weè kɛ̀ɛ̀nɛ̀ŋ kè kàfaì! E fèìŋ ɓɛ̀nɛ̀ŋ tɔ̀ɔ̀ èsaɓù sìàŋ wèè kè gbòà yɛɛ̀.”

Nyɛ̀nɛ̀ŋ 24:10

Kpeiŋ wo kanaà naŋ niŋ hàlèè wo Pɔɔ̀ wèè wo gbòà. Wo Pɔɔ̀ naŋ woò wààŋ, “Kà nyìmàŋ kɛ̀ màŋ nɔ̀ŋ wo kana gbàì keì wɔŋ fuɔŋ wɛɛ̀ŋ diɛŋ wèè maŋ doa jika bà, weètii e zɔlɔ̀ yààìm wèè ka gbaì wèè miàŋ bi ko fɛɛ̀fenùum.

Nyɛ̀nɛ̀ŋ 24:14

Kà nyimèè kɛ̀ aŋ màmàŋkùmɛŋ nyiŋ nyàŋ gongà kɛ̀ ke Dòmàŋ Kanaà mìŋ naŋ dè maŋjɛ̀wɛ yɛ̀ ke fè kè dòmaŋ kɛnɛɛ̀. Kɛɛ wo Dàyà gunɔ̀ɔŋ nɔŋ aŋ nèwàènèweim nyàŋ zoolà wɔ̀ wuŋ nɔŋ mìŋ zoolà. Mìŋ naŋ hààwè e yèɛ gbiŋ yaà sìnga niŋ maŋ Sàwà maŋ wo Dayà naŋ wa kìɛ̀ŋ wo Mòòze màŋ sùà yèè e yèɛ aŋ wɛ̀ijì nyaŋ naŋ woò lɛ.

Nyɛ̀nɛ̀ŋ 24:24

Maŋ ɗɔɔ kpàa bà naŋ mààŋ yèè wo Kanaà Filɛ̀ yaà wo jawèuŋ Dɔ̀silà, wuŋ pɛɛ wò yaà wa wo Juùù, naŋ kɔ̀ koɓɛ̀i wo Pɔɔ̀ yaà wa lɛ̀. Àŋ naŋ tùɔ̀ŋ wèè wo Pɔɔ̀ wèè wo gbòà nyiŋ kɔɔ e nyaàiŋ dè e hààwe kɛ̀ɛ̀nɛŋ wo Jisɛ̀ Kulaì sùà.

Nyɛ̀nɛ̀ŋ 24:6

Wò naŋ ngèè ɓɛìŋ kàmè ɗewe wèè wo hiàŋ e ɓɛ̀ɛ̀pɔ̀ɔ ko Saaŋ Zòòlò Dayài, yèè è nauŋ kùwò. [È naŋ ɗewè wèè euŋ gbaì nààŋ maŋ sàwà yàwi bi màŋ naŋ tɔɔ̀ lɛ,

Nyɛ̀nɛ̀ŋ 25:26

Mìŋ kuwa ka sìngà maŋ keì titi bà koɓɛ̀ wo Kànà Gbèè wɔŋ fùɔ̀ŋ anyùùŋ Luùm nyaŋ e nyaàiŋ dè wo felaa wɛɛ̀. Weètii mìŋ nauŋ hìɛ̀ŋ ko fɛ̀ɛ̀fèìŋ nyɛ̀iŋ nààŋ gbiŋ, kɛɛ ɓɔɔɓɔɔ, wo Kanaà Àgulepɔ̀. Sèè è kpɛɛyɛ̀ìŋ e keì lɛɛ̀ tùàŋ maŋ nɔnɔŋ, kɛ̀ kà kɛ̀ɛ̀nɛ̀ŋ e nɛ̀ŋ bà wèè ka sìngà.

Nyɛ̀nɛ̀ŋ 26:3

ɓɔɔɓɔɔ ngèè màŋ nyìmàŋ e zimgbe niŋ e nyaàiŋ dè e làngì zòòlo aŋ Juùù nyaŋ yaà maŋ hààwe màŋ naŋ gòònò tɛɛ màŋ. Weètii mìŋ manaŋ maim kumiàŋ tɛ̀ɛ̀ ke jii tɔumtɔ̀ùm sùà.

Nyɛ̀nɛ̀ŋ 9:2

yèè wò nauŋ dawè wèè wo sìngà maŋ fɛi koɓɛ̀ aŋ sìèfèìŋ ke sààŋ zòòlò aŋ Juùù nyaŋ ko Dàmakɔ̀ wèè kɛ̀ sèè wò mɛɛ̀ŋ wo nyùùŋ gbiŋ, jɔùŋ yèè felaa wo yèɔ nɔ̀ŋ wo bàuŋbà e nyaàiŋ dè ke Dòmàŋ Kanaà Jisɛ̀ɛ diɛŋ wɔ, kɛ̀ wo dèkàuŋ wo kɛlɛ̀ɛ̀uŋ ko Jùlusɛ̀làm.