Nyɛ̀nɛ̀ŋ 24:17 - WƆŊ FƐ̀Ì EBÒ SÌÀŊ DAYÀA

¹⁷ “Nààŋ mìŋ naŋ kɔ̀ maŋ fuɔŋ joo sùà wèè maŋ doa jika, mìŋ naŋ kɛɛ̀ wèè ka hìàŋ manɛ̀ŋ kìɛŋ koɓɛ̀ anyuùŋ pɔ̀ɔ nyàŋ yèè koɓɛ̀ wɔŋ fuɔŋ miɔ̀ŋ yèè wèè ka gè maŋ saàà.

Nyɛ̀nɛ̀ŋ 24:17 ပူးပေါင်းရင်းမြစ်များ

Nyɛ̀nɛ̀ŋ 20:16

Wo Pɔɔ̀ naŋ wa ɗewè wèè eiŋ kɔ̀ɛ̀ ko Ɛfesɔ̀, esaɓù kɛ̀ wo manàŋ wa wèè wò do nɔ̀ŋ wɔ̀ŋ fùɔ̀ŋ Eesìàa wèè e teenga mùnlaŋ. Wò yaà wa nyinie fiòfiò yèè wò manaŋ wa wo hàì ko Jùlusɛ̀làm e teengaà wèè ke ɗɔ̀ɔ̀ zòòlò aŋ Juùù nyaŋ àŋ nyaaŋ Pɛnɛŋkɔ̀ɛ.

Nyɛ̀nɛ̀ŋ 20:31

Yɛ̀mɛìŋ nyɛ̀iŋ bi diɛŋ! Jàaìŋ jii kɛ̀ mìŋ naiŋ wa gbòò kɔɔ maŋ gɔɛɛ yèè e dùùm, mìŋ naŋ kɔ̀ e keì nyìnga dìì, yèè mìŋ naiŋ kaà wèè maŋ dòà taai.

Nyɛ̀nɛ̀ŋ 21:26

Wo Pɔɔ̀ naŋ nyimèè wèè wo nyɛ̀nɛ̀ŋ e yèɛ àŋ nauŋ woò wèè wo nyɛ̀nɛ̀ŋ lɛ. Wɔŋ niìsìaà bàa wò naŋ kɔ̀ɔ̀ aŋ felaa nyàŋ wèè aŋ nyɛ̀nɛ̀ŋ e langiɛ̀ maŋ Sàwà Dayà maŋ naŋ woò lɛ wèè aŋ nɔ̀ŋ zɛ̀nɛŋ nyiŋ ko fɛ̀ɛ̀fèìŋ Dayà. Kpeiŋ wò naŋ kɔ̀ ko Saaŋ Zòòlò Dayài, wèè wo tɔɔ̀ ke ɗɔɔɛ̀ àŋ do nàŋ kpɛ̀ɛ̀yɛ̀ ke nyɛ̀nɛ̀ŋ e làngì zɛ̀nɛɛ̀ŋ nààŋ maŋ Sàwà Dayà maŋ naŋ woò lɛ, e kìlà ke ɗɔɔ bi diɛŋ wuŋ noo Pɔɔ̀ do nàŋ hìɛ̀ŋ e nɛ̀ŋ saaà wèè wo nyùùŋ gbiŋ wo gè e jeuŋ saàa.

Nyɛ̀nɛ̀ŋ 24:26

Kɛɛ e tèèngà guùŋ bi sùà wò yaà wa yɛ̀ɛ̀mɛ̀ dòmaŋ wèè wo Pɔɔ̀ wouŋ kìɛ̀ŋ ke nɛɛnɛŋ. Kpeiŋ wò hewa tùàŋ wèè Pɔɔ̀ pɛɛpɛɛ wèè aŋ gbòà.

Luùm 15:31

Zòòloìŋ Dayà wèè wo joeyèim e yìwìà anyuùŋ gò kɛ̀ɛ̀nɛ̀ŋ hààwe nyàŋ e fèemàŋ ko Jùdià, wèè anyùùŋ nɛɛmaŋ nyàŋ ko Jùlusɛ̀làm aŋ jàà e tòmoɛ̀ mìŋ yaà nyinie lɛ̀ kùàŋ dìì.

2 Kɔliìŋ 8:6

E wèètii, è naŋ dàwè wo Taitɔ̀, wo yèɔ naŋ tɔ̀ɔ̀tù e tòmo lɛɛ̀ wɔ, wèè wo kunò niŋ kɔ̀à feìŋ e kìlà wo kpuumàiŋ wo kpɛɛyɛ̀ e tòmò tìtì e mànaŋ lɛɛ̀.

2 Kɔliìŋ 8:9

Nàŋ nyìmàŋ e tɛ̀ɛ̀tɛ̀ɛ̀ Kana wiɔ̀ Jisɛ̀ Kulaìɛ, e kpulìà e bàneuŋ nɛ̀ gbiŋ, wò naŋ wa mììnè wuŋ bi wo nyuùŋ pɔ̀ɔ e weèiŋ, wèè wo nyɛ̀nɛ̀ŋ naŋ nɔ̀ŋ anyuùŋ banè esàɓù e pɔ̀ɔuŋ nɛ̀ sùà.

2 Kɔliìŋ 9:12

E ɗeweɛ̀ nìŋ yaà ko nyìnìè e tòmo lɛɛ̀ e tòmò Dayàa sùà lɛ, e fè nɔŋ kɛ̀ nìŋ yaà yɛ̀ɛ̀mɛ̀ è kèè màŋ kpɛ̀ɛ̀ŋ kɔ̀ɔ̀ ànyùùŋ nɛɛmaŋ nyàŋ dììò sùà, kɛɛ è yaà hìàŋ sùà maŋ sɛ̀ gèe zimgbe koɓɛ̀ Dayài.

Gàla 2:10

Àŋ naŋ wi wa nɔŋ dawè wèè eiŋ jàà anyùùŋ pɔ̀ɔ nyàŋ jii ke gboò nyiŋ nɛɛ̀ŋ sùà, yèè tɛɛ̀ nàŋ yaà e keìɛ è naŋ wa gongò wèè eiŋ nyɛ̀nɛ̀ŋ lɛ̀.