Nyɛ̀nɛ̀ŋ 24:12 - WƆŊ FƐ̀Ì EBÒ SÌÀŊ DAYÀA

¹² Aŋ Juùù nyaŋ gòim mɛɛ̀ŋ yàwi nyùùŋ gbiŋ è doò nɔ̀ŋ kpaane kpaane kò Saaŋ Zòòlò Dayài. Miŋ gò dàà è gbɔ̀ɔ kò sààŋ zòòlò aŋ Juùù nyaŋ ɔ̀ɔ̀ ko Jùlusɛ̀làm, ko jawa gbeeì.

Nyɛ̀nɛ̀ŋ 24:12 ပူးပေါင်းရင်းမြစ်များ

Jɔ̀ɔŋ 18:21

Kɛ̀ wèè kiìŋ mùŋ yààìm daawe? Wèè kiìŋ muŋ fè dàwè ànyùùŋ nyaŋ naim wa kumiè nyaŋ? Àŋ nyìmàŋ kɛ̀ kiìŋ mìŋ naŋ nyiŋ woò.”

Nyɛ̀nɛ̀ŋ 24:18

Aŋ Juùù nyaŋ bà nyiŋ naim yɛmɛ̀ ko jɔ̀ɔ̀lègbèè Zòòlò Dayài, nààŋ mìŋ naŋ kpɛ̀ɛ̀yɛ̀ nyɛ̀nɛ̀ŋ e làngì ke nyɛ̀nɛŋ zɛ̀nɛɛ̀ŋ, ke yèɛ nyɛnɛŋ wo nyùùŋ zɛ̀nɛ̀ŋ. Tɛɛ̀ àŋ naim mɛɛ̀ŋ mìŋ yaà mɛ̀iŋ nyinie ko Saaŋ Zòòlò Dayài. Miŋ gòo kòà kè gbòò ànyùùŋ, e kìlà miŋ gòo dàà kè gbòà.

Nyɛ̀nɛ̀ŋ 24:5

Wo felaa wɛɛ̀ yaà wo nyuùŋ dàà ke gbòà yèè ke kpùùnɛɛ̀ wèè aŋ Juùù nyuuŋ nyaŋ e ɗuunyaàŋ gbiŋ sùà. Wò yaà ɓɛìŋ wo ɓɛ̀màŋɗì ke gbòò bà e yìwìà ko Naazɔ̀ɛ̀.

Nyɛ̀nɛ̀ŋ 25:8

Kpeiŋ wo Pɔɔ̀ naŋ sie yèè wò naŋ gbaì wèè wuŋ bi wààŋ, “Miŋ gò pɔ̀ɔ̀ màŋ Sàwà Dayà maŋ, maŋ yè maŋ yaà wèè yàwi nààŋ Juùù nyaŋ. Miŋ gò nyɛ̀nɛ̀ŋ è keì naanààŋ gbiŋ è yèɛ naŋ tɔ̀ɔ̀ è ɓɛ̀ɛ̀pɔ̀ɔ kòɓɛ̀ kè Saaŋ Zòòlò Dayài ɔ̀ɔ̀ koɓɛ̀ Siisɔ̀i, wo Kànà anyùùŋ fùɔ̀ŋ Luùm nyaŋ.”

Nyɛ̀nɛ̀ŋ 28:17

Maŋ ɗɔ̀ɔ̀ taai naŋ màànààŋ è naiŋ hàì ko Luùm, yèè wo Pɔɔ̀ naŋ nyààŋ aŋ ɓɛ̀màŋɗì aŋ Juùù nyaŋ bà wò naŋ nyiŋ woò wààŋ, “Wùìyaim nyàŋ, kòò mìŋ nyɛ̀nɛ̀ŋ wa è keì gbiŋ è do hìàŋ kè jii mɔ̀ɔ̀nɛ̀ŋ kòɓɛ̀ ànyunùim nyàŋ, kòò mìŋ fè màŋ sàwà àŋ nèwàènèwe wi nyàŋ jɛwɛ kè ɗɔ̀ɔ̀ guùŋ pɛɛ. Kɛɛ anyuùŋ wi nyàŋ ko Jùlusɛ̀làm naim kìlè koɓɛ̀ e kànà wɔŋ fùɔ̀ŋ anyùùŋ Luùm nyaŋ e pèesìnàŋ dìì.