Nyɛ̀nɛ̀ŋ 24:1 - WƆŊ FƐ̀Ì EBÒ SÌÀŊ DAYÀA

¹ Maŋ ɗɔ̀ɔ̀ nɔɔnɔŋ naŋ mààŋ, yèè wo kànà sìèfèìŋ zòòlo gbeeɔ̀ Ananaayà yaà aŋ màmànkùmɛ̀ŋ fuɔŋ nyàŋ bà e kpùlìà wo lɔɔyàa àŋ nyaaŋ wo Tɛtɔlɔ̀ wɔ, naŋ hnè koɓɛ̀ wo Kanaà Filɛ̀ yèè àŋ nauŋ tɔ̀ɔ̀ e zàwè wèè e nànàaŋ wo Pɔɔ̀ naŋ nyiŋ jàà lɛ.

Nyɛ̀nɛ̀ŋ 24:1 ပူးပေါင်းရင်းမြစ်များ

Nyɛ̀nɛ̀ŋ 12:21

Àŋ naŋ wa jàà ke ɗɔɔ ɓula wèè aŋ mɛ̀ɛ̀ŋ wo Hɛɛlɔ̀. Ke ɗɔɔ bi wo Hɛɛlɔ̀ naŋ gɔ̀à maŋ dèè kanauŋ màŋ yèè wò naŋ jɛ̀ì ke kpùà kanauŋ nɛɛ̀ŋ diɛŋ, yèè wò naŋ gbòò koɓɛ̀ anyùùŋ nyaŋ.

Nyɛ̀nɛ̀ŋ 21:27

Nààŋ maŋ ɗɔ̀ɔ̀ nɔɔnɔŋ le tìyèe màŋ naŋ wa naàŋ joo tòloò wèè maŋ jùà, aŋ Juùù nyaŋ bà nyiŋ naŋ yèwè wɔŋ fùɔ̀ŋ Eesìàa nyàŋ, naŋ yɛ̀mɛ̀ wo Pɔɔ̀ ko Saaŋ Zòòlò Dayài, yèè àŋ naŋ dàà ke gboà gbee e faaàŋ sùà, e kìlà aŋ kùwà wo Pɔɔ̀.

Nyɛ̀nɛ̀ŋ 23:2

Wo Kànà Sìèfèìŋ Zòòlo Gbeeɔ̀ Ananaayà naŋ wòò anyùùŋ nyaŋ sia wa wo Pɔɔ̀ kɔɔ nyàŋ kɛ̀ aŋ haà wo Pɔɔ̀ fɛ̀ɛ̀ nyààŋ.

Nyɛ̀nɛ̀ŋ 23:24

Bànèbanè aŋ sòo wèè aŋ koà wo Pɔɔ̀, e kìlà nyɛnɛ̀ŋ esaɓù wo haì koɓɛ̀ wo Kanaà Filɛ̀ bòìbòì.”

Nyɛ̀nɛ̀ŋ 23:30

Nààŋ mìŋ naŋ kòmò kɛ̀ àŋ naŋ jàà ke gbùnu weèuŋ wèè auŋ jìwà, mìŋ nauŋ tùɔ̀ŋ ko nɛ̀ɛ̀ŋ muìŋ yèè mìŋ naŋ wòò aŋ sìèfeìŋ nyiŋ nyàŋ kɛ̀ aŋ hiàŋ maŋ keì maŋ àŋ nauŋ gbùwò ɗì maŋ ko nɛ̀ɛ̀ŋ muìŋ wèè maŋ niŋ yɛ̀mɛ̀ dììò sùà.”

Nyɛ̀nɛ̀ŋ 23:33

Nààŋ àŋ naŋ hàì ko Sesèlià, àŋ naŋ kìɛ̀ŋ wɔŋ fɛiɔ̀ koɓɛ̀ wo Kanaà Filɛ̀ yèè àŋ naŋ kìlè wo Pɔɔ̀ ko nɛ̀ɛ̀uŋ niìŋ.

Nyɛ̀nɛ̀ŋ 23:35

Wo kanaà naŋ kpɛ̀nɛ̀ŋ wɔŋ fɛiɔ̀ yèè wò naŋ wòò Pɔɔ̀ wààŋ, “Mìŋ do nàŋ kùmìè e keìɛ mùŋ naŋ nyɛ̀nɛ̀ŋ lɛ sèè anyùùŋ nyaŋ hnàŋ nɔŋ wèè aim woò kɛ̀ kiìŋ mùŋ naŋ nyiŋ pɔɔ̀ɔ̀, kpeiŋ kɛ̀ kà gbàì e keì mɔ̀ɛ̀.” Nààŋ wo kanaà naŋ tɛɛ̀ woò, wò naŋ wòò anyunùuŋ nyàŋ wèè aŋ koà wo Pɔɔ̀ ko sààŋ gbèè kanaà, ke yèɛ wo Kanaà Hɛɛlɔ̀ wo Gbeeɔ̀ naŋ nyɛ̀lɛ̀ yɛ, wèè aŋ yɛmɛ̀uŋ diɛŋ.

Nyɛ̀nɛ̀ŋ 24:11

Sèè mùŋ naŋ ɓɛ̀nɛ̀ŋ maŋ nɔnɔŋ tùaŋ tɛ̀ɛ̀ wèè maŋ niŋ nyìmàŋ muàŋ bi, kɛ̀ maŋ ɗɔ̀ɔ̀ zììyà jɛ̀wɛ̀ tìyèe kòò màŋ mààŋ dai nààŋ mìŋ naŋ mɛ̀iŋ kɔ̀ ko Jùlusɛ̀làm wèè ka zoolò.

Nyɛ̀nɛ̀ŋ 24:2

Àŋ naŋ hìɛ̀ŋ wo Pɔɔ̀ ko fɛɛ̀feìŋ, kpeiŋ wo Tɛtɔlɔ̀ naŋ hèè e zawè nyiŋ nɛ̀ wo Kanaà Filɛ̀ feìŋ wààŋ, “Màŋ nyɛ̀nɛ̀ŋ anyuùŋ wi nyàŋ àŋ nɔ̀ŋ ke jii fàa sùà wèè e teenga mùnlaŋ, yèè esàɓù ke kpèè siaŋ mɔɛ̀ŋ wɔŋ fuɔŋ wiɔ̀ yaà nàaŋ tɛ̀ɛ̀.

Nyɛ̀nɛ̀ŋ 25:15

e teengaà mìŋ naŋ wa kɔ̀ ko Jùlusɛ̀làm lɛ, aŋ kànà sìèfèìŋ zòòlo nyàŋ yaà aŋ màmànkùmɛ̀ŋ aŋ Juùù nyaŋ naim dawè wèè kauŋ jèè keì.

Nyɛ̀nɛ̀ŋ 25:2

Kuŋ aŋ kànà sìèfèìŋ zòòlo nyàŋ yèè aŋ ɓɛ̀màŋɗì aŋ Juùù nyaŋ bà naŋ tɔ̀ɔ̀ e zàwè ko nɛ̀ɛ̀uŋ niìŋ e nyaàiŋ dè e keìɛ àŋ naŋ gbùwò wo Pɔɔ̀ ɗì lɛ. Àŋ naŋ ɓɛìŋ dàwè wo Fɛtɔ̀ nyààŋ,

1 Kɔliìŋ 2:1

Nyɛ̀iŋ nààŋ wùìyaim nyàŋ, e teengaà mìŋ naŋ hnè ko nɛ̀ɛ̀ŋ nyiìŋ wèè ka wòò ke mìè gbìàŋ gbùnù tɔ̀ɔ̀nyàŋ Dayàa lɛ̀, miŋ gò tòòmò màŋ miè gbeegbèè ɔ̀ɔ̀ è nɛ̀ŋ nyìmaŋ zimgbe.

1 Kɔliìŋ 2:4

yèè e kàà kiim mɛ̀ yaà ke miè gbìaàŋ, miŋ gò niŋ wòò mìè gbòà è gbèe zimgbe è yìwìà è jììkɛ̀ɛ̀ nyuùŋkpùuŋ sùà, sɔɔ̀ maŋ mìè gbòa kpàà nyùùŋ ɗì maŋ tɔɔ̀ e gààŋ Jìnàŋ Dayàa lɛ̀.