Nyɛ̀nɛ̀ŋ 23:9 - WƆŊ FƐ̀Ì EBÒ SÌÀŊ DAYÀA

⁹ Yèè maŋ mìè kpààŋ e nyaàŋ tàaŋ nyiŋ nɛ̀ naŋ dɛ̀kɛ̀ò sùà. Aŋ kààmɔ̀ɔ̀ŋ maŋ Sàwà Mòòze nyàŋ bà nyiŋ yaà wa aŋ Fɛlosiì. Ko diemeì, aŋ Fɛlosiì nyaŋ naŋ tuù yèè àŋ naŋ woò nyààŋ, “E gòiŋ yɛ̀mɛ̀ è keì naanààaŋ wò felaa wɛɛ̀ naŋ nyɛ̀nɛ̀ŋ lɛ. È wɛ̀i ɓɛ̀nɛ̀ŋ nɔ̀ɔŋ kɛ̀ wo jinàŋ ɔ̀ɔ̀ wo màikà naŋ gbòò ko nɛ̀ɛ̀uŋ niìŋ.”

Nyɛ̀nɛ̀ŋ 23:9 ပူးပေါင်းရင်းမြစ်များ

Luù 23:22

Wo Paalè naŋ nyiŋ ɓɛìŋ dawè e dìà taaà sùà wààŋ, “Kɛɛ kiìŋ kè sàwà wò naŋ pɔɔ̀? Miŋ gò yɛ̀mɛ̀ è keì naanààaŋ wò naŋ nyɛ̀nɛ̀ŋ lɛ wèè auŋ jìwà. Mìŋ do nɔŋ nàŋ nyɛ̀nɛ̀ŋ auŋ ɓùlà yèè kauŋ dangè wo ka.”

Luù 23:4

Kpeiŋ wo Paalè naŋ wòò aŋ kànà sìèfèìŋ zòòlo nyàŋ wààŋ, “Miŋ gò yɛ̀mɛ̀ ke sàwàa wò felaa wɛɛ̀ naŋ pɔɔ̀ yɛ wèè kauŋ jèè è keì.”

Luù 5:30

Aŋ kààmɔ̀ɔ̀ŋ maŋ Sàwà Dayà nyaŋ bà nyiŋ ke gbòò aŋ Fɛlosiì nyaŋ sùà, naŋ tɛɛ̀ yɛmɛ̀, yèè àŋ naŋ dàwè anyùùŋ màŋjɛ̀wɛ̀uŋ nyàŋ nyààŋ, “Wèè kiìŋ nyɛ̀iŋ nààŋ anyuùŋ kùwà nɛ̀ɛ̀nɛ̀ŋ fuɔŋ nyàŋ yaà anyùùŋ maŋ kpèè naanààŋ nyaŋ jiiyà nɛ̀ŋje koɓɛ̀ guùŋ?”

Jɔ̀ɔŋ 12:29

Anyùùŋ nyaŋ siao wa nyàŋ naŋ kòmò ke mìè gbòà nyùùŋ. Kpeiŋ anyùùŋ nyaŋ bà nyiŋ naŋ woò nyààŋ, “Ko fùùiŋ naŋ kpààŋ,” yèè aŋ bà nyiŋ naŋ woò nyààŋ, “Wo màikà naŋ gbòò ko nɛ̀ɛ̀uŋ niìŋ.”

Nyɛ̀nɛ̀ŋ 11:17

E yaà janyai kɛ̀ wo Dayà naŋ kìɛ̀ŋ anyùùŋ nyaŋ nààŋ fè àŋ Juùù nyaŋ e kìɛ̀ŋ guùŋ nɛ wò naŋ wi wa kiɛ̀ŋ lɛ nààŋ è naiŋ wa sìè e hààwe wilɛ̀ wo Kanaà Jisɛ̀ Kulaì sùà. Kpeiŋ ɓòò nàŋ yààìm wèè ka gììyà wo Dayà maŋhɛɛ?”

Nyɛ̀nɛ̀ŋ 22:6

Wo Pɔɔ̀ naŋ ɓɛìŋ woò wààŋ, “Nààŋ mìŋ yaà wa kaaiŋ yèè mìŋ yaà hinie e gbɛ̀ɛ̀ ko Dàmakɔ̀, ebɛ̀ŋ e gɔɛɛ hàì dìò tɛɛ e hmɔɔ̀ŋ mɛ̀ɛŋ e yìwìà ko àìjɛnɛ̀ŋ naim dè fiò eim gbàì kɔɔ gbòlòuŋ.

Nyɛ̀nɛ̀ŋ 22:7

Mìŋ naŋ sɔ̀ɔ̀ ko dììnaŋ yèè mìŋ naŋ kòmò ke mìè nyùùŋ kè naim woò wààŋ, ‘Sɔɔ̀, Sɔɔ̀, wèè kiìŋ mùŋ yààìm nìmila sùà?’

Nyɛ̀nɛ̀ŋ 23:29

Mìŋ naŋ nyɛ̀nɛ̀ŋ maŋ nɔnɔŋ tùaŋ, kɛɛ miŋ gò yɛ̀mɛ̀ è keìɛ wò naŋ nyɛ̀nɛ̀ŋ lɛ wèè wo yɛ̀mɛ̀ fàa ɔ̀ɔ̀ wèè auŋ pɛɛ gbìàŋ kò sààŋ nyìwì. E keìɛ àŋ nauŋ gbùwò ɗì lɛ e nyaàiŋ naŋ dè maŋ sàwà nyiŋ màŋ.

Nyɛ̀nɛ̀ŋ 23:8

Aŋ Sadusiì nyaŋ gò haawè kɛ̀ ànyùùŋ do nàŋ yèwè e fàaà dìì wɔ̀ŋ nyiiŋ gèeo sùà sèè àŋ fà, e kìlà aŋ gò haawè kɛ̀ àŋ màikà ɔ̀ɔ̀ àŋ jinàŋ naanààŋ e hààwè aŋ jìnàŋ nyuùŋkpùuŋ àŋ yaà. Kɛɛ aŋ Fɛlosiì nyaŋ naŋ hààwè maŋ keì mɛɛ̀ŋ gbiŋ.

Nyɛ̀nɛ̀ŋ 25:25

Kɛɛ miŋ gò yɛ̀mɛ̀ è keì gbiŋ è yèɛ wò naŋ nyɛ̀nɛ̀ŋ lɛ wèè wo yɛ̀mɛ̀ è fàa; yèè nààŋ wuŋ bi naŋ dawè wèè wo Kànà Gbèè wɔŋ fùɔ̀ŋ anyùùŋ Luùm nyaŋ wouŋ gbaì, mìŋ naŋ ɗewè wèè kauŋ tùàŋ ko Luùm.

Nyɛ̀nɛ̀ŋ 26:31

Nààŋ àŋ naŋ fòlò ko zɛ̀mɛ̀ɛ̀ŋ dèèneì wèè anyùùŋ nyaŋ gbiŋ aŋ ka wa, àŋ naŋ wòò aŋ dàwi fèemàŋ nyààŋ, “Wo felaa wɛɛ̀ gò nyɛ̀nɛ̀ŋ è keì gbiŋ wèè euŋ jeè wèè e nɔ̀ŋ èsaɓù wèè auŋ jìwà ɔ̀ɔ̀ auŋ gbìàŋ kò sààŋ nyìwì.”

Nyɛ̀nɛ̀ŋ 27:23

Nàaŋ dùùm mìŋ naŋ yɛ̀mɛ̀ wo màìkà wo Dayàa kànàìm yèè mìŋ zoolà wɔ wò sìàìm kɔɔ,

Nyɛ̀nɛ̀ŋ 5:39

Kɛɛ sèè mààŋ zà wo Dayà naŋ nyiŋ kìɛ̀ŋ è gààaŋ e kìlà wuŋ àŋ naŋ tùlìè jii, niŋ naàŋ nyiìŋ ɓɛ̀nɛ̀ŋ kèèwè kùàŋ feìŋ. Sèè nìŋ nyɛnɛŋ yɛi, nìŋ do nàŋ yɛmɛ̀ kɛ̀ nìŋ yaà sùmiaŋ sùà wo Dayà.” Anyùùŋ gbèègbèè fuɔɔ̀ŋ naŋ jàà e gò Gàmaliàa kùàŋ dìì.

Nyɛ̀nɛ̀ŋ 9:4

Wò naŋ sɔ̀ɔ̀ ko dììnaŋ yèè wò naŋ kòmò ke mìè nyùùŋ kè nauŋ woò wààŋ, “Sɔɔ̀, Sɔɔ̀, wèè kiìŋ mùŋ yààìm nìmila sùà?”

1 Kɔliìŋ 10:22

È doiŋ nàŋ nyɛ̀nɛ̀ŋ wo Kanaà wo gè le koo sèè è nyɛ̀nɛ̀ìŋ tɛɛ̀. È gongàìŋ kɛ̀ èiŋ nyìngà sùà èiŋ wuŋ nìàŋ?