Nyɛ̀nɛ̀ŋ 23:6 - WƆŊ FƐ̀Ì EBÒ SÌÀŊ DAYÀA

⁶ Nààŋ wo Pɔɔ̀ naŋ wa yɛmɛ̀ kɛ̀ ke gbòò anyùùŋ gbèègbèè aŋ Juùù nyaŋ naŋ wa dìè aŋ Sadusiì yèè aŋ Fɛlosiì, wò naŋ kpààŋ sɛiŋ wààŋ, “Nyɛ̀iŋ nààŋ wùìyaim nyàŋ, mìŋ yaà wo Fɛlosiì yèè wo jɔ̀à kòmàŋ wo Fɛlosiì. Mìŋ yaà kɔ̀ɔ̀yɛ̀ e gbài dìì esaɓù kɛ̀ mìŋ kuwa ke jii tùlia kɛ̀ anyuùŋ fàa nyàŋ do ɓɛìŋ nàŋ yèwè e fàaà dìì.”

Nyɛ̀nɛ̀ŋ 23:6 ပူးပေါင်းရင်းမြစ်များ

Maafiù 10:16

“Kùmiàŋ nìim, mìŋ yààìŋ tùàŋ sùà mààŋ aŋ ɓaawaa ke gbòò anyuùŋ kpùuŋ e tɛɛ, aŋ yè nyaŋ kuwa maŋ kpèè naanààŋ màànààŋ aŋ pɔ̀ɔ̀wɛ̀i yaà lɛ. Dùaìŋ nyiŋ e jiikɛ̀ɛ sùà màànààŋ nɔŋ nìŋ duɔŋ aŋ kaì naanààŋ lɛ, e kìlà niŋ kɛɛnɛ̀ŋ maŋ kpèè ɓɛ̀ɛ̀jàa màànààŋ aŋ bòòùm yaà lɛ, aŋ yè nyaŋ fè nɛ̀ɛ̀mùŋ nyùùŋ nyaŋ.

Maafiù 22:23

Kpeiŋ aŋ sìèfèìŋ aŋ Juùù nyaŋ bà àŋ nyaaŋ aŋ Sadusiì nyaŋ, naŋ woò nyààŋ sèè wo nyùùŋ fà wo fè ɓɛìŋ yèwà dìì. Àŋ naŋ hnè koɓɛ̀ Jisɛ̀i ke ɗɔ̀ɔ̀ guùŋ yii yèè àŋ nauŋ dawè nyààŋ,

Maafiù 3:7

Nààŋ wo Jɔ̀ɔŋ naŋ wa yɛ̀mɛ̀ anyuùŋ zimgbe e yìwìà ke gbòò aŋ Fɛlosiì nyaŋ yèè aŋ Sadusiì nyaŋ sùà àŋ yaà hìnìè ko nɛ̀ɛ̀uŋ niìŋ wèè wo nyiŋ gùà, wò naŋ nyiŋ woò wààŋ, “Nyɛ̀iŋ nààŋ kaì nyɛɛ̀ nyɛɛ̀ŋ, ɓòò naiŋ woò nààŋ nàŋ ɓɛ̀nɛ̀ŋ dùàŋ e nimilàa sìwè, e yèɛ wo Dayà yaà hinie woiŋ tùàŋ lɛ?

Nyɛ̀nɛ̀ŋ 22:3

Wo Pɔɔ̀ naŋ woò wààŋ, “Mìŋ yaà wo Juùù nyuuŋ, yèè àŋ naim wa kùmìè ko jawa gbeeì ko Tasɔ̀ wɔŋ fùɔ̀ŋ Sèlesìàa sùà. Kɛɛ kià ko Jùlusɛ̀làm mìŋ naŋ dɛɛkɛ̀, yèè mìŋ yaà wa wo kààjɔa e yìwìà ko gbòòkùàŋ Gàmaliàa. Yèè àŋ naim wa kaà wèè ka jɔ̀ɔ̀lɔ̀ maŋ sàwà aŋ nèwàènèwe wi nyàŋ gbiŋ dìì. Yèè ngèè mìŋ yaà wa e wànàŋ zimgbe sùà wèè ka jɔ̀ɔ̀lɔ̀ wo Dayà dìì mààŋ nyɛ̀iŋ nààŋ bà gbiŋ nàaŋ ɗɔɔ yɛɛ̀.

Nyɛ̀nɛ̀ŋ 22:30

Kɛɛ wɔŋ niìsìaà bàa wo kànà aŋ kààlòòɗùà nyaŋ manaŋ wa wo nyìmàŋ e keì titiɛ̀ yèè esaɓùɛ anyùùŋ gbèègbèè aŋ Juùù nyaŋ naŋ wa jàà maŋ keì mɛɛ̀ŋ wo Pɔɔ̀ ɗì lɛ. Yèè wò naŋ gè wo Pɔɔ̀ maŋ jɔ̀ɔɔ màŋ, wò naŋ nyààŋ aŋ kànà sìèfèìŋ zòòlo nyàŋ yaà anyùùŋ gbèègbèè aŋ Juùù nyaŋ gbiŋ e dèène sùà. Kpeiŋ wò naŋ nyiŋ hìɛ̀ŋ wo Pɔɔ̀ wo nyiŋ wuŋ sèèlè fɛɛ̀feìŋ.

Nyɛ̀nɛ̀ŋ 22:5

Wo Kànà Sìèfèìŋ Zòòlo Gbeeɔ̀ yèè aŋ màmànkùmɛ̀ŋ fuɔɔ̀ŋ gbiŋ nyìmàŋ kɛ̀ mìŋ yààìŋ wòò e tɔɔɓaaà. Àŋ naim wa kìɛ̀ŋ maŋ fɛ̀ì miè gbìaŋ wèè koɓɛ̀ anyùùŋ gbèègbèè aŋ Juùù nyaŋ ko Dàmakɔ̀, wèè kao wa kùwà anyùùŋ màŋjɛ̀wɛ̀ Kanaà yèè ka nyiŋ hìàŋ ko Jùlusɛ̀làm wèè aŋ ka e keì nyìnga dìì.”

Nyɛ̀nɛ̀ŋ 23:1

Wo Pɔɔ̀ naŋ yɛ̀mɛ̀ anyùùŋ gbèègbèè aŋ Juùù nyaŋ dìiiŋ yèè wò naŋ woò wààŋ, “Wùìyaim nyàŋ, e gòngo mɛ̀ è yaà zɛ̀nɛŋ niŋ janjai e ɗeweɛ̀ mìŋ naŋ nyɛ̀nɛ̀ŋ wɔŋ nyiiŋ gèe siaŋ miɔ̀ŋ wo Dayà fɛɛ̀feìŋ lɛ e jèèsùà e hàì ke ɗɔɔ yɛɛ̀ nàaŋ.”

Nyɛ̀nɛ̀ŋ 23:15

Weètii, muàŋ yèè anyùùŋ gbèègbèè fuɔŋ nyàŋ gbiŋ, kɔ̀àiŋ koɓɛ̀ wo kànà aŋ kààlòòɗùà nyaŋ niŋ nyɛ̀nɛ̀ŋ mààŋ nìŋ manaŋ naŋ ɓɛìŋ nyɛ̀nɛ̀ŋ maŋ nɔnɔŋ tùaŋ e nyaàiŋ dè maŋ keì maŋ àŋ naŋ gbùwò wo Pɔɔ̀ ɗì maŋ. Dàweìŋ wèè aŋ hiàuŋ ko fɛɛ̀fenìiŋ. Etèèŋgà guùŋ bi sùà, è douŋ nàŋ nɔ̀ŋ fulie wèè euŋ jìwà paŋgàà wò haìyòo.”

Nyɛ̀nɛ̀ŋ 23:20

Wo fooningeɔ̀ naŋ wòò wo kànà aŋ kààlòòɗùà nyaŋ wààŋ, “Aŋ kpàkòò bà naŋ ɗewè wèè aum dawè wèè maŋ hìàŋ wo Pɔɔ̀ ko fɛ̀ɛ̀fèìŋ anyùùŋ gbèègbèè aŋ Juùù nyaŋ nàwèè. Àŋ do nàŋ nyɛ̀nɛ̀ŋ mààŋ àŋ manaŋ aŋ ɓɛìŋ nyɛ̀nɛ̀ŋ maŋ nɔnɔŋ tùaŋ e nyaàiŋ euŋ dè.

Nyɛ̀nɛ̀ŋ 23:7

Wo Pɔɔ̀ naŋ wa nɔŋ tɛɛ̀ woò fa, e nyaàŋ tàaŋ sɛ̀ɛ̀ aŋ Sadusiì nyaŋ yèè aŋ Fɛlosiì nyaŋ e fèemàŋ. Yèè ke gbòò anyùùŋ gbèègbèè aŋ Juùù nyaŋ naŋ gòònò sùà.

Nyɛ̀nɛ̀ŋ 24:15

Mìŋ kuwa ke jii tùlia wo Dayà sùà màànààŋ nɔŋ nyiŋ pɛɛ jàà nìŋ kùàŋ dìì lɛ, kɛ̀ anyuùŋ fàa nyàŋ gbiŋ, wo jè tɔ̀ɔ̀nyaàaŋ yèè wo jè maŋ tùwo naanààaŋ do wa nàwèè nàŋ yèwè e fàaà dìì.

Nyɛ̀nɛ̀ŋ 24:21

E keìɛ nɔŋ àŋ naim gbùwà ɗì lɛ nàŋ yaà e yèɛ mìŋ naŋ woò ke miè gbee sùà nààŋ mìŋ sìà nyiìŋ ko fɛɛ̀feìŋ mìàŋ, ‘Mìŋ yaà nàaŋ kɔ̀ɔ̀yɛ̀ e gbài dìì esaɓù kɛ̀ mìŋ naŋ haawè kɛ̀ anyuùŋ fàa nyàŋ do nàŋ yèwè e fàaà dìì wɔŋ nyiiŋ gèeo sùà.’ ”

Nyɛ̀nɛ̀ŋ 28:20

Wèè esaɓù lɛɛ̀ mìŋ naŋ dawè wèè kaum yɛmɛ̀ e kìlà wèè kaum gbòà kɔɔ, nààŋ è yaà esàɓù wo nyùnɔ̀ɔŋ wo yèɔ anyùùŋ Ezɔ̀ɛ̀ nyaŋ kuwa ke jii tùlia sùà wɔ àŋ naim sìè maŋ jɔ̀ɔɔ mɛɛ̀ŋ.”

Fèle 3:5

Mìŋ yaà wa maŋ ɗɔ̀ɔ̀ nɔɔnɔŋ le taai nààŋ àŋ naim wa jàà kpùa. Anyuùŋ kòmaim nyàŋ àŋ yaà wa anyùùŋ fùɔ̀ŋ Ezɔ̀ɛ̀ɔ, e yìwìà e zìì Bɛ̀njìmaiŋ nɛ̀ sùà, yèè mìŋ kuwa maŋ sɛ̀ìŋ aŋ Hiɓulù nyuuŋ. Nààŋ mìŋ yaà wa wo Fɛlosiì lɛ, mìŋ naŋ wa jɔ̀ɔ̀lɔ̀ maŋ Sàwà Dayà maŋ gbiŋ dìì.

Kòlo 1:5

E teengaà ke mìè gbìàŋ tɔ̀ɔ̀nyààŋ Ebò Siaàŋ naŋ wa hnè ko nɛ̀ɛ̀iŋ niìŋ jiɛ̀ lɛ, nìŋ naŋ wa kòmò e kèè ke jii tùliaà è kiɛ̀ŋ lɛ. Weètii e hààweɛ̀ yèè e mànaàŋ nìŋ kuwa lɛ̀, nàŋ yaà e yèɛ nìŋ yaà kaame ke jii tùlia sùà lɛ, e yèɛ yaà bàànè hàa weèiŋ ko àìjɛnɛ̀ŋ lɛ.

Hiɓu 6:19

Ke jii tùlia yɛɛ̀ nyɛnɛŋ wɔŋ nyììŋ wiɔ̀ jɛi gìli e kìlà ke wi joeyè, yèè kè yaà mààŋ wɔŋ hààŋgàa jàà wɔŋ meeèɔ gìli lɛ̀. Ke jii tùliaà è kùwàìŋ yɛ nàŋ yaà wo Jisɛ̀, wo yèɔ kɔ̀à wo Dayà fɛɛ̀feìŋ, màànààŋ nɔŋ aŋ sìèfèìŋ zòòlò gbee nyàŋ maaŋ wɔŋ dèè saaŋ yɛmgbɛ̀ɔ jɛ̀wɛ̀ aŋ hàì ko zòòlò Nɛɛmaŋ Gbeeì ko Saaŋ Zòòlò Dayài.