Nyɛ̀nɛ̀ŋ 23:35 - WƆŊ FƐ̀Ì EBÒ SÌÀŊ DAYÀA

³⁵ Wo kanaà naŋ kpɛ̀nɛ̀ŋ wɔŋ fɛiɔ̀ yèè wò naŋ wòò Pɔɔ̀ wààŋ, “Mìŋ do nàŋ kùmìè e keìɛ mùŋ naŋ nyɛ̀nɛ̀ŋ lɛ sèè anyùùŋ nyaŋ hnàŋ nɔŋ wèè aim woò kɛ̀ kiìŋ mùŋ naŋ nyiŋ pɔɔ̀ɔ̀, kpeiŋ kɛ̀ kà gbàì e keì mɔ̀ɛ̀.” Nààŋ wo kanaà naŋ tɛɛ̀ woò, wò naŋ wòò anyunùuŋ nyàŋ wèè aŋ koà wo Pɔɔ̀ ko sààŋ gbèè kanaà, ke yèɛ wo Kanaà Hɛɛlɔ̀ wo Gbeeɔ̀ naŋ nyɛ̀lɛ̀ yɛ, wèè aŋ yɛmɛ̀uŋ diɛŋ.

Nyɛ̀nɛ̀ŋ 23:35 ပူးပေါင်းရင်းမြစ်များ

Maafiù 2:1

Àŋ naŋ wa kùmìè wo Jisɛ̀ ko jawaì àŋ nyaaŋ ko Bɛfilehɛɛ̀ŋ wɔŋ fùɔ̀ŋ Jùdiàa sùà, e teengaà wo Hɛɛlɔ̀ yaà wa wo kana lɛ̀. E tèèngà guùŋ bi sùà, anyuùŋ kɛ̀ɛ̀jii bà aŋ yè nyaŋ naŋ wa nyìmè yèè àŋ kiɛ̀ŋ e fàsai e nyaàiŋ dè e ɗewe kiiɛ̀ maŋ ɗu màŋ jaà ke nyiliɛ̀ lɛ naŋ hnè. Anyùùŋ bi naŋ wa e yìwìà e tèèngà ko fùlìè gɔɛɛ̀ yèè àŋ naŋ yɛ̀mɛ̀ e jɛ̀ì kìì maŋ ɗu màŋ ke nyiliɛ̀ yèè àŋ naŋ hnè ko Jùlusɛ̀làm,

Maafiù 2:16

Nààŋ wo Hɛɛlɔ̀ naŋ wa nyìmè kɛ̀ anyuùŋ kɛ̀ɛ̀jii nyàŋ àuŋ zuwò, wò naŋ wa tuù. Yèè wò naŋ kìɛ̀ŋ e gààŋ koɓɛ̀ aŋ kààlòòɗùàuŋ nyàŋ wèè aŋ jìwà aŋ felaajɔa nyàŋ gbiŋ e fèèmàŋ maŋ dòà tìyèe e dèyà koɓɛ̀ aŋ kòmaŋ jɛ̀ì nyaŋ ko Bɛfilehɛɛ̀ŋ yèè maŋ kpàlàùŋ kpàlàùŋ maŋ gbiŋ sùà ko Bɛfilehɛɛ̀ŋ. Tɛɛ̀ zà naŋ wa kaaìŋ esàɓù e nɛ̀ɛŋ aŋ nyuùŋ kɛ̀ɛ̀jii nyàŋ naŋ wa wòò wo Hɛɛlɔ̀ lɛ e nyaàiŋ dè e teengaà àŋ naŋ wa yɛ̀mɛ̀ wɔŋ ɗuɔ̀ ko fùlìè gɔɛɛ lɛ.

Maafiù 2:3

E teengaà wo Kanaà Hɛɛlɔ̀ naŋ wa tɛɛ̀ kòmò lɛ, ke jiiuŋ nɛɛ̀ŋ naŋ wa mɔɔnɛ̀ŋ e hààwè anyùùŋ nyaŋ gbiŋ ko Jùlusɛ̀làm e nyaàiŋ dè ebò bi.

Maafiù 27:27

Kpeiŋ aŋ kààlòòɗùà Paalè nyaŋ naŋ kɔ̀ɔ̀ wo Jisɛ̀ ko sààŋ gbèè kanaà, yèè àŋ kààlòòɗùà gbànaŋ nyàŋ gbiŋ nauŋ gbònò kɔɔ.

Jɔ̀ɔŋ 18:28

È yaà wa maŋ nyiìŋ tɛ̀tɛ̀ wɔŋ niìsìaà bàa, àŋ naŋ gè wo Jisɛ̀ ko gbòò Kaifɔ̀, yèè àŋ nauŋ kɔ̀ɔ̀ ko sààŋ gbèè kanaà Paalè, wo kànà anyùùŋ ko Luùm nyaŋ. Kɛɛ anyùùŋ nyaŋ gbiŋ naŋ wa sìè ko jɔɔlèe ko fulieuŋ. Sèè wo bà gbiŋ woo wa weè jɔ̀à, wò naàŋ wa weè nɔ̀ŋ è zɛ̀nɛuŋ wèè wo jè e nɛ̀ŋjè wɔ̀ŋ Ɗaa Gèe Hɔ̀ɛ̀ɛ̀ŋ Diɛɔ̀ŋ.

Nyɛ̀nɛ̀ŋ 23:30

Nààŋ mìŋ naŋ kòmò kɛ̀ àŋ naŋ jàà ke gbùnu weèuŋ wèè auŋ jìwà, mìŋ nauŋ tùɔ̀ŋ ko nɛ̀ɛ̀ŋ muìŋ yèè mìŋ naŋ wòò aŋ sìèfeìŋ nyiŋ nyàŋ kɛ̀ aŋ hiàŋ maŋ keì maŋ àŋ nauŋ gbùwò ɗì maŋ ko nɛ̀ɛ̀ŋ muìŋ wèè maŋ niŋ yɛ̀mɛ̀ dììò sùà.”

Nyɛ̀nɛ̀ŋ 24:1

Maŋ ɗɔ̀ɔ̀ nɔɔnɔŋ naŋ mààŋ, yèè wo kànà sìèfèìŋ zòòlo gbeeɔ̀ Ananaayà yaà aŋ màmànkùmɛ̀ŋ fuɔŋ nyàŋ bà e kpùlìà wo lɔɔyàa àŋ nyaaŋ wo Tɛtɔlɔ̀ wɔ, naŋ hnè koɓɛ̀ wo Kanaà Filɛ̀ yèè àŋ nauŋ tɔ̀ɔ̀ e zàwè wèè e nànàaŋ wo Pɔɔ̀ naŋ nyiŋ jàà lɛ.

Nyɛ̀nɛ̀ŋ 24:10

Kpeiŋ wo kanaà naŋ niŋ hàlèè wo Pɔɔ̀ wèè wo gbòà. Wo Pɔɔ̀ naŋ woò wààŋ, “Kà nyìmàŋ kɛ̀ màŋ nɔ̀ŋ wo kana gbàì keì wɔŋ fuɔŋ wɛɛ̀ŋ diɛŋ wèè maŋ doa jika bà, weètii e zɔlɔ̀ yààìm wèè ka gbaì wèè miàŋ bi ko fɛɛ̀fenùum.

Nyɛ̀nɛ̀ŋ 24:19

Aŋ Juùù nyaŋ bà e yìwìà ko Eesìà yaào dài e teenga lii, yèè sèè àŋ kɛɛnɛ̀ŋ e keì gbiŋ e nyaàiŋ eim dè, kɛ̀ àŋ he weè naàŋ nàŋ nɔ̀ŋ kià.

Nyɛ̀nɛ̀ŋ 24:22

Wo Kanaà Filɛ̀, wo yèɔ naŋ wa nyìmè e ɗeweɛ̀ e nyaàiŋ dè ke Dòmàŋ Kanaà Jisɛ̀ wɔ, naŋ nyɛ̀nɛ̀ŋ maŋ nɔnɔŋ tùaŋ yèè wò naŋ hìɛ̀ŋ e keì wòo bi ko dìa. Wò naŋ woò wààŋ, “Mìŋ do nàŋ hàà e kiti mɛ̀ sèè wo Lasià, wo kànà aŋ kààlòòɗùà nyaŋ wò hnàŋ.”

Nyɛ̀nɛ̀ŋ 24:23

Wò naŋ wòò wo nyùùŋ gbèè kààlòòɗùàa yaà wa yɛ̀ɛ̀mɛ̀ wo Pɔɔ̀ diɛŋ wɔ̀ kɛ̀ wo yɛmɛ̀uŋ diɛŋ, kɛɛ ɓɔ̀ wò gbìàuŋ kò sààŋ nyìwì yèè kɛ̀ ɓɔ̀ wò keewè àŋ dàwiuŋ nyàŋ kùàŋ feìŋ sèè àŋ mɔnɔŋ wèè auŋ kpuumàŋ.

Nyɛ̀nɛ̀ŋ 25:16

Kɛɛ mìŋ naŋ nyiŋ woò mìàŋ tɛɛ̀ nàŋ fè è làŋgì ànyùùŋ fùɔ̀ŋ Luùm nyaŋ wèè aŋ kìlà wò nyùùŋ keì kòɓɛ̀ ànyùùŋ nyaŋ nauŋ gbùwò maŋ keì ɗì nyaŋ.