Nyɛ̀nɛ̀ŋ 23:21 - WƆŊ FƐ̀Ì EBÒ SÌÀŊ DAYÀA

²¹ Kɛɛ kɔ̀nɛɛ̀ŋ ɓɔ̀ mùŋ nyimèè nyiŋ. Aŋ kpàkòò nyaŋ nìàŋ kpɛ̀ùŋ tìyèe yèè àŋ do nàŋ gbùwò wo Pɔɔ̀ ke gùuŋ. Àŋ naŋ jɔ̀ɔ̀ ɗààhiì koɓɛ̀ Dayài kɛ̀ aŋ naàŋ jè è nɛ̀ŋ gbiŋ ɔ̀ɔ̀ aŋ tìà e jèèsùà aŋ jìwà wo Pɔɔ̀. Yèè nààŋ pɛɛ mìŋ gboo yaà lɛ kòò àŋ yààùm fulie wèè aŋ kòmàŋ kɛ̀ kiìŋ mùŋ naŋ ɗewè.”

Nyɛ̀nɛ̀ŋ 23:21 ပူးပေါင်းရင်းမြစ်များ

Luù 11:54

wèè aŋ nyɛ̀nɛ̀uŋ wo woò e keì naanààŋ.

Nyɛ̀nɛ̀ŋ 20:19

Aŋ Juùù nyaŋ zimgbe nyiŋ naŋ wa jɔ̀ maŋ gbùnu naanààŋ sùà weèim yèè àŋ naim nyɛ̀nɛ̀ŋ ka gòlà e kìlà aim jàà e keì nyìnga. Kɛɛ mìŋ naŋ tomo wèè wo Kanaà yèè mìŋ nauŋ jɔ̀ɔ̀lɔ̀ dìì.

Nyɛ̀nɛ̀ŋ 23:22

Wo kànà aŋ kààlòòɗùà nyaŋ naŋ wòò wo fooningeɔ̀ wààŋ, “Ɓɔ̀ mùŋ woò wò nyùùŋ gbiŋ kɛ̀ màim tɛɛ̀ woò.” Yèè wò naŋ dangè wo fooningeɔ̀ wò naŋ kɔ̀.

Nyɛ̀nɛ̀ŋ 25:3

wo kpuumàŋ nyiŋ wo nyɛ̀nɛ̀ŋ esaɓù wo Pɔɔ̀ wo ka ko Jùlusɛ̀làm, fòfoo àŋ naŋ wa ɗewè wèè auŋ jìwìà ko dòmaìŋ sèè wò nɔ̀ŋ kɔɔyɛ.

Luùm 9:3

wèè anyunùim nyàŋ, e kèìŋ yèè maŋ sɛ̀ìŋ miàŋ bi màŋ! Wèè esàɓù aŋ wùìyaim nyàŋ, aŋ Juùù nyaŋ, mìŋ he weè nàŋ mɔ̀nɔ̀ŋ ka nɔ̀ŋ e gbòònò Dayàa dìì, yèè wèè woim gè anyùùŋ màŋjɛ̀wɛ̀ nyaŋ sùà wo Kulaì maŋjɛ̀wɛ.

2 Kɔliìŋ 11:26

Yèè maŋ kààiŋ zimgbe màŋ miŋ naŋ kaaìŋ màŋ sùà, mìŋ naŋ kɔ̀ɛ̀ e kèì nyìngà wuiyè jòwa yèè anyuùŋ wùa dìì, yèè mìŋ naiŋ kɔ̀ɛ̀ dìì e yìwìà anyùùŋ miàŋ bi nyàŋ sìwè yèè e yìwìà anyùùŋ nyaŋ fè àŋ Juùù nyaŋ sìwè. Maŋ kèì fɛɛ̀ nyùwò naŋ nɔ̀ŋ maŋ jawa gbeegbèè maŋ sùà, maŋ kèì fɛɛ̀ nyùwò naŋ nɔ̀ŋ maŋ keì gɔ̀àgɔ̀à sùà maŋ sùà, maŋ kèì fɛɛ̀ nyùwò naŋ nɔ̀ŋ maŋ juwo màŋ diɛŋ, yèè maŋ kèì fɛɛ̀ nyùwò naŋ yìwìè aŋ wùìya nyuuŋ tòa sìwè.