Nyɛ̀nɛ̀ŋ 23:10 - WƆŊ FƐ̀Ì EBÒ SÌÀŊ DAYÀA

¹⁰ Àŋ naŋ dàà ke gùuŋ e nyaàŋ tàaŋ nyiŋ nɛ̀ sùà, yèè e jùù naŋ nyɛ̀nɛ̀ŋ wo kànà aŋ kààlòòɗùà nyaŋ kɛ̀ anyùùŋ nyaŋ ɓɛ̀nɛ̀ŋ jìwà wo Pɔɔ̀ e kìlà auŋ sɛ̀ɛ̀sɛ̀ɛ̀ maŋ fàà nyɛ̀ɛ̀nyɛ̀ɛ̀. Kpeiŋ wò naŋ tùɔ̀ŋ aŋ kààlòòɗùàuŋ nyaŋ wèè aŋ gè nyiŋ wo Pɔɔ̀ e tɛɛ maŋ dùaŋ dùaŋ aŋ koàuŋ ko gbòòkùàŋ aŋ kààlòòɗùà nyaŋ.

Nyɛ̀nɛ̀ŋ 23:10 ပူးပေါင်းရင်းမြစ်များ

Nyɛ̀nɛ̀ŋ 21:37

Nààŋ aŋ kààlòòɗùà nyaŋ yaà wa naàŋ hinie wèè aŋ jɔ̀ɔ̀yɛ̀ wo Pɔɔ̀ ko gbòòkùàŋ aŋ kààlòòɗùà nyaŋ, wo Pɔɔ̀ naŋ dàwè wo kànà aŋ kààlòòɗùà nyaŋ wààŋ, “Màim ɓɛ̀nɛ̀ŋ gè nyààŋ diɛŋ wèè kaum wòò e keì bà?” Wo kànà aŋ kààlòòɗùàa nauŋ dawè wààŋ, “Diè mùŋ naŋ nyìmè e ɗèwè e Guliì mieɛ̀ gbòa?

Nyɛ̀nɛ̀ŋ 22:24

Wo kànà aŋ kààlòòɗùà anyùùŋ ko Luùm nyaŋ naŋ wòò aŋ kààlòòɗùàuŋ nyàŋ kɛ̀ aŋ koà wo Pɔɔ̀ ko gbòòkùàŋ aŋ kààlòòɗùà nyaŋ, yèè wò naŋ nyiŋ woò wààŋ aŋ ɓùlàuŋ wèè aŋ nyɛ̀nɛ̀ŋ maŋ nɔnɔŋ tùàŋ kɛ̀ wèè kiìŋ aŋ Juùù nyaŋ yàaùŋ yɛi gùlìè dìì.

Nyɛ̀nɛ̀ŋ 23:16

Kɛɛ nààŋ wo jɔ̀àfèlàà wo jàà Pɔɔ̀ɔ naŋ nyìmè ke gbùnu nyiŋ nɛɛ̀ŋ, wò naŋ kɔ̀ ko gbòòkùàŋ aŋ kààlòòɗùà nyaŋ yèè wò naŋ niŋ gbàì wo Pɔɔ̀ jii.

Nyɛ̀nɛ̀ŋ 23:27

Aŋ Juùù nyaŋ bà nyiŋ naŋ kùwò wo felaa wɛɛ̀ yèè àŋ manaŋ weè auŋ jìwà. Kɛɛ nààŋ mìŋ naŋ kòmò kɛ̀ wò yaà wo Luùm nyuuŋ, mìŋ naŋ tùɔ̀ŋ aŋ kààlòòɗùà nyaŋ bà wèè auŋ joeyè.

Nyɛ̀nɛ̀ŋ 23:28

Mìŋ manaŋ wa ka nyìmàŋ e keì titiɛ̀ wò naŋ nyiŋ pɔɔ̀ɔ̀ lɛ, yèè mìŋ nauŋ kɔ̀ɔ̀ anyùùŋ gbèègbèè aŋ Juùù nyaŋ fɛɛ̀feìŋ.

Nyɛ̀nɛ̀ŋ 23:32

Wɔŋ niìsìaà bàa aŋ kààlòòɗùà nyaŋ naŋ kààìŋ dìì nyaŋ naŋ kɛ̀ɛ̀ maŋjɛ̀wɛ ko gbòòkùàŋ aŋ kààlòòɗùà nyaŋ, yèè aŋ kààlòòɗùà nyaŋ jaa aŋ sòo nyàŋ diɛŋ nyàŋ naŋ kɔ̀ɔ̀ wo Pɔɔ̀ auŋ halèè.

Nyɛ̀nɛ̀ŋ 24:7

kɛɛ wo sìèfèìŋ aŋ kààlòòɗùà nyaŋ àŋ nyaaŋ Lasià naŋ hnè yèè wò naŋ wi wuŋ gè sìwè e gààŋ sùà.

2 Kɔliìŋ 11:26

Yèè maŋ kààiŋ zimgbe màŋ miŋ naŋ kaaìŋ màŋ sùà, mìŋ naŋ kɔ̀ɛ̀ e kèì nyìngà wuiyè jòwa yèè anyuùŋ wùa dìì, yèè mìŋ naiŋ kɔ̀ɛ̀ dìì e yìwìà anyùùŋ miàŋ bi nyàŋ sìwè yèè e yìwìà anyùùŋ nyaŋ fè àŋ Juùù nyaŋ sìwè. Maŋ kèì fɛɛ̀ nyùwò naŋ nɔ̀ŋ maŋ jawa gbeegbèè maŋ sùà, maŋ kèì fɛɛ̀ nyùwò naŋ nɔ̀ŋ maŋ keì gɔ̀àgɔ̀à sùà maŋ sùà, maŋ kèì fɛɛ̀ nyùwò naŋ nɔ̀ŋ maŋ juwo màŋ diɛŋ, yèè maŋ kèì fɛɛ̀ nyùwò naŋ yìwìè aŋ wùìya nyuuŋ tòa sìwè.

Jìiiŋ 1:19

Nyɛ̀iŋ nààŋ wùìya mànaim nyàŋ, nyìmaìŋ tɛɛ̀! Tɔ̀ wo nyùùŋ gbiŋ nɔ̀ŋ fiò wèè wo kòmàŋ maŋ kàìŋ, kɛɛ ɓɔ̀ wò gbòà fiò. Ɓɔ̀ wò tuù fiò.

Jìiiŋ 3:14

Kɛɛ sèè mùŋ nɔ̀ŋ wo nyuùŋ gè le koo, mùŋ naŋ kɛ̀ɛ̀fɛ̀ɛ̀, yèè mùŋ manaŋ e nɛ̀ɛŋ gbiŋ wèè muàŋ guùŋ kpò nɔŋ, ke jii mɔɛ̀ŋ sùà, ɓɔ̀ mùŋ kɛ̀ɛ̀ màŋ yòngà wèè è jiikɛ̀ɛum bi kɛ̀ màŋ sɛɛ̀ e jùumù sùà kòɓɛ̀ è tɔ̀ɔ̀nyaàaŋ.