Nyɛ̀nɛ̀ŋ 23:1 - WƆŊ FƐ̀Ì EBÒ SÌÀŊ DAYÀA

¹ Wo Pɔɔ̀ naŋ yɛ̀mɛ̀ anyùùŋ gbèègbèè aŋ Juùù nyaŋ dìiiŋ yèè wò naŋ woò wààŋ, “Wùìyaim nyàŋ, e gòngo mɛ̀ è yaà zɛ̀nɛŋ niŋ janjai e ɗeweɛ̀ mìŋ naŋ nyɛ̀nɛ̀ŋ wɔŋ nyiiŋ gèe siaŋ miɔ̀ŋ wo Dayà fɛɛ̀feìŋ lɛ e jèèsùà e hàì ke ɗɔɔ yɛɛ̀ nàaŋ.”

Nyɛ̀nɛ̀ŋ 23:1 ပူးပေါင်းရင်းမြစ်များ

Maafiù 5:22

Kɛɛ tɔ̀ miŋ woòiŋ naàŋ kɛ̀, sèè maŋ tùù wo dàwi mɔɔ̀ŋ sìwè wèè foo, àŋ doum nàŋ hìɛ̀ŋ ke sàwà fɛɛ̀feìŋ. E kìlà sèè maŋ wòò wo nyùùŋ gbiŋ mààŋ, ‘Wò siaŋ nɔŋ wèè foo!’ Àŋ doum nàŋ kɔ̀ɔ̀ ko sààŋ sàwà. Yèè sèè maŋ wòò wo nyùùŋ gbiŋ mààŋ wò yaà wo nyuùŋ kpàna, mùŋ do wa nàwèè nàŋ nɔ̀ŋ e keì nyìnga dìì e hmɔ̀ɔ̀ŋ jàhamaàŋ sùà.

Nyɛ̀nɛ̀ŋ 22:1

“Nyɛ̀iŋ nààŋ wùìyaim nyàŋ, jàaìŋ maŋ nùŋ dìì ko nɛ̀ɛ̀ŋ miìŋ miŋ gbaì wèè miàŋ bì ko fɛɛ̀fenìiŋ!”

Nyɛ̀nɛ̀ŋ 22:30

Kɛɛ wɔŋ niìsìaà bàa wo kànà aŋ kààlòòɗùà nyaŋ manaŋ wa wo nyìmàŋ e keì titiɛ̀ yèè esaɓùɛ anyùùŋ gbèègbèè aŋ Juùù nyaŋ naŋ wa jàà maŋ keì mɛɛ̀ŋ wo Pɔɔ̀ ɗì lɛ. Yèè wò naŋ gè wo Pɔɔ̀ maŋ jɔ̀ɔɔ màŋ, wò naŋ nyààŋ aŋ kànà sìèfèìŋ zòòlo nyàŋ yaà anyùùŋ gbèègbèè aŋ Juùù nyaŋ gbiŋ e dèène sùà. Kpeiŋ wò naŋ nyiŋ hìɛ̀ŋ wo Pɔɔ̀ wo nyiŋ wuŋ sèèlè fɛɛ̀feìŋ.

Nyɛ̀nɛ̀ŋ 22:5

Wo Kànà Sìèfèìŋ Zòòlo Gbeeɔ̀ yèè aŋ màmànkùmɛ̀ŋ fuɔɔ̀ŋ gbiŋ nyìmàŋ kɛ̀ mìŋ yààìŋ wòò e tɔɔɓaaà. Àŋ naim wa kìɛ̀ŋ maŋ fɛ̀ì miè gbìaŋ wèè koɓɛ̀ anyùùŋ gbèègbèè aŋ Juùù nyaŋ ko Dàmakɔ̀, wèè kao wa kùwà anyùùŋ màŋjɛ̀wɛ̀ Kanaà yèè ka nyiŋ hìàŋ ko Jùlusɛ̀làm wèè aŋ ka e keì nyìnga dìì.”

Nyɛ̀nɛ̀ŋ 23:15

Weètii, muàŋ yèè anyùùŋ gbèègbèè fuɔŋ nyàŋ gbiŋ, kɔ̀àiŋ koɓɛ̀ wo kànà aŋ kààlòòɗùà nyaŋ niŋ nyɛ̀nɛ̀ŋ mààŋ nìŋ manaŋ naŋ ɓɛìŋ nyɛ̀nɛ̀ŋ maŋ nɔnɔŋ tùaŋ e nyaàiŋ dè maŋ keì maŋ àŋ naŋ gbùwò wo Pɔɔ̀ ɗì maŋ. Dàweìŋ wèè aŋ hiàuŋ ko fɛɛ̀fenìiŋ. Etèèŋgà guùŋ bi sùà, è douŋ nàŋ nɔ̀ŋ fulie wèè euŋ jìwà paŋgàà wò haìyòo.”

Nyɛ̀nɛ̀ŋ 23:20

Wo fooningeɔ̀ naŋ wòò wo kànà aŋ kààlòòɗùà nyaŋ wààŋ, “Aŋ kpàkòò bà naŋ ɗewè wèè aum dawè wèè maŋ hìàŋ wo Pɔɔ̀ ko fɛ̀ɛ̀fèìŋ anyùùŋ gbèègbèè aŋ Juùù nyaŋ nàwèè. Àŋ do nàŋ nyɛ̀nɛ̀ŋ mààŋ àŋ manaŋ aŋ ɓɛìŋ nyɛ̀nɛ̀ŋ maŋ nɔnɔŋ tùaŋ e nyaàiŋ euŋ dè.

Nyɛ̀nɛ̀ŋ 23:28

Mìŋ manaŋ wa ka nyìmàŋ e keì titiɛ̀ wò naŋ nyiŋ pɔɔ̀ɔ̀ lɛ, yèè mìŋ nauŋ kɔ̀ɔ̀ anyùùŋ gbèègbèè aŋ Juùù nyaŋ fɛɛ̀feìŋ.

Nyɛ̀nɛ̀ŋ 23:6

Nààŋ wo Pɔɔ̀ naŋ wa yɛmɛ̀ kɛ̀ ke gbòò anyùùŋ gbèègbèè aŋ Juùù nyaŋ naŋ wa dìè aŋ Sadusiì yèè aŋ Fɛlosiì, wò naŋ kpààŋ sɛiŋ wààŋ, “Nyɛ̀iŋ nààŋ wùìyaim nyàŋ, mìŋ yaà wo Fɛlosiì yèè wo jɔ̀à kòmàŋ wo Fɛlosiì. Mìŋ yaà kɔ̀ɔ̀yɛ̀ e gbài dìì esaɓù kɛ̀ mìŋ kuwa ke jii tùlia kɛ̀ anyuùŋ fàa nyàŋ do ɓɛìŋ nàŋ yèwè e fàaà dìì.”

Nyɛ̀nɛ̀ŋ 24:16

Weètii mìŋ nyɛnɛŋ e tɛ̀ɛ̀tɛ̀ɛ̀ɛ gbiŋ mìŋ naŋ ɓɛ̀nɛ̀ŋ nyɛ̀nɛŋ wèè ka kɛ̀ɛ̀nɛ̀ŋ e gòngo siaŋ koɓɛ̀ Dayài yèè wo nyuùŋkpùuŋ.

Nyɛ̀nɛ̀ŋ 6:15

Anyùùŋ gbèègbèè fuɔɔ̀ŋ kinɛiŋ jaao wa nyàŋ naŋ gɔ̀àì wo Siiwììŋ le fɛ̀ɛ̀ yèè àŋ naŋ weè yɛmɛ̀ kɛ̀ wɔŋ dewàuŋ nɔɔ̀ŋ yaà mààŋ wɔŋ fèìŋ wo màikà.

1 Kɔliìŋ 4:4

Miŋ gò jàà jii wèè è keì naanààŋ gbee bà eim nɔ̀ŋ, kɛɛ tii gò tɔɔ̀ kɛ̀ è keì fèìm. Wo Kanaà nɔŋ nàŋ doim nàŋ tùɔ̀ŋ maŋ nɔnɔŋ.

2 Kɔliìŋ 1:12

E zɔlɔ̀ naŋ wi dìè jii, esaɓù kɛ̀ e gòngo wilɛ̀ è wi nyɛ̀nɛ̀ŋ è nyìmàŋ kɛ̀ maŋ kpèè wi màŋ e nyaàiŋ de manɛ̀ŋ maŋ wɔŋ nyiiŋ gèe wiɔ̀ sùà e ɗuunyaŋ lɛɛ̀, kaikai ngèè e mɔ̀ɔ̀nɔɛ̀ŋ yèè e jìlɛɛ̀ŋ yaà wì e fèemàŋ yàwiiŋ nɛ̀, è yaà e gààŋ nɛ̀ɛ̀màŋ Dayàa dìì. E gò e yìwìà è jììkɛ̀ɛ̀ nyuùŋkpùuŋ sùà.

2 Kɔliìŋ 4:2

È naŋ hèè maŋ gbùnu màŋ gbiŋ yèè maŋ kpèè sàngè maŋ gbiŋ e ɓula. E fè fɛ̀ɛ̀ wèè e zùwò nyùùŋ gbiŋ ɔ̀ɔ̀ e kàà kè mìè gbìàŋ Dayàa è tòa sùà. Wo Dayà yaà wo seì weè wi kɛ̀ e tɔ̀ɔ̀nyaàaŋ nɔŋ è woàìŋ, wèè anyuùŋ gbànaŋ nyàŋ aŋ gongò kɛ̀ wo Dayà wò wi ɓɛ̀nɛ̀ŋ tùlìà jii.

2Time 1:3

Mìŋ naŋ gè wo Dayà ke sɛ̀, wo yèɔ mìŋ zoolà e gòngo sengèì sùà wɔ, màànààŋ aŋ nèwàènèweim nyàŋ naŋ wa nyɛ̀nɛ̀ŋ lɛ. Mìŋ nauŋ gè sɛ̀ màànààŋ nɔŋ mìŋ naum jàà jii e teenga gbiŋ e zoolo mɛ̀ sùà e dùùm yaà maŋ gɔɛ lɛ̀.

Hiɓu 13:18

Zòòloìŋ weè wi e teenga gbiŋ. Èiŋ hààwè kɛ̀ è kùwàìŋ maŋ jii sengèì, esaɓù kɛ̀ è manaŋ eiŋ nyɛ̀nɛ̀ŋ e yèɛ yaà tɔ̀ɔ̀nyaàŋ lɛ e teenga gbiŋ.

1Pììlɛ 3:16

Nyɛ̀nɛìŋ tɛɛ̀ e tùwo siaŋ diɛŋ, yèè e ɓɛ̀ɛ̀jàa sùà. Yèè maŋ jiiŋ màŋ nɔ̀ŋ sengei wèè kɛ̀ sèè àŋ pɔɔ̀ìŋ ɓɛ̀ɛ, anyùùŋ nyaŋ gboo naanààŋ wèè maŋ tùwo siaŋ sìàiŋ màŋ wo Jisɛ̀ Kulaì sùà nyaŋ e sàngè do nyiŋ nàŋ nyɛ̀nɛ̀ŋ wèè e nɛ̀ɛŋ àŋ woà lɛ.