Nyɛ̀nɛ̀ŋ 22:26 - WƆŊ FƐ̀Ì EBÒ SÌÀŊ DAYÀA

²⁶ Nààŋ wo nyùùŋ gbèè aŋ kààlòòɗùà wɛɛ̀ naŋ tɛɛ̀ kòmò, wò naŋ kɔ̀ koɓɛ̀ wo kànà aŋ kààlòòɗùà nyaŋ yèè wò nauŋ woò wààŋ, “Wo felaa wɛɛ̀ yaà wo Luùm nyuuŋ. Kiìŋ mùŋ do nàŋ nyɛ̀nɛ̀ŋ?”

Nyɛ̀nɛ̀ŋ 22:26 ပူးပေါင်းရင်းမြစ်များ

Jɔ̀ɔŋ 18:12

Wo sìèfèìŋ aŋ kààlòòɗùà anyùùŋ Luùm nyaŋ yèè aŋ kààlòòɗùàuŋ nyàŋ, yèè aŋ ɓɔ̀ìjɔ̀à aŋ Juùù nyaŋ, naŋ kùwò wo Jisɛ̀ àŋ nauŋ dèkè.

Nyɛ̀nɛ̀ŋ 22:25

Kɛɛ nààŋ aŋ kààlòòɗùà nyaŋ nauŋ wa dèkè wèè auŋ ɓùlà, wo Pɔɔ̀ naŋ dàwè wo nyùùŋ gbèè aŋ kààlòòɗùà nyaŋ siao wa wɔ̀ wààŋ, “Ke sàwàa naiŋ gè nyààŋ diɛŋ wèè naŋ ɓùlà wo jɔ̀à kòmàŋ anyùùŋ ko Luùm nyaŋ bà paŋgàà nìŋ koàuŋ ke sàwàa fɛɛ̀feìŋ wèè nauŋ gbaì?”

Nyɛ̀nɛ̀ŋ 22:27

Yèè wo kànà aŋ kààlòòɗùàa naŋ kɔ̀ koɓɛ̀ Pɔɔ̀i yèè wò nauŋ dawè wààŋ, “Wòoim, mùŋ yaà wo Luùm nyuuŋ?” Wo Pɔɔ̀ naŋ fasàì wààŋ, “Hɛ̀ɛɛ̀ŋ, mìŋ yaà wo Luùm nyuuŋ.”

Nyɛ̀nɛ̀ŋ 22:29

Aŋ kààlòòɗùà nyaŋ yaà wa kɔɔyɛ wèè aŋ ɓùlà wo Pɔɔ̀ yèè auŋ gbìàŋ maŋ mààŋdàwè nyaŋ naŋ kɛ̀ɛ̀ maŋjɛ̀wɛ fiò. E jùù naŋ nyɛ̀nɛ̀ŋ wo kànà aŋ kààlòòɗùà nyaŋ nààŋ wò naŋ jàà jii kɛ̀ wo naŋ sìè wo jɔ̀à kùmìàŋ wɔŋ fùɔ̀ŋ anyùùŋ ko Luùm nyaŋ bà maŋ jɔ̀ɔɔ.

Nyɛ̀nɛ̀ŋ 23:27

Aŋ Juùù nyaŋ bà nyiŋ naŋ kùwò wo felaa wɛɛ̀ yèè àŋ manaŋ weè auŋ jìwà. Kɛɛ nààŋ mìŋ naŋ kòmò kɛ̀ wò yaà wo Luùm nyuuŋ, mìŋ naŋ tùɔ̀ŋ aŋ kààlòòɗùà nyaŋ bà wèè auŋ joeyè.