Nyɛ̀nɛ̀ŋ 22:25 - WƆŊ FƐ̀Ì EBÒ SÌÀŊ DAYÀA

²⁵ Kɛɛ nààŋ aŋ kààlòòɗùà nyaŋ nauŋ wa dèkè wèè auŋ ɓùlà, wo Pɔɔ̀ naŋ dàwè wo nyùùŋ gbèè aŋ kààlòòɗùà nyaŋ siao wa wɔ̀ wààŋ, “Ke sàwàa naiŋ gè nyààŋ diɛŋ wèè naŋ ɓùlà wo jɔ̀à kòmàŋ anyùùŋ ko Luùm nyaŋ bà paŋgàà nìŋ koàuŋ ke sàwàa fɛɛ̀feìŋ wèè nauŋ gbaì?”

Nyɛ̀nɛ̀ŋ 22:25 ပူးပေါင်းရင်းမြစ်များ

Maafiù 10:17

Yɛ̀mɛìŋ nyɛ̀iŋ bi diɛŋ. Anyùùŋ doiŋ nàŋ kùwò aiŋ kòà ke sàwà wèè aiŋ gbaì. E kìlà àŋ doiŋ naŋ vukò maŋ sààŋ zòòlò aŋ Juùù nyaŋ dìì.

Maafiù 27:54

Nààŋ wo kànà aŋ kààlòòɗùà nyaŋ yaà aŋ kààlòòɗùàuŋ nyàŋ siao wa ko tùnìè Jisɛ̀ nyaŋ naŋ yɛ̀mɛ̀ e dììɛ naŋ kìlè yèè maŋ keì maŋ gbiŋ yaà wa kaaiŋ màŋ, e jùù naŋ nyiŋ wa nyɛ̀nɛ̀ŋ yèè àŋ naŋ woò nyààŋ, “E tɔɔɓaa le, wo felaa wɛɛ̀ nàŋ yaà mɛ̀iŋ wo Jɔ̀àfèlàà Dayàa!”

Maafiù 8:8

Kɛɛ wo kààlòòɗùàa nauŋ woò wààŋ, “Kpele Kanaà, miŋ fè tɛ̀ɛ̀ wèè maŋ hnàŋ maŋ jɔ̀à kè saaŋ miɛ̀ŋ dìì. Wòò nɔŋ mààŋ wo ɓɔìjɔ̀à miɔ̀ŋ jòèyà, wò do nàŋ jòèyè.

Nyɛ̀nɛ̀ŋ 10:1

Wo felaa bà yaà wa ko Sesèlià àŋ nyaaŋ wo Kɔ̀nilìɔ̀. Wuŋ nàŋ yaà wa wo nyuùŋ gbeeɔ̀ wèè ke gbòò aŋ kààlòòɗùà Luùm nyaŋ àŋ nyaaŋ nyààŋ “Ètaliɛ̀ŋ Jɔ̀àa.”

Nyɛ̀nɛ̀ŋ 16:37

Kɛɛ wo Pɔɔ̀ naŋ wòò aŋ pòèsià nyaŋ wààŋ, “È yààìŋ anyùùŋ ko Luùm, yèè anyùùŋ gbèègbèè ko Luùm nyaŋ naŋ wi ɓùlò e yèɛ aŋ gò wi gbaì wèè aŋ woò nyààŋ è keì naŋ wi jeè. Àŋ naŋ wi gbìɛ̀ŋ ko sààŋ nyìwì. Kpeiŋ àŋ manaŋ naàŋ aŋ wi dangè wèè e ka mɔ̀ɔ̀ŋ? Kpele, aŋ fè yɛi ɓɛ̀nɛ̀ŋ nyɛ̀nɛŋ! Tɔ̀ nyiŋ bi aŋ hnàŋ kià aŋ fulià wi.”

Nyɛ̀nɛ̀ŋ 22:26

Nààŋ wo nyùùŋ gbèè aŋ kààlòòɗùà wɛɛ̀ naŋ tɛɛ̀ kòmò, wò naŋ kɔ̀ koɓɛ̀ wo kànà aŋ kààlòòɗùà nyaŋ yèè wò nauŋ woò wààŋ, “Wo felaa wɛɛ̀ yaà wo Luùm nyuuŋ. Kiìŋ mùŋ do nàŋ nyɛ̀nɛ̀ŋ?”

Nyɛ̀nɛ̀ŋ 23:17

Wo Pɔɔ̀ naŋ nyààŋ wo nyùùŋ gbèè aŋ kààlòòɗùà nyaŋ bà guùŋ yèè wò nauŋ woò wààŋ, “Kòaà wo fooninge wɛɛ̀ koɓɛ̀ wo kànà aŋ kààlòòɗùà nyaŋ. Wò kuwa e keì bà wèè wouŋ gbàì jii.”

Nyɛ̀nɛ̀ŋ 23:27

Aŋ Juùù nyaŋ bà nyiŋ naŋ kùwò wo felaa wɛɛ̀ yèè àŋ manaŋ weè auŋ jìwà. Kɛɛ nààŋ mìŋ naŋ kòmò kɛ̀ wò yaà wo Luùm nyuuŋ, mìŋ naŋ tùɔ̀ŋ aŋ kààlòòɗùà nyaŋ bà wèè auŋ joeyè.

Nyɛ̀nɛ̀ŋ 25:16

Kɛɛ mìŋ naŋ nyiŋ woò mìàŋ tɛɛ̀ nàŋ fè è làŋgì ànyùùŋ fùɔ̀ŋ Luùm nyaŋ wèè aŋ kìlà wò nyùùŋ keì kòɓɛ̀ ànyùùŋ nyaŋ nauŋ gbùwò maŋ keì ɗì nyaŋ.

Nyɛ̀nɛ̀ŋ 27:1

Nààŋ wo Fɛtɔ̀ yaà anyunùuŋ nyàŋ naŋ wa ɗewè wèè àŋ sɛɛ̀ wɔŋ meeɔ̀ sùà aŋ ka ko Luùm, àŋ naŋ wa kìlè wo Pɔɔ̀ yaà aŋ pèesìnàŋ gbànaŋ nyàŋ koɓɛ̀ wo kànà aŋ kààlòòɗùà titi nyàŋ, e deèuŋ nɛ̀ nàŋ yaà wa wo Juliɔ̀, wo Kànà Gbèè wɔŋ fùɔ̀ŋ anyùùŋ Luùm nyaŋ wèè wo yɛmɛ̀ nyiŋ diɛŋ.

Nyɛ̀nɛ̀ŋ 27:3

Wɔŋ niìsìaà bàa è naiŋ hàì ko Sidɔ̀ùŋ. Wo Juliɔ̀ naŋ wa nɔ̀ŋ e kpùùmaŋ gbee koɓɛ̀ Pɔɔ̀i. Wò nauŋ wa ngèè pɛɛ dangè wèè wo jaamè anyuùŋ mɔ̀ɔ̀nɔuŋ nyàŋ, wèè kɛ̀ àŋ nauŋ ɓɛ̀nɛ̀ŋ kìɛ̀ŋ e kpùùmaŋ gbiŋ e yèɛ wò mɔnɔŋ wa.

Nyɛ̀nɛ̀ŋ 27:43

Kɛɛ wo kànà aŋ kààlòòɗùà nyaŋ manaŋ wa wo jòèyè wo Pɔɔ̀, tiiŋ naŋ nyɛ̀nɛ̀ŋ aŋ kààlòòɗùà nyaŋ gò wa nyɛ̀nɛ̀ŋ è yèɛ àŋ naŋ wa ɗewè lɛ. Yèè wò naŋ wòò anyùùŋ nyaŋ gbiŋ naŋ wa ɓɛ̀nɛ̀ŋ sɛ̀ɛ nyàŋ kɛ̀ aŋ sɛɛ̀ ko kòiì aŋ jòwà ko tiwiì.