Nyɛ̀nɛ̀ŋ 22:1 - WƆŊ FƐ̀Ì EBÒ SÌÀŊ DAYÀA

¹ “Nyɛ̀iŋ nààŋ wùìyaim nyàŋ, jàaìŋ maŋ nùŋ dìì ko nɛ̀ɛ̀ŋ miìŋ miŋ gbaì wèè miàŋ bì ko fɛɛ̀fenìiŋ!”

Nyɛ̀nɛ̀ŋ 22:1 ပူးပေါင်းရင်းမြစ်များ

Luù 12:11

“Sèè anyùùŋ aiŋ kùwà e kìlà aiŋ hìàŋ ko sààŋ zòòlò aŋ Juùù nyaŋ ɔ̀ɔ̀ aŋ kana yaà anyùùŋ gbèègbèè fuɔŋ nyàŋ fɛɛ̀feìŋ wèè aiŋ gbaì, ɓɔ̀ nìŋ sɛɛ̀ jii wèè è ɗeweɛ̀ nìŋ do nàŋ gbaì wèè nyɛ̀iŋ bi lɛ̀ ɔ̀ɔ̀ wèè e nɛ̀ɛŋ nìŋ do nàŋ woò lɛ̀.

Luù 21:14

Ɓɔ̀ nìŋ sɛɛ̀ jii wèè e nɛ̀ɛŋ nìŋ do nàŋ woò lɛ paŋgàà è kaaìŋ,

Nyɛ̀nɛ̀ŋ 13:26

“Wùìyaim nyàŋ e yìwìà ke kpòò Eɓulɔhɛɛ̀ŋ, yèè nyɛ̀iŋ nyàŋ nààŋ fè àŋ Juùù nyaŋ kɛɛ nìŋ duɔŋ Dayà, ko nɛ̀ɛ̀ŋ wiì ke mìè gbìàŋ e jòèye yɛɛ̀ naŋ wa nɔ̀ŋ tùaŋ nyiŋ.

Nyɛ̀nɛ̀ŋ 19:33

Anyùùŋ gbèègbèè aŋ Juùù nyaŋ zimgbe nyiŋ naŋ wa dùùlò wo Àlèzanàŋ e faaàŋ feìŋ, yèè àŋ nauŋ woò kɛ̀ kiìŋ wò woà. Wo Àlèzanàŋ naŋ wa jòòwò kùàŋ fùùŋ wèè aŋ kiɛ̀uŋ e ɗeweɛ̀ wèè wo kiɛ̀ŋ ke jii gbài wèè e yèɛ yaà wa kaaiŋ lɛ̀.

Nyɛ̀nɛ̀ŋ 23:1

Wo Pɔɔ̀ naŋ yɛ̀mɛ̀ anyùùŋ gbèègbèè aŋ Juùù nyaŋ dìiiŋ yèè wò naŋ woò wààŋ, “Wùìyaim nyàŋ, e gòngo mɛ̀ è yaà zɛ̀nɛŋ niŋ janjai e ɗeweɛ̀ mìŋ naŋ nyɛ̀nɛ̀ŋ wɔŋ nyiiŋ gèe siaŋ miɔ̀ŋ wo Dayà fɛɛ̀feìŋ lɛ e jèèsùà e hàì ke ɗɔɔ yɛɛ̀ nàaŋ.”

Nyɛ̀nɛ̀ŋ 23:6

Nààŋ wo Pɔɔ̀ naŋ wa yɛmɛ̀ kɛ̀ ke gbòò anyùùŋ gbèègbèè aŋ Juùù nyaŋ naŋ wa dìè aŋ Sadusiì yèè aŋ Fɛlosiì, wò naŋ kpààŋ sɛiŋ wààŋ, “Nyɛ̀iŋ nààŋ wùìyaim nyàŋ, mìŋ yaà wo Fɛlosiì yèè wo jɔ̀à kòmàŋ wo Fɛlosiì. Mìŋ yaà kɔ̀ɔ̀yɛ̀ e gbài dìì esaɓù kɛ̀ mìŋ kuwa ke jii tùlia kɛ̀ anyuùŋ fàa nyàŋ do ɓɛìŋ nàŋ yèwè e fàaà dìì.”

Nyɛ̀nɛ̀ŋ 24:10

Kpeiŋ wo kanaà naŋ niŋ hàlèè wo Pɔɔ̀ wèè wo gbòà. Wo Pɔɔ̀ naŋ woò wààŋ, “Kà nyìmàŋ kɛ̀ màŋ nɔ̀ŋ wo kana gbàì keì wɔŋ fuɔŋ wɛɛ̀ŋ diɛŋ wèè maŋ doa jika bà, weètii e zɔlɔ̀ yààìm wèè ka gbaì wèè miàŋ bi ko fɛɛ̀fenùum.

Nyɛ̀nɛ̀ŋ 25:16

Kɛɛ mìŋ naŋ nyiŋ woò mìàŋ tɛɛ̀ nàŋ fè è làŋgì ànyùùŋ fùɔ̀ŋ Luùm nyaŋ wèè aŋ kìlà wò nyùùŋ keì kòɓɛ̀ ànyùùŋ nyaŋ nauŋ gbùwò maŋ keì ɗì nyaŋ.

Nyɛ̀nɛ̀ŋ 25:8

Kpeiŋ wo Pɔɔ̀ naŋ sie yèè wò naŋ gbaì wèè wuŋ bi wààŋ, “Miŋ gò pɔ̀ɔ̀ màŋ Sàwà Dayà maŋ, maŋ yè maŋ yaà wèè yàwi nààŋ Juùù nyaŋ. Miŋ gò nyɛ̀nɛ̀ŋ è keì naanààŋ gbiŋ è yèɛ naŋ tɔ̀ɔ̀ è ɓɛ̀ɛ̀pɔ̀ɔ kòɓɛ̀ kè Saaŋ Zòòlò Dayài ɔ̀ɔ̀ koɓɛ̀ Siisɔ̀i, wo Kànà anyùùŋ fùɔ̀ŋ Luùm nyaŋ.”

Nyɛ̀nɛ̀ŋ 26:24

Wèè paŋ wo Pɔɔ̀ kpɛɛyɛ̀ wa gbòa wèè wuŋ bi, wò Fɛtɔ̀ nauŋ kpiinyɛ̀ŋ wààŋ, “Pɔɔ̀, mùŋ naŋ sààŋ ke gbòà! E nɛ̀ŋ nyìmaŋ zimgbe è nyɛ̀nɛ̀ŋ ke jii komaŋ mɔɛ̀ŋ kè gbaaì.”

Nyɛ̀nɛ̀ŋ 28:17

Maŋ ɗɔ̀ɔ̀ taai naŋ màànààŋ è naiŋ hàì ko Luùm, yèè wo Pɔɔ̀ naŋ nyààŋ aŋ ɓɛ̀màŋɗì aŋ Juùù nyaŋ bà wò naŋ nyiŋ woò wààŋ, “Wùìyaim nyàŋ, kòò mìŋ nyɛ̀nɛ̀ŋ wa è keì gbiŋ è do hìàŋ kè jii mɔ̀ɔ̀nɛ̀ŋ kòɓɛ̀ ànyunùim nyàŋ, kòò mìŋ fè màŋ sàwà àŋ nèwàènèwe wi nyàŋ jɛwɛ kè ɗɔ̀ɔ̀ guùŋ pɛɛ. Kɛɛ anyuùŋ wi nyàŋ ko Jùlusɛ̀làm naim kìlè koɓɛ̀ e kànà wɔŋ fùɔ̀ŋ anyùùŋ Luùm nyaŋ e pèesìnàŋ dìì.

Nyɛ̀nɛ̀ŋ 7:2

Wo Siiwììŋ naŋ nyiŋ fasaì wààŋ, “Kùmiàŋ nìim, nyɛ̀iŋ nààŋ wùìyaim yèè nyuùŋ kòmaim nyàŋ! Wèè paŋ wo dèda wiɔ̀ Eɓulɔhɛɛ̀ŋ wo ka wa wo joo ko jawaì àŋ nyaaŋ Hàlaàŋ lɛ, wo Dàyà gbolòùŋ gbeeɔ̀ nauŋ wa fòlò feìŋ ko jawa gbeeì àŋ nyaaŋ Mɛsèpòtamiɔ̀,

Luùm 2:15

Maŋ kpèè nyiŋ màŋ tɔɔ̀ kɛ̀ e yèɛ maŋ Sàwà Dayà maŋ naŋ woò lɛ è yaà sìnga niŋ maŋ jii nyiŋ màŋ sùà. Maŋ jìì nyiŋ bi màŋ tɔɔ̀ ɓɛìŋ kɛ̀ tɛɛ̀ è yaà tɔɔɓaa, nààŋ e teenga bà sùà màŋ gbùwò nyìŋ maŋ keì, e kìlà e teenga bà sùà maŋ nyiŋ gè e keì ɗì.

1 Kɔliìŋ 9:3

E ɗeweɛ̀ lɛɛ̀ mìŋ dè gòlò jɛ̀wɛ̀ koɓɛ̀ anyùùŋ nyaŋ tùɔ̀ìm maŋ nɔnɔŋ nyàŋ.

2 Kɔliìŋ 12:19

Ɓàà nìŋ yaà wa goongo e teenga lii gbiŋ kɛ̀ è yaà wa nɔŋ fɛ̀ɛ sùà wèè e dè yàwi bi gòlò jɛwɛ ko fɛɛ̀ feìiŋ? Kpele! È gboo màànààŋ nɔŋ wo Jisɛ̀ Kulaì manaŋ wèè e gbòà ko fɛ̀ɛ̀fèìŋ Dayà lɛ, yèè e nɛ̀ŋ gbiŋ è naŋ nyɛ̀nɛ̀ŋ, nyɛ̀iŋ nààŋ wùìya wi nyàŋ, è yaà wèè e nyɛ̀nɛ̀ŋ e hààweiŋ nɛ̀ e nyìngà sùà.

2 Kɔliìŋ 7:11

Yɛ̀mɛìŋ naàŋ e ɗeweɛ̀ wo Dayà naŋ tòòmò ke jìì mɔ̀ɔ̀nɛ̀ŋ nyɛiŋ biɛ̀ lɛ, kè naàŋ nyɛ̀nɛ̀ŋ nìŋ manaŋ naàŋ kai wèè naŋ tɔɔ̀ kɛ̀ maŋ keì fèìŋ, nìŋ naŋ tuù. Nìŋ yaà e jùù dìì. E wùànàŋ yààìŋ zimgbe wèè naŋ yɛ̀mɛ̀ e tɔ̀ɔ̀nyaàŋ nɔ̀ŋ gbài niŋ. Nàŋ tɔ̀ɔ̀ nyɛ̀iŋ bi kɛ̀ nìŋ yaà sengei e tɔ̀mɛ bà gbiŋ fèìŋ kɔɔ è keì lɛɛ̀ gbiŋ sùà.

Fèle 1:17

Kɛɛ aŋ gbànaŋ nyàŋ giiyà wì le koo nyàŋ, gboo kè mìè Dayàa è nyaàiŋ dè wò Jisɛ̀ Kulaì, kɛɛ e fè yìwìà màŋ jii nyiŋ màŋ diɛŋ, kɛɛ àŋ nyɛ̀nɛ̀ŋ niìŋ esaɓù kɛ̀ àŋ manaŋ e bàne wèè nyiŋ bi. Àŋ gongà kɛ̀ sèè àŋ nyɛnɛŋ tɛɛ̀, àŋ doim nàŋ hìɛ̀ŋ e keì nyìnga diɛŋ e teengaà mìŋ yaà ko sààŋ nyìwì lɛ.

Fèle 1:7

E kiiŋ nɛ̀ è yaà ke jii miɛ̀ŋ diɛŋ e teenga gbiŋ. Weètii è yaà nɔŋ tɛ̀ɛ̀ wèè ka gòngò e kiiŋ e ɗewe lɛɛ̀ sùà. Nyɛ̀iŋ nààŋ gbiŋ nàŋ nɔ̀ŋ aŋ bàiŋbà wèè e keì sìàŋ lɛɛ̀ e yèɛ wo Dayà naim kiɛ̀ŋ lɛ, e teengaà mìŋ yaà ko sààŋ nyìwìi yèè e teengaà miŋ fè wa è keì dìì wèè ka dè ebò siaàŋ gòlò jɛwɛ e kìlà ka wòò e kii niŋ e tɔ̀ɔ̀nyaàŋ sùà lɛ.

2Time 4:16

Wo nyùùŋ gbiŋ gòim wa kpuumàŋ e teenga jiɛ̀jiɛ̀ɛ mìŋ naŋ kɔ̀ è gbàì dìì lɛ, àŋ gbiŋ naim wa gììyè kɛ̀ɛ. Wo Dayà ɓɔ̀ wò kuwià nyiŋ niŋ faàŋ!

1Pììlɛ 3:15

Kɛɛ kùwieìŋ e ɓɛ̀ɛ̀jàa wèè Jisɛ̀ Kulaì maŋ jiiiŋ màŋ sùà, yèè niŋ joowòuŋ mààŋ wo Kana maŋ nyiiiŋ màŋ sùà. Nɔ̀ɔìŋ e bànèbaneiŋ e teenga gbiŋ sùà wèè naŋ fàsàì nyùùŋ gbiŋ wo yèɔ dawàìŋ wèè nauŋ fè ke jii gbài wèè ke jii tùliaà yààìŋ sùà lɛ.