Nyɛ̀nɛ̀ŋ 21:40 - WƆŊ FƐ̀Ì EBÒ SÌÀŊ DAYÀA

⁴⁰ Wo kànà aŋ kààlòòɗùà nyaŋ nauŋ gè nyààŋ diɛŋ wèè wò gbòà, yèè wo Pɔɔ̀ naŋ sìè ke kùù kɛinyɛɛ̀ŋ diɛŋ wèè ko saaìŋ yèè wò naŋ mɛ̀ɛ̀mɛ̀ɛ̀ŋ maŋ kùàŋ koɓɛ̀ anyùùŋ nyaŋ. Nààŋ àŋ naŋ wa nɔ̀ŋ dìì tɔ̀ɔ̀ùŋ, wo Pɔɔ̀ naŋ gbòò ko nɛ̀ɛ̀ŋ nyiŋ niìŋ e Hiɓulù mieɛ̀ sùà, wɔŋ kàìŋ aŋ Hiɓulù nyaŋ.

Nyɛ̀nɛ̀ŋ 21:40 ပူးပေါင်းရင်းမြစ်များ

Luù 23:38

E sìnga wɔŋ fɛi kpuu diɛŋ sɛɛ wa wɔŋ vànèkpàà Jisɛ̀ɔ diɛŋ è naŋ woò wààŋ, “Wɛɛ̀ nàŋ yaà wo Kànà aŋ Juùù nyaŋ.”

Jɔ̀ɔŋ 19:13

Nààŋ wo Paalè naŋ kòmò e yèɛ anyùùŋ nyaŋ yaà wa woo lɛ̀, wò naŋ fùlìè wo Jisɛ̀ ko nɛ̀ɛ̀ŋ nyiŋ niìŋ yèè wò naŋ jɛ̀ì ke kpùà kanauŋ nɛɛ̀ŋ diɛŋ koɓɛ̀i àŋ nyaaŋ nyààŋ “Koɓɛ̀ le Zààmàiŋ.” E Hiɓulù mieɛ̀ sùà nyààŋ “Ko Gabatà.”

Jɔ̀ɔŋ 19:17

Nààŋ àŋ yaà kòasùà wo Jisɛ̀, àŋ nauŋ kìɛ̀ŋ wɔŋ vànèkpaauŋ nɔɔ̀ŋ wèè wo wuŋ koà. Kpeiŋ wò naŋ wuŋ kɔ̀ɔ̀ koɓɛ̀i àŋ nyaaŋ nyààŋ, “Koɓɛ̀ maŋ ɗì Kòkòi.” Àŋ nyaaŋ koɓɛ̀ bi e Hiɓulù mieɛ̀ sùà nyààŋ “Ko Gɔ̀ɔ̀gatɔ̀.”

Jɔ̀ɔŋ 19:20

E yìwìà koɓɛ̀i àŋ naŋ wa jìwìè wo Jisɛ̀ lɛ wèè e kà ko jawa gbeeì gò wa diidìì. Anyuùŋ zimgbe naŋ wa kpɛ̀nɛ̀ŋ wɔŋ fɛi kpuuɔ̀ kpuunyaŋ wa wɔ̀ŋ vànèkpàà Jisɛ̀ɔ diɛŋ wɔ̀ŋ. Àŋ naŋ niŋ wa sìngè maŋ kàìŋ ɗì taai sùà, e Hiɓulù, wɔŋ kàìŋ aŋ Juùù nyaŋ, e Latììŋ yèè e Guliì mie.

Jɔ̀ɔŋ 5:2

Ko jawa gbeeì ko Jùlusɛ̀làm, ko pàtà yaào wa ko yèi kuwa wa e wùìyè. Anyùùŋ guuyà wa e wùìyè bi sùà e gbɛ̀ɛ̀ wɔŋ gbàngì aŋ ɓaawaa nyàŋ, yèè koɓɛ̀ bi kuwa wa maŋ tàamàŋ jɛ̀i e ɗì nɔɔnɔŋ. E dèè koɓɛ̀ bi e Hiɓulù mieɛ̀ sùà nàŋ yaà wa ko Bɛ̀zatà.

Nyɛ̀nɛ̀ŋ 1:19

Anyùùŋ nyaŋ gbiŋ ko Jùlusɛ̀làm naŋ wa kòmò e keìɛ naŋ wa kààìŋ wo Juɗà lɛ. Kpeiŋ wɔŋ kàìŋ nyiŋ biɔ̀ sùà, àŋ naŋ nyààŋ e dìì bì nyààŋ Àkeɗamàŋ, e fàsàì tii nàŋ yaà, “E dìì koɓɛ̀i maŋ sɛ̀ìŋ naŋ wuunyɛ̀ŋ lɛ.”)

Nyɛ̀nɛ̀ŋ 12:17

Kɛɛ wo Pììlɛ naŋ nyiŋ gbùùyè maŋ kùàŋ wèè aŋ nɔ̀ŋ gìli. Kpeiŋ wò naŋ nyiŋ wòò e ɗewe kiiɛ̀ wo màìkà Kanaà nauŋ fulìè lɛ e yìwìà ko sààŋ nyìwìi. Yèè wò naŋ nyiŋ ɓɛìŋ woò wààŋ, “Wòoiŋ tɛɛ̀ koɓɛ̀ Jìiìŋ yèè anyuùŋ hààwe gbànaŋ nyàŋ wèè e yèɛ naŋ kaaìŋ lɛ.” Eɓìèmàŋjɛ̀wɛ̀ tii, wò naŋ nyiŋ jòò yèè wò naŋ kɔ̀ koɓɛ̀ joo bà.

Nyɛ̀nɛ̀ŋ 13:16

Wo Pɔɔ̀ naŋ sie, yèè wò naŋ jòòwò wɔŋ kuàuŋ nɔɔ̀ŋ fùùŋ yèè wò naŋ woò wààŋ, “Nyɛ̀iŋ nààŋ nyùùŋ Ezɔ̀ɛ̀ nyaŋ, yèè nyɛ̀iŋ nyàŋ duɔŋ Dayà nyaŋ, jàaìŋ maŋ nùŋ dìì.

Nyɛ̀nɛ̀ŋ 19:33

Anyùùŋ gbèègbèè aŋ Juùù nyaŋ zimgbe nyiŋ naŋ wa dùùlò wo Àlèzanàŋ e faaàŋ feìŋ, yèè àŋ nauŋ woò kɛ̀ kiìŋ wò woà. Wo Àlèzanàŋ naŋ wa jòòwò kùàŋ fùùŋ wèè aŋ kiɛ̀uŋ e ɗeweɛ̀ wèè wo kiɛ̀ŋ ke jii gbài wèè e yèɛ yaà wa kaaiŋ lɛ̀.

Nyɛ̀nɛ̀ŋ 21:35

Nààŋ àŋ nauŋ hàlèè koɓɛ̀ ke kùù kɛinyɛɛ̀ŋ wèè àŋ jòwà ko saaìŋ, sɔɔ̀ aŋ kààlòòɗùà nyaŋ nauŋ wa jòòwò fùùŋ auŋ juwià fiòfiò esaɓù kɛ̀ anyùùŋ nyaŋ naŋ wa tuù zimgbe.

Nyɛ̀nɛ̀ŋ 22:2

Nààŋ àŋ naŋ wa kòmò wo Pɔɔ̀ yaà gbùùyè ko nɛ̀ɛ̀ŋ nyiŋ niìŋ e Hiɓulù mieɛ̀ sùà, àŋ naŋ nɔ̀ŋ dìì tɔ̀ùŋ.

Nyɛ̀nɛ̀ŋ 26:14

Yàwi nààŋ gbiŋ naŋ sɔ̀ɔ̀ ko dììnaŋ, yèè mìŋ naŋ kòmò ke mìè nyùùŋ kè naim woò e Hiɓulù mieɛ̀ sùà wààŋ, ‘Sɔɔ̀, Sɔɔ̀, wèè kiìŋ mùŋ yààìm nìmila sùà? È yaà e kèì ɓàaɓàa wèè maim sumiàŋ!’

Nyɛ̀nɛ̀ŋ 6:1

Nààŋ e teenga bà naŋ mààŋ, ke gbòò anyùùŋ màŋjɛ̀wɛ̀ nyaŋ naŋ kùùnò dɛ̀kɛ̀ sùà. Aŋ bà nyiŋ yewe wa maŋ fuɔŋ joo e kìlà e Guliì mie nɔŋ àŋ hewa gbòà, kɛɛ aŋ zimgbe nyiŋ hewa jòò wɔŋ fùɔ̀ŋ Ezɔ̀ɛ̀ɔ sùà e kìlà àŋ hewa gbòà e Hiɓulù mie. Aŋ yè nyaŋ gboo wa e Guliì mieɛ̀ nyaŋ, naŋ kìɛ̀ŋ e zàwè aŋ yè nyaŋ gboo e Hiɓulù mieɛ̀ nyaŋ, koɓɛ̀ aŋ keela tàeɗùù nyaŋ. Aŋ Juùù gbòà Guliì mie nyàŋ naŋ woò nyààŋ aŋ Hiɓulù nyuuŋ nyàŋ gboo wɔŋ kàìŋ nyiŋ biɔ̀ nyaŋ yaà wa nyìnìè e kèì fɛɛ̀ nìngè koɓɛ̀ aŋ jɔ̀ùnèèdàà nyiŋ nyàŋ e kèè e tòmò nɛɛnɛŋ gòònoɛ̀ sùà ke ɗɔɔ gbiŋ.

Maŋ kèì nyɛɛnɛŋ 16:16

Aŋ jinàŋ nyaŋ naŋ gbònò aŋ kana nyàŋ koɓɛ̀ guùŋ koɓɛ̀ bà àŋ nyaaŋ ko Àmàgidɔ̀ɔ̀ŋ e Hiɓulù mieɛ̀ sùà.

Maŋ kèì nyɛɛnɛŋ 9:11

Wo kana nyiŋ nɔɔ̀ŋ nàŋ yaà wo màikàa sia e kèè wɔŋ golo zutùùɔŋ feìŋ wɔ. E deèuŋ nɛ̀ e Hiɓulù mieɛ̀ sùà nàŋ yaà Abadɔ̀ùŋ. E deèuŋ nɛ̀ e Guliì mieɛ̀ sùà nàŋ yaà wo Àponyɔ̀ŋ. E fàsàì tɛɛ̀ nàŋ yaà, “Wo Nyuùŋ Pɔ̀ɔ̀pɔ̀ɔ̀ Keì.”