Nyɛ̀nɛ̀ŋ 21:4 - WƆŊ FƐ̀Ì EBÒ SÌÀŊ DAYÀA

⁴ È naiŋ wa kuii mɛ̀ɛ̀ŋ anyùùŋ hààwè Kanaà bà yèè è naiŋ nɔ̀ŋ ko nɛ̀ɛ̀ŋ nyiŋ niìŋ wèè maŋ ɗɔ̀ɔ̀ nɔɔnɔŋ le tìyèe. Wo Jìnàŋ Nɛɛmaàŋ naŋ wa wòò anyuùŋ hààwe nyàŋ wèè aŋ woò wo Pɔɔ̀ kɛ̀ ɓɔ̀ wò ka kò Jùlusɛ̀làm.

Nyɛ̀nɛ̀ŋ 21:4 ပူးပေါင်းရင်းမြစ်များ

Maafiù 10:11

“Sèè nìŋ kɔ̀à ko jawa ɔ̀ɔ̀ ko vàa gbiŋ, kɔ̀àiŋ niŋ kamè wo nyùnɔ̀ɔŋ do nàŋ nyimèè wèè woiŋ jàà kùàŋ dìì wɔ, yèè nɔ̀ìŋ ko nɛ̀ɛ̀uŋ niìŋ e jeeè sùà niŋ yèwà ko jawa bi.

Nyɛ̀nɛ̀ŋ 11:26

Nààŋ wò naŋ wa mɛ̀ɛ̀ŋ wo Sɔɔ̀, wò nauŋ hìɛ̀ŋ ko Aŋtiɔ̀. Kuŋ nyiiŋ tìyèe yaà ke gbòò anyuùŋ hààwe nyàŋ hewa dèènè koɓɛ̀ guùŋ wèè wɔŋ dòà guùŋ kpalauŋ, yèè àŋ naŋ kàà ke gbòò anyuùŋ zimgbe. Kuii ko Aŋtiɔ̀, nàŋ yaà koɓɛ̀ jiɛ̀jiɛ̀i anyùùŋ naŋ wa nyààŋ anyuùŋ hààwe nyàŋ aŋ Kulusɛ̀ɛ̀ìŋ wèè e teenga jiɛ̀jiɛ̀ɛ.

Nyɛ̀nɛ̀ŋ 19:1

E teengaà wo Àpolò yaà wa ko Kɔliìŋ lɛ, wo Pɔɔ̀ naŋ kɔ̀ɛ̀ maŋ kpàlàùŋ kpàlàùŋ Eesìà maŋ sùà yèè wò naŋ hnè ko Ɛfesɔ̀. Kuŋ wò naŋ wa mɛ̀ɛ̀ŋ anyùùŋ màŋjɛ̀wɛ̀ Jisɛ̀ nyaŋ bà.

Nyɛ̀nɛ̀ŋ 21:16

Anyuùŋ hààwe nyàŋ bà e yìwìà ko Sesèlià naŋ wi wa dè maŋjɛ̀wɛ yèè àŋ naŋ wi kɔ̀ɔ̀ ko gbòò Meesìŋ wèè eiŋ noo nɔ̀ŋ. Wo Meesìŋ yewe wa ko Sapulɔ̀ yèè wò yaà wa wo nyuùŋ hààweɔ̀ bà guùŋ e yìwìà ko tɔɔtuì.

Nyɛ̀nɛ̀ŋ 28:14

Kuŋ è naiŋ wa mɛ̀ɛ̀ŋ anyuùŋ hààwe nyàŋ bà. Yèè àŋ naŋ wi dawè wèè e nɔ̀ŋ nyiŋ nee gòlò wèè maŋ ɗɔ̀ɔ̀ nɔɔnɔŋ le tìyèe. Nààŋ maŋ ɗɔɔ miiŋ naŋ mààŋ, è naiŋ noo yèwè yèè è naiŋ kɔ̀ ko jawa gbeeì ko Luùm.

Nyɛ̀nɛ̀ŋ 9:16

Kɛɛ miàŋ bi douŋ nàŋ tɔ̀ɔ kɛ̀ kiìŋ è keì nyìnga wò do nàŋ kɔ̀ɛ̀ sùà wèè esàɓù e deè mɛ̀.”

2Time 1:17

E teengaà wò naŋ wa hàì ko Luùm lɛ, wò naìm wa tɔ̀ɔ̀tù kàme e jèèsùà woim yɛmɛ̀.

Maŋ kèì nyɛɛnɛŋ 1:10

Ke ɗɔ̀ɔ̀ Dayà zòòloɛ̀ diɛŋ, wo Jìnàŋ Kanaà Dayà naim wa dèyè diɛŋ, yèè mìŋ naŋ kòmò ke mìè gbòa ko jɛ̀wɛ̀ miìŋ mààŋ e pòtanàŋ àŋ yaà fuunyɛŋ.