Nyɛ̀nɛ̀ŋ 21:31 - WƆŊ FƐ̀Ì EBÒ SÌÀŊ DAYÀA

³¹ Nààŋ àŋ yaà wa ɓùlìè wo Pɔɔ̀ wèè auŋ jìwà, ebò naŋ hàì koɓɛ̀ wo kànà aŋ kààlòòɗùà nyaŋ e yìwìà wɔŋ fùɔ̀ŋ anyùùŋ Luùm nyaŋ sùà kɛ̀ anyùùŋ nyaŋ dàà ke gbòà ko Jùlusɛ̀làm jawaì gbiŋ.

Nyɛ̀nɛ̀ŋ 21:31 ပူးပေါင်းရင်းမြစ်များ

Maafiù 26:5

Kɛɛ àŋ naŋ wa wòo nyààŋ, “Ɓɔ̀ è nyinìàiŋ niŋ è tèèngà wɔŋ ɗaa geɔ̀ sùà, sèè è nyɛnɛŋ yɛi, anyùùŋ nyaŋ do nàŋ dàà ke gùuŋ.”

Maafiù 27:27

Kpeiŋ aŋ kààlòòɗùà Paalè nyaŋ naŋ kɔ̀ɔ̀ wo Jisɛ̀ ko sààŋ gbèè kanaà, yèè àŋ kààlòòɗùà gbànaŋ nyàŋ gbiŋ nauŋ gbònò kɔɔ.

Jɔ̀ɔŋ 16:2

Anyùùŋ nyaŋ doiŋ wa nàwèè nàŋ gè maŋ sààŋ zòòlò aŋ Juùù nyaŋ dìì. E teenga bà do nàŋ hnè anyùùŋ àŋ doiŋ nàŋ jìwè, sèè àŋ nyɛnɛŋ tii àŋ do nàŋ gongò kɛ̀ àŋ yaà toomo wèè Dayà.

Jɔ̀ɔŋ 18:12

Wo sìèfèìŋ aŋ kààlòòɗùà anyùùŋ Luùm nyaŋ yèè aŋ kààlòòɗùàuŋ nyàŋ, yèè aŋ ɓɔ̀ìjɔ̀à aŋ Juùù nyaŋ, naŋ kùwò wo Jisɛ̀ àŋ nauŋ dèkè.

Nyɛ̀nɛ̀ŋ 10:1

Wo felaa bà yaà wa ko Sesèlià àŋ nyaaŋ wo Kɔ̀nilìɔ̀. Wuŋ nàŋ yaà wa wo nyuùŋ gbeeɔ̀ wèè ke gbòò aŋ kààlòòɗùà Luùm nyaŋ àŋ nyaaŋ nyààŋ “Ètaliɛ̀ŋ Jɔ̀àa.”

Nyɛ̀nɛ̀ŋ 17:5

Kɛɛ aŋ Juùù nyaŋ bà nyiŋ yaà wa gììyè le koo wèè e keì lɛɛ̀, yèè àŋ naŋ gbònò anyùùŋ maŋ tùwo naanààŋ e yìwìà maŋ dòmaŋ màŋ diɛŋ wèè aŋ dàà e gbɔ̀ɔɔ yèè ke gbòà ko jawa gbeeì. Anyùùŋ nyɛɛ̀ŋ manaŋ wa aŋ hìàŋ wo Pɔɔ̀ yèè wo Silà koɓɛ̀ e faaàŋ, yèè àŋ naŋ dùɔ̀ŋ aŋ kà ko gbòò wo felaa bà àŋ nyaaŋ Jasììŋ ko kààmè wo Pɔɔ̀ yèè wo Silà, wèè aŋ fulià nyiŋ koɓɛ̀ e faaàŋ.

Nyɛ̀nɛ̀ŋ 19:40

Àŋ wi weè ɓɛ̀nɛ̀ŋ gbùwà e keì ɗì wèè e gbɔ̀ɔ lɛɛ̀ nàaŋ ɗɔɔ yɛɛ̀, yèè e naiŋ weè kɛ̀ɛ̀nɛ̀ŋ kè kàfaì! E fèìŋ ɓɛ̀nɛ̀ŋ tɔ̀ɔ̀ èsaɓù sìàŋ wèè kè gbòà yɛɛ̀.”

Nyɛ̀nɛ̀ŋ 21:38

Muàŋ nàŋ fè wò nyùùŋ Ijèɔ wò yèɔ naŋ wa dàà kè gboà gbeeɛ̀ yèè mùŋ naŋ kɔ̀ɔ̀ anyuùŋ jìwà nyùùŋ tààsùùŋ tiinàŋ (4,000) kè fòùngà e diì wòaà sùà?”

Nyɛ̀nɛ̀ŋ 22:22

E faaàŋ naŋ jèè kùmìè e yèɛ wo Pɔɔ̀ yaà woo lɛ̀, e jèèsùà wo tɛɛ̀ woò. Yèè anyùùŋ nyaŋ naŋ tɔ̀ɔ̀tù kpàaŋ nyààŋ, “Jiwàuŋ, wo fè tɛ̀ɛ̀ wèè wo nɔ̀ŋ wɔ̀ŋ nyiiŋ gèeɔ̀ sùà è ɗuunyaàŋ.”

Nyɛ̀nɛ̀ŋ 23:17

Wo Pɔɔ̀ naŋ nyààŋ wo nyùùŋ gbèè aŋ kààlòòɗùà nyaŋ bà guùŋ yèè wò nauŋ woò wààŋ, “Kòaà wo fooninge wɛɛ̀ koɓɛ̀ wo kànà aŋ kààlòòɗùà nyaŋ. Wò kuwa e keì bà wèè wouŋ gbàì jii.”

Nyɛ̀nɛ̀ŋ 24:22

Wo Kanaà Filɛ̀, wo yèɔ naŋ wa nyìmè e ɗeweɛ̀ e nyaàiŋ dè ke Dòmàŋ Kanaà Jisɛ̀ wɔ, naŋ nyɛ̀nɛ̀ŋ maŋ nɔnɔŋ tùaŋ yèè wò naŋ hìɛ̀ŋ e keì wòo bi ko dìa. Wò naŋ woò wààŋ, “Mìŋ do nàŋ hàà e kiti mɛ̀ sèè wo Lasià, wo kànà aŋ kààlòòɗùà nyaŋ wò hnàŋ.”

Nyɛ̀nɛ̀ŋ 24:6

Wò naŋ ngèè ɓɛìŋ kàmè ɗewe wèè wo hiàŋ e ɓɛ̀ɛ̀pɔ̀ɔ ko Saaŋ Zòòlò Dayài, yèè è nauŋ kùwò. [È naŋ ɗewè wèè euŋ gbaì nààŋ maŋ sàwà yàwi bi màŋ naŋ tɔɔ̀ lɛ,

Nyɛ̀nɛ̀ŋ 24:7

kɛɛ wo sìèfèìŋ aŋ kààlòòɗùà nyaŋ àŋ nyaaŋ Lasià naŋ hnè yèè wò naŋ wi wuŋ gè sìwè e gààŋ sùà.

Nyɛ̀nɛ̀ŋ 25:23

Wɔŋ niìsìaà bàa wo Àgulepɔ̀ yaà wo jaauŋ Bɛ̀niìŋ naŋ dɛ̀ɛ̀kɛ̀ e keì bi gbee nààŋ àŋ naŋ jɔ̀ ko zɛ̀mɛ̀ɛ̀ŋ dèèneì, nààŋ àŋ naŋ wa kɔ̀ɔ̀ aŋ kààlòòɗùà kana gbeegbèè yèè anyùùŋ gbèègbèè jawa nyàŋ bà wèè e keì bì. Yèè wo Fɛtɔ̀ naŋ nyɛ̀nɛ̀ŋ aŋ hìàŋ wo Pɔɔ̀ ko fɛɛ̀feìŋ,

Nyɛ̀nɛ̀ŋ 26:21

Tɛɛ̀ nàŋ yaà esaɓùɛ aŋ Juùù nyaŋ naim kùwò ko Saaŋ Zòòlò Dayài, yèè àŋ naŋ kàmè ɗewe wèè aim jìwà.