Nyɛ̀nɛ̀ŋ 21:30 - WƆŊ FƐ̀Ì EBÒ SÌÀŊ DAYÀA

³⁰ E gbɔ̀ɔ gbee naŋ wa sɔ̀ɔ̀ ko jawa gbeeì, e kìlà anyùùŋ naŋ hnè àŋ yaà duunyɛŋ e yìwìà maŋ tàta màŋ gbiŋ sùà ko jawaì. Àŋ naŋ kùwò wo Pɔɔ̀ auŋ gɔ̀ɛ̀ɛ̀ dìì auŋ gè ko Saaŋ Zòòlò Dayài, ko fɛɛ̀feìŋ àŋ naŋ yìlè maŋ gbemgbee màŋ gbiŋ ko Saaŋ Zòòlò Dayài.

Nyɛ̀nɛ̀ŋ 21:30 ပူးပေါင်းရင်းမြစ်များ

Maafiù 2:3

E teengaà wo Kanaà Hɛɛlɔ̀ naŋ wa tɛɛ̀ kòmò lɛ, ke jiiuŋ nɛɛ̀ŋ naŋ wa mɔɔnɛ̀ŋ e hààwè anyùùŋ nyaŋ gbiŋ ko Jùlusɛ̀làm e nyaàiŋ dè ebò bi.

Maafiù 21:10

Nààŋ wo Jisɛ̀ naŋ jòwò ko Jùlusɛ̀làm, e zɔlɔ̀ naŋ wa dìè anyùùŋ nyaŋ gbiŋ. Kpeiŋ anyùùŋ nyaŋ naŋ dawè nyààŋ, “Ɓòò nàŋ yaà wo nyùùŋ wɛɛ̀?”

Luù 4:29

Àŋ naŋ wa yèwè dìì àŋ kùwà Jisɛ̀, auŋ gɔ̀ɛ̀ɛ̀ dìì auŋ gè ko jawaì, yèè àŋ nauŋ kɔ̀ɔ̀ wo wɔŋ tolòɔ dìmɛ̀, wɔŋ yèɔ e jawa nyiŋ nɛ̀ jaa wa diɛŋ lɛ̀, esaɓù kɛ̀ àŋ manaŋ wa wèè auŋ dulò auŋ dàà e yìwìà koɓɛ̀ bi.

Nyɛ̀nɛ̀ŋ 19:29

E teenga kpuu sùà anyùùŋ nyaŋ gbiŋ ko jawaì naŋ wa dàà ke gboà gbee. Yèè anyùùŋ nyaŋ bà nyiŋ naŋ kùwò wo Gayɔ̀ yaà wo Àlètakɔ̀, yèè aŋ naŋ nyiŋ kɔ̀ɔ̀ zɛ̀mɛ̀ɛ̀ŋ dèèneì. Aŋ fèlàà tìyèe bi naŋ wa dè wo Pɔɔ̀ maŋjɛ̀wɛ e yìwìà ko Mɛ̀sèdonià. Kpeiŋ anyùùŋ nyaŋ gbiŋ e faaàŋ sùà naŋ dùɔ̀ŋ aŋ kà koɓɛ̀i àŋ yaà wa kɛ̀ɛ̀nɛ̀ŋ sùà e dèènè jawaà lɛ.

Nyɛ̀nɛ̀ŋ 26:21

Tɛɛ̀ nàŋ yaà esaɓùɛ aŋ Juùù nyaŋ naim kùwò ko Saaŋ Zòòlò Dayài, yèè àŋ naŋ kàmè ɗewe wèè aim jìwà.

2 Kɔliìŋ 11:26

Yèè maŋ kààiŋ zimgbe màŋ miŋ naŋ kaaìŋ màŋ sùà, mìŋ naŋ kɔ̀ɛ̀ e kèì nyìngà wuiyè jòwa yèè anyuùŋ wùa dìì, yèè mìŋ naiŋ kɔ̀ɛ̀ dìì e yìwìà anyùùŋ miàŋ bi nyàŋ sìwè yèè e yìwìà anyùùŋ nyaŋ fè àŋ Juùù nyaŋ sìwè. Maŋ kèì fɛɛ̀ nyùwò naŋ nɔ̀ŋ maŋ jawa gbeegbèè maŋ sùà, maŋ kèì fɛɛ̀ nyùwò naŋ nɔ̀ŋ maŋ keì gɔ̀àgɔ̀à sùà maŋ sùà, maŋ kèì fɛɛ̀ nyùwò naŋ nɔ̀ŋ maŋ juwo màŋ diɛŋ, yèè maŋ kèì fɛɛ̀ nyùwò naŋ yìwìè aŋ wùìya nyuuŋ tòa sìwè.