Nyɛ̀nɛ̀ŋ 21:27 - WƆŊ FƐ̀Ì EBÒ SÌÀŊ DAYÀA

²⁷ Nààŋ maŋ ɗɔ̀ɔ̀ nɔɔnɔŋ le tìyèe màŋ naŋ wa naàŋ joo tòloò wèè maŋ jùà, aŋ Juùù nyaŋ bà nyiŋ naŋ yèwè wɔŋ fùɔ̀ŋ Eesìàa nyàŋ, naŋ yɛ̀mɛ̀ wo Pɔɔ̀ ko Saaŋ Zòòlò Dayài, yèè àŋ naŋ dàà ke gboà gbee e faaàŋ sùà, e kìlà aŋ kùwà wo Pɔɔ̀.

Nyɛ̀nɛ̀ŋ 21:27 ပူးပေါင်းရင်းမြစ်များ

Luù 21:12

Wèè paŋ maŋ keì mɛɛ̀ŋ gbiŋ maŋ kaaìŋ, anyùùŋ doiŋ nàŋ kùwò aiŋ kòà ke sàwà wèè aiŋ gbaì. Àŋ doiŋ nàŋ kɔ̀ɔ̀ maŋ sààŋ zòòlò aŋ Juùù nyaŋ dìì e kìlà àŋ doiŋ nàŋ gbìɛ̀ŋ ko sààŋ nyìwì. Nìŋ do nàŋ sìè aŋ kana yaà aŋ ɓɛ̀mànɗì fuɔŋ fɛɛ̀feìŋ wèè esàɓù e deè mɛ̀.

Nyɛ̀nɛ̀ŋ 13:50

Kɛɛ anyùùŋ gbèègbèè aŋ Juùù nyaŋ naŋ kɔ̀ koɓɛ̀ aŋ kpàkòò ɓììɓìì nyaŋ bà ko jawaì yèè aŋ jɔùŋ kɛ̀ɛ̀nɛ̀ŋ ɓɛ̀ɛ̀jàa nyàŋ bà aŋ yè nyaŋ fè àŋ Juùù nyaŋ kɛɛ àŋ zoolà Dayà nyaŋ, yèè àŋ naŋ nyiŋ nyɛ̀nɛ̀ŋ aŋ kɛ̀ɛ̀nɛ̀ŋ maŋ jii fiìì wèè wo Pɔɔ̀ yèè wo Bànaŋɓà, yèè aŋ naŋ nyiŋ nimilà, e nɔ̀ŋ esaɓù aŋ nyiŋ nyìmàŋ aŋ nyiŋ gè maŋ tàta miiŋ wɔŋ fuɔɔ̀ŋ sùà.

Nyɛ̀nɛ̀ŋ 14:19

Aŋ Juùù nyaŋ bà nyiŋ naŋ wa hnè e yìwìà ko Aŋtiɔ̀ wɔŋ fùɔ̀ŋ Pɛ̀siidìàa yèè e yìwìà ko Ìkɔniɔ̀ŋ yèè àŋ naŋ nyɛ̀nɛ̀ŋ anyùùŋ nyaŋ aŋ kɛ̀ɛ̀nɛ̀ŋ maŋ jii fiiì wèè wo Pɔɔ̀. Àŋ naŋ wa hɔ̀wɔ̀ wo Pɔɔ̀ le dùò yèè auŋ gɔ̀ɛ̀ɛ̀ dìì auŋ gè ko jawa gbeeì, yèè àŋ naŋ wa gongò kɛ̀ wò fà.

Nyɛ̀nɛ̀ŋ 14:2

Kɛɛ aŋ Juùù nyaŋ yè nyaŋ kuwà wa e hààwe wò Kanaà Jisɛ̀ sùà nyaŋ naŋ wa nyɛ̀ŋɛ̀ŋ anyùùŋ nyaŋ fè àŋ Juùù nyaŋ aŋ kɛ̀ɛ̀nɛ̀ŋ maŋ jii fiiì wèè anyuùŋ hààwe nyàŋ.

Nyɛ̀nɛ̀ŋ 14:5

Kpeiŋ anyùùŋ nyaŋ fè àŋ Juùù nyaŋ yaà aŋ Juùù nyaŋ nyiŋ bi, e kpùlìà anyuùŋ gbeegbèè nyiŋ nyàŋ, naŋ ɗewè wèè aŋ jàà e keì keekèè wo Pɔɔ̀ yaà wo Bànaŋɓà e kìlà wèè aŋ nyiŋ hɔ̀wà e jèèsùà aŋ nyiŋ jìwà.

Nyɛ̀nɛ̀ŋ 16:6

Wo Pɔɔ̀ yèè aŋ dàwiuŋ nyàŋ naŋ kɔ̀ɛ̀ maŋ kpàlàùŋ kpàlàùŋ Fɛgìà maŋ yèè Gàlatìà maŋ sùà, nààŋ wo Jìnàŋ Nɛɛmaàŋ gò wa nyimèè wèè aŋ gbòà kè mìè Dayàa wɔ̀ŋ fùɔ̀ŋ Eesìàa sùà.

Nyɛ̀nɛ̀ŋ 17:13

Kɛɛ nààŋ aŋ Juùù nyaŋ ko Tɛsèlonikà naŋ wa kòmò kɛ̀ wo Pɔɔ̀ naŋ wa gbòò ke mìè Dayàa ko Bɛ̀lià kuŋ pɛɛ, àŋ nao wa hnè wèè aŋ tooyà e nimilàa wo Pɔɔ̀ yèè wo Silà yaà wa kɔ̀ɔ̀yɛ̀ dìì tɛ lɛ̀.

Nyɛ̀nɛ̀ŋ 18:12

Kɛɛ nààŋ anyùùŋ nyaŋ naŋ wa nyɛ̀nɛ̀ŋ wo Gàliò wo kana wèè wɔŋ fùɔ̀ŋ Àkaayàa, anyùùŋ gbèègbèè aŋ Juùù nyaŋ bà naŋ wa jàà ke gbòò yèè àŋ naŋ kùwò wo Pɔɔ̀ yèè àŋ nauŋ kɔ̀ɔ̀ ko fɛ̀ɛ̀fèìŋ wo kanaà ko sààŋ sàwài.

Nyɛ̀nɛ̀ŋ 2:9

Tiŋ zà yàwi nààŋ bà nyiŋ è yààìŋ anyùùŋ wɔŋ fùɔ̀ŋ Paatìàa, wɔŋ fùɔ̀ŋ Miɗiàa, wɔŋ fùɔ̀ŋ Ilamɔ̀ɔŋ, wɔŋ fùɔ̀ŋ Mɛsèpòtamiɔ̀ɔ, wɔŋ fùɔ̀ŋ Jùdiàa, wɔŋ fùɔ̀ŋ Kàpàdosìàa, wɔŋ fùɔ̀ŋ Pɔuŋtɔ̀ɔ yèè wɔŋ fùɔ̀ŋ Eesìàa,

Nyɛ̀nɛ̀ŋ 20:19

Aŋ Juùù nyaŋ zimgbe nyiŋ naŋ wa jɔ̀ maŋ gbùnu naanààŋ sùà weèim yèè àŋ naim nyɛ̀nɛ̀ŋ ka gòlà e kìlà aim jàà e keì nyìnga. Kɛɛ mìŋ naŋ tomo wèè wo Kanaà yèè mìŋ nauŋ jɔ̀ɔ̀lɔ̀ dìì.

Nyɛ̀nɛ̀ŋ 24:11

Sèè mùŋ naŋ ɓɛ̀nɛ̀ŋ maŋ nɔnɔŋ tùaŋ tɛ̀ɛ̀ wèè maŋ niŋ nyìmàŋ muàŋ bi, kɛ̀ maŋ ɗɔ̀ɔ̀ zììyà jɛ̀wɛ̀ tìyèe kòò màŋ mààŋ dai nààŋ mìŋ naŋ mɛ̀iŋ kɔ̀ ko Jùlusɛ̀làm wèè ka zoolò.

Nyɛ̀nɛ̀ŋ 24:18

Aŋ Juùù nyaŋ bà nyiŋ naim yɛmɛ̀ ko jɔ̀ɔ̀lègbèè Zòòlò Dayài, nààŋ mìŋ naŋ kpɛ̀ɛ̀yɛ̀ nyɛ̀nɛ̀ŋ e làngì ke nyɛ̀nɛŋ zɛ̀nɛɛ̀ŋ, ke yèɛ nyɛnɛŋ wo nyùùŋ zɛ̀nɛ̀ŋ. Tɛɛ̀ àŋ naim mɛɛ̀ŋ mìŋ yaà mɛ̀iŋ nyinie ko Saaŋ Zòòlò Dayài. Miŋ gòo kòà kè gbòò ànyùùŋ, e kìlà miŋ gòo dàà kè gbòà.

Nyɛ̀nɛ̀ŋ 26:21

Tɛɛ̀ nàŋ yaà esaɓùɛ aŋ Juùù nyaŋ naim kùwò ko Saaŋ Zòòlò Dayài, yèè àŋ naŋ kàmè ɗewe wèè aim jìwà.

Nyɛ̀nɛ̀ŋ 4:3

Àŋ naŋ kùwò wo Pììlɛ yaà wo Jɔ̀ɔŋ. Kɛɛ nààŋ e gɔɛɛ̀ naŋ wa naàŋ jùò fùùŋ ebɛ̀ŋ duùmfeìŋ, àŋ naŋ nyiŋ gbìɛ̀ŋ ko sààŋ nyìwì aŋ jàwà e hàì wɔŋ niìsìaà bàa.

Nyɛ̀nɛ̀ŋ 5:18

Àŋ naŋ kùwò aŋ keela nyàŋ yèè àŋ naŋ nyiŋ gbìɛ̀ŋ ko sààŋ nyìwì.

Nyɛ̀nɛ̀ŋ 6:12

Tɛɛ̀ naŋ nyɛ̀nɛ̀ŋ anyùùŋ nyaŋ, aŋ màmànkùmɛ̀ŋ fuɔŋ nyàŋ yaà aŋ kààmɔ̀ɔ̀ŋ maŋ Sàwà Dayà nyaŋ, aŋ kɛ̀ɛ̀nɛ̀ŋ maŋ jii fiìì wèè Siiwììŋ. Àŋ naŋ kùwò wo Siiwììŋ yèè àŋ nauŋ kɔ̀ɔ̀ koɓɛ̀ anyùùŋ gbèègbèè fuɔŋ nyàŋ.

Nyɛ̀nɛ̀ŋ 6:9

Kɛɛ aŋ felaa bà, aŋ yè nyaŋ yaà wa aŋ bà nyiŋ bà ke sààŋ zòòlò aŋ Juùù nyaŋ dìì wèè Anyuùŋ fòlà ɗo dìì nyaŋ, gò wa jàà wò Siiwììŋ kùàŋ dìì. Aŋ Juùù nyɛɛ̀ŋ naŋ wa nɔ̀ŋ aŋ ɗo, kɛɛ àŋ naŋ wa naàŋ yɛ̀mɛ̀ e tɔ̀ɔ̀nyaàŋ nyiŋ nɛ̀. Aŋ Juùù nyɛɛ̀ŋ bà nyiŋ yaà wa anyùùŋ e yìwìà ko Sàlinìŋ, yaà aŋ Juùù nyuuŋ bà e yìwìà ko Àlèzandilà e hààwè maŋ kpàlàùŋ kpàlàùŋ fùɔ̀ŋ Sèlesìàa yèè ko Eesìà. Anyùùŋ nyɛɛ̀ŋ naŋ wa tɔ̀ɔ̀tù wo Siiwììŋ gììyà maŋhɛɛ.

2 Kɔliìŋ 11:26

Yèè maŋ kààiŋ zimgbe màŋ miŋ naŋ kaaìŋ màŋ sùà, mìŋ naŋ kɔ̀ɛ̀ e kèì nyìngà wuiyè jòwa yèè anyuùŋ wùa dìì, yèè mìŋ naiŋ kɔ̀ɛ̀ dìì e yìwìà anyùùŋ miàŋ bi nyàŋ sìwè yèè e yìwìà anyùùŋ nyaŋ fè àŋ Juùù nyaŋ sìwè. Maŋ kèì fɛɛ̀ nyùwò naŋ nɔ̀ŋ maŋ jawa gbeegbèè maŋ sùà, maŋ kèì fɛɛ̀ nyùwò naŋ nɔ̀ŋ maŋ keì gɔ̀àgɔ̀à sùà maŋ sùà, maŋ kèì fɛɛ̀ nyùwò naŋ nɔ̀ŋ maŋ juwo màŋ diɛŋ, yèè maŋ kèì fɛɛ̀ nyùwò naŋ yìwìè aŋ wùìya nyuuŋ tòa sìwè.

1Tɛsè 2:16

Àŋ naŋ ngèè pɛɛ fɛ̀ɛ̀ wèè aŋ wi kìlìà kùàŋ feìŋ wèè e goiŋ nàŋ wòò ke miè gbìaàŋ kòɓɛ̀ ànyùùŋ nyaŋ fè àŋ Juùù nyaŋ, wèè aŋ yɛ̀mɛ̀ è jòèye. E ɗewe lɛɛ̀ sùà, àŋ hàì ko dìà maŋ jùumù nyiŋ màŋ gbiŋ àŋ naŋ wa dè nyɛ̀nɛŋ màŋ. Wèètii e nìmìlà Dayàa è nyiŋ dèyà diɛŋ.