Nyɛ̀nɛ̀ŋ 20:6 - WƆŊ FƐ̀Ì EBÒ SÌÀŊ DAYÀA

⁶ Kɛɛ nààŋ è naiŋ wa kpɛ̀ɛ̀yɛ̀ gè wɔŋ Ɗàà Gè Gbɔ̀u Gò Jòwàa, è naiŋ sɛ̀ɛ̀ wɔŋ meeèɔ sùà e yìwìà ko Fèlepì. Yèè è naiŋ nɔ̀ŋ ke dòmàŋ kàaiŋ wiɛ̀ diɛŋ wèè maŋ ɗɔ̀ɔ̀ nɔɔnɔŋ paŋgàà è naiŋ hàì ko nɛ̀ɛ̀ŋ nyiŋ niìŋ ko Toà, yèè è naiŋ noo wa nɔ̀ŋ wèè maŋ ɗɔ̀ɔ̀ nɔɔnɔŋ le tìyèe.

Nyɛ̀nɛ̀ŋ 20:6 ပူးပေါင်းရင်းမြစ်များ

Nyɛ̀nɛ̀ŋ 12:3

Nààŋ wo Hɛɛlɔ̀ naŋ wa yɛmɛ̀ kɛ̀ tɛɛ̀ naŋ wa fɔ̀ɔ̀yɛ̀ aŋ Juùù nyaŋ jii, wò naŋ kɔ̀ yèè wò naŋ kùwò wo Pììlɛ wuŋ pɛɛ. Wò naŋ wa tɛɛ̀ zà nyɛ̀nɛ̀ŋ e tèèngà wɔŋ Ɗàà Gè Gbɔ̀u Gò Jòwàa.

Nyɛ̀nɛ̀ŋ 16:10

Nààŋ wo Pɔɔ̀ naŋ gò e gɔa lɛɛ̀, è naiŋ tɔ̀ɔ̀tù e ɗewe kàme wèè eiŋ kà ko Mɛ̀sèdonià. È naiŋ wa haawè kɛ̀ wo Dayà naŋ wi wa nyààŋ wèè e ka e daanèiŋ Ebò Siaàŋ koɓɛ̀ anyùùŋ nyaŋ koɓɛ̀ bi.

Nyɛ̀nɛ̀ŋ 16:12

E yìwìà kuii è naiŋ kɔ̀ ko Fèlepì, e jawa gbee ke tiìŋ jiɛ̀jiɛ̀ɛ sùà ko Mɛ̀sèdonià. Ko Fèlepì yaà wa ko jawa gbee ko yèi anyùùŋ e yìwìà wɔŋ fùɔ̀ŋ anyùùŋ Luùm nyaŋ naŋ wa nyɛ̀lɛ̀ lɛ. È naiŋ wa nɔ̀ŋ ko Fèlepì wèè maŋ ɗɔɔ kpàa bà.

Nyɛ̀nɛ̀ŋ 16:8

Kpeiŋ, àŋ naŋ gɛ̀ɛ̀ ko Masià yèè àŋ naŋ kɔ̀ ko jawaì àŋ nyaaŋ ko Toà.

Nyɛ̀nɛ̀ŋ 20:16

Wo Pɔɔ̀ naŋ wa ɗewè wèè eiŋ kɔ̀ɛ̀ ko Ɛfesɔ̀, esaɓù kɛ̀ wo manàŋ wa wèè wò do nɔ̀ŋ wɔ̀ŋ fùɔ̀ŋ Eesìàa wèè e teenga mùnlaŋ. Wò yaà wa nyinie fiòfiò yèè wò manaŋ wa wo hàì ko Jùlusɛ̀làm e teengaà wèè ke ɗɔ̀ɔ̀ zòòlò aŋ Juùù nyaŋ àŋ nyaaŋ Pɛnɛŋkɔ̀ɛ.

Nyɛ̀nɛ̀ŋ 20:5

Anyùùŋ nyɛɛ̀ŋ naŋ wi wa kɔ̀ ko feìŋ yèè àŋ naŋ wi fùlìà ko jawaì àŋ nyaaŋ ko Toà.

Nyɛ̀nɛ̀ŋ 21:4

È naiŋ wa kuii mɛ̀ɛ̀ŋ anyùùŋ hààwè Kanaà bà yèè è naiŋ nɔ̀ŋ ko nɛ̀ɛ̀ŋ nyiŋ niìŋ wèè maŋ ɗɔ̀ɔ̀ nɔɔnɔŋ le tìyèe. Wo Jìnàŋ Nɛɛmaàŋ naŋ wa wòò anyuùŋ hààwe nyàŋ wèè aŋ woò wo Pɔɔ̀ kɛ̀ ɓɔ̀ wò ka kò Jùlusɛ̀làm.

Nyɛ̀nɛ̀ŋ 21:8

Wɔŋ niìsìaà bàa è naiŋ kɔ̀ ko Sesèlià; yèè è naiŋ kɔ̀ ko gbòò Felè, wo nyuùŋ gbòà ke mìè Dayàa. Wò yaà wa anyùùŋ nɔɔnɔŋ le tìyèe nyàŋ bà guùŋ wo yèɔ naŋ wa kpùùmò aŋ keela tàeɗùù nyaŋ, yèè àŋ naŋ nɔ̀ŋ ko nɛ̀ɛ̀uŋ niìŋ.

Nyɛ̀nɛ̀ŋ 28:14

Kuŋ è naiŋ wa mɛ̀ɛ̀ŋ anyuùŋ hààwe nyàŋ bà. Yèè àŋ naŋ wi dawè wèè e nɔ̀ŋ nyiŋ nee gòlò wèè maŋ ɗɔ̀ɔ̀ nɔɔnɔŋ le tìyèe. Nààŋ maŋ ɗɔɔ miiŋ naŋ mààŋ, è naiŋ noo yèwè yèè è naiŋ kɔ̀ ko jawa gbeeì ko Luùm.

Fèle 1:1

E yìwìà miàim Pɔɔ̀ yaà wo Timetè sìwè, aŋ ɓɔ̀ìjɔ̀à Jisɛ̀ Kulaì nyaŋ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nɛɛmaŋ nyàŋ gbiŋ ko Fèlepì, aŋ yè nyaŋ yaà aŋ bà nyiŋ bà wo Jisɛ̀ Kulaì sùà nyaŋ, e kpùlìà aŋ sìèfèìŋ anyuùŋ hààwe nyàŋ yaà anyuùŋ tòmo dàwi nyiŋ nyàŋ.

1Tɛsè 2:2

Nàŋ nyìmàŋ e ɗeweɛ̀ àŋ naŋ wi kùwìè le siwè naanààŋ aŋ wi pɔ̀ɔ̀ɓɛ̀ɛ ko Fèlepì pangàà è naŋ hnè nɛ̀ɛ̀iŋ niìŋ ko Tɛsèlonikà. Jòòpɛɛ aŋ joo wi yaào, kɛɛ wo Dayà wiɔ̀ naŋ wi sìè ke di wèè eiŋ dàànè Ebò Siaàŋ e yèɛ yewe ko nɛ̀ɛ̀uŋ niìŋ lɛ.

2Time 4:13

Sèè mùŋ nɔ̀ŋ hinie, hìaàŋ wɔŋ kùmà miɔ̀ŋ mìŋ naŋ jùùyè wo Kulepɔ̀ ko Toà wɔŋ. Hìaàŋ maŋ fɛ̀ì Dayà maŋ miiŋ pɛɛ, ɓɔɔɓɔɔ ngèè maŋ fɛi bàànè fɛ̀ì yilì maŋ.