Nyɛ̀nɛ̀ŋ 20:4 - WƆŊ FƐ̀Ì EBÒ SÌÀŊ DAYÀA

⁴ Nààŋ wo Pɔɔ̀ yaà wa kɛ̀ɛ̀ sùà maŋjɛ̀wɛ, anyùùŋ bà nauŋ wa dè maŋjɛ̀wɛ tèènè mààŋ wo Sopatɔ̀, wo jɔ̀àfèlàà Palɔ̀ɔ e yìwìà ko Bɛ̀lià, wo Àlètakɔ̀ yèè wo Sekɔuŋɗù e yìwìà ko Tɛsèlonikà. Wo Gayɔ̀ e yìwìà ko Dɛɓì, wo Timetè, yèè aŋ fèlàà tìyèe e yìwìà ko Eesìà, wo Tachikɔ̀ yèè wo Tofimù.

Nyɛ̀nɛ̀ŋ 20:4 ပူးပေါင်းရင်းမြစ်များ

Nyɛ̀nɛ̀ŋ 14:20

Kɛɛ nààŋ anyùùŋ màŋjɛ̀wɛ̀ Kanaà Jisɛ̀ naŋ wa dèènè wo Pɔɔ̀ kɔɔ, wò naŋ wa yèwè dìì yèè yaà nyiŋ naŋ kɛ̀ɛ̀ ko jawa gbeeì. Wɔŋ niìsìaà bàa wo Pɔɔ̀ yaà wo Bànaŋɓà naŋ kɔ̀ ko Dɛɓì.

Nyɛ̀nɛ̀ŋ 14:6

Nààŋ aŋ kèèlà tìyèe nyàŋ naŋ wa tɛɛ̀ kòmò, àŋ naŋ yèwè ko jawa wii maŋ dùaŋ dùaŋ yèè àŋ naŋ kɔ̀ maŋ jawa gbeegbèè nyiŋ màŋ sùà àŋ nyaaŋ ko Lesità yèè ko Dɛɓì, maŋ kpàlàùŋ kpàlàùŋ Làkanià maŋ sùà.

Nyɛ̀nɛ̀ŋ 16:1

Wo Pɔɔ̀ yèè wo Silà naŋ kɛ̀ɛ̀ maŋjɛ̀wɛ ko Dɛɓì yèè ko Lesità. Kuŋ àŋ naŋ wa mɛ̀ɛ̀ŋ wo nyùùŋ màŋjɛ̀wɛ̀ɔ bà guùŋ àŋ nyaaŋ wo Timetè. Wo yèyeuŋ nɔɔ̀ŋ wuŋ pɛɛ yaà wa wo nyuùŋ hààwe, kɛɛ wò yaà wa wo Juùù nyuuŋ, yèè wo dèdauŋ nɔɔ̀ŋ yaà wa wo Guliì nyuuŋ.

Nyɛ̀nɛ̀ŋ 16:6

Wo Pɔɔ̀ yèè aŋ dàwiuŋ nyàŋ naŋ kɔ̀ɛ̀ maŋ kpàlàùŋ kpàlàùŋ Fɛgìà maŋ yèè Gàlatìà maŋ sùà, nààŋ wo Jìnàŋ Nɛɛmaàŋ gò wa nyimèè wèè aŋ gbòà kè mìè Dayàa wɔ̀ŋ fùɔ̀ŋ Eesìàa sùà.

Nyɛ̀nɛ̀ŋ 17:1

Wo Pɔɔ̀ yèè wo Silà naŋ kɔ̀ɛ̀ ko Aŋfepolì yèè ko Àpolonìà yèè àŋ naŋ hàì ko Tɛsèlonikà. Ke Sààŋ Zòòlò aŋ Juùù yaà wa ko jawa gbee bì.

Nyɛ̀nɛ̀ŋ 17:13

Kɛɛ nààŋ aŋ Juùù nyaŋ ko Tɛsèlonikà naŋ wa kòmò kɛ̀ wo Pɔɔ̀ naŋ wa gbòò ke mìè Dayàa ko Bɛ̀lià kuŋ pɛɛ, àŋ nao wa hnè wèè aŋ tooyà e nimilàa wo Pɔɔ̀ yèè wo Silà yaà wa kɔ̀ɔ̀yɛ̀ dìì tɛ lɛ̀.

Nyɛ̀nɛ̀ŋ 19:29

E teenga kpuu sùà anyùùŋ nyaŋ gbiŋ ko jawaì naŋ wa dàà ke gboà gbee. Yèè anyùùŋ nyaŋ bà nyiŋ naŋ kùwò wo Gayɔ̀ yaà wo Àlètakɔ̀, yèè aŋ naŋ nyiŋ kɔ̀ɔ̀ zɛ̀mɛ̀ɛ̀ŋ dèèneì. Aŋ fèlàà tìyèe bi naŋ wa dè wo Pɔɔ̀ maŋjɛ̀wɛ e yìwìà ko Mɛ̀sèdonià. Kpeiŋ anyùùŋ nyaŋ gbiŋ e faaàŋ sùà naŋ dùɔ̀ŋ aŋ kà koɓɛ̀i àŋ yaà wa kɛ̀ɛ̀nɛ̀ŋ sùà e dèènè jawaà lɛ.

Nyɛ̀nɛ̀ŋ 2:9

Tiŋ zà yàwi nààŋ bà nyiŋ è yààìŋ anyùùŋ wɔŋ fùɔ̀ŋ Paatìàa, wɔŋ fùɔ̀ŋ Miɗiàa, wɔŋ fùɔ̀ŋ Ilamɔ̀ɔŋ, wɔŋ fùɔ̀ŋ Mɛsèpòtamiɔ̀ɔ, wɔŋ fùɔ̀ŋ Jùdiàa, wɔŋ fùɔ̀ŋ Kàpàdosìàa, wɔŋ fùɔ̀ŋ Pɔuŋtɔ̀ɔ yèè wɔŋ fùɔ̀ŋ Eesìàa,

Nyɛ̀nɛ̀ŋ 20:16

Wo Pɔɔ̀ naŋ wa ɗewè wèè eiŋ kɔ̀ɛ̀ ko Ɛfesɔ̀, esaɓù kɛ̀ wo manàŋ wa wèè wò do nɔ̀ŋ wɔ̀ŋ fùɔ̀ŋ Eesìàa wèè e teenga mùnlaŋ. Wò yaà wa nyinie fiòfiò yèè wò manaŋ wa wo hàì ko Jùlusɛ̀làm e teengaà wèè ke ɗɔ̀ɔ̀ zòòlò aŋ Juùù nyaŋ àŋ nyaaŋ Pɛnɛŋkɔ̀ɛ.

Nyɛ̀nɛ̀ŋ 20:18

Nààŋ àŋ naŋ hàì ko nɛ̀ɛ̀uŋ niìŋ, wò naŋ nyiŋ woò wààŋ, “Nyɛ̀iŋ bi nàŋ nyìmàŋ e nɛ̀ɛŋ gbiŋ mìŋ naŋ nyɛ̀nɛ̀ŋ lɛ e teengaà yàwi nààŋ gbiŋ yààìŋ wa koɓɛ̀ guùŋ lɛ e hnaàŋ jiɛ̀jiɛ̀ mɛ̀ sùà ko Eesìà.

Nyɛ̀nɛ̀ŋ 21:29

Àŋ naŋ wa tɛɛ̀ woò e fèfoo àŋ naŋ yɛ̀mɛ̀ wo nyùùŋ e yìwìà ko Ɛfesɔ̀ àŋ nyaaŋ Tofimù yaà wo Pɔɔ̀ koɓɛ̀ guùŋ ke ɗɔɔɛ̀ bàa ko jawaì, e kìlà àŋ yaà wa goongo kɛ̀ wo Pɔɔ̀ nauŋ jɔ̀ɔ̀yɛ̀ ko Saaŋ Zòòlò Dayài.

Nyɛ̀nɛ̀ŋ 27:2

È naiŋ wa sɛ̀ɛ̀ wɔŋ meeè sùà e yìwìà ko Àɗàmatiɔ̀ŋ. Wɔŋ meeèɔ yaà wa kɔ̀ɔ̀yɛ̀ ko Eesìà. Wo Àlètakɔ̀ e yìwìà ko Tɛsèlonikà, wo felaa bà e yìwìà ko Mɛ̀sèdonià, naŋ wa sɛ̀ɛ̀ wɔŋ meeèɔ sùà wuŋ pɛɛ yèè yàwi nààŋ gbiŋ naiŋ kɔ̀.

Luùm 16:21

Wo Timetè, wo nyuùŋ tòmo dàwi miɔ̀ŋ, naiŋ tùɔ̀ŋ zùùmo. E kìlà aŋ Juùù nyuuŋ dàwiim nyàŋ tèènè mààŋ wo Lusìù, wo Jasɔ̀ŋ, yèè wo Sòsipatɔ̀, naiŋ tùɔ̀ŋ zùùmo nyiŋ pɛɛ.

Luùm 16:23

Wo Gayɔ̀, wo yèɔ naim jàà kùàŋ dìì wèè ka nɔ̀ŋ ko gboouŋ noo wɔ̀, ko yèi ke gbòò anyuùŋ hààwe nyàŋ deenàŋ wèè zòòlo lɛ̀, naiŋ tùɔ̀ŋ zùùmo. Aŋ wùìya wi nyàŋ tèènè mààŋ wo Ɛlesitù, wo nyùnɔ̀ɔŋ banàŋ e nɛɛnɛɛ̀ŋ hàa wèè ko jawa gbeeì wɔ, yèè wo Kɔatù, nyiŋ pɛɛ naiŋ tùɔ̀ŋ zùùmo.

2 Kɔliìŋ 1:1

E yìwìà miàim Pɔɔ̀ sìwè, wo yèɔ yaà wo keela tàeɗùù wèè Kulaì Jisɛ̀ esàɓù e kèè jìì Dayàa sùà wɔ, yèè e yìwìà wo wùìya wiɔ̀ Timetè sìwè, nàŋ yaà sìngìè koɓɛ̀ ke gbòò anyuùŋ hààwe nyàŋ kè yaà ko Kɔliìŋ yɛ, yèè koɓɛ̀ anyùùŋ nɛɛmaŋ nyàŋ gbiŋ ko Àkaayà.

2 Kɔliìŋ 1:19

E wèè Jisɛ̀ Kulaì, wo jɔ̀àfèlàà Dayàa, wo yèɔ wo Sìvanɔ̀ŋ wo Timetè, yèè miàŋ bi, è naiŋ wòò e kiiuŋ e tɛɛiŋ wɔ̀, wo fè wò nyuùŋ wòo wààŋ, “Hɛ̀ɛɛ̀ŋ” yèè “Kpele.” Yèè wɔŋ fàa bàa, wuŋ nàŋ yaà ke “Hɛ̀ɛɛ̀ŋ” Dayàa;

Ɛfesɔ̀ 6:21

Wo Tachikɔ̀ wo ɓɔìjɔ̀à yèè wùìya tùlìà jii wiɔ̀ e tòmò Kanaà Jisɛ̀ Kulaìɛ sùà doiŋ nàŋ gbàì jii nyaàiŋ dè e ɗeweɛ̀ e kɔɔ mɛ̀ yaà lɛ, yèè e nɛ̀ɛŋ mìŋ yaà nyinie lɛ̀.

Fèle 2:19

Sèè è nɔ̀ŋ wèè esàɓù wo Kanaà Jisɛ̀, mìŋ kuwa ke jii tùlia kɛ̀ wò doim nàŋ gè nyààŋ diɛŋ wèè ka tùàŋ wo Timetè ko nɛ̀ɛ̀iŋ niìŋ e teenga kpuu sùà, wèè kɛ̀ mìŋ naŋ ɓɛ̀nɛ̀ŋ kɛ̀ɛ̀nɛ̀ŋ ke jii nyingè wèè ebò lɛ mìŋ naŋ kòmò lɛ e nyaàiŋ eiŋ dè.

Kòlo 4:10

Wo Àlètakɔ̀, wo yèɔ yàwi wuŋ yaà ko sààŋ nyìwìi wɔ̀, naiŋ tùɔ̀ŋ zùùmo. Wo Mài wuŋ pɛɛ, wo wùìyà Bànaŋɓàa, naiŋ tùɔ̀ŋ zùùmo. Yèè èiŋ woò tɛ wìàà, sèè wo Mài haì ko nɛ̀ɛ̀iŋ niìŋ nauŋ ɓeeè.

Kòlo 4:7

Wo wùìya mànaŋ wiɔ̀ Tachikɔ̀, wò yaà wo ɓɔìjɔ̀à tùlìà jii, e kìlà wò naŋ wi tòòmò maŋjɛ̀wɛ wèè eiŋ tomo wèè wo Kanaà wɔ, wò doiŋ nàŋ kìɛ̀ŋ ke miè gbìaàŋ e nyaàiŋ eim dè.

1Time 1:1

E yìwìà miàim Pɔɔ̀ sìwè, mìŋ yaà wo keela tàeɗùù wèè Jisɛ̀ Kulaì e yìwìà e gààŋ Dayàa wo Nyuùŋ Jòèye wiɔ̀ yaà wo Jisɛ̀ Kulaì yèɔ kiɛ̀ŋ wì ke jii tùlia wɔ.

2Time 1:2

Miàŋ nàŋ yaà sìngìè wɔŋ fɛi wɛɛ̀ŋ koɓɛ̀ muàum Timetèi, wo jɔ̀à mànaŋ miɔ̀ŋ. Tɔ̀ wo Dayà wo Dèda wiɔ̀ yaà wo Kanaà Jisɛ̀ Kulaì kiɛ̀iŋ e tɛ̀ɛ̀tɛ̀ɛ̀, ke nyowo, yèè ke jii fàa.

2Time 4:12

Mìŋ naŋ tùɔ̀ŋ wo Tachikɔ̀ ko Ɛfesɔ̀.

2Time 4:20

Wo Ɛ̀lesitɔ̀ naŋ jòò ko Kɔliìŋ, yèè mìŋ naŋ jòò wo Tofimù ko Miletù, esaɓù kɛ̀ wo yaà wa siinyɛŋ.

Taitɔ̀ 3:12

Sèè mìŋ tuɔŋ wo Atemɔ̀ŋ ɔ̀ɔ̀ wo Tachikɔ̀ ko nɛ̀ɛ̀ŋ muìŋ, Kàmè e ɗewe muŋ mɛɛ̀im ko jawaì Nìkopolè, esaɓù kɛ̀ kuii mìŋ naŋ ɗewè wèè kao mììnyàŋ e sɛ̀ɛ̀ɛ.

Felemɔ̀ŋ - PHM 1:24

Yèè anyuùŋ gbànaŋ nyɛɛ̀ŋ tèènè mààŋ wo Mài, wo Àlètakɔ̀, wo Dimà, yèè wo Luù, anyuùŋ tòmo dàwiim nyàŋ, naiŋ tùɔ̀ŋ e zùùmo nyiìŋ pɛɛ.

3Jɔ̀ɔŋ 1:1

E yìwià koɓɛ̀ wo màmàŋkùmɛɔ̀ŋ, wo sìèfèìŋ anyuùŋ hààwe nyàŋ. E kà koɓɛ̀ wo dàwi miɔ̀ŋ Gayɔ̀i, wo yeɔ̀ mìŋ naŋ kaì mɔ̀nɔ̀ŋ e tɔ̀ɔ̀nyaàŋ sùà wɔ.