Nyɛ̀nɛ̀ŋ 20:35 - WƆŊ FƐ̀Ì EBÒ SÌÀŊ DAYÀA

³⁵ Kàiŋ tɔ̀ɔ̀ maŋ keì nyɛ̀nɛŋ màŋ gbiŋ sùà kɛ̀ sèè nìŋ tomàŋ nyìnga e ɗewe lɛɛ̀ sùà, nìŋ do nàŋ kpùùmò wo yèɔ yaà e zɔ̀kpɔ̀ sùà wɔ. Jàaìŋ jii, maŋ mìè maŋ wo Kanaà Jisɛ̀ wuŋ bi naŋ wa woò maŋ wààŋ, ‘E zɔlɔ̀ zimgbe doum nàŋ nɔ̀ŋ sèè mùŋ kiɛ̀ŋ wo nyùùŋ, e nìàŋ sèè wo nyùùŋ woum kiɛ̀ŋ.’ ”

Nyɛ̀nɛ̀ŋ 20:35 ပူးပေါင်းရင်းမြစ်များ

Maafiù 10:8

Sùngaìŋ anyuùŋ sàaŋ nyàŋ, gèeìŋ anyuùŋ fàa nyàŋ dìì wɔŋ nyiiŋ gèeo sùà, sùngaìŋ anyuùŋ kɛ̀ɛ̀nɛ̀ŋ e sààŋ maŋkùnù nyaŋ aŋ zɛ̀nɛ̀ŋ, yèè niŋ gè aŋ jinàŋ naanààŋ anyùùŋ maŋjɛ̀wɛ. Nàŋ yɛ̀mɛ̀ e nɛ̀ŋ wèè foo, weètii, kìɛìŋ e nɛ̀ŋ wèè foo.

Nyɛ̀nɛ̀ŋ 20:20

Miŋ gò wa gè màŋhɛɛ wèè kaiŋ woò ɔ̀ɔ̀ kaiŋ kaà màŋ gbooiŋ màŋ sùà, wèè è nɛ̀ɛŋ gbiŋ naŋ ɓɛ̀nɛ̀ŋ nɔ̀ŋ è kpùùmaŋ kò nɛ̀ɛ̀iŋ niìŋ lɛ.

Nyɛ̀nɛ̀ŋ 20:27

Kàiŋ wòò e yèɛ gbiŋ wo Dayà manaŋ wèè naŋ nyìmàŋ lɛ.

Nyɛ̀nɛ̀ŋ 20:34

Nyɛ̀iŋ bi nàŋ nyìmàŋ kɛ̀ mìŋ naŋ tomo nyìnga wèè ka nyɛ̀nɛ̀ŋ wɔŋ nyiiŋ gèe miɔ̀ŋ yàwi nààŋ dàwim nyàŋ.

Nyɛ̀nɛ̀ŋ 20:36

Nààŋ wo Pɔɔ̀ naŋ wa kpɛ̀ɛ̀yɛ̀ gbòa, wò naŋ dè maŋ gɛ̀ɛ̀ŋ dìì, yèè yaà nyiŋ naŋ zoolò.

Luùm 15:1

Yàwiiŋ nyàŋ e hààwe wilɛ̀ naŋ nyìngè sùà nyaŋ, è kuwa eiŋ kìɛ̀ŋ kpùùmaŋ koɓɛ̀ anyùùŋ nyaŋ e hààwe nyiŋ nɛ̀ gò nyìngà sùà nyaŋ. Ɓɔ̀ è nyɛ̀nɛ̀iŋ è keì è doiŋ fɔ̀ɔ̀yɛ̀ yàwi bi jii.

1 Kɔliìŋ 9:12

Sèè anyùùŋ joo nɔ̀ŋ aŋ bà nyiŋ bà wèè e tɔ̀ɔ̀nyaàŋ lɛɛ̀ ko diɛiŋ, yàwi ngèè pɛɛ e kuwàìŋ è tɔ̀ɔ̀nyaàŋ gbee e nyiŋ nìàŋ? Kɛɛ kòò è tòòmòìŋ è tɔ̀ɔ̀nyaàŋ lɛɛ̀, e nɔ̀ŋ bàiŋbà wèè maŋ keì mɛɛ̀ŋ gbiŋ wèè e nɛ̀ŋ gbiŋ go nàŋ kìlìè Èbò Siaàŋ nyaàiŋ dè Jisɛ̀ Kulaì kùàŋ feìŋ.

2 Kɔliìŋ 11:12

Mìŋ do nàŋ nɔ̀ŋ ko nyìnìè e nɛ̀ɛŋ mìŋ yaà naàŋ ko nyinie lɛ̀, e wèè kɛ̀ aŋ yè nyaŋ àŋ nyaaŋ aŋ keela tàeɗùù titi nyàŋ lɛ go nàŋ kùwìè è ɗewe wèè aŋ kɛ̀ɛ̀ màŋ nyòngà kɛ̀ àŋ yaà toomo e ɗèwè guùŋ nɛ nɔŋ è yaà toomo lɛ̀.

2 Kɔliìŋ 11:9

E teengaà mìŋ yààìŋ e tɛɛ lɛ̀, miŋ gòiŋ kpɛɛ̀ŋ wèè naim kpuumàŋ. Sèè mìŋ mɔnɔŋ nɛɛnɛŋ, aŋ wùìya nyàŋ naŋ yèwè ko Mɛ̀sèdonià nyaŋ naim hìɛ̀ŋ e nɛ̀ɛŋ gbiŋ mìŋ manaŋ lɛ̀. Miŋ gò nɔ̀ŋ è kpɛ̀ɛŋ kò nɛ̀ɛ̀ŋ niìŋ kò tɔɔtuì, miŋ naàŋ nɔ̀ŋ è kpɛ̀ɛŋ kò nɛ̀ɛ̀ŋ niìŋ kò dòmàŋ feìŋ yaà!

2 Kɔliìŋ 12:13

Dièsɔa mìŋ naiŋ nyɛ̀nɛ̀ŋ naanààŋ e nìàŋ ke gbòò anyuùŋ hààwe nyàŋ, ɓàà zà miŋ gòiŋ kpɛɛ̀ŋ wèè è kpùùmàŋ nɛɛnɛŋ? Kɔ̀nɛɛ̀ŋ jùùya nìim hakɛ̀ wèè miŋ gò nɔ̀ŋ tɔ̀ɔ̀nyaàŋ kò nɛ̀ɛ̀ŋ niìŋ wèètii lɛ̀!

2 Kɔliìŋ 8:9

Nàŋ nyìmàŋ e tɛ̀ɛ̀tɛ̀ɛ̀ Kana wiɔ̀ Jisɛ̀ Kulaìɛ, e kpulìà e bàneuŋ nɛ̀ gbiŋ, wò naŋ wa mììnè wuŋ bi wo nyuùŋ pɔ̀ɔ e weèiŋ, wèè wo nyɛ̀nɛ̀ŋ naŋ nɔ̀ŋ anyuùŋ banè esàɓù e pɔ̀ɔuŋ nɛ̀ sùà.

Ɛfesɔ̀ 4:28

Sèè mùŋ nɔ̀ŋ wo nyuùŋ wùa, gè kùàŋ e kèè wùa sùà, muŋ tomo nyìnga wèè muŋ kàmè e nɛ̀ŋ wèè muàŋ bi e ɓɛ̀ɛ̀jàa sùà, e kìlà muŋ ɓɛnɛ̀ŋ wèè maŋ nyɛ̀nɛ̀ŋ e keì sìàŋ, koɓɛ̀ anyùùŋ nyaŋ kuwà è nɛ̀ŋ bà nyaŋ.

1Tɛsè 4:11

Nyɛ̀nɛìŋ niŋ e kpàŋ è kɔɔiŋ e gbɔ̀ɔɔ ɓɔ̀ è nɔ̀ŋ maŋ nyiiŋ gèiŋ màŋ sùà, kùwieìŋ e gòngò e kèì nyɛ̀iŋ bi lɛ̀, yèè niŋ kamè e nɛ̀ŋjè nyaàiŋ nɛ̀, màànààŋ nɔŋ è naiŋ wa woò lɛ.

1Tɛsè 5:14

È yààìŋ pɔ̀wɔ sùà, wùìya wi nyàŋ, wèè naŋ fè anyuùŋ gànga wèè tòmo nyàŋ maŋ mìè gòo, niŋ sìà aŋ yè nyaŋ e jùù naŋ bìè nyɛ̀nɛŋ nyàŋ ke di, kpùùmaìŋ anyuùŋ nyaŋ manaŋ e kpùùmaŋ nyàŋ, kùwaìŋ jii wèè nyùùŋ gbiŋ.

Hiɓu 13:16

Ɓɔ̀ nìŋ nyɛɛnɛ̀ŋ wèè naŋ kpùùmàŋ kè gbòò Dayà zòòloɛ̀, tɛɛ̀ nàŋ yaà e saaà gèeɛ̀ fɔɔyɛ̀ Dayà jii lɛ̀.

Hiɓu 13:3

Jàaìŋ anyùùŋ Kanaà Jisɛ̀ nyaŋ jii aŋ yè nyaŋ yaà ko sààŋ nyìwì nyaŋ yèè niŋ kpuumàŋ nyiŋ, e teenè mààŋ maŋ kpùnàŋ nyɛ̀iŋ bi nàŋ yaà weè ko sààŋ nyìwì. Jàaìŋ anyùùŋ nyaŋ yaà kɔ̀ɔ̀yɛ̀ mɔ̀ɔ̀nɛŋ dìì nyaŋ jii yèè niŋ kpuumàŋ nyiŋ, e teenè mààŋ nyɛ̀iŋ bi nàŋ yaà weè kɔ̀ɔ̀yɛ̀ e mɔ̀ɔ̀nɛŋ dìì.

3Jɔ̀ɔŋ 1:7

Àŋ naŋ dè ke dòmàŋ kààiŋ nyiŋ nɛɛ̀ŋ diɛŋ wèè e tòmò Jisɛ̀ Kulaìɛ e yèɛ aŋ gò gèe è kpùùmaŋ anyuùŋ gò hààwè Dayà sìwè lɛ.