Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Nyɛ̀nɛ̀ŋ 20:33 - WƆŊ FƐ̀Ì EBÒ SÌÀŊ DAYÀA

33 Ke ɗɔ̀ɔ̀ guùŋ miŋ gò nyɛ̀nɛ̀ŋ wànàŋ è kaiŋ fua, è gòoò ɔ̀ɔ̀ màŋ dèè e yìwìà wò nyùùŋ gbiŋ sìwè.

အခန်းကိုကြည့်ပါ။ ကော်ပီ




Nyɛ̀nɛ̀ŋ 20:33
13 ပူးပေါင်းရင်းမြစ်များ  

Sèè anyùùŋ joo nɔ̀ŋ aŋ bà nyiŋ bà wèè e tɔ̀ɔ̀nyaàŋ lɛɛ̀ ko diɛiŋ, yàwi ngèè pɛɛ e kuwàìŋ è tɔ̀ɔ̀nyaàŋ gbee e nyiŋ nìàŋ? Kɛɛ kòò è tòòmòìŋ è tɔ̀ɔ̀nyaàŋ lɛɛ̀, e nɔ̀ŋ bàiŋbà wèè maŋ keì mɛɛ̀ŋ gbiŋ wèè e nɛ̀ŋ gbiŋ go nàŋ kìlìè Èbò Siaàŋ nyaàiŋ dè Jisɛ̀ Kulaì kùàŋ feìŋ.


Kɛɛ kòò mìŋ tòòmò màŋ tɔ̀ɔ̀nyaàŋ mɛɛ̀ŋ bà gbiŋ, yèè miŋ fè sìnga sùà tɛɛ̀ wèè ka naàŋ pɛɛ jàà màŋ kùàŋ wèè ka kɛ̀ɛ̀nɛ̀ŋ màŋ gààŋ mɛɛ̀ŋ wèè miàŋ bi naàŋ. Sɔɔ̀ ka fà jiɛ̀. Wo nyùùŋ gbiŋ naàŋ kìlè è gààŋ màŋ nyongà kɛ̀ɛ mɛ̀ koɓɛ̀ màŋ mìè gbòa foo.


Kiìŋ nàŋ yaà e pààwa mɛ̀? Tiŋ nɔŋ nàŋ yaà, e gààaŋ mìŋ kuwa wèè ka wòò ke mìè gbìàŋ Ebò Siaàŋ lɛ, miŋ woò nyiŋ nɔŋ wèè foo, miŋ fè nyiŋ gè è tɔ̀ɔ̀nyaàŋ mɛ̀ gbiŋ kò sùà.


Mìŋ dawà nyiìŋ sèè mààŋ miŋ kuwà è gààŋ wèè ka jènɛ̀ŋ yèè ka tìà nɛ̀ŋ?


Miŋ gòiŋ kìlìà è ɓàà nɛ̀ŋ gbiŋ è teengaà mìŋ yaà wòo sùà kè mìè gbìàŋ Èbò Siaàŋ nyaàiŋ dè Dayà kò nɛ̀ɛ̀ŋ niìŋ lɛ. Mìŋ naŋ dèèyè miàŋ bi wèè ka nyɛ̀nɛ̀ŋ naŋ kùwìè zùlù. Ke kpèè naanààŋ mìŋ naŋ nyɛ̀nɛ̀ŋ?


E teengaà mìŋ yààìŋ e tɛɛ lɛ̀, miŋ gòiŋ kpɛɛ̀ŋ wèè naim kpuumàŋ. Sèè mìŋ mɔnɔŋ nɛɛnɛŋ, aŋ wùìya nyàŋ naŋ yèwè ko Mɛ̀sèdonià nyaŋ naim hìɛ̀ŋ e nɛ̀ɛŋ gbiŋ mìŋ manaŋ lɛ̀. Miŋ gò nɔ̀ŋ è kpɛ̀ɛŋ kò nɛ̀ɛ̀ŋ niìŋ kò tɔɔtuì, miŋ naàŋ nɔ̀ŋ è kpɛ̀ɛŋ kò nɛ̀ɛ̀ŋ niìŋ kò dòmàŋ feìŋ yaà!


Kàmeìŋ ko nɔ̀ŋ wi maŋ jiiiŋ màŋ sùà. E gòiŋ kààɓì nyùùŋ gbiŋ, e gòiŋ pɔ̀ɔ̀pɔ̀ɔ̀ è nɛ̀ŋ nyùùŋ gbiŋ sùà, ɔ̀ɔ̀ wèè eiŋ fɛ̀ɛ̀ wèè eiŋ nììngè wò nyùùŋ gbiŋ fɛ̀ɛ̀.


Nàŋ nyìmàŋ fo kɛ̀ maŋ mìè gbòà nyuùŋ tɛ̀nɛŋ nààŋ e gò hìàŋ kò nɛ̀ɛ̀ŋ niìŋ, ɔ̀ɔ̀ eiŋ tòòmò màŋ mìè wèè eiŋ nyɛ̀ɛ̀nɛ̀ŋ è kèò nyààŋ nyɛ̀nɛŋ, wo Dayà nàŋ yaà wo seì wiɔ̀!


Nààŋ nɔŋ anyuùŋ yɛ̀mɛ̀ aŋ ɓaawaa diɛŋ nyàŋ yɛmɛ̀ aŋ ɓaawaa nyiŋ nyàŋ diɛŋ lɛ̀, mìŋ yààìŋ dàwe sùà wèè naŋ nɔ̀ŋ anyuùŋ yɛ̀mɛ̀ aŋ ɓààwàà Dayà nyaŋ gbiŋ wò naiŋ sèèlè e kii nyiŋ feìŋ nyaŋ diɛŋ. Nyìniàìŋ niŋ ke jii siaŋ diɛ̀ŋ màànààŋ wo Dayà manaŋ wèè naŋ nyɛ̀nɛ̀ŋ lɛ. Ɓɔ̀ nìŋ nyinìàŋ niŋ kè jii kpàaŋ diɛŋ. Nyɛ̀nɛìŋ e tòmoiŋ nɛ̀ ɓɔ̀ è nɔ̀ŋ wèè pààwa, kɛɛ e yiwìàiŋ jii wèè nyɛ̀nɛŋ.


Àŋ naŋ dè ke dòmàŋ kààiŋ nyiŋ nɛɛ̀ŋ diɛŋ wèè e tòmò Jisɛ̀ Kulaìɛ e yèɛ aŋ gò gèe è kpùùmaŋ anyuùŋ gò hààwè Dayà sìwè lɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ