Nyɛ̀nɛ̀ŋ 20:25 - WƆŊ FƐ̀Ì EBÒ SÌÀŊ DAYÀA

²⁵ “Kà mààmè maŋ tàtaiŋ màŋ sùà, mìŋ yààìŋ wòò ebò siaàŋ nyaàiŋ dè e Kànà Dayàa, kɛɛ kà naàŋ nyìmàŋ kɛ̀ nyɛ̀iŋ nààŋ bà gbiŋ niŋ naàim wa nàwèè ɓɛìŋ yɛmɛ̀.

Nyɛ̀nɛ̀ŋ 20:25 ပူးပေါင်းရင်းမြစ်များ

Maafiù 10:7

Yèè sèè nìŋ nɔ̀ŋ kɔɔyɛ, wòoìŋ anyùùŋ kɛ̀, ‘E Kànà àìjɛnɛ̀ɛŋ è gbɛ̀ɛ̀ fɔ̀ɔ̀.’

Maafiù 13:19

Anyuùŋ kpùuŋ nyàŋ yè nyaŋ komo ke mìè gbìàŋ e Kànà Dayàa, kɛɛ aŋ fè nyiŋ nyìmàŋ yɛ, àŋ yaà mààŋ manɛ̀ŋ koei màŋ naŋ sɔ̀ɔ̀ ke dòmaàŋ diɛŋ màŋ. Àŋ komo nɔŋ ke mìè Dayàa fa, wo Nyuùŋ kɛ̀ɛ̀nɛ̀ŋ ke Kpèè Naanààaŋ hnàŋ wò gè ke mìè bi maŋ jii nyiŋ màŋ sùà.

Maafiù 13:52

Kpeiŋ wo Jisɛ̀ naŋ nyiŋ woò wààŋ, “Tɛɛ̀ naŋ tɔɔ̀ kɛ̀, wo kààmɔ̀ɔ̀ŋ maŋ Sàwà Dayàa bà gbiŋ wo yèɔ kile wo nɔ̀ŋ wo nyùùŋ màŋjɛ̀wɛ̀im wɔ̀ e Kànà àìjɛnɛ̀ɛŋ sùà wò yaà mààŋ wo kɛ̀ɛ̀nɛ̀ŋ ko gboo wo yèɔ fulià manɛ̀ŋ jɛi yèè manɛ̀ŋ gɔu e yìwìà ko saaŋ bàànè manɛ̀ŋ hàauŋ niìŋ.”

Maafiù 4:17

E yìwìà e teenga lii sùà wo Jisɛ̀ naŋ tɔ̀ɔ̀tù gbòà ke mìè Dayàa koɓɛ̀ anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ, esaɓù kɛ̀ e Kànà àìjɛnɛ̀ɛŋ è gbɛ̀ɛ̀!”

Maafiù 4:23

Wo Jisɛ̀ naŋ wa kìlìè wɔŋ fùɔ̀ŋ Galaliìɔ gbiŋ sùà, wò yaà kàa sùà anyùùŋ nyaŋ maŋ sààŋ zòòlò aŋ Juùù nyaŋ dìì, wò yaà wòò Ebò Siaàŋ e nyaàiŋ dè e Kànà Dayàa. Wò naŋ wa ɓɛìŋ sùngò anyùùŋ Galaliì nyaŋ kuwa wa maŋ sàaŋ gɛ̀wɛɛ̀ zimgbe nyàŋ.

Luù 16:16

“Anyùùŋ nyaŋ naŋ wa jɔ̀ɔ̀lɔ̀ maŋ Sàwà Dayà maŋ dìì yaà maŋ fɛi màŋ aŋ wɛ̀ijì nyaŋ naŋ wa sìngè maŋ, e hàì e teengaà wo Jɔ̀ɔŋ Gùà Nyùnɔ̀ɔŋ naŋ wa hnè lɛ. Kɛɛ e yìwìà e teengaà Ebò Siaàŋ naŋ wa nɔ̀ŋ wòo niŋ e nyaàiŋ dè e Kànà Dayà lɛ̀, wo nyùùŋ gbiŋ kòò wò yaà kààmè ɗewe wèè wo niŋ jàà kùàŋ dìì.

Luù 9:60

Wo Jisɛ̀ naŋ fasàì wààŋ, “dàngè anyùùŋ nyaŋ naŋ gàngà wèè aim dè maŋjɛ̀wɛ nyàŋ, nààŋ àŋ yaà fàa nyiŋ wo Jinàaŋ sùà nyaŋ, aŋ sìà anyuùŋ fàa nyiŋ nyàŋ. Kɛɛ muàŋ kɔ̀à muŋ woò ke mìè gbìaàŋ e nyaàiŋ dè e Kànà Dayàa.”

Nyɛ̀nɛ̀ŋ 20:38

Ke nyowoɛ̀ naŋ wa nyɛ̀nɛ̀ŋ aŋ gbiŋ esaɓù kɛ̀ wo Pɔɔ̀ naŋ nyiŋ wa woò wààŋ, “Niŋ naàim wa nàwèè ɓɛìŋ yɛmɛ̀.” Yèè aŋ gbiŋ nauŋ kɔ̀ɔ̀ koɓɛ̀ wɔŋ meeèɔ.

Nyɛ̀nɛ̀ŋ 28:31

Wò hewa gbòà e nyaàiŋ dè e Kànà Dayàa yèè wo kàà anyùùŋ nyaŋ e nyaàiŋ dè wo Jisɛ̀ Kulaì, yèè wo nyùùŋ gbiŋ gòuŋ wa kèèwè kùàŋ feìŋ.

Nyɛ̀nɛ̀ŋ 8:12

Kɛɛ nààŋ àŋ naŋ wa hààwè wo Felè nààŋ wò naŋ nyiŋ wòò Ebò Siaàŋ nyaàiŋ dè e Kànà Dayàa yèè e dèè Jisɛ̀ Kulaìɛ, aŋ jɔùŋ yèè felaa naŋ wa nɔ̀ŋ gùa nyiŋ.

Luùm 15:23

Kɛɛ kà naàŋ kpɛ̀ɛ̀yɛ̀ e tòmo mɛ̀ maŋ kpàlàùŋ kpàlàùŋ mɛɛ̀ŋ sùà, yèè wèè maŋ doa zimgbe mìŋ naŋ nyɛ̀nɛ̀ŋ wànàŋ wèè kaiŋ jaamè.

Gàla 1:22

E teenga lii sùà aŋ yè nyaŋ yaà wa aŋ bà nyiŋ bà wèè ke gbòò anyuùŋ hààwe nyàŋ wo Jisɛ̀ Kulaì sùà ko Jùdià lɛ, aŋ nyimààìm wa sengei.

Kòlo 2:1

Mìŋ manaŋ naŋ nyìmàŋ e tòmo nyìngaà mìŋ naŋ nyɛ̀nɛ̀ŋ e weèiŋ yèè wèè anyuùŋ hààwe nyàŋ ko Làòdisià, yaà anyuùŋ hààwe nyiiŋ gbiŋ aŋ yè nyaŋ kòò àŋ yɛ̀mɛ̀ wa kè kpùnaŋ miɛ̀ŋ nyaŋ.