Nyɛ̀nɛ̀ŋ 20:21 - WƆŊ FƐ̀Ì EBÒ SÌÀŊ DAYÀA

²¹ Mìŋ naŋ wòò aŋ Juùù yèè anyùùŋ nyaŋ fè àŋ Juùù nyaŋ kɛ̀ aŋ fè maŋ tùwo naanààŋ nyiŋ màŋ jɛwɛ wèè aŋ kìlà koɓɛ̀ Dayài yèè aŋ kɛɛnɛ̀ŋ hààwe wo Kana wiɔ̀ Jisɛ̀ sùà.

Nyɛ̀nɛ̀ŋ 20:21 ပူးပေါင်းရင်းမြစ်များ

Maafiù 3:2

Wo Jɔ̀ɔŋ naŋ wa wòò anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ niŋ kìlà koɓɛ̀ Dayài, esaɓù kɛ̀ e Kànà àìjɛnɛ̀ɛŋ è gbɛ̀ɛ̀.”

Maafiù 4:17

E yìwìà e teenga lii sùà wo Jisɛ̀ naŋ tɔ̀ɔ̀tù gbòà ke mìè Dayàa koɓɛ̀ anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ, esaɓù kɛ̀ e Kànà àìjɛnɛ̀ɛŋ è gbɛ̀ɛ̀!”

Luù 13:3

Kpele! Kɛɛ tɔ̀ miŋ woòiŋ kɛ̀ sèè nìŋ go fè maŋ jùumùiŋ màŋ jɛwɛ, nìŋ do nàŋ fɔ̀ nyɛ̀iŋ pɛɛ màànààŋ àŋ naŋ fɔ̀ lɛ.

Luù 13:5

Kpele! Kɛɛ tɔ̀ miŋ woòiŋ kɛ̀ sèè nìŋ go fè maŋ jùumùiŋ màŋ jɛwɛ, nìŋ do nàŋ fɔ̀ nyɛ̀iŋ pɛɛ màànààŋ àŋ naŋ fɔ̀ lɛ.”

Luù 15:10

Tɔ̀ miŋ woòiŋ, yɛi nɔŋ aŋ màìkà Dayà nyaŋ do nàŋ gè zɔlɔ̀ wèè wo nyùùŋ maŋ jùumù wò bà guùŋ wo yèɔ fè maŋ tùwo naanààuŋ màŋ jɛwɛ wɔ̀.”

Luù 15:7

Wo Jisɛ̀ naŋ nyiŋ ɓɛìŋ woò wààŋ, “Yɛi nɔŋ e zɔlɔ̀ do nàŋ nɔ̀ŋ ko àìjɛnɛ̀ŋ sèè wo nyùùŋ maŋ tùwo naanààaŋ bà guùŋ fè maŋ tùwo naanààuŋ màŋ jɛwɛ, e nìàŋ anyùùŋ tɔ̀ɔ̀nyaàŋ gbànaŋ kpɛ̀ɛ̀ùŋ tiinàŋ jɛ̀wɛ̀ zììyà jɛ̀wɛ̀ nɔɔnɔŋ le tiinàŋ nyaŋ diɛŋ aŋ yè nyaŋ kuwà màŋ tùwò naanààŋ wèè aŋ miŋ fè jɛwɛ nyàŋ.”

Luù 16:28

Kòò mìŋ kuwao aŋ wùìyà nyùùŋ nɔɔnɔŋ. Wòouŋ wo ka wo kiɛ̀ŋ nyiŋ e goò wèè kɛ̀ aŋ go nàŋ hnè koɓɛ̀ keì nyìnga yaà.’

Luù 24:47

Maŋ fɛi màŋ naŋ ɓɛìŋ woò wààŋ aŋ woò ke miè gbìaàŋ e deè mɛ̀ diɛŋ koɓɛ̀ anyuùŋ kpùuŋ nyàŋ gbiŋ e ɗuunyaàŋ kɛ̀ aŋ fè maŋ tùwo naanààŋ nyiŋ màŋ jɛwɛ aŋ kìlà koɓɛ̀ Dayài, yèè e tɔɔtù ko Jùlusɛ̀làm wèè maŋ jùumù nyiŋ màŋ nɔ̀ŋ hakɛ̀ jùùya miŋ.

Jɔ̀ɔŋ 20:31

Kɛɛ àŋ naŋ wa sìngè maŋ yè mɛɛ̀ŋ wèè kɛ̀ muŋ kɛɛnɛ̀ŋ e hààwe wo Jisɛ̀ ko sùà, wo yèɔ wo Dayà naŋ tàeɗùù wɔ wèè wo joeyè anyùùŋ nyaŋ e ɗuunyaàŋ, yèè wèè naŋ haawè kɛ̀ wuŋ nàŋ yaà wo Jɔ̀àfèlàà Dayàa. Sèè nìŋ kɛɛnɛ̀uŋ e hààwe sùà, nìŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Jɔ̀ɔŋ 3:36

Wo nyùnɔ̀ɔŋ gbiŋ haawà wo Jɔ̀àfèlàà Dayàa sùà wɔ, wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà. Kɛɛ wo nyùnɔ̀ɔŋ yèɔ gbiŋ gè maŋhɛɛ wèè wouŋ haawè wɔ wò naàŋ wa nàwèè nɔ̀ŋ wò bàuŋbà wɔ̀ŋ nyiiŋ gèe bi sùà, yèè wo Dayà do nàŋ kìɛ̀ŋ wo nyùùŋ wii e keì nyìnga wèè julɔfɔ.

Nyɛ̀nɛ̀ŋ 10:43

Wèè wuŋ aŋ wɛ̀ijì nyaŋ gbiŋ naŋ wa gbòò ke mìè seì, kɛ̀ wo nyùnɔ̀ɔŋ gbiŋ haawàuŋ wɔ, maŋ jùumùuŋ màŋ do nàŋ nɔ̀ŋ hakɛ̀ jùùya miŋ esàɓù e deèuŋ nɛ̀ sùà.”

Nyɛ̀nɛ̀ŋ 11:18

Nààŋ àŋ naŋ wa kòmò e yèɛ wo Pììlɛ naŋ woò lɛ, aŋ gbiŋ naŋ wa kumiè yèè àŋ naŋ tɛ̀nɛ̀ŋ wo Dayà. Àŋ naŋ woò nyààŋ, “Wo Dayà naàŋ nyɛ̀nɛ̀ŋ anyùùŋ nyaŋ fè àŋ Juùù nyaŋ àŋ fè maŋ tùwo naanààŋ nyiŋ màŋ jɛwɛ, e kìlà wò nyiŋ kìɛ̀ŋ wɔŋ nyiiŋ gèe.”

Nyɛ̀nɛ̀ŋ 16:31

Wo Pɔɔ̀ yèè wo Silà nauŋ fasàì nyààŋ, “Sèè mùŋ kɛɛnɛ̀ŋ e hààwe wo Kanaà Jisɛ̀ Kulaì sùà, muàŋ yèè anyùùŋ nyaŋ ko gboo moo nìŋ do nàŋ jòèyè.”

Nyɛ̀nɛ̀ŋ 17:30

E teenga gɔuɛ̀ sùà, wo Dayà naŋ wa jùùyè anyùùŋ nyaŋ gbiŋ hakɛ̀ wèè tɛɛ̀, esaɓù kɛ̀ aŋ nyimààŋ wa kɛ̀ kiìŋ àŋ yaà wa nyinie. Kɛɛ wò naŋ naàŋ woò sààmɛ kɛ̀ wo nyùùŋ gbiŋ yèè koɓɛ̀ gbiŋ aŋ dangè maŋ tùwo naanààŋ nyiŋ màŋ yèè aŋ kìlà ko nɛ̀ɛ̀uŋ niìŋ.

Nyɛ̀nɛ̀ŋ 19:17

Yèè anyùùŋ nyaŋ gbiŋ joà wa ko Ɛfesɔ̀ nyaŋ naŋ tɛɛ̀ kòmò, e hààwè aŋ Juùù yèè anyùùŋ nyaŋ fè àŋ Juùù nyaŋ. Yèè e jùù naŋ sɛ̀ɛ̀ aŋ gbiŋ e kɔɔo sùà, yèè aŋ gbiŋ naŋ wa jòòwò e dèè wo Kanaà Jisɛ̀.

Nyɛ̀nɛ̀ŋ 2:38

Wo Pììlɛ naŋ nyiŋ fasàì wààŋ, “Kìlaìŋ koɓɛ̀ Dayài, e kìlà nyɛ̀iŋ nààŋ gbiŋ niŋ nɔ̀ŋ gùaiŋ e dèè Jisɛ̀ Kulaìɛ diɛŋ, wèè maŋ jùumùiŋ màŋ nɔ̀ŋ hakɛ̀ jùùya miŋ, yèè kɛ̀ nìŋ do nàŋ yɛ̀mɛ̀ e kìɛ̀ŋ wo Jìnàŋ Nɛɛmaàŋ.

Nyɛ̀nɛ̀ŋ 2:40

Wo Pììlɛ naŋ nyiŋ kìɛ̀ŋ maŋ mìè gòo zimgbe e kìlà wò naŋ nyiŋ dawè yèè wò naŋ nyiŋ kiɛ̀ŋ maŋ jii nyingè wààŋ, “Jòèyeìŋ nyɛ̀iŋ bi e yìwìà e keì nyìnga gbeeɛ̀ yaà hìnìè anyùùŋ maŋ tùwo naanààŋ nyaŋ diɛŋ lɛ̀.”

Nyɛ̀nɛ̀ŋ 20:23

Ko jawa gbee gbiŋ mìŋ kɔ̀à, wo Jìnàŋ Nɛɛmaàŋ kiɛ̀ìm e gòo kɛ̀ àŋ doim nàŋ gbìɛ̀ŋ ko sààŋ nyiwì yèè mìŋ do nàŋ nɔ̀ŋ e keì nyìnga dìì ko Jùlusɛ̀làm.

Nyɛ̀nɛ̀ŋ 20:24

Kɛɛ miŋ gò kpɛɛ̀ŋ kɛ̀ kiìŋ nàŋ do nàŋ kaaìŋ wɔ̀ŋ nyiiŋ miɔ̀ŋ, sèè nɔŋ mìŋ kpɛɛyɛ̀ e tòmoɛ̀ wo Kanaà Jisɛ̀ naim kiɛ̀ŋ wèè ka nyɛ̀nɛ̀ŋ lɛ. Yèè e tòmo lɛɛ̀ nàŋ yaà wèè ka wòò Ebò Siaàŋ e nyaàiŋ dè e tɛ̀ɛ̀tɛ̀ɛ̀ Dayàa.

Nyɛ̀nɛ̀ŋ 24:24

Maŋ ɗɔɔ kpàa bà naŋ mààŋ yèè wo Kanaà Filɛ̀ yaà wo jawèuŋ Dɔ̀silà, wuŋ pɛɛ wò yaà wa wo Juùù, naŋ kɔ̀ koɓɛ̀i wo Pɔɔ̀ yaà wa lɛ̀. Àŋ naŋ tùɔ̀ŋ wèè wo Pɔɔ̀ wèè wo gbòà nyiŋ kɔɔ e nyaàiŋ dè e hààwe kɛ̀ɛ̀nɛŋ wo Jisɛ̀ Kulaì sùà.

Nyɛ̀nɛ̀ŋ 26:18

Mìŋ manaŋ maŋ yìlè le fɛɛ̀ nyiŋ nɛ̀, wèè kɛ̀ aŋ yèwà ke nyìwìɛ sùà aŋ ka koɓɛ̀ e gbolòùŋ lɛ, e kìlà maŋ nyiŋ gè e gààŋ Sɛ̀tanàaŋ dìì aŋ kìlà anyùùŋ nɛɛmaŋ koɓɛ̀ Dayài. Kpeiŋ kɛ̀ maŋ jùumù nyiŋ màŋ nɔ̀ŋ hakɛ̀ jùùya miŋ, yèè sèè àŋ kɛɛnɛ̀ìm e hààwe sùà àŋ do nàŋ nɔ̀ŋ aŋ bà nyiŋ bà anyùùŋ nɛ̀ɛ̀màŋ Dayà nyaŋ tɛɛ.’ ”

Nyɛ̀nɛ̀ŋ 26:20

Mìŋ naŋ gbòò ke mìè Dayàa koɓɛ̀ anyùùŋ nyaŋ ko Dàmakɔ̀ nyiŋ jiɛ̀, yèè mìŋ naŋ kɔ̀ ko Jùlusɛ̀làm yaà wɔŋ fùɔ̀ŋ Jùdiàa gbiŋ sùà. Eɓìèmàŋjɛ̀wɛ̀ tii, mìŋ naŋ kɔ̀ koɓɛ̀ anyùùŋ nyaŋ fè àŋ Juùù nyaŋ e kìlà mìŋ naŋ nyiŋ woò mìàŋ, aŋ fè maŋ tùwo naanààŋ nyiŋ màŋ jɛwɛ aŋ kìlà koɓɛ̀ Dayài! Kpeiŋ kɛ̀ niŋ tɔɔ̀ ke nyɛ̀nɛiŋ nɛɛ̀ŋ janyai e yìwìà e ɗeweɛ̀ nìŋ do naŋ nyɛ̀nɛ̀ŋ maŋ nyiiŋ gèeiŋ màŋ lɛ.

Nyɛ̀nɛ̀ŋ 28:23

Nààŋ àŋ naŋ tɔ̀ɔ̀ e teenga wèè aŋ mɛ̀ɛ̀ŋ wo Pɔɔ̀, aŋ zimgbe nyiŋ naŋ wa hnè ko gbooì wò joà lɛ ke ɗɔɔ yii. Wo Pɔɔ̀ naŋ gbòò ko nɛ̀ɛ̀ŋ nyiŋ niìŋ e nyaàiŋ dè e Kànà Dayàa e yìwìà maŋ nyiìŋ tɛ̀tɛ̀ e jèèsùà e gɔɛɛ hàì ko ɗìò tɛɛ. Wò naŋ gbòò ko nɛ̀ɛ̀ŋ nyiŋ niìŋ e yìwìà maŋ Sàwà maŋ wo Dayà naŋ wa kìɛ̀ŋ wo Mòòze màŋ yèè maŋ keì wòo màŋ e yìwìà maŋ fɛ̀ì aŋ Wɛ̀ijì nyaŋ sùà wèè wo kamè ɗewe aŋ kɛɛnɛ̀ŋ e hààwe wo Jisɛ̀ sùà.

Nyɛ̀nɛ̀ŋ 3:19

Fèìŋ maŋ tùwo naanààiŋ màŋ jɛwɛ, Kpeiŋ, niŋ kìlà koɓɛ̀ Dayài, wèè wo juuyà maŋ jùumùiŋ màŋ hakɛ̀.

Nyɛ̀nɛ̀ŋ 8:25

Yèè nààŋ wo Pììlɛ yèè wo Jɔ̀ɔŋ naŋ wa naàŋ kìɛ̀ŋ ke miè gbìaàŋ e nyaàiŋ dè wo Kanaà Dayà, àŋ naŋ kɛ̀ɛ̀ maŋjɛ̀wɛ ko Jùlusɛ̀làm. Àŋ naŋ wòò ke mìè gbìàŋ Ebò Siaàŋ maŋ vàà Sàmilià maŋ zimgbe miŋ sùà nààŋ àŋ yaà wa kɔɔyɛ.

Luùm 1:14

È yaà e kpàŋ è kɔɔim, koɓɛ̀ anyùùŋ nyaŋ gbiŋ, e kpùlìà anyùùŋ nyaŋ fè àŋ Juùù nyaŋ, anyùùŋ maŋ fuɔŋ joo, anyuùŋ nyìmàŋ keì fèemàŋ nyaŋ yaà anyuùŋ gò nyìmàŋ keì fèemàŋ nyaŋ, anyùùŋ nyaŋ naŋ nyìmè nɛ̀ŋ nyaŋ, yaà anyuùŋ gò nyìmàŋ nɛ̀ŋ nyaŋ.

Luùm 1:16

Mìŋ kuwa ke jii tùlia Ebò Siaàŋ sùà. Tiŋ nàŋ yaà e gààŋ Dayàa wèè wo jòèyè anyùùŋ nyaŋ gbiŋ kuwa hààwe nyàŋ, aŋ Juùù nyaŋ jiɛ̀ yèèngàà anyùùŋ nyaŋ fè àŋ Juùù nyaŋ.

Luùm 10:9

Sèè mùŋ kilià dèè kɛ̀ wo Jisɛ̀ yàa wo Kana, e kìlà maŋ haawè ke jii mɔɛ̀ŋ sùà kɛ̀ wo Dayà nauŋ gè e fàaà dìì wɔŋ nyiiŋ gèeɔ̀ sùà, wo Dayà doum nàŋ joeyè.

Luùm 2:4

Tɔɔɓaa ɓɔ̀ nìŋ woò nààŋ wò Dayà yaà nyìnìè e keì sìàŋ gbee weè wi, weètii e kuwàìŋ èsaɓù bà wèè eiŋ fè màŋ tùwo naanààŋ wi màŋ jɛwɛ. Nyìmaìŋ kɛ̀ wo Dayà yààìŋ nyinie tɛ̀ɛ̀ e kìlà wò yààìŋ tɔ̀ɔ̀ sùà e mànaŋ, wèè woiŋ kìɛ̀ŋ jii nyingè naŋ fè maŋ tùwo naanààiŋ màŋ jɛwɛ yèè naŋ kìlà ko nɛ̀ɛ̀uŋ niìŋ.

Luùm 4:24

Maŋ keì mɛɛ̀ŋ naŋ wa nɔ̀ŋ sìnga miŋ wèè yàwi, nààŋ wo Dayà do nàŋ jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, aŋ yè nyaŋ naŋ haawè kɛ̀ wuŋ naŋ gè wo Kana wiɔ̀ Jisɛ̀ e fàaà dìì.

Luùm 5:1

E yìwìà e hààwe wilɛ̀ sùà, wo Dayà wò wi jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, yèè è kùwàìŋ naàŋ ke jii fàa koɓɛ̀ Dayài esàɓù wo Kana wiɔ̀ Jisɛ̀ Kulaì sùà.

1 Kɔliìŋ 1:22

Aŋ Juùù dawà wèè e tɔ̀ɔ̀màŋsèì e kèè mèè, yèè aŋ Guliì nyùùŋ nyàŋ kamàŋ e jiikɛ̀ɛ,

2 Kɔliìŋ 7:10

Ke jii mɔ̀ɔ̀nɛɛ̀ŋ wo Dayà naiŋ tòòmò diɛŋ yɛ̀ kè naŋ hìɛ̀ŋ e vɔ̀ɔ̀nɔŋ e yèɛ joeyàìŋ nɛ, yèè ke jii mɔ̀ɔ̀nɛŋ bà gbiŋ fè kìlà kè jiiuŋ nɛɛ̀ŋ. Kɛɛ ke jìì mɔ̀ɔ̀nɛ̀ŋ ɗuunyaàŋ kè hiàŋ e fàa.

Gàla 2:16

Kɛɛ èiŋ nyìmàŋ kɛ̀ anyùùŋ nyaŋ nɔŋ wo Dayà jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ nyaŋ nàŋ yaà, aŋ yè nyaŋ naŋ sìè e hààwe nyiŋ nɛ wo Jisɛ̀ Kulaì sùà nyaŋ. E kìlà e jɔ̀ɔ̀lɔ wilɛ̀ ke Sàwàa dìì nààŋ fè fɔ̀ɔ̀yɛ̀ wo Dayà kè jii. Weè niŋ è naŋ sìè e hààwe wilɛ̀ Jisɛ̀ Kulaì sùà, yèè wo Dayà naŋ wi jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ esàɓù e hààwe wilɛ̀.

Gàla 2:20

Jòòpɛɛ kà naàŋ fà, kɛɛ wo Jisɛ̀ Kulaì yaà wɔŋ nyiiŋ gèe miɔ̀ŋ sùà. E kìlà mìŋ yaà naàŋ wɔŋ nyiiŋ gèe e hààwe wo Jɔ̀àfelàà Dayàa sùà, wo yèɔ naim mɔ̀nɔ̀ŋ yèè wò naŋ kìɛ̀ŋ wɔŋ nyiiuŋ nɔɔ̀ŋ e weèim wɔ̀.

Gàla 3:22

Kɛɛ wɔŋ fɛ̀ì Dayàa naŋ woò wààŋ, anyuùŋ kpùuŋ nyàŋ gbiŋ àŋ yaà e gààŋ jùumù dìì. Yèè weètii, e ɗààhiìɛ wo Dayà naŋ wa ɓemè lɛ, è do nàŋ nɔ̀ŋ wèè anyùùŋ nyaŋ gbiŋ naŋ hààwè wo Jisɛ̀ Kulaì nyaŋ.

Ɛfesɔ̀ 1:15

E wèè esaɓù lɛɛ̀, nààŋ kinɛiŋ mìŋ naŋ kòmò e kèè e hààweiŋ nɛ̀ wo Kanaà Jisɛ̀ Kulaì sùà yaà e ɗeweɛ̀ nìŋ kuwa e mànaŋ wèè anyùùŋ nɛɛmaŋ gbànaŋ nyàŋ gbiŋ lɛ̀,

Kòlo 2:5

Jòòpɛɛ ke kpùnaŋ miɛ̀ŋ fèìŋ è tɛɛ, kɛɛ mìŋ yààìŋ e tɛɛ wɔŋ nyììŋ jinàŋ miɔ̀ŋ sùà. Ke jii naim fɔ̀ wèè ka nyìmàŋ kɛ̀ kòò nìŋ yaà nyìnìè wɔŋ nyiiŋ gèeiŋ nɔɔ̀ŋ e ɗewe kiiɛ̀ è naŋ tɛɛwɛ̀ lɛ, yèè nìŋ naŋ kùwò e hààweiŋ nɛ̀ kpaŋ wo Jisɛ̀ Kulaì sùà wèè e nɔ̀ŋ e sɛmɛmaŋ niŋ.

Felemɔ̀ŋ - PHM 1:5

Mìŋ naŋ kòmò e kèè e hààweɛ̀ mùŋ kuwa wo Kana wiɔ̀ wo Jisɛ̀ Kulaì sùà lɛ, yaà e mànaŋ mɔ̀ɛ̀ koɓɛ̀ anyùùŋ nɛɛmaŋ nyàŋ gbiŋ wèè wo Dayà.

1Jɔ̀ɔŋ 5:1

Wo nyùnɔ̀ɔŋ gbiŋ naŋ haawè kɛ̀ wo Jisɛ̀ nàŋ yaà wo Kulaìɔ wɔ̀ wò yaà wo jɔ̀à Dayà. Yèè wo nyùnɔ̀ɔŋ gbiŋ manaŋ wo nyuùŋ kòmaŋ wɔ̀, wò manaŋ wo jɔ̀à nyùùŋ bi wuŋ pɛɛ.

1Jɔ̀ɔŋ 5:5

Ɓòò nàŋ kuwa e gààŋ wèè wo gèe e ɗuunyaàŋ? Wo nyùnɔ̀ɔŋ nɔŋ naŋ haawè kɛ̀ wo Jisɛ̀ nàŋ yaà wo Jɔ̀àfèlàà Dayàa lɛ̀.