Nyɛ̀nɛ̀ŋ 20:20 - WƆŊ FƐ̀Ì EBÒ SÌÀŊ DAYÀA

²⁰ Miŋ gò wa gè màŋhɛɛ wèè kaiŋ woò ɔ̀ɔ̀ kaiŋ kaà màŋ gbooiŋ màŋ sùà, wèè è nɛ̀ɛŋ gbiŋ naŋ ɓɛ̀nɛ̀ŋ nɔ̀ŋ è kpùùmaŋ kò nɛ̀ɛ̀iŋ niìŋ lɛ.

Nyɛ̀nɛ̀ŋ 20:20 ပူးပေါင်းရင်းမြစ်များ

Nyɛ̀nɛ̀ŋ 2:46

Ke ɗɔɔ gbiŋ anyuùŋ hààwe nyàŋ hewa dèènè koɓɛ̀ guùŋ ke gbòò sùà ko Saaŋ Zòòlò Dayài. Aŋ gbiŋ hewa jììyà e nɛ̀ŋje koɓɛ̀ guùŋ maŋ gboò nyiŋ màŋ sùà ke jii fàa yèè e ɓɛ̀ɛ̀jàa sùà,

Nyɛ̀nɛ̀ŋ 20:27

Kàiŋ wòò e yèɛ gbiŋ wo Dayà manaŋ wèè naŋ nyìmàŋ lɛ.

Nyɛ̀nɛ̀ŋ 20:31

Yɛ̀mɛìŋ nyɛ̀iŋ bi diɛŋ! Jàaìŋ jii kɛ̀ mìŋ naiŋ wa gbòò kɔɔ maŋ gɔɛɛ yèè e dùùm, mìŋ naŋ kɔ̀ e keì nyìnga dìì, yèè mìŋ naiŋ kaà wèè maŋ dòà taai.

Nyɛ̀nɛ̀ŋ 5:2

Kɛɛ wo Ananayà yaà wo jàwè naŋ wa nyimèè, e kìlà wò nao gè e nɛɛnɛɛ̀ŋ bà wo niŋ bànè hàa wèè wuŋ bi yèè wò naŋ hìɛ̀ŋ e gbànaàŋ wo niŋ kìɛ̀ŋ aŋ keela tàeɗùù nyaŋ.

Nyɛ̀nɛ̀ŋ 5:42

Ke ɗɔɔ gbiŋ àŋ hewa kà ko Saaŋ Zòòlò Dayài yaà maŋ saaŋ joo dìì wèè aŋ wòò ke mìè gbìàŋ Ebò Siaàŋ nyaàiŋ dè wo Kanaà Jisɛ̀, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ.

1 Kɔliìŋ 12:7

Wo Jinàaŋ e nɔ̀uŋ nɛ̀ fɛɛ̀feìŋ, è tɔɔ̀ e ɗewe bà wo nyùùŋ gbiŋ sùà, wèè e tɛ̀ɛ̀tɛ̀ɛ̀ anyùùŋ nyaŋ gbiŋ.

1 Kɔliìŋ 14:6

E wèètii nyɛ̀iŋ nààŋ wùìyaim nyàŋ, sèè mìŋ hnàŋ ko nɛ̀ɛ̀iŋ niìŋ, kiìŋ kpùùmaŋ mìŋ naiŋ ɓɛ̀nɛ̀ŋ kìɛŋ sèè mìŋ gbuuyà maŋ kaìŋ joo sùà? E kpùùmaŋ gbiŋ fè niìŋ sùà, sɔɔ̀ kaiŋ hìàŋ èbò dààne è yìwìà Dayà sìwè ɔ̀ɔ̀ e jiikɛ̀ɛ ɔ̀ɔ̀ ke miè gbìàŋ aŋ wɛ̀ijì nyaŋ ɔ̀ɔ̀ e kàa.

1 Kɔliìŋ 15:3

E nɛ̀ɛŋ naim sɛ̀ɛ̀ sìwè lɛ mìŋ naiŋ niŋ woò, e yèɛ yaà e keì kɛnɛ gbeeɛ̀ lɛ kɛ̀ wo Jisɛ̀ Kulaì naŋ fɔ̀ wèè maŋ jùumù wi màŋ, màànààŋ è yaà sìngaiŋ wɔŋ fɛ̀ì Dayàa sùà lɛ,

Fèle 3:1

Ko dìèmè e keì wòo lɛɛ̀ nyɛ̀iŋ nààŋ wùìyaim nyàŋ, nɔ̀iŋ zɔlɔ̀ sùà esaɓù kɛ̀, nìŋ yaà aŋ bàiŋbà wo Kanaà Jisɛ̀ sùà. Ke jii miɛ̀ŋ naàŋ mɔɔnɛ̀ŋ, sèè ka ɓɛìŋ sìngà ka wòò e kèì guùŋ nɛ mìŋ naiŋ wa woò lɛ, yèè ngèè è do nàŋ nɔ̀ŋ wèè kèì sìàŋ nyɛiŋ biɛ̀ sèè mìŋ nyɛnɛŋ yɛi.

Kòlo 1:28

Weètii, è daanàìŋ ebò Jisɛ̀ Kulaìɛ koɓɛ̀ anyùùŋ nyaŋ gbiŋ. È toomàìŋ e jiikɛ̀ɛ wilɛ̀ gbiŋ wèè eiŋ kìɛ̀ŋ e gòo yèè eiŋ kàà anyùùŋ nyaŋ gbiŋ, e kìlà wèè e hìàŋ wo bà guùŋ gbiŋ ko fɛ̀ɛ̀fèìŋ Dayài, mààŋ wo nyuùŋ kàmaiŋ wo yèɔ yaà wo bàuŋbà wo Jisɛ̀ Kulaì sùà wɔ.

2Time 4:2

wèè maŋ wòò ke miè gbìaàŋ. Jèèe nyiŋ woo sèè pɛɛ è naŋ nɔ̀ŋ e teenga kɛnɛɛ̀ ɔ̀ɔ̀ è go nɔ̀ŋ è teenga kɛnɛɛ̀ diɛŋ, wèè maŋ de anyùùŋ ke dòmàŋ diɛŋ, maŋ nyiŋ kìɛ̀ŋ mìè gòo, yèè maŋ nyiŋ kìɛ̀ŋ maŋ jii nyingè, nààŋ mùŋ kaà nyiìŋ maŋ jii tɔumtɔ̀ùm sùà lɛ.