Nyɛ̀nɛ̀ŋ 20:2 - WƆŊ FƐ̀Ì EBÒ SÌÀŊ DAYÀA

² Nààŋ wò yaà wa kɔ̀ɛ̀ sùà maŋ tàta miiŋ, wò naŋ gbòò anyuùŋ hààwe nyàŋ kɔɔ wèè aŋ kɛɛnɛ̀ŋ maŋ jii nyingè e hààwe nyiŋ nɛ̀ sùà. Ko diemeì wò naŋ kɔ̀ ko Giliì,

Nyɛ̀nɛ̀ŋ 20:2 ပူးပေါင်းရင်းမြစ်များ

Luù 3:18

Wo Jɔ̀ɔŋ naŋ wa pɔ̀wɔ̀ anyùùŋ nyaŋ maŋ dòmaŋ nyaaŋ zimgbe sùà yèè wò naŋ nyiŋ wòò Ebò Siaàŋ.

Nyɛ̀nɛ̀ŋ 14:22

Àŋ naŋ wa kìɛ̀ŋ anyuùŋ hààwe nyàŋ maŋ jii nyingè yèè àŋ naŋ nyiŋ pɔwɔ̀ wèè aŋ jeèè tɔ̀ɔ̀nyaàŋ e hààwe nyiŋ nɛ̀ sùà. Àŋ naŋ nyiŋ woò nyààŋ, “È kuwa eiŋ kà e keì nyìnga zimgbe dìì pangàà è kɔ̀àìŋ e Kànà Dayàa sùà.”

Nyɛ̀nɛ̀ŋ 15:41

Yèè àŋ naŋ kɔ̀ɛ̀ wɔŋ fùɔ̀ŋ Siilìàa yaà ko Sèlesìà, àŋ yaà nyììne sùà ke gbòò anyuùŋ hààwe nyàŋ maŋ jii e nyaàiŋ dè wo Jisɛ̀.

Nyɛ̀nɛ̀ŋ 16:12

E yìwìà kuii è naiŋ kɔ̀ ko Fèlepì, e jawa gbee ke tiìŋ jiɛ̀jiɛ̀ɛ sùà ko Mɛ̀sèdonià. Ko Fèlepì yaà wa ko jawa gbee ko yèi anyùùŋ e yìwìà wɔŋ fùɔ̀ŋ anyùùŋ Luùm nyaŋ naŋ wa nyɛ̀lɛ̀ lɛ. È naiŋ wa nɔ̀ŋ ko Fèlepì wèè maŋ ɗɔɔ kpàa bà.

Nyɛ̀nɛ̀ŋ 17:1

Wo Pɔɔ̀ yèè wo Silà naŋ kɔ̀ɛ̀ ko Aŋfepolì yèè ko Àpolonìà yèè àŋ naŋ hàì ko Tɛsèlonikà. Ke Sààŋ Zòòlò aŋ Juùù yaà wa ko jawa gbee bì.

Nyɛ̀nɛ̀ŋ 17:10

Wɔŋ dùùm guùŋ wiiŋ anyuùŋ hààwe nyàŋ naŋ tùɔ̀ŋ wo Pɔɔ̀ yaà wo Silà ko Bɛ̀lià. Yèè nààŋ àŋ nao haì, àŋ naŋ kɔ̀ ko sààŋ zòòlò aŋ Juùù nyaŋ.

Nyɛ̀nɛ̀ŋ 2:40

Wo Pììlɛ naŋ nyiŋ kìɛ̀ŋ maŋ mìè gòo zimgbe e kìlà wò naŋ nyiŋ dawè yèè wò naŋ nyiŋ kiɛ̀ŋ maŋ jii nyingè wààŋ, “Jòèyeìŋ nyɛ̀iŋ bi e yìwìà e keì nyìnga gbeeɛ̀ yaà hìnìè anyùùŋ maŋ tùwo naanààŋ nyaŋ diɛŋ lɛ̀.”

Nyɛ̀nɛ̀ŋ 20:1

Wo Pɔɔ̀ naŋ nyààŋ anyuùŋ hààwe nyàŋ koɓɛ̀ guùŋ nààŋ ke gbòàa naŋ gɔ̀à dìì, wò naŋ nyiŋ kìɛ̀ŋ maŋ mìè jii nyingè. Maŋ ɗɔɔ kpàa naŋ mààŋ yèè wò naŋ nyiŋ diemè. Kpeiŋ wò naŋ kuii yèwè yèè wò naŋ kɔ̀ ko Mɛ̀sèdonià.

Nyɛ̀nɛ̀ŋ 20:11

Eɓìèmàŋjɛ̀wɛ̀ tii wo Pɔɔ̀ naŋ ɓɛìŋ kɛ̀ɛ̀ ko sààŋ fùùiŋ, yèè wò naŋ ɓèmè ke gbɔ̀u yèè wò naŋ nyiŋ nyìmè tɛɛ, yèè yàwi nààŋ gbiŋ naŋ nyiŋ gbìlè koɓɛ̀ guùŋ. Wo Pɔɔ̀ naŋ nɔ̀ɔ̀ŋ gbuuye e jèèsùà e nììɛ sìà, yèè wò naŋ wi jòò wo ka.

Nyɛ̀nɛ̀ŋ 20:3

yèè wò nao nɔ̀ŋ wèè maŋ wàà taai. Wo Pɔɔ̀ yaà wa bànèbane sùà wèè wo ka ko Siilià. Kɛɛ wò naŋ wa kòmò kɛ̀ anyùùŋ gbèègbèè aŋ Juùù nyaŋ bà naŋ jɔ̀ ke gbùnu sùà wèè auŋ jàà e keì naanààŋ, yèè wò naŋ ɗewè wèè wo kɛ̀ɛ̀ maŋjɛ̀wɛ, kɛɛ wò naŋ wa kɔ̀ɛ̀ ko Mɛ̀sèdonià.

1 Kɔliìŋ 4:19

Sèè wo Dayà nyimààŋ, ɗewe gbiŋ, mìŋ do nàŋ zùmò hnàaŋ ko nɛ̀ɛ̀iŋ niìŋ kpeiŋ ka nyɛ̀nɛ̀ŋ maŋ nɔnɔŋ tùaŋ wèè miàŋ bi, nyaàiŋ dè e gààaŋ anyuùŋ maŋ nyòngà nyɛɛ̀ŋ kuwa lɛ̀, e fè nɔŋ è nɛ̀ɛŋ àŋ woà lɛ.

Kòlo 1:28

Weètii, è daanàìŋ ebò Jisɛ̀ Kulaìɛ koɓɛ̀ anyùùŋ nyaŋ gbiŋ. È toomàìŋ e jiikɛ̀ɛ wilɛ̀ gbiŋ wèè eiŋ kìɛ̀ŋ e gòo yèè eiŋ kàà anyùùŋ nyaŋ gbiŋ, e kìlà wèè e hìàŋ wo bà guùŋ gbiŋ ko fɛ̀ɛ̀fèìŋ Dayài, mààŋ wo nyuùŋ kàmaiŋ wo yèɔ yaà wo bàuŋbà wo Jisɛ̀ Kulaì sùà wɔ.

1Tɛsè 2:11

Nàŋ nyìmàŋ kɛ̀ è naŋ kùwò nyɛ̀iŋ nyɛɛ̀ŋ bà gbiŋ mààŋ e ɗeweɛ̀ wo nyuùŋ kòmaŋ kuwo aŋ jɔ̀àuŋ nyàŋ lɛ̀.

1Tɛsè 2:3

Ke jii nyingèɛ è naiŋ kiɛ̀ŋ wèè naŋ kìlà koɓɛ̀ Dayài lɛ e gò nyɛ̀nɛ̀ŋ è keì ɓàa ɔ̀ɔ̀ e niŋ nyɛ̀nɛ̀ŋ è gòngo kùwà ninaŋ sùà, e kìlà e gòiŋ fɛ̀ɛ wèè e zùwò nyùùŋ gbiŋ.

1Tɛsè 4:1

Nyɛiŋ nààŋ wùìya wi nyàŋ, ko jèè e ɗìi nàŋ yaà kɛ̀ nàŋ wi naàŋ gbèè ko sìwè nàŋ nyìmàŋ kɛ̀ diè nìŋ nɔ̀ŋ wɔŋ nyiiŋ gèeɔ̀ sùà wèè naŋ nyɛ̀nɛ̀ŋ wo Dayà ke jiiuŋ nɛɛ̀ŋ ke fà. Wɔŋ nyiiŋ gèe wiiŋ nɔŋ zà nìŋ yaà sùà. Kɛɛ è yààìŋ pɔ̀wɔ sùà yèè è dawàìŋ e dèè Kanaà Jisɛ̀ɛ diɛŋ wèè naŋ jɔɔlɔ̀ e tii nìàŋ.