Nyɛ̀nɛ̀ŋ 20:19 - WƆŊ FƐ̀Ì EBÒ SÌÀŊ DAYÀA

¹⁹ Aŋ Juùù nyaŋ zimgbe nyiŋ naŋ wa jɔ̀ maŋ gbùnu naanààŋ sùà weèim yèè àŋ naim nyɛ̀nɛ̀ŋ ka gòlà e kìlà aim jàà e keì nyìnga. Kɛɛ mìŋ naŋ tomo wèè wo Kanaà yèè mìŋ nauŋ jɔ̀ɔ̀lɔ̀ dìì.

Nyɛ̀nɛ̀ŋ 20:19 ပူးပေါင်းရင်းမြစ်များ

Luù 19:41

Nààŋ wo Jisɛ̀ naŋ gbɛ̀ɛ̀ yèè wò naŋ yɛ̀mɛ̀ ko Jùlusɛ̀làm, wò naŋ gòlò.

Jɔ̀ɔŋ 12:26

Sèè nyɛ̀iŋ nààŋ bà gbiŋ nìŋ mɔnɔŋ wèè naŋ tomo weèim, kɛ̀ sɔɔ̀ naŋ dè ke kpèè siaŋ miɛ̀ŋ maŋjɛ̀wɛ. Kpeiŋ sèè mìŋ fà, koɓɛ̀i mìŋ do nàŋ nɔ̀ŋ lɛ, kuuŋ nɔŋ wo ɓɔìjɔ̀à miɔ̀ŋ wò do nàŋ nɔ̀ŋ. Wo Dèda miɔ̀ŋ do nàŋ dɛ̀ɛ̀kɛ̀ wo nyùnɔ̀ɔŋ gbiŋ tomàŋ weèim wɔ̀.”

Nyɛ̀nɛ̀ŋ 17:13

Kɛɛ nààŋ aŋ Juùù nyaŋ ko Tɛsèlonikà naŋ wa kòmò kɛ̀ wo Pɔɔ̀ naŋ wa gbòò ke mìè Dayàa ko Bɛ̀lià kuŋ pɛɛ, àŋ nao wa hnè wèè aŋ tooyà e nimilàa wo Pɔɔ̀ yèè wo Silà yaà wa kɔ̀ɔ̀yɛ̀ dìì tɛ lɛ̀.

Nyɛ̀nɛ̀ŋ 17:5

Kɛɛ aŋ Juùù nyaŋ bà nyiŋ yaà wa gììyè le koo wèè e keì lɛɛ̀, yèè àŋ naŋ gbònò anyùùŋ maŋ tùwo naanààŋ e yìwìà maŋ dòmaŋ màŋ diɛŋ wèè aŋ dàà e gbɔ̀ɔɔ yèè ke gbòà ko jawa gbeeì. Anyùùŋ nyɛɛ̀ŋ manaŋ wa aŋ hìàŋ wo Pɔɔ̀ yèè wo Silà koɓɛ̀ e faaàŋ, yèè àŋ naŋ dùɔ̀ŋ aŋ kà ko gbòò wo felaa bà àŋ nyaaŋ Jasììŋ ko kààmè wo Pɔɔ̀ yèè wo Silà, wèè aŋ fulià nyiŋ koɓɛ̀ e faaàŋ.

Nyɛ̀nɛ̀ŋ 20:3

yèè wò nao nɔ̀ŋ wèè maŋ wàà taai. Wo Pɔɔ̀ yaà wa bànèbane sùà wèè wo ka ko Siilià. Kɛɛ wò naŋ wa kòmò kɛ̀ anyùùŋ gbèègbèè aŋ Juùù nyaŋ bà naŋ jɔ̀ ke gbùnu sùà wèè auŋ jàà e keì naanààŋ, yèè wò naŋ ɗewè wèè wo kɛ̀ɛ̀ maŋjɛ̀wɛ, kɛɛ wò naŋ wa kɔ̀ɛ̀ ko Mɛ̀sèdonià.

Nyɛ̀nɛ̀ŋ 20:31

Yɛ̀mɛìŋ nyɛ̀iŋ bi diɛŋ! Jàaìŋ jii kɛ̀ mìŋ naiŋ wa gbòò kɔɔ maŋ gɔɛɛ yèè e dùùm, mìŋ naŋ kɔ̀ e keì nyìnga dìì, yèè mìŋ naiŋ kaà wèè maŋ dòà taai.

Nyɛ̀nɛ̀ŋ 21:27

Nààŋ maŋ ɗɔ̀ɔ̀ nɔɔnɔŋ le tìyèe màŋ naŋ wa naàŋ joo tòloò wèè maŋ jùà, aŋ Juùù nyaŋ bà nyiŋ naŋ yèwè wɔŋ fùɔ̀ŋ Eesìàa nyàŋ, naŋ yɛ̀mɛ̀ wo Pɔɔ̀ ko Saaŋ Zòòlò Dayài, yèè àŋ naŋ dàà ke gboà gbee e faaàŋ sùà, e kìlà aŋ kùwà wo Pɔɔ̀.

Nyɛ̀nɛ̀ŋ 27:23

Nàaŋ dùùm mìŋ naŋ yɛ̀mɛ̀ wo màìkà wo Dayàa kànàìm yèè mìŋ zoolà wɔ wò sìàìm kɔɔ,

Luùm 1:1

E yìwìà miàim Pɔɔ̀ sìwè, wo ɓɔìjɔ̀à wèè wo Jisɛ̀ Kulaì, nàŋ yaà sìngìè wɔŋ fɛi wɛɛ̀ŋ. Wo Dayà naim wa tàeɗùù wèè ka nɔ̀ŋ wo keela, e kìlà wò naim nyààŋ wèè ka wòò Ebò Siaàŋ.

Luùm 1:9

Wo Dayà nàŋ yaà wo seì miɔ̀ŋ kɛ̀ e yèɛ mìŋ woà lɛ è yaà tɔ̀ɔ̀nyaàŋ, wo Dayàa mìŋ zoolà e yìwìà wɔŋ nyììŋ jinàŋ miɔ̀ŋ gbiŋ sùà wɔ, mìŋ woà Ebò Siauŋ nɛ̀ e teenga gbiŋ e nyaàiŋ dè wo Jɔ̀àfelaauŋ nɔɔ̀ŋ. Wo Dayà nyìmàŋ kɛ̀ mìŋ jààìŋ jii

Luùm 12:11

Ɓɔ̀ mùŋ nɔ̀ŋ wò nyuùŋ jɛ̀kɛ, kɛɛ tòmò tɛ̀ɛ̀. Zòòloò sɛmɛ e wùànàŋ gbee sùà e teenga gbiŋ wèè wo Jìnàŋ Nɛɛmaàŋ nɔ̀um maŋjɛ̀wɛ, e kìlà muŋ nɔ̀ŋ wo ɗo wèè wo Kanaà Dayà.

2 Kɔliìŋ 2:4

Mìŋ naŋ sìngìè wɔŋ fɛi wɛɛ̀ŋ e keì nyìnga gbee yèè ke jii mɔ̀ɔ̀nɛŋ keekèè yaà maŋ fɛɛ̀màì zimgbe, diɛŋ e fè kɛ̀ mìŋ manaŋ wèè ka nyɛ̀nɛ̀ŋ maŋ jiiiŋ màŋ mɔɔnɛ̀ŋ, kɛɛ è yaà wèè naŋ nyìmàŋ e ɗeweɛ̀ mìŋ manaŋ nyɛ̀iŋ nààŋ gbiŋ lɛ̀.

2 Kɔliìŋ 3:5

E nɛ̀ŋ bà gbiŋ fè wì sùà wèè e wi gè nyààŋ diɛŋ eiŋ woò kɛ̀ èiŋ ɓɛ̀nɛ̀ŋ nyɛ̀nɛ̀ŋ tomo lɛɛ̀. E nɛ̀ɛŋ è kuwa wèè eiŋ nyɛ̀nɛ̀ŋ e tòmo lɛɛ̀ lɛ è yewe Dayà sìwè.

2 Kɔliìŋ 7:5

E teengaà pɛɛ è naiŋ hàì ko Mɛ̀sèdonià lɛ, e gòiŋ gè nyiiŋ. È naŋ mɛ̀ɛ̀ŋ maŋ keì nyìnga ko nɛ̀nɛ̀ŋ gbiŋ, maŋ nyaàŋ tàaŋ anyùùŋ fèemàŋ, yèè e jùù naŋ wi sɛ̀ɛ̀ kɔɔ sùà.

Gàla 1:10

Mùŋ gongà mààŋ mìŋ yaà kààmè e ɗewe wèè ka kìɛ̀ŋ anyùùŋ maŋ jii fàa? Tɔɔɓaa kpele! E yèɛ wo Dayà naŋ mɔ̀nɔ̀ŋ yèè wò naŋ jàà kùàŋ dìì lɛ tiŋ mìŋ manaŋ! Ɓàà mìŋ yaà kààmè e ɗewe wèè anyùùŋ aim nyìmàŋ? Sèè ka weè nɔ̀ŋ kààmè ɗewe wèè ka yɛi nyɛ̀nɛ̀ŋ, miŋ fè weè ɓɛ̀nɛ̀ŋ nɔ̀ŋ wo ɓɔìjɔ̀à wèè wo Jisɛ̀ Kulaì.

Ɛfesɔ̀ 6:7

Nyɛ̀nɛìŋ maŋ tòmoiŋ màŋ mààŋ aŋ ɗo e zɔlɔ̀ sùà, mààŋ nìŋ yaà toomo wèè Kanaà Jisɛ̀ Kulaì, e fè wèè ànyuùŋ kpùuŋ.

Fèle 3:18

Kàiŋ tɛɛ̀ woò e teenga zimgbe, yèè mìŋ yààìŋ niìŋ ɓɛìŋ woo e sɔ̀ngɔ̀ kà weè ɓɛ̀nɛ̀ŋ gòla. Anyuùŋ zimgbe kòò àŋ yaào aŋ yè nyaŋ esàɓù maŋ keì nyɛ̀nɛŋ nyiŋ màŋ maŋ nyiiŋ gèe nyiŋ màŋ sùà, nyɛnɛŋ aŋ kìlà aŋ joo nyiŋ e nyaàiŋ dè e fà Jisɛ̀ Kulaì lɛ wɔŋ vànèkpaa diɛŋ lɛ̀.

Kòlo 3:24

Jàaìŋ jii kɛ̀ wo Kanaà Jisɛ̀ Kulaì doiŋ nàŋ kiɛ̀ŋ wèè e nɔ̀ŋ e jìwààjɛ̀wɛ̀ e yìwìà e yèɛ wò naŋ bànè hàa wèè anyunùuŋ nyàŋ lɛ sùà. Wo Jisɛ̀ nàŋ yaà wo Kɛ̀ɛ̀nɛŋ kɛnɛɔ̀ nìŋ jɔɔlɔ̀ dìì wɔ.

1Tɛsè 1:9

Anyùùŋ nyiiŋ gbiŋ woà e kèè e ɗeweɛ̀ nìŋ naŋ wi jàà kùàŋ dìì e teengaà è naiŋ jaamè lɛ, yèè e ɗeweɛ̀ nìŋ naŋ gè kùàŋ kèè aŋ dayà joo zòòlo sùà wèè naŋ tomo wèè wo Dàyà tɔ̀ɔ̀nyaàaŋ wo yèɔ yaà wɔŋ nyiiŋ gèeɔ̀ sùà wɔ,

2Time 1:4

Mìŋ naŋ jàà ke mìè gòla mɔɛ̀ŋ jii, yèè mìŋ nyɛnɛŋ kaì e wùànàŋ wèè kaum yɛmɛ̀, esaɓù kɛ̀ tɛɛ̀ doim nàŋ dèèyè e zɔlɔ̀ sùà.

Jìiiŋ 1:2

Nyɛ̀iŋ nààŋ wùìyaim nyàŋ gèeìŋ e zɔlɔ̀ gbee sèè e wàà maŋ keì nyìnga kà tinàŋ gbiŋ fòlòìŋ feìŋ,

1Pììlɛ 1:6

Gèeìŋ zɔlɔ̀ wèè tɛɛ̀, jòòpɛɛ è wɔ̀i naàŋ ɓɛ̀nɛ̀ŋ nɔ̀ŋ tɛ̀ɛ̀ wèè naŋ jɛ̀ì e jɛ̀ì ke nyowo sùà wèè e teenga kpàa sùà, esàɓù maŋ wàa kà tinàŋ zimgbe màŋ nìŋ naŋ mɔ̀ɔ̀nɛ̀ŋ dìì maŋ.

2Pììlɛ 1:1

E yìwìà miàim Saamɔ̀ŋ Pììlɛ sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɓɔìjɔ̀à yèè wo yèɔ yaà keela tàeɗùù wèè Jisɛ̀ Kulaì. Mìŋ yaà sìngìè koɓɛ̀ anyùùŋ nyaŋ aŋ yè nyaŋ esàɓù e tɔ̀ɔ̀nyààŋ Dayàa sùà yaà wo Nyuùŋ Jòèyeɔ̀ Jisɛ̀ Kulaì, àŋ naŋ nyiŋ fè e hààwè jii nyiŋ nɛ̀ mààŋ e je wilɛ̀ nyaŋ.

Maŋ kèì nyɛɛnɛŋ 7:15

Esaɓùɛ lɛɛ̀ àŋ naŋ ɓèmè ko sìe nyiŋ niìŋ ke kpùà Dayàa fɛɛ̀feìŋ yèè àŋ zoolàuŋ maŋ gɔɛɛ yèè e dùùm ko Saaŋ Zòòlò Dayài. Wo nyùnɔ̀ɔŋ jaa ke kpùà kanaà diɛŋ wɔ̀, do nyiŋ nàŋ yɛ̀mɛ̀ diɛŋ.