Nyɛ̀nɛ̀ŋ 20:18 - WƆŊ FƐ̀Ì EBÒ SÌÀŊ DAYÀA

¹⁸ Nààŋ àŋ naŋ hàì ko nɛ̀ɛ̀uŋ niìŋ, wò naŋ nyiŋ woò wààŋ, “Nyɛ̀iŋ bi nàŋ nyìmàŋ e nɛ̀ɛŋ gbiŋ mìŋ naŋ nyɛ̀nɛ̀ŋ lɛ e teengaà yàwi nààŋ gbiŋ yààìŋ wa koɓɛ̀ guùŋ lɛ e hnaàŋ jiɛ̀jiɛ̀ mɛ̀ sùà ko Eesìà.

Nyɛ̀nɛ̀ŋ 20:18 ပူးပေါင်းရင်းမြစ်များ

Nyɛ̀nɛ̀ŋ 18:19

Nyiŋ taai àŋ naŋ hàì ko Ɛfesɔ̀, kuŋ wo Pɔɔ̀ naŋ wa jòò wo Pɛ̀silià yèè wo Àkuilà. Kpeiŋ wò naŋ kɔ̀ ko sààŋ zòòlò aŋ Juùù nyaŋ wèè wo gbòà koɓɛ̀ anyùùŋ nyaŋ.

Nyɛ̀nɛ̀ŋ 19:1

E teengaà wo Àpolò yaà wa ko Kɔliìŋ lɛ, wo Pɔɔ̀ naŋ kɔ̀ɛ̀ maŋ kpàlàùŋ kpàlàùŋ Eesìà maŋ sùà yèè wò naŋ hnè ko Ɛfesɔ̀. Kuŋ wò naŋ wa mɛ̀ɛ̀ŋ anyùùŋ màŋjɛ̀wɛ̀ Jisɛ̀ nyaŋ bà.

Nyɛ̀nɛ̀ŋ 19:10

Wo Pɔɔ̀ naŋ wa kɔ̀ɔ̀ ke nyɛ̀nɛŋ yɛɛ̀ feìŋ wèè maŋ dòà tìyèe, e jèèsùà aŋ Juùù nyaŋ gbiŋ yèè anyùùŋ nyaŋ fè àŋ Juùù nyaŋ maŋ kpàlàùŋ kpàlàùŋ Eesìà maŋ sùà aŋ kòmàŋ ke mìè gbìàŋ wo Kanaà Dayà.

Nyɛ̀nɛ̀ŋ 20:16

Wo Pɔɔ̀ naŋ wa ɗewè wèè eiŋ kɔ̀ɛ̀ ko Ɛfesɔ̀, esaɓù kɛ̀ wo manàŋ wa wèè wò do nɔ̀ŋ wɔ̀ŋ fùɔ̀ŋ Eesìàa wèè e teenga mùnlaŋ. Wò yaà wa nyinie fiòfiò yèè wò manaŋ wa wo hàì ko Jùlusɛ̀làm e teengaà wèè ke ɗɔ̀ɔ̀ zòòlò aŋ Juùù nyaŋ àŋ nyaaŋ Pɛnɛŋkɔ̀ɛ.

Nyɛ̀nɛ̀ŋ 20:4

Nààŋ wo Pɔɔ̀ yaà wa kɛ̀ɛ̀ sùà maŋjɛ̀wɛ, anyùùŋ bà nauŋ wa dè maŋjɛ̀wɛ tèènè mààŋ wo Sopatɔ̀, wo jɔ̀àfèlàà Palɔ̀ɔ e yìwìà ko Bɛ̀lià, wo Àlètakɔ̀ yèè wo Sekɔuŋɗù e yìwìà ko Tɛsèlonikà. Wo Gayɔ̀ e yìwìà ko Dɛɓì, wo Timetè, yèè aŋ fèlàà tìyèe e yìwìà ko Eesìà, wo Tachikɔ̀ yèè wo Tofimù.

2 Kɔliìŋ 1:12

E zɔlɔ̀ naŋ wi dìè jii, esaɓù kɛ̀ e gòngo wilɛ̀ è wi nyɛ̀nɛ̀ŋ è nyìmàŋ kɛ̀ maŋ kpèè wi màŋ e nyaàiŋ de manɛ̀ŋ maŋ wɔŋ nyiiŋ gèe wiɔ̀ sùà e ɗuunyaŋ lɛɛ̀, kaikai ngèè e mɔ̀ɔ̀nɔɛ̀ŋ yèè e jìlɛɛ̀ŋ yaà wì e fèemàŋ yàwiiŋ nɛ̀, è yaà e gààŋ nɛ̀ɛ̀màŋ Dayàa dìì. E gò e yìwìà è jììkɛ̀ɛ̀ nyuùŋkpùuŋ sùà.

2Time 3:10

Mùŋ naŋ dè e kàa mɛ̀, ke kpèè miɛ̀ŋ, yèè esàɓù wɔŋ nyiiŋ gèe miɔ̀ŋ maŋjɛ̀wɛ, màŋ tùàŋ e hààwe mɛ̀, ke jii tɔumtɔ̀ùm miɛ̀ŋ, e mànàŋ mɛ̀, yèè ke jii nyìngè miɛ̀ŋ wèè e keì nyìnga kuwa mɛ̀ gbiŋ maŋ nɔnɔŋ.