Nyɛ̀nɛ̀ŋ 20:16 - WƆŊ FƐ̀Ì EBÒ SÌÀŊ DAYÀA

¹⁶ Wo Pɔɔ̀ naŋ wa ɗewè wèè eiŋ kɔ̀ɛ̀ ko Ɛfesɔ̀, esaɓù kɛ̀ wo manàŋ wa wèè wò do nɔ̀ŋ wɔ̀ŋ fùɔ̀ŋ Eesìàa wèè e teenga mùnlaŋ. Wò yaà wa nyinie fiòfiò yèè wò manaŋ wa wo hàì ko Jùlusɛ̀làm e teengaà wèè ke ɗɔ̀ɔ̀ zòòlò aŋ Juùù nyaŋ àŋ nyaaŋ Pɛnɛŋkɔ̀ɛ.

Nyɛ̀nɛ̀ŋ 20:16 ပူးပေါင်းရင်းမြစ်များ

Nyɛ̀nɛ̀ŋ 12:13

Wò naŋ kpùlò wɔŋ gbàngiɔ̀ yɛmgbɛ̀, yèè wo ɓɔì jɔùŋjɔaà àŋ nyaaŋ Lɔdà wɔ nao hnè wèè wo yɛmɛ̀ sèè mààŋ kɛ̀ ɓòò wo.

Nyɛ̀nɛ̀ŋ 16:6

Wo Pɔɔ̀ yèè aŋ dàwiuŋ nyàŋ naŋ kɔ̀ɛ̀ maŋ kpàlàùŋ kpàlàùŋ Fɛgìà maŋ yèè Gàlatìà maŋ sùà, nààŋ wo Jìnàŋ Nɛɛmaàŋ gò wa nyimèè wèè aŋ gbòà kè mìè Dayàa wɔ̀ŋ fùɔ̀ŋ Eesìàa sùà.

Nyɛ̀nɛ̀ŋ 18:19

Nyiŋ taai àŋ naŋ hàì ko Ɛfesɔ̀, kuŋ wo Pɔɔ̀ naŋ wa jòò wo Pɛ̀silià yèè wo Àkuilà. Kpeiŋ wò naŋ kɔ̀ ko sààŋ zòòlò aŋ Juùù nyaŋ wèè wo gbòà koɓɛ̀ anyùùŋ nyaŋ.

Nyɛ̀nɛ̀ŋ 18:21

Wèè paŋ wo jòà nyiŋ wa wo ka, wò naŋ nyiŋ woò wààŋ, “Sèè wo Dayà nyimààŋ, mìŋ do nàŋ kɛ̀ɛ̀ ko nɛ̀ɛ̀iŋ niìŋ.” Yèè wò naŋ sɛ̀ɛ̀ wɔŋ meeèɔ sùà wò naŋ yèwè ko Ɛfesɔ̀ yèè wò naŋ kɔ̀ ko Sesèlià.

Nyɛ̀nɛ̀ŋ 19:1

E teengaà wo Àpolò yaà wa ko Kɔliìŋ lɛ, wo Pɔɔ̀ naŋ kɔ̀ɛ̀ maŋ kpàlàùŋ kpàlàùŋ Eesìà maŋ sùà yèè wò naŋ hnè ko Ɛfesɔ̀. Kuŋ wò naŋ wa mɛ̀ɛ̀ŋ anyùùŋ màŋjɛ̀wɛ̀ Jisɛ̀ nyaŋ bà.

Nyɛ̀nɛ̀ŋ 19:21

Nààŋ maŋ keì mɛɛ̀ŋ gbiŋ naŋ wa kaàiŋ, wo Pɔɔ̀ naŋ wa ɗewè wo jinàuŋ nɔɔ̀ŋ sùà wèè wo jaamè anyùùŋ nyaŋ ko Mɛ̀sèdonià yèè ko Àkaayà nààŋ wò yaà wa kɔ̀ɔ̀yɛ̀ ko Jùlusɛ̀làm. Wo Pɔɔ̀ naŋ wa woò wààŋ, “Sèè mìŋ yewe kuii mìŋ do nàŋ kɔ̀ ko Luùm.”

Nyɛ̀nɛ̀ŋ 2:1

Nààŋ ke ɗɔ̀ɔ̀ zòòlò aŋ Juùù nyaŋ àŋ nyaaŋ Pɛnɛŋkɔ̀ɛ naŋ wa haì, anyuùŋ hààwe nyàŋ gbiŋ naŋ wa dèènè koɓɛ̀ guùŋ.

Nyɛ̀nɛ̀ŋ 20:13

Wo Pɔɔ̀ naŋ wa ɗewè wèè wo kààìŋ dìì wo kà ko Asò. Yàwi nààŋ nyùùŋ màŋjɛ̀wɛ̀ gbànauŋ nyàŋ naŋ wa sɛ̀ɛ̀ wɔŋ meeèɔ sùà yèè è naiŋ kɔ̀ ko feìŋ ko Asò wèè e ɓeemèiŋ noo wo Pɔɔ̀ wɔŋ meeèɔ sùà e kaiŋ.

Nyɛ̀nɛ̀ŋ 20:18

Nààŋ àŋ naŋ hàì ko nɛ̀ɛ̀uŋ niìŋ, wò naŋ nyiŋ woò wààŋ, “Nyɛ̀iŋ bi nàŋ nyìmàŋ e nɛ̀ɛŋ gbiŋ mìŋ naŋ nyɛ̀nɛ̀ŋ lɛ e teengaà yàwi nààŋ gbiŋ yààìŋ wa koɓɛ̀ guùŋ lɛ e hnaàŋ jiɛ̀jiɛ̀ mɛ̀ sùà ko Eesìà.

Nyɛ̀nɛ̀ŋ 20:22

Yèè mìŋ yaà naàŋ kɔ̀ɔ̀yɛ̀ ko Jùlusɛ̀làm, yèè miŋ nyimààŋ kɛ̀ kiìŋ nàŋ doim nàŋ kaaìŋ, kɛɛ mìŋ kuwa ka jɔ̀ɔ̀lɔ̀ wo Jìnàŋ wo Kanaà Dayà dìì yèè kao ka.

Nyɛ̀nɛ̀ŋ 20:4

Nààŋ wo Pɔɔ̀ yaà wa kɛ̀ɛ̀ sùà maŋjɛ̀wɛ, anyùùŋ bà nauŋ wa dè maŋjɛ̀wɛ tèènè mààŋ wo Sopatɔ̀, wo jɔ̀àfèlàà Palɔ̀ɔ e yìwìà ko Bɛ̀lià, wo Àlètakɔ̀ yèè wo Sekɔuŋɗù e yìwìà ko Tɛsèlonikà. Wo Gayɔ̀ e yìwìà ko Dɛɓì, wo Timetè, yèè aŋ fèlàà tìyèe e yìwìà ko Eesìà, wo Tachikɔ̀ yèè wo Tofimù.

Nyɛ̀nɛ̀ŋ 20:6

Kɛɛ nààŋ è naiŋ wa kpɛ̀ɛ̀yɛ̀ gè wɔŋ Ɗàà Gè Gbɔ̀u Gò Jòwàa, è naiŋ sɛ̀ɛ̀ wɔŋ meeèɔ sùà e yìwìà ko Fèlepì. Yèè è naiŋ nɔ̀ŋ ke dòmàŋ kàaiŋ wiɛ̀ diɛŋ wèè maŋ ɗɔ̀ɔ̀ nɔɔnɔŋ paŋgàà è naiŋ hàì ko nɛ̀ɛ̀ŋ nyiŋ niìŋ ko Toà, yèè è naiŋ noo wa nɔ̀ŋ wèè maŋ ɗɔ̀ɔ̀ nɔɔnɔŋ le tìyèe.

Nyɛ̀nɛ̀ŋ 21:4

È naiŋ wa kuii mɛ̀ɛ̀ŋ anyùùŋ hààwè Kanaà bà yèè è naiŋ nɔ̀ŋ ko nɛ̀ɛ̀ŋ nyiŋ niìŋ wèè maŋ ɗɔ̀ɔ̀ nɔɔnɔŋ le tìyèe. Wo Jìnàŋ Nɛɛmaàŋ naŋ wa wòò anyuùŋ hààwe nyàŋ wèè aŋ woò wo Pɔɔ̀ kɛ̀ ɓɔ̀ wò ka kò Jùlusɛ̀làm.

Nyɛ̀nɛ̀ŋ 24:17

“Nààŋ mìŋ naŋ kɔ̀ maŋ fuɔŋ joo sùà wèè maŋ doa jika, mìŋ naŋ kɛɛ̀ wèè ka hìàŋ manɛ̀ŋ kìɛŋ koɓɛ̀ anyuùŋ pɔ̀ɔ nyàŋ yèè koɓɛ̀ wɔŋ fuɔŋ miɔ̀ŋ yèè wèè ka gè maŋ saàà.

1 Kɔliìŋ 16:8

Mìŋ nɔ̀ŋ kià ko Ɛfesɔ̀ e jèèsùà ke ɗɔ̀ɔ̀ e zòòlò aŋ Juùù nyaŋ àŋ nyaaŋ Pɛnɛŋkɔ̀ɛ lɛ̀ ke haì.