Nyɛ̀nɛ̀ŋ 20:1 - WƆŊ FƐ̀Ì EBÒ SÌÀŊ DAYÀA

¹ Wo Pɔɔ̀ naŋ nyààŋ anyuùŋ hààwe nyàŋ koɓɛ̀ guùŋ nààŋ ke gbòàa naŋ gɔ̀à dìì, wò naŋ nyiŋ kìɛ̀ŋ maŋ mìè jii nyingè. Maŋ ɗɔɔ kpàa naŋ mààŋ yèè wò naŋ nyiŋ diemè. Kpeiŋ wò naŋ kuii yèwè yèè wò naŋ kɔ̀ ko Mɛ̀sèdonià.

Nyɛ̀nɛ̀ŋ 20:1 ပူးပေါင်းရင်းမြစ်များ

Nyɛ̀nɛ̀ŋ 11:26

Nààŋ wò naŋ wa mɛ̀ɛ̀ŋ wo Sɔɔ̀, wò nauŋ hìɛ̀ŋ ko Aŋtiɔ̀. Kuŋ nyiiŋ tìyèe yaà ke gbòò anyuùŋ hààwe nyàŋ hewa dèènè koɓɛ̀ guùŋ wèè wɔŋ dòà guùŋ kpalauŋ, yèè àŋ naŋ kàà ke gbòò anyuùŋ zimgbe. Kuii ko Aŋtiɔ̀, nàŋ yaà koɓɛ̀ jiɛ̀jiɛ̀i anyùùŋ naŋ wa nyààŋ anyuùŋ hààwe nyàŋ aŋ Kulusɛ̀ɛ̀ìŋ wèè e teenga jiɛ̀jiɛ̀ɛ.

Nyɛ̀nɛ̀ŋ 16:12

E yìwìà kuii è naiŋ kɔ̀ ko Fèlepì, e jawa gbee ke tiìŋ jiɛ̀jiɛ̀ɛ sùà ko Mɛ̀sèdonià. Ko Fèlepì yaà wa ko jawa gbee ko yèi anyùùŋ e yìwìà wɔŋ fùɔ̀ŋ anyùùŋ Luùm nyaŋ naŋ wa nyɛ̀lɛ̀ lɛ. È naiŋ wa nɔ̀ŋ ko Fèlepì wèè maŋ ɗɔɔ kpàa bà.

Nyɛ̀nɛ̀ŋ 16:9

Wɔŋ dùùm wiiŋ, wo Pɔɔ̀ naŋ gò e gɔa, wò naŋ yɛ̀mɛ̀ wo felaa bà e yìwìà ko Mɛ̀sèdonià wò siao wò yàaùŋ pɔɔwɔ wààŋ, “Hnaàŋ ko Mɛ̀sèdonià muŋ kpuumàŋ wi.”

Nyɛ̀nɛ̀ŋ 19:21

Nààŋ maŋ keì mɛɛ̀ŋ gbiŋ naŋ wa kaàiŋ, wo Pɔɔ̀ naŋ wa ɗewè wo jinàuŋ nɔɔ̀ŋ sùà wèè wo jaamè anyùùŋ nyaŋ ko Mɛ̀sèdonià yèè ko Àkaayà nààŋ wò yaà wa kɔ̀ɔ̀yɛ̀ ko Jùlusɛ̀làm. Wo Pɔɔ̀ naŋ wa woò wààŋ, “Sèè mìŋ yewe kuii mìŋ do nàŋ kɔ̀ ko Luùm.”

Nyɛ̀nɛ̀ŋ 20:10

Kɛɛ wo Pɔɔ̀ naŋ kɔ̀ yèè wò nauŋ sɔ̀ɔ̀ diɛŋ yèè wò nauŋ kpùùwò ke sɔɔ. Kpeiŋ wò naŋ nyiŋ woò wààŋ, “Ɓɔ̀ nìŋ sɛɛ̀ jii, kòò wò yaà nɔŋ wɔŋ nyiiŋ gèeɔ̀ sùà.”

Nyɛ̀nɛ̀ŋ 20:2

Nààŋ wò yaà wa kɔ̀ɛ̀ sùà maŋ tàta miiŋ, wò naŋ gbòò anyuùŋ hààwe nyàŋ kɔɔ wèè aŋ kɛɛnɛ̀ŋ maŋ jii nyingè e hààwe nyiŋ nɛ̀ sùà. Ko diemeì wò naŋ kɔ̀ ko Giliì,

Nyɛ̀nɛ̀ŋ 20:3

yèè wò nao nɔ̀ŋ wèè maŋ wàà taai. Wo Pɔɔ̀ yaà wa bànèbane sùà wèè wo ka ko Siilià. Kɛɛ wò naŋ wa kòmò kɛ̀ anyùùŋ gbèègbèè aŋ Juùù nyaŋ bà naŋ jɔ̀ ke gbùnu sùà wèè auŋ jàà e keì naanààŋ, yèè wò naŋ ɗewè wèè wo kɛ̀ɛ̀ maŋjɛ̀wɛ, kɛɛ wò naŋ wa kɔ̀ɛ̀ ko Mɛ̀sèdonià.

Nyɛ̀nɛ̀ŋ 20:37

Aŋ gbiŋ naŋ wa gòlò ke nyowo sùà wèè wo Pɔɔ̀ nààŋ wò yaà nyiìŋ wa naàŋ jòà sùà wèè wo ka, yèè àŋ nauŋ kpuuwò yèè àŋ nauŋ diemè.

Luùm 15:19

Tɔɔɓaa, mìŋ doiŋ nàŋ wòò e ɗeweɛ̀ wo Jisɛ̀ Kulaì naŋ wa tɔ̀ɔ̀ e tɔ̀ɔ̀màŋsèì maŋ keì, yèè wò naŋ nyɛ̀nɛ̀ŋ maŋ kèè mèè e yìwìà e gààŋ wo Jìnàŋ Nɛɛmaàŋ sùà. Kà wòò Ebò Siaàŋ e nyaàiŋ euŋ dè e yìwìà ko jawa gbeeì Jùlusɛ̀làm e kà ko Ilekùùm.

Luùm 16:16

Zùùmoìŋ aŋ dàwi e ɓɛ̀ɛ̀jàà titi sùà. Maŋ gbòò anyuùŋ hààwe nyàŋ gbiŋ wo Jisɛ̀ Kulaì sùà zuumàìŋ.

1 Kɔliìŋ 16:20

Aŋ wùìya nyàŋ gbiŋ naiŋ tùɔ̀ŋ e zùùmò nɛɛmaŋ. Zùùmoìŋ aŋ dàwiiŋ nyàŋ e ɓɛ̀ɛ̀jàa titi sùà.

1 Kɔliìŋ 16:5

Mìŋ do nàŋ hìɛ̀ŋ e jààme, sèè mìŋ yewe ko Mɛ̀sèdonià, mìŋ naŋ ɗewè wèè ka kɔ̀ɛ̀ ko Mɛ̀sèdonià.

2 Kɔliìŋ 13:12

Zùùmoìŋ aŋ dàwiiŋ nyàŋ e ɓɛ̀ɛ̀jàà titi sùà. Anyùùŋ nɛ̀ɛ̀màŋ Dayà nyaŋ gbiŋ naiŋ tùɔ̀ŋ e zùùmo.

2 Kɔliìŋ 7:5

E teengaà pɛɛ è naiŋ hàì ko Mɛ̀sèdonià lɛ, e gòiŋ gè nyiiŋ. È naŋ mɛ̀ɛ̀ŋ maŋ keì nyìnga ko nɛ̀nɛ̀ŋ gbiŋ, maŋ nyaàŋ tàaŋ anyùùŋ fèemàŋ, yèè e jùù naŋ wi sɛ̀ɛ̀ kɔɔ sùà.

1Tɛsè 5:26

Zùùmoìŋ aŋ wùìya wi nyàŋ gbiŋ e nɛɛmaŋ sùà.

1Time 1:3

Mìŋ manaŋ wèè maŋ jèè ko Ɛfesɔ̀, màànààŋ nɔŋ mìŋ naum wa dawè e teengaà mìŋ yaà wa kɔ̀ɔ̀yɛ̀ ko Mɛ̀sèdonià lɛ. Anyùùŋ kòò àŋ yaào aŋ fè kàa sùà ànyùùŋ nyaŋ è hààwe kɛnɛ, nàaà nyiŋ wèè aŋ hɔanè niŋ nyɛ̀nɛŋ.