Nyɛ̀nɛ̀ŋ 2:7 - WƆŊ FƐ̀Ì EBÒ SÌÀŊ DAYÀA

⁷ E keì bi naŋ nyiŋ wa dììyè maŋ jii, yèè àŋ naŋ kùùnò wòo nyààŋ, “Anyùùŋ nyɛɛ̀ŋ yaà yɛi gbùùyè maŋ kàìŋ mɛɛ̀ŋ nyaŋ, nyiŋ nààŋ fè ànyùùŋ fùɔ̀ŋ Galaliìɔ?

Nyɛ̀nɛ̀ŋ 2:7 ပူးပေါင်းရင်းမြစ်များ

Maafiù 21:11

Anyùùŋ nyaŋ e faaàŋ sùà naŋ fasàì nyààŋ, “Wo Jisɛ̀ wɛɛ̀, wo wɛ̀ijìɔ e yìwìà ko Naazɔ̀ɛ̀ wɔŋ fùɔ̀ŋ Galaliìɔ.”

Maafiù 26:73

E teenga kpàa bà naŋ ɓɛìŋ mààŋ yèè anyùùŋ nyaŋ siao nyàŋ naŋ ɓɛìŋ tɔ̀ɔ̀ wo Pììlɛ kiiyò nyààŋ, “Muŋ fè ɓɛ̀nɛ̀ŋ gè maŋhɛɛ kɛ̀ tɔɔɓaa muŋ fè wò bà guùŋ, esaɓù kɛ̀, e ɗewe kiiɛ̀ mùŋ gboo lɛ̀ tiŋ naum tɔɔ̀ kɛ̀ mùŋ yaà wo nyùnòò ko Galaliì.”

Maafiù 8:10

Nààŋ wo Jisɛ̀ naŋ wa kòmò e keì wòo lɛɛ̀, è nauŋ wa foonò zimgbe. Kpeiŋ wò naŋ kìlè yèè wò naŋ wòò anyùùŋ nyaŋ yàaùŋ wa maŋjɛ̀wɛ nyàŋ wààŋ, “Tɔ̀ miŋ woòiŋ e tɔɔɓaaà kɛ̀, wɔŋ fùɔ̀ŋ Ezɔ̀ɛ̀ɔ gbiŋ sùà, kòò mìŋ yɛ̀mɛ̀ wò nyùùŋ gbiŋ wò yèɔ kuwa è hààwe gbee mààŋ tɛɛ̀!

Jɔ̀ɔŋ 7:52

Yèè aŋ màmàŋkùmɛŋ nyàŋ naŋ fasàì nyààŋ, “Nìkɔ̀dimɔ̀, muàŋ pɛɛ mùŋ yewe ko Galaliì? Kɛ̀ kpɛnɛ̀ŋ weè wɔŋ fɛ̀ì Dayàa. Yèè mùŋ do naŋ nyìmè kɛ̀ wo wɛ̀ijì gbiŋ wo naàŋ yèwè kò Galaliì.” [

Nyɛ̀nɛ̀ŋ 1:11

Aŋ felaa nyàŋ naŋ nyiŋ dawè nyààŋ, “Nyùnòò fùɔ̀ŋ Galaliì nyɛɛ̀ŋ, wèè kiìŋ nìŋ sia kià nìŋ yaà yɛ̀ɛ̀mɛ̀ ke nyiliɛ̀? Wo Kanaà Jisɛ̀ wɛɛ̀ wo Dayà naiŋ yaà gè sìwè wò naŋ kɔ̀ ko àìjɛnɛ̀ŋ wɔ, do ɓɛìŋ nàŋ kɛɛ̀ e ɗèwè guùŋ nɛ sùà màànààŋ nɔŋ nìŋ nauŋ yɛmɛ̀ wò naŋ jòwò ko àìjɛnɛ̀ŋ lɛ.”

Nyɛ̀nɛ̀ŋ 2:12

E keì bi naŋ nyiŋ wa foonò yèè aŋ gbiŋ naŋ zùwò dìò sùà, e kìlà àŋ naŋ kùùnò dàwè nyiŋ bi e fèemàŋ nyààŋ, “Kiìŋ nàŋ yaà e fàsàì tɛɛ̀?”

Nyɛ̀nɛ̀ŋ 2:8

Dièsɔa naàŋ àŋ naŋ nyɛ̀nɛ̀ŋ è yààìŋ kòmàŋ sùà àŋ yaà gbùùyè maŋ kaìŋ wi màŋ?

Nyɛ̀nɛ̀ŋ 3:10

e kìlà nààŋ anyùùŋ nyaŋ nauŋ yɛmɛ̀ yèè àŋ naŋ jààèjii kɛ̀ wuŋ nàŋ jaà wa wɔŋ Gbàngi Siaŋ sìàaŋ yɛmgbɛ̀ ko Saaŋ Zòòlò Dayài ko hɔmɔɔŋ, è naŋ nyiŋ wa foonò yèè e nyiŋ wòà maŋ nyààŋ e nyaàiŋ dè yèɛ naŋ wa kààìŋ wò felaaà lɛ.