Nyɛ̀nɛ̀ŋ 2:47 - WƆŊ FƐ̀Ì EBÒ SÌÀŊ DAYÀA

⁴⁷ àŋ yaà tɛ̀nɛ̀ŋ sùà wo Dayà wèè e keì sìàuŋ nɛ̀, e kìlà àŋ yaà jìka sùà ke nyɛ̀nɛ̀ŋ sìàŋ anyùùŋ nyaŋ gbiŋ. Ke ɗɔɔ gbiŋ wo Kanaà Jisɛ̀ hewa gbìàŋ anyùùŋ nyaŋ naŋ wa yɛ̀mɛ̀ e jòèye nyàŋ ke gboò nyiŋ nɛɛ̀ŋ sùà.

Nyɛ̀nɛ̀ŋ 2:47 ပူးပေါင်းရင်းမြစ်များ

Luù 19:48

Kɛɛ aŋ gò wa yɛ̀mɛ̀ è ɗewe gbiŋ wèè aŋ niŋ nyɛ̀nɛ̀ŋ, esaɓù kɛ̀ anyùùŋ nyaŋ gbiŋ manàŋ wa àŋ do ɓà è nɛ̀ɛŋ wò yaà wa woo lɛ̀ nààŋ àŋ yàaùŋ wa kùmiaŋ sùà tɛ̀ɛ̀.

Luù 2:52

Wo Jisɛ̀ naŋ wa dɛɛ̀ ke kpùnaŋ yaà e jiikɛ̀ɛ sùà, e kìlà e mànàŋ Dayàa e hààwè e mànàŋ anyùùŋ nyaŋ yàaùŋ wa maŋjɛ̀wɛ.

Nyɛ̀nɛ̀ŋ 11:21

E gààŋ Kanaà yaà nyiìŋ wa maŋjɛ̀wɛ, yèè anyuùŋ zimgbe naŋ wa kìlè koɓɛ̀ wo Kanaà yèè àŋ nauŋ sìè e hààwe sùà.

Nyɛ̀nɛ̀ŋ 11:24

Wo Bànaŋɓà kuwa wa ke kpèè siaŋ yèè e hààwe gbee, yèè wo Jìnàŋ Nɛɛmaàŋ nauŋ wa dìèsùà. Esàɓù ke kpèèuŋ nɛɛ̀ŋ anyuùŋ zimgbe naŋ wa kɛ̀ɛ̀nɛ̀ŋ hààwe.

Nyɛ̀nɛ̀ŋ 13:48

Ke miè gbìaŋ yɛɛ̀ naŋ wa fɔ̀ɔ̀yɛ̀ anyùùŋ nyaŋ fè àŋ Juùù nyaŋ maŋ jii, yèè àŋ naŋ tɛ̀nɛ̀ŋ ke mìè Dayàa. Kpeiŋ anyùùŋ nyaŋ gbiŋ naŋ wa nɔ̀ŋ ke ɗuù tà nyàŋ wèè wɔŋ nyiiŋ gèe gò jùàa naŋ gbìɛ̀ŋ e hààwe nyiŋ nɛ̀ wo Kanaà Jisɛ̀ sùà.

Nyɛ̀nɛ̀ŋ 14:1

Wo Pɔɔ̀ yèè wo Bànaŋɓà naŋ gbòò koɓɛ̀ aŋ Juùù nyaŋ yèè anyùùŋ nyaŋ fè àŋ Juùù nyaŋ ko sààŋ zòòlò aŋ Juùù nyaŋ ko Ìkɔniɔ̀ŋ, màànààŋ nɔŋ àŋ naŋ wa nyɛ̀nɛ̀ŋ ko Aŋtiɔ̀ lɛ, yèè aŋ Juùù nyaŋ yaà aŋ yè nyaŋ fè àŋ Juùù nyaŋ zimgbe nyiŋ naŋ kɛ̀ɛ̀nɛ̀ŋ hààwe wo Kanaà Jisɛ̀ sùà.

Nyɛ̀nɛ̀ŋ 14:21

Wo Pɔɔ̀ yèè wo Bànaŋɓà naŋ wòò Ebò Siaàŋ ko Dɛɓì yèè anyuùŋ zimgbe naŋ kìlè anyùùŋ màŋjɛ̀wɛ̀ wo Kanaà Jisɛ̀. Kpeiŋ àŋ naŋ kɛ̀ɛ̀ maŋjɛ̀wɛ ko Lesità, ko Ìkɔniɔ̀ŋ, yèè àŋ naŋ hàì ko Aŋtiɔ̀ wɔŋ fùɔ̀ŋ Pɛ̀siidìàa sùà.

Nyɛ̀nɛ̀ŋ 16:5

Anyuùŋ hààwe nyàŋ naŋ wa kɛ̀ɛ̀nɛ̀ŋ gààŋ e hààwe nyiŋ nɛ̀ sùà, yèè ke ɗɔɔ gbiŋ ke gbòò anyuùŋ hààwe nyàŋ dɛkɛ̀ wa sùà.

Nyɛ̀nɛ̀ŋ 17:12

Aŋ zimgbe nyiŋ naŋ wa sìè e hààwe nyiŋ nɛ̀ wo Kanaà sùà, e hààwè aŋ Guliì nyuuŋ ɓììɓìì nyaŋ bà, aŋ jɔùŋ yèè felaa.

Nyɛ̀nɛ̀ŋ 2:39

Esaɓù kɛ̀ wo Dayà naŋ wa jɔ̀ɔ̀ ɗààhiì ko nɛ̀ɛ̀iŋ niìŋ yèè aŋ jɔ̀àiŋ nyàŋ, yèè koɓɛ̀ anyùùŋ nyaŋ yaà koɓɛ̀ dii nyàŋ, aŋ yè nyaŋ gbiŋ wo Kanaà wo Dayà wiɔ̀ do nàŋ nyààŋ koɓɛ̀ wuŋ biì nyaŋ.”

Nyɛ̀nɛ̀ŋ 2:41

Kpeiŋ anyùùŋ nyaŋ naŋ hààwè ke mìè gbìàŋ Pììlɛɛ̀ maŋ jii nyiŋ màŋ sùà nyaŋ, naŋ wa nɔ̀ŋ gùa nyiŋ. E sɔ̀ngɔ̀ anyuùŋ tààsùùŋ tàài (3,000) naŋ wa sɛ̀ɛ̀ ke gboò nyiŋ nɛɛ̀ŋ sùà ke ɗɔɔ yii.

Nyɛ̀nɛ̀ŋ 4:21

Kpeiŋ anyùùŋ gbèègbèè fuɔŋ nyàŋ naŋ nyiŋ naàà nyìnga yèè àŋ naŋ nyiŋ dangè aŋ ka. Anyùùŋ fuɔŋ nyàŋ gò wa yɛ̀mɛ̀ kè dòmaŋ gbiŋ wèè àŋ do kìɛ̀ŋ àŋ felaa nyàŋ è keì nyìnga, esaɓù kɛ̀ anyùùŋ nyaŋ gbiŋ yaà wa tɛ̀ɛ̀nɛ̀ŋ Dayà wèè e keìɛ naŋ wa kaaìŋ lɛ.

Nyɛ̀nɛ̀ŋ 4:33

E gaàŋ gbee sùà aŋ keela tàeɗùù nyaŋ naŋ wa kìɛ̀ŋ ke mìè seì kɛ̀ wo Kanaà Jisɛ̀ yèwà e fàa dìì wɔŋ nyiiŋ gèeo sùà, e kìlà wo Dayà naŋ wa kìɛ̀ŋ aŋ gbiŋ e keì sìàŋ.

Nyɛ̀nɛ̀ŋ 4:4

Kɛɛ anyùùŋ nyaŋ zimgbe nyiŋ naŋ wa kòmò ke miè gbìaàŋ nyaŋ naŋ wa kùwìè hààwe. Yèè anyùùŋ nyaŋ ke gbòò anyuùŋ hààwe nyàŋ sùà naŋ wa dɛ̀kɛ̀ sùà ke nɔ̀ŋ e sɔ̀ngɔ̀ anyuùŋ tààsùùŋ nɔɔnɔŋ (5,000.)

Nyɛ̀nɛ̀ŋ 6:1

Nààŋ e teenga bà naŋ mààŋ, ke gbòò anyùùŋ màŋjɛ̀wɛ̀ nyaŋ naŋ kùùnò dɛ̀kɛ̀ sùà. Aŋ bà nyiŋ yewe wa maŋ fuɔŋ joo e kìlà e Guliì mie nɔŋ àŋ hewa gbòà, kɛɛ aŋ zimgbe nyiŋ hewa jòò wɔŋ fùɔ̀ŋ Ezɔ̀ɛ̀ɔ sùà e kìlà àŋ hewa gbòà e Hiɓulù mie. Aŋ yè nyaŋ gboo wa e Guliì mieɛ̀ nyaŋ, naŋ kìɛ̀ŋ e zàwè aŋ yè nyaŋ gboo e Hiɓulù mieɛ̀ nyaŋ, koɓɛ̀ aŋ keela tàeɗùù nyaŋ. Aŋ Juùù gbòà Guliì mie nyàŋ naŋ woò nyààŋ aŋ Hiɓulù nyuuŋ nyàŋ gboo wɔŋ kàìŋ nyiŋ biɔ̀ nyaŋ yaà wa nyìnìè e kèì fɛɛ̀ nìngè koɓɛ̀ aŋ jɔ̀ùnèèdàà nyiŋ nyàŋ e kèè e tòmò nɛɛnɛŋ gòònoɛ̀ sùà ke ɗɔɔ gbiŋ.

Nyɛ̀nɛ̀ŋ 6:7

Kpeiŋ ke mìè Kanaà Dayà naŋ wa ɓaayè. Ke gbòò anyuùŋ hààwe nyàŋ ko Jùlusɛ̀làm naŋ wa dɛ̀kɛ̀ sùà gbee, e kìlà ke gbòò aŋ sìèfèìŋ zòòlo zimgbe naŋ wa jàà e hààweɛ̀ kùàŋ dìì.

Nyɛ̀nɛ̀ŋ 9:31

Anyùùŋ hààwe nyàŋ gbiŋ ko Jùdià, ko Galaliì, yèè ko Sàmilià naŋ wa ngàà nɔ̀ŋ ke jii fàa sùà yèè àŋ naŋ kpèènè e zòòlo nyiŋ nɛ̀ maŋjɛ̀wɛ e dèè Kanaà sùà. Wo Jìnàŋ Nɛɛmaàŋ naŋ wa kìɛ̀ŋ jii nyingè yèè wò naŋ kpùùmò ke gbòò anyuùŋ hààwe nyàŋ ke dɛ̀ɛ̀ò sùà yèè wò naŋ nyiŋ kìɛ̀ŋ e gààŋ wèè aŋ kɛɛnɛ̀ŋ ɓɛ̀ɛ̀jàa wo Kanaà sùà.

Nyɛ̀nɛ̀ŋ 9:35

Anyùùŋ nyaŋ zimgbe nyiŋ hewa jòò ko Leɗià yèè ko Sàlɔɔ̀ŋ nyaŋ naŋ yɛ̀mɛ̀ wo Enià, yèè àŋ naŋ wa kìlè koɓɛ̀ wo Kanaà Jisɛ̀.

Luùm 14:18

Sèè mùŋ nɔ̀ŋ wo ɓɔìjɔ̀à wèè wo Jisɛ̀ Kulaì e ɗewe lɛɛ̀ sùà, wo Dayà do nàŋ kɛ̀ɛ̀nɛ̀ŋ ke jii fàa weèum, yèè anyuùŋ zimgbe doum nàŋ jàà kùàŋ dìì.

Luùm 8:30

Anyùùŋ nyaŋ wo Dayà naŋ jàà e ɓula nyàŋ, nyiŋ wò naŋ nyààŋ. Anyùùŋ nyaŋ wò naŋ nyààŋ nyaŋ, nyiŋ wò naŋ jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ, yèè wò naŋ nyiŋ nyɛ̀nɛ̀ŋ wèè aŋ nɔ̀ŋ aŋ bà nyiŋ bà e jòòwouŋ nɛ̀ sùà.

Luùm 9:27

Tɛɛ̀ wo wɛ̀ijìɔ Àzaayà naŋ wa woò e nyaàiŋ dè anyùùŋ nyaŋ ko Ezɔ̀ɛ̀ wààŋ, “Sèè pɛɛ anyùùŋ Ezɔ̀ɛ̀ nyaŋ aŋ weè pɛɛ gàŋ mààŋ e heiɛ̀ wɔŋ juwoɔ̀ kɔɔ, aŋ bà nyiŋ nɔŋ wo Kanaà Dayà do wa nàwèè nàŋ joeyè.

1 Kɔliìŋ 1:18

Ke miè gbìaàŋ nyaàiŋ dè e fà Jisɛ̀ Kulaìɛ wɔŋ vànèkpaaà diɛŋ, è yaà e kèì ɓàaɓàa koɓɛ̀ anyùùŋ nyaŋ naŋ go nyàŋ, kɛɛ e wèè yàwi nyàŋ è naìŋ jòèyè nyaŋ, e gààŋ Dayàa le.