Nyɛ̀nɛ̀ŋ 2:46 - WƆŊ FƐ̀Ì EBÒ SÌÀŊ DAYÀA

⁴⁶ Ke ɗɔɔ gbiŋ anyuùŋ hààwe nyàŋ hewa dèènè koɓɛ̀ guùŋ ke gbòò sùà ko Saaŋ Zòòlò Dayài. Aŋ gbiŋ hewa jììyà e nɛ̀ŋje koɓɛ̀ guùŋ maŋ gboò nyiŋ màŋ sùà ke jii fàa yèè e ɓɛ̀ɛ̀jàa sùà,

Nyɛ̀nɛ̀ŋ 2:46 ပူးပေါင်းရင်းမြစ်များ

Maafiù 6:22

“Le fɛ̀ɛ̀ mɔ̀ɛ̀ è yaà mààŋ e laumpò wèè ke kpùnaŋ mɔɛ̀ŋ. Sèè le fɛɛ̀ mɔ̀ɛ̀ è nɔ̀ŋ sengei, ke kpùnaŋ mɔɛ̀ŋ gbiŋ do nàŋ nɔ̀ŋ e gbolòùŋ sùà.

Luù 11:41

Kɛɛ kìɛ̀ŋ manɛ̀ŋ maŋ yaà maŋ kpòò tììyaiŋ màŋ yèè maŋ tɛnyɛ̀iŋ màŋ sùà koɓɛ̀ anyuùŋ pɔ̀ɔ nyàŋ, kɛ̀ e yèɛ gbiŋ nìŋ kuwa lɛ̀ è nɔ̀ŋ zɛ̀nɛŋ niŋ tɛ̀ɛ̀ koɓɛ̀ Dayài.”

Luù 24:30

Wò naŋ jɛi wèè yaà nyiŋ aŋ jènɛ̀ŋ, kpeiŋ wò naŋ ɓèmè e gbɔ̀u yèè wò naŋ niŋ zòòlò diɛŋ. Wò naŋ niŋ nyime nyìmè wo nyiŋ niŋ kiɛ̀ŋ.

Luù 24:53

Ke ɗɔɔ gbiŋ àŋ kɔ̀à wa ko jɔ̀ɔ̀lègbèè ko Saaŋ Zòòlò Dayài, àŋ yaà gììyè wo Dayà ke sɛ̀.

Nyɛ̀nɛ̀ŋ 16:34

Wo felaaà naŋ kɔ̀ɔ̀ wo Pɔɔ̀ yèè wo Silà ko gboouŋ noo yèè wò naŋ nyiŋ kìɛ̀ŋ e nɛ̀ŋje wèè aŋ jè. E zɔlɔ̀ naŋ wa dìè wuŋ yèè anyunùuŋ nyàŋ ko gboouŋ noo, esaɓù kɛ̀ àŋ kuwa wa naàŋ e hààwe wo Dayà sùà.

Nyɛ̀nɛ̀ŋ 2:42

Àŋ naŋ wa jɔ̀ɔ̀lɔ̀ e yèɛ gbiŋ aŋ keela tàeɗùù nyaŋ naŋ nyiŋ kaà lɛ, e kìlà aŋ gbiŋ deenàŋ wa wèè aŋ zoolò koɓɛ̀ guùŋ e kìlà aŋ jììyà e nɛ̀ŋje koɓɛ̀ guùŋ.

Nyɛ̀nɛ̀ŋ 20:7

Ke ɗɔ̀ɔ̀ jiɛ̀jiɛ̀ɛ ke wikìɛ sùà e koya, è naiŋ wa gbonò wèè eiŋ jììyà e nɛ̀ŋje koɓɛ̀ guùŋ. Yèè nààŋ wo Pɔɔ̀ naŋ wa ɗewè wèè wo nyiŋ jòà wo ka wɔŋ niìsìaà bàa, wò naŋ nɔ̀ɔ̀ŋ gbùùyè ko nɛ̀ɛ̀ŋ nyiŋ niìŋ e jèèsùà wɔŋ dùmɔ̀ɔŋ hàì tɛɛ.

Nyɛ̀nɛ̀ŋ 3:1

Ke ɗɔ̀ɔ̀ guùŋ wo Pììlɛ yaà wo Jɔ̀ɔŋ naŋ kɔ̀ ko Saaŋ Zòòlò Dayài e tèèngà zòòloɛ̀ e gɔ̀ɛ̀ɛ̀ gbòà è taaà diɛŋ, e gɔɛɛ kìla.

Nyɛ̀nɛ̀ŋ 5:21

Wɔŋ niìsìaà aŋ keela nyàŋ naŋ jɔ̀ ko Saaŋ Zòòlò Dayài, nààŋ wo màikàa naŋ nyiŋ woò wèè aŋ nyɛ̀nɛ̀ŋ lɛ, yèè àŋ naŋ tɔ̀ɔ̀tù anyùùŋ nyaŋ kàa. Wo Kànà Sìèfèìŋ Zòòlo Gbeeɔ̀ yaà anyuùŋ kpùùmauŋ nyàŋ naŋ nyààŋ aŋ màmànkùmɛ̀ŋ fuɔɔ̀ŋ e kpùlìà anyùùŋ gbèègbèè fuɔŋ nyàŋ gbiŋ ko Ezɔ̀ɛ̀ wèè aŋ deenè. Kpeiŋ àŋ naŋ tùɔ̀ŋ anyùùŋ ko sààŋ nyìwìi wèè aŋ hiàŋ aŋ keela nyàŋ ko fɛɛ̀feìŋ nyiŋ niìŋ.

Nyɛ̀nɛ̀ŋ 5:42

Ke ɗɔɔ gbiŋ àŋ hewa kà ko Saaŋ Zòòlò Dayài yaà maŋ saaŋ joo dìì wèè aŋ wòò ke mìè gbìàŋ Ebò Siaàŋ nyaàiŋ dè wo Kanaà Jisɛ̀, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ.

Luùm 12:8

Sèè mààŋ è kuwa eiŋ kìɛ̀ŋ aŋ dàwi wi nyàŋ maŋ jii nyingè, kìɛŋ wììŋ nyiŋ maŋ jii nyingè. Sèè è mɔnɔŋ wèè eiŋ kìɛ̀ŋ aŋ dàwi wi nyàŋ, kìɛŋ wììŋ nyiŋ e mànaŋ sùà. Sèè mààŋ è yààìŋ aŋ ɓɛ̀màŋɗì anyùùŋ, nyɛ̀nɛ̀ŋ wiìŋ e tɛ̀ɛ̀tɛ̀ɛ̀ wilɛ̀ wèè e nɔ̀iŋ e tɔ̀ɔ̀nyaàŋ sùà ko nɛ̀ɛ̀ŋ nyiŋ niìŋ. Sèè è mɔnɔŋ wèè eiŋ tɔ̀ɔ̀ ke nyowo koɓɛ̀ aŋ dàwi wi nyàŋ, nyɛ̀nɛ̀ŋ wììŋ niŋ e ɓɛ̀ɛ̀jàa sùà.

1 Kɔliìŋ 10:16

Wɔŋ kpòòɔ è tiiyàìŋ maŋ tala muaŋ màŋ sùà sèè è dawàìŋ Dayà wèè wo kpuumàŋ wɔŋ, tii gò tɔɔ̀ kɛ̀ è yààìŋ àŋ bàwibà kè gbòò ànyuùŋ hààwè màŋ sɛ̀ìŋ Jisɛ̀ Kulaì maŋ sùà? E kìlà ke gbɔ̀uɛ̀ è nyìmèìŋ yɛ, sèè è gbìlèìŋ nyiìŋ, kɛ̀ tii gò tɔɔ̀ kɛ̀ è yààìŋ aŋ bàwibà kè kpùnàŋ Jisɛ̀ Kulaìɛ sùà?

2 Kɔliìŋ 1:12

E zɔlɔ̀ naŋ wi dìè jii, esaɓù kɛ̀ e gòngo wilɛ̀ è wi nyɛ̀nɛ̀ŋ è nyìmàŋ kɛ̀ maŋ kpèè wi màŋ e nyaàiŋ de manɛ̀ŋ maŋ wɔŋ nyiiŋ gèe wiɔ̀ sùà e ɗuunyaŋ lɛɛ̀, kaikai ngèè e mɔ̀ɔ̀nɔɛ̀ŋ yèè e jìlɛɛ̀ŋ yaà wì e fèemàŋ yàwiiŋ nɛ̀, è yaà e gààŋ nɛ̀ɛ̀màŋ Dayàa dìì. E gò e yìwìà è jììkɛ̀ɛ̀ nyuùŋkpùuŋ sùà.

2 Kɔliìŋ 11:3

Kɛɛ e jùù yààìm kɔɔ kɛ̀ àŋ doum nàŋ zuwò, màànààŋ nɔŋ wo kaìɔ naŋ wa zùwò wo Màmaŋ Hàwa e tòa sùà lɛ. E jùù yààìm kɔɔ kɛ̀ mùŋ do nàŋ hùànè e gòngo sengèì mɔ̀ɛ̀ kùwie wèè e kèè Jisɛ̀ Kulaìɛ jɔ̀ɔ̀lɔ̀ dììɛ.

Ɛfesɔ̀ 6:5

Ɗo nyàŋ, e kɔɔiŋ nɛ̀ jèlà kpàkpà e jùù sùà wèè niŋ jɔɔlɔ̀ aŋ kɛ̀ɛ̀nɛiŋ nyàŋ dìì, yèè niŋ nyinìàŋ niŋ ke jìì guùŋ, mààŋ nìŋ yaà nyinie wèè Jisɛ̀ Kulaì lɛ.

Kòlo 3:22

Nyɛ̀iŋ nààŋ ɗo nyàŋ, jɔ̀ɔ̀lɔìŋ aŋ kɛ̀ɛ̀nɛiŋ nyàŋ dìì e teenga gbiŋ. Ɓɔ̀ nìŋ nyɛ̀nɛ̀ŋ niŋ nɔŋ esaɓù kɛ̀ àŋ yààìŋ yɛɛmɛ ɔ̀ɔ̀ èsaɓù kɛ̀ nìŋ manaŋ aiŋ mànàŋ. Nyɛ̀nɛìŋ niŋ e tɔ̀ɔ̀nyaàŋ e yìwìà maŋ jiiŋ màŋ sùà esàɓù e ɓɛ̀ɛ̀jàa nìŋ kuwa wèè wo Kanaà lɛ.