Nyɛ̀nɛ̀ŋ 2:45 - WƆŊ FƐ̀Ì EBÒ SÌÀŊ DAYÀA

⁴⁵ Àŋ hewa mààŋ manɛ̀ŋ siwè nyiŋ màŋ e kìlà aŋ gòònò e nɛ̀ɛ̀nɛ̀ŋ nyiŋ biɛ̀ e fèemàŋ e ɗeweɛ̀ wo nyùùŋ gbiŋ manaŋ wa lɛ̀.

Nyɛ̀nɛ̀ŋ 2:45 ပူးပေါင်းရင်းမြစ်များ

Maafiù 19:21

Wo Jisɛ̀ nauŋ woò wààŋ, “Sèè mùŋ mɔnɔŋ wèè maŋ nɔ̀ŋ wo nyùùŋ tɔ̀ɔ̀nyaàŋ, kɔ̀à mààŋ manɛ̀ŋ siwèum màŋ gbiŋ muŋ kiɛ̀ŋ e nɛɛnɛɛ̀ŋ anyuùŋ pɔ̀ɔ nyàŋ, kɛ̀ màŋ kɛ̀ɛ̀nɛ̀ŋ e sùlò ko àìjɛnɛ̀ŋ. Kpeiŋ muŋ hnàŋ muŋ dèim maŋjɛ̀wɛ.”

Luù 16:9

Yèè wo Jisɛ̀ naŋ ɓɛìŋ woò wààŋ, “Weètii tɔ̀ miŋ woòiŋ, tòòmoìŋ e nɛɛnɛɛ̀ŋ nìŋ naŋ yɛmɛ̀ e kàaɓì sùà lɛ e ɗuunyaàŋ lɛɛ̀ wèè niŋ kpuumàŋ anyùùŋ, wèè aŋ nɔ̀ŋ anyuùŋ mɔ̀ɔ̀nɔiŋ. Kpeiŋ sèè nìŋ fà e yèɛ niŋ fè ɓɛ̀nɛ̀ŋ kòà è nɛɛnɛŋ lɛ̀, kɛ̀ wo Dayà yaà aŋ màikàuŋ nyaŋ doiŋ nàŋ ɓeè aiŋ jàà kùàŋ dìì aiŋ kìɛ̀ŋ maŋ vààyà saaŋ ko yè dò nàŋ nɔ̀ŋ wèè julɔfɔ lɛ̀ ko àìjɛnɛ̀ŋ.

Luù 18:22

Nààŋ wo Jisɛ̀ naŋ tɛɛ̀ kòmò, wò nauŋ woò wààŋ, “E kèì ɗì guùŋ naŋ ɓɛìŋ joo wèè maŋ nyɛ̀nɛ̀ŋ. Kɔ̀à mààŋ manɛ̀ŋ siwèum màŋ gbiŋ muŋ kiɛ̀ŋ e nɛɛnɛɛ̀ŋ anyuùŋ pɔ̀ɔ nyàŋ, kɛ̀ màŋ kɛ̀ɛ̀nɛ̀ŋ e sùlò ko àìjɛnɛ̀ŋ. Kpeiŋ muŋ hnàŋ muŋ dèim maŋjɛ̀wɛ.”

Luù 19:8

Kpeiŋ wo Zakiɔ̀ naŋ sie yèè wò naŋ wòò wo Jisɛ̀ wààŋ, “Kanaà, mìŋ do nàŋ kìɛ̀ŋ e nɛ̀ŋ kɛ̀ɛ̀nɛŋ mɛ̀ e gbu niŋ koɓɛ̀ anyuùŋ pɔ̀ɔ nyàŋ. Yèè sèè ka wa kàaɓì wo nyùùŋ gbiŋ, mìŋ douŋ niŋ nàŋ kɛlɛ̀ɛ̀ e sùà tiinàŋ.”

Nyɛ̀nɛ̀ŋ 11:29

Anyùùŋ màŋjɛ̀wɛ̀ nyaŋ gbiŋ ko Aŋtiɔ̀ naŋ wa ɗewè wèè aŋ toomò koɓɛ̀ guùŋ aŋ nyɛ̀nɛ̀ŋ maŋ kuàŋ gbònògbono e yìwìà e yèɛ naŋ wa ɓɛ̀ɛ̀nɛ̀ŋ wo nyùùŋ gbiŋ kùàŋ sùà lɛ wèè aŋ tùàŋ anyuùŋ hààwe dàwi nyiŋ nyàŋ ko Jùdià.

Nyɛ̀nɛ̀ŋ 4:34

Wo bà gbiŋ fòo wa kè gboò nyiŋ nɛɛ̀ŋ sùà wò do nɔ̀ŋ è wànàŋ nɛ̀ŋ gbiŋ sùà. Aŋ yè nyaŋ kuwa wa maŋ ɓù ɔ̀ɔ̀ maŋ saaŋ nyàŋ he miŋ wa maàŋ, aŋ hìàŋ e nɛɛnɛɛ̀ŋ àŋ naŋ yɛmɛ̀ lɛ e yìwìà e yèɛ àŋ naŋ maàŋ lɛ,

Nyɛ̀nɛ̀ŋ 4:35

e kìlà aŋ niŋ kìɛ̀ŋ koɓɛ̀ aŋ keela tàeɗùù nyaŋ. E nɛɛnɛɛ̀ŋ nɔ̀ŋ wa gòòno niŋ anyùùŋ nyaŋ e fèemàŋ nààŋ àŋ manaŋ wa lɛ̀.

2 Kɔliìŋ 9:1

Esaɓù kɛnɛ ɓà gbiŋ fè wèè kaiŋ sìngà wɔ̀ŋ fɛi nyaàiŋ dè è tòmò kpùùmaàŋ nìŋ naŋ ɗewè wèè naŋ tùàŋ koɓɛ̀ anyùùŋ nɛɛmaŋ nyàŋ ko Jùdià lɛ.

2 Kɔliìŋ 9:9

Màànààŋ wɔŋ fɛ̀ì Dayàa naŋ woò lɛ kɛ̀, “Wò gè nɛ̀ŋ kùàŋ wèè anyùùŋ nyaŋ naŋ kpɛɛ̀ŋ weè niŋ nyàŋ, yèè e tɔ̀ɔ̀nyaàuŋ nɛ̀ è yaà wèè julɔfɔ.”

1Jɔ̀ɔŋ 3:17

Sèè è naiŋ ɓɛ̀nɛ̀ŋ kɛ̀ɛ̀nɛ̀ŋ e bànè ɗuunyaàŋ è mànàìŋ maŋ nyiiŋ gèe wi màŋ sùà lɛ, e kìlà eiŋ yɛ̀mɛ̀ wo wùìya wiɔ̀ bà wo yèɔ kuwà yèè wò manaŋ è nɛ̀ŋ wɔ, kpeiŋ e gòiŋ tɔ̀ɔ̀ è mànaŋ màŋ jii wi màŋ sùà kòɓɛ̀ wò nyùùŋ bi, kɛ̀ diè è naiŋ ɓɛ̀nɛ̀ŋ wòo kɛ̀ è mànàìŋ wo Dayà?