Nyɛ̀nɛ̀ŋ 2:42 - WƆŊ FƐ̀Ì EBÒ SÌÀŊ DAYÀA

⁴² Àŋ naŋ wa jɔ̀ɔ̀lɔ̀ e yèɛ gbiŋ aŋ keela tàeɗùù nyaŋ naŋ nyiŋ kaà lɛ, e kìlà aŋ gbiŋ deenàŋ wa wèè aŋ zoolò koɓɛ̀ guùŋ e kìlà aŋ jììyà e nɛ̀ŋje koɓɛ̀ guùŋ.

Nyɛ̀nɛ̀ŋ 2:42 ပူးပေါင်းရင်းမြစ်များ

Luù 24:30

Wò naŋ jɛi wèè yaà nyiŋ aŋ jènɛ̀ŋ, kpeiŋ wò naŋ ɓèmè e gbɔ̀u yèè wò naŋ niŋ zòòlò diɛŋ. Wò naŋ niŋ nyime nyìmè wo nyiŋ niŋ kiɛ̀ŋ.

Luù 24:35

Aŋ fèlàà tìyèe nyiiŋ naŋ kpɛ̀nɛ̀ŋ e nɛ̀ɛŋ naŋ kaaìŋ ko dòmaìŋ lɛ, e kìlà e nɛ̀ɛŋ naŋ nyɛ̀nɛ̀ŋ àŋ naŋ jàà wo Kanaà jii lɛ̀ nààŋ wò naŋ nyìmè ke gbɔ̀uɛ̀ lɛ.

Nyɛ̀nɛ̀ŋ 1:14

Anyuùŋ hààwe nyàŋ e kpùlìà aŋ jɔùŋ nyaŋ yaà wo Mèèle wo nààŋ Jisɛ̀ɔ yèè aŋ wùìyà Kanaà Jisɛ̀ nyaŋ hewa dèènè koɓɛ̀ guùŋ e teenga gbiŋ wèè aŋ zòòlò koɓɛ̀ guùŋ.

Nyɛ̀nɛ̀ŋ 11:23

Ke jii naŋ wa fɔ̀ wo Bànaŋɓà nààŋ wò nao wa haì yèè wò naŋ yɛ̀mɛ̀ e ɗeweɛ̀ wo Dayà naŋ wa kpùùmò anyùùŋ nyaŋ lɛ̀. Kpeiŋ wò naŋ nyiŋ dawè wèè aŋ kɛɛnɛ̀ŋ maŋ jii nyingè e kìlà aŋ jeè e hààwe yaà e tɔ̀ɔ̀nyaàŋ maŋ jii nyiŋ màŋ sùà koɓɛ̀ wo Kanaà.

Nyɛ̀nɛ̀ŋ 14:22

Àŋ naŋ wa kìɛ̀ŋ anyuùŋ hààwe nyàŋ maŋ jii nyingè yèè àŋ naŋ nyiŋ pɔwɔ̀ wèè aŋ jeèè tɔ̀ɔ̀nyaàŋ e hààwe nyiŋ nɛ̀ sùà. Àŋ naŋ nyiŋ woò nyààŋ, “È kuwa eiŋ kà e keì nyìnga zimgbe dìì pangàà è kɔ̀àìŋ e Kànà Dayàa sùà.”

Nyɛ̀nɛ̀ŋ 2:46

Ke ɗɔɔ gbiŋ anyuùŋ hààwe nyàŋ hewa dèènè koɓɛ̀ guùŋ ke gbòò sùà ko Saaŋ Zòòlò Dayài. Aŋ gbiŋ hewa jììyà e nɛ̀ŋje koɓɛ̀ guùŋ maŋ gboò nyiŋ màŋ sùà ke jii fàa yèè e ɓɛ̀ɛ̀jàa sùà,

Nyɛ̀nɛ̀ŋ 20:11

Eɓìèmàŋjɛ̀wɛ̀ tii wo Pɔɔ̀ naŋ ɓɛìŋ kɛ̀ɛ̀ ko sààŋ fùùiŋ, yèè wò naŋ ɓèmè ke gbɔ̀u yèè wò naŋ nyiŋ nyìmè tɛɛ, yèè yàwi nààŋ gbiŋ naŋ nyiŋ gbìlè koɓɛ̀ guùŋ. Wo Pɔɔ̀ naŋ nɔ̀ɔ̀ŋ gbuuye e jèèsùà e nììɛ sìà, yèè wò naŋ wi jòò wo ka.

Nyɛ̀nɛ̀ŋ 20:7

Ke ɗɔ̀ɔ̀ jiɛ̀jiɛ̀ɛ ke wikìɛ sùà e koya, è naiŋ wa gbonò wèè eiŋ jììyà e nɛ̀ŋje koɓɛ̀ guùŋ. Yèè nààŋ wo Pɔɔ̀ naŋ wa ɗewè wèè wo nyiŋ jòà wo ka wɔŋ niìsìaà bàa, wò naŋ nɔ̀ɔ̀ŋ gbùùyè ko nɛ̀ɛ̀ŋ nyiŋ niìŋ e jèèsùà wɔŋ dùmɔ̀ɔŋ hàì tɛɛ.

Nyɛ̀nɛ̀ŋ 4:23

Anyùùŋ fuɔŋ nyàŋ naŋ wa nɔŋ dàngè wo Pììlɛ yaà wo Jɔ̀ɔŋ fa, àŋ kɛ̀ɛ̀ maŋjɛ̀wɛ koɓɛ̀ anyuùŋ nyiŋ nyàŋ yèè àŋ naŋ nyiŋ wòò e keìɛ kinɛiŋ aŋ kànà sìèfèìŋ zòòlo nyàŋ yèè aŋ màmànkùmɛ̀ŋ fuɔŋ nyàŋ naŋ nyiŋ woò lɛ.

Nyɛ̀nɛ̀ŋ 4:31

Nààŋ àŋ naŋ wa kpɛ̀ɛ̀yɛ̀ Dayà zòòlo, koɓɛ̀i àŋ naŋ wa deenè lɛ naŋ wa mɛɛmɛ̀ɛ̀ŋ. Wo Jìnàŋ Nɛɛmaàŋ naŋ nyiŋ wa dìèsùà yèè àŋ naŋ tɔ̀ɔ̀tù ke mìè Dayàa gbòa janyai ke jii nyingè sùà.

Nyɛ̀nɛ̀ŋ 6:4

Kpeiŋ yàwi bi, è doiŋ naŋ kìlè e gòngo wilɛ̀ gbiŋ koɓɛ̀ e zòòlo yèè e tòmò ke mìè Dayàa gbòa.”

Luùm 12:12

Tɔ̀ ke jii tùlia mɔɛ̀ŋ ke nɔ̀ŋ e zɔlɔ̀ sùà, sèè mùŋ nɔ̀ŋ e keì nyìnga sùà, kɛ̀ɛ̀nɛɛ̀ŋ ke jii tɔumtɔ̀ùm yèè muŋ zoolò e teenga gbiŋ.

1 Kɔliìŋ 10:21

Niŋ fè ɓɛ̀nɛ̀ŋ nɔ̀ŋ àŋ bàiŋbà wèè naŋ tììyà wɔŋ kpòò Kanaà sùà, e kìlà naŋ ɓɛìŋ nɔ̀ŋ àŋ bàiŋbà wèè naŋ tììyà wɔ̀ŋ kpòò jinàŋ naanààŋ sùà, niŋ fè ɓɛ̀nɛ̀ŋ nɔ̀ŋ bàiŋbà wɔ̀ŋ gbɛ̀gbɛ̀ Kanaà diɛŋ, e kìlà naŋ nɔ̀ŋ bàiŋbà wɔ̀ŋ gbɛ̀gbɛ̀ jinàŋ naanààŋ diɛŋ.

1 Kɔliìŋ 11:2

Mìŋ tɛnɛ̀ìŋ e fèfoo e teenga gbiŋ nìŋ jààìm jii, yèè naŋ dè e nɛ̀ɛŋ mìŋ naiŋ kaà lɛ maŋjɛ̀wɛ.

1 Kɔliìŋ 14:6

E wèètii nyɛ̀iŋ nààŋ wùìyaim nyàŋ, sèè mìŋ hnàŋ ko nɛ̀ɛ̀iŋ niìŋ, kiìŋ kpùùmaŋ mìŋ naiŋ ɓɛ̀nɛ̀ŋ kìɛŋ sèè mìŋ gbuuyà maŋ kaìŋ joo sùà? E kpùùmaŋ gbiŋ fè niìŋ sùà, sɔɔ̀ kaiŋ hìàŋ èbò dààne è yìwìà Dayà sìwè ɔ̀ɔ̀ e jiikɛ̀ɛ ɔ̀ɔ̀ ke miè gbìàŋ aŋ wɛ̀ijì nyaŋ ɔ̀ɔ̀ e kàa.

Gàla 1:6

È naim foonò wèè naŋ fè wo Dayà jɛwɛ fiò, wo yeɔ̀ naiŋ nyààŋ e yìwìà e tɛ̀ɛ̀tɛ̀ɛ̀ Jisɛ̀ Kulaìɛ sùà wɔ, yèè nìŋ naŋ jàà ebò siaŋ joo kùàŋ dìì.

Ɛfesɔ̀ 2:20

Nyɛ̀iŋ pɛɛ, nìŋ yaà aŋ bàiŋbà wèè ke saaàŋ, aŋ keela tàeɗùù nyaŋ yaà aŋ wɛ̀ijì nyaŋ naŋ wa tɔ̀ɔ̀tù nyɛ̀lɛ yɛ̀, yèè ke kpɛnɛɛ̀ wèè ke saaàŋ nàŋ yaà wo Jisɛ̀ Kulaì wuŋ bibì.

Ɛfesɔ̀ 6:18

Nyìniaìŋ tɛɛ̀ gbiŋ e zòòlo sùà, nìŋ yaà dààwè Dayà wèè e kpùùmaŋ. Zòòloìŋ ke nyɛ̀nɛŋ gbiŋ sùà, nààŋ nɔŋ wo Jinàaŋ siàìŋ feìŋ nɛ. E wèè esaɓù lɛɛ̀, nɔ̀ɔìŋ fɛɛ̀ wòwò yèè e bɔ̀mɔ̀ŋ ɓɔ̀ è wùìyàiŋ, zòòloìŋ e teenga gbiŋ wèè anyùùŋ nɛɛmaŋ nyàŋ.

Fèle 1:5

wèè esàɓù e ɗeweɛ̀ è naiŋ tòòmò koɓɛ̀ guùŋ, wèè eiŋ ɓààyè Ebò Siaàŋ e yìwìà ke ɗɔɔ jiɛ̀jiɛ̀ɛ nìŋ naŋ niŋ wa kòmò lɛ, e hàì e teenga lɛɛ̀ nàaŋ.

Kòlo 1:23

Nìŋ kuwa naŋ jèè hààwe sɛmɛ sùà, e kìlà naŋ bànè ko tɔɔtu siaŋ. Ɓɔ̀ nìŋ dangè nyɛ̀iŋ bi nìŋ do mɛɛmɛ̀ɛ̀ŋ e yìwìà kè jii tùliaà nìŋ naŋ wa yɛmɛ̀ yɛ, e teengaà nìŋ naŋ wa kòmò Ebò Siaàŋ e yìwìà ko àìjɛnɛ̀ŋ lɛ. Wèè esàɓù Ebò Siaŋ lɛɛ̀, miàim Pɔɔ̀, naŋ nɔ̀ŋ wo ɓɔìjɔ̀à tòmo, yèè mìŋ naŋ wa gbòò ke mìè Dayàa koɓɛ̀ anyùùŋ nyaŋ gbiŋ e ɗuunyaàŋ.

Kòlo 4:2

Zòòloiŋ e teenga gbiŋ, yèè niŋ yɛmɛ̀ nyɛiŋ bi diɛŋ e teengaà nìŋ nɔ̀ŋ zoolo lɛ̀, e kìlà niŋ kɛɛnɛ̀ŋ ke sɛ̀ gèe koɓɛ̀ Dayài.

2Time 3:14

E weèum, jèèe e tɔ̀ɔ̀nyaàaŋ àŋ naum wa kaà lɛ sùà, yèè muŋ sìà niŋ e hààwè tɔ̀ɔ̀nyaàŋ sùà. Màŋ nyìmàŋ ɓòò nyiŋ nàŋ yaà wa aŋ kààmɔɔiŋ nyàŋ,

Hiɓu 10:25

E bɔ̀mɔ̀ŋ ɓɔ̀ wùìyà wi wèè eiŋ dèènè koɓɛ̀ guùŋ wèè zòòlo, màànààŋ aŋ bà nyiŋ yaà nyinie lɛ̀. Kùùnò wiìŋ kìɛ̀ŋ maŋ jii nyingè koɓɛ̀ aŋ dàwi wi nyàŋ, nààŋ ngèè nìŋ naŋ nyìmè kɛ̀ ke ɗɔɔɛ̀ wèè wo Kanaà wo hnàŋ lɛ, kè kùùnò gbɛ̀ɛ fɔ̀ɔ̀.

Hiɓu 10:39

E fèìŋ mààŋ ànyùùŋ nyaŋ naŋ fè è hààwe nyiŋ nɛ̀ jɛwɛ yèè àŋ naŋ fɔ̀ nyaŋ. È doiŋ nàŋ jèè e hààwe maŋ nyiiŋ gèe wi màŋ sùà e jèèsùà wo Dayà wo wi joeyè .

1Jɔ̀ɔŋ 1:3

E yèɛ è naiŋ yɛmɛ̀ yèè è naiŋ kòmò lɛ tiŋ è naiŋ woò, wèè naŋ wi dè maŋjɛ̀wɛ wèè eiŋ nɔ̀ŋ ke gbòò Dayà zòòloɛ̀ sùà, yèè ke gbòò zòòlo yɛɛ̀ kè yaà wèè wo Dèdaà yèè wo jɔ̀àfelaauŋ nɔɔ̀ŋ Jisɛ̀ Kulaì.

1Jɔ̀ɔŋ 1:7

Kɛɛ sèè eiŋ kààìŋ e gbolòùŋ nɛ sùà, màànààŋ wo Dayà yaà e gbolòuŋ sùà lɛ, kɛ̀ è doiŋ nàŋ nɔ̀ŋ ke gbòò Dayà zòòloɛ̀ sùà, yèè maŋ sɛ̀ìŋ Jisɛ̀ maŋ, wo Jɔ̀àfèlàà Dayàa, do naŋ gùò maŋ jùumù wi maŋ gbiŋ.

1Jɔ̀ɔŋ 2:19

Anyùùŋ nyɛɛ̀ŋ naŋ fòlò ke gbòò Dayà zòòlo wiɛ̀ sùà, kɛɛ tɔɔɓaa aŋ fè wa àŋ bàwibà. Yèè esaɓùɛ lii àŋ naŋ wi wa kɛ̀ɛ̀ maŋjɛ̀wɛ. Kɛɛ sèè aŋ wa weè nɔ̀ŋ aŋ bàwibà ke gbòò zòòloɛ̀ sùà, àŋ he wi wa weè nàŋ jèè maŋjɛ̀wɛ. Kɛɛ àŋ naŋ wi wa dangè, tii naŋ wa tɔɔ̀ janjai kɛ̀ aŋ fè àŋ bàwibà.

Juù 1:20

Kɛɛ sèè è nɔ̀ŋ wèè nyɛ̀iŋ nààŋ dàwi mànaim nyàŋ, kùnoìŋ nɔŋ nyɛ̀nɛ̀ŋ nyɛ̀iŋ bi wèè niŋ nyìngà sùà wèè e hààwè nɛɛmaàŋ nìŋ kuwa lɛ̀. Zòòloìŋ e gààŋ Jìnàŋ Dayàa sùà,