Nyɛ̀nɛ̀ŋ 2:40 - WƆŊ FƐ̀Ì EBÒ SÌÀŊ DAYÀA

⁴⁰ Wo Pììlɛ naŋ nyiŋ kìɛ̀ŋ maŋ mìè gòo zimgbe e kìlà wò naŋ nyiŋ dawè yèè wò naŋ nyiŋ kiɛ̀ŋ maŋ jii nyingè wààŋ, “Jòèyeìŋ nyɛ̀iŋ bi e yìwìà e keì nyìnga gbeeɛ̀ yaà hìnìè anyùùŋ maŋ tùwo naanààŋ nyaŋ diɛŋ lɛ̀.”

Nyɛ̀nɛ̀ŋ 2:40 ပူးပေါင်းရင်းမြစ်များ

Maafiù 12:34

Nìŋ yaà aŋ kaì gbòò naanààŋ, kpeiŋ kɛ̀ dièsɔa nìŋ naŋ ɓɛ̀nɛ̀ŋ wòò e keì kɛnɛ bà? Maŋ miè gbòaiŋ màŋ tɔɔ̀ kɛ̀ kiìŋ nàŋ yaà maŋ jiiŋ màŋ sùà.

Maafiù 16:4

Wèè kiìŋ anyùùŋ maŋ jùumù gò kɛ̀ɛ̀nɛ̀ŋ hààwe nyɛ̀nɛ̀ŋ hmɔŋtu nyɛɛ̀ŋ wɔŋ niìsìa wɛɛ̀ŋ sùà àŋ dawà wèè e tɔ̀ɔ̀mànsèì e kèè mèè? Kpele! E tɔ̀ɔ̀màŋsèì kèè mèèɛ nɔŋ mìŋ naiŋ ɓɛ̀nɛ̀ŋ kìɛŋ lɛ̀ nàŋ yaà e yèɛ naŋ wa kààìŋ wo Joonàŋ lɛ.” Yèè wo Jisɛ̀ naŋ nyiŋ jòò wò naŋ kɔ̀.

Maafiù 17:17

Wo Jisɛ̀ naŋ nyiŋ woò wààŋ, “Kuoo nyɛ̀iŋ nààŋ nyuùŋ gò kùwìè hààwe yèè kpèè naanààŋ nyɛɛ̀ŋ! Kiìŋ è teenga mùnlaŋ mìŋ doiŋ naŋ nɔ̀ŋ e kɔɔ? Kiìŋ è teenga mùŋlaŋ mìŋ do nàŋ kùwò ke jii maŋjɛ̀wɛiŋ? Hìaìŋ kià wo felaajɔaà ko nɛ̀ɛ̀ŋ miìŋ.”

Maafiù 23:33

Niŋ fè è nɛ̀ŋ gbiŋ eɓìèmàŋjɛ̀wɛ̀ aŋ kàì yèè aŋ jɔ̀à kòmàŋ aŋ kàì. Diè nìŋ naŋ ɓɛ̀nɛ̀ŋ dùaŋ wèè niŋ go nàŋ kɔ̀ ko jàhamaŋ ke ɗɔɔɛ̀ wo Dayà do wa nàwèè nàŋ gbàì e ɗuunyaàŋ lɛ?

Luù 16:28

Kòò mìŋ kuwao aŋ wùìyà nyùùŋ nɔɔnɔŋ. Wòouŋ wo ka wo kiɛ̀ŋ nyiŋ e goò wèè kɛ̀ aŋ go nàŋ hnè koɓɛ̀ keì nyìnga yaà.’

Luù 21:36

Yɛ̀mɛìŋ nyɛ̀iŋ bi diɛŋ yèè niŋ dawè wo Dayà e teenga gbiŋ wo kiɛ̀iŋ e gààŋ wèè maŋ keì mɛɛ̀ŋ do yaà nàŋ kaaìŋ maŋ gbaàiŋ bòìbòì e kìlà miàim wo Jɔ̀àfèlàà Nyuùŋ Kpùnɔɔ̀ŋ nɔ̀ŋ ke jii fàa sùà weèiŋ.”

Jɔ̀ɔŋ 21:25

Wo Jisɛ̀ naŋ wa nyɛ̀nɛ̀ŋ maŋ keì zimgbe. Sèè maŋ gbiŋ maŋ wa weè nɔ̀ŋ sìnga miŋ maŋ fɛi sùà, ko nɛ̀nɛ̀ŋ gbiŋ naàŋ weè nɔ̀ŋ e ɗuunyaàŋ wèè eiŋ miŋ noo bàànè hàa.

Nyɛ̀nɛ̀ŋ 10:42

Yèè wo Dayà naŋ wi woò wààŋ e woòiŋ ebò siaŋ lɛɛ̀ koɓɛ̀ anyùùŋ nyaŋ gbiŋ, yèè e gbòàiŋ ke mìè seì kɛ̀ wo Jisɛ̀ nàŋ yaà wo nyùnɔ̀ɔŋ wò naŋ tàeɗùù wɔ wèè wo nɔ̀ŋ wo nyuùŋ gbàiɔ̀ wèè anyuùŋ gè nyiiŋ nyàŋ yèè anyuùŋ fàa nyàŋ.

Nyɛ̀nɛ̀ŋ 15:32

Aŋ wɛ̀ìjì tìyèe nyàŋ, wo Juɗà yèè wo Silà, naŋ wa gbòò anyuùŋ hààwe nyàŋ kɔɔ wèè e teenga mùnlaŋ wèè kɛ̀ aŋ kɛɛnɛ̀ŋ maŋ jii nyingè yèè e gààŋ.

Nyɛ̀nɛ̀ŋ 20:11

Eɓìèmàŋjɛ̀wɛ̀ tii wo Pɔɔ̀ naŋ ɓɛìŋ kɛ̀ɛ̀ ko sààŋ fùùiŋ, yèè wò naŋ ɓèmè ke gbɔ̀u yèè wò naŋ nyiŋ nyìmè tɛɛ, yèè yàwi nààŋ gbiŋ naŋ nyiŋ gbìlè koɓɛ̀ guùŋ. Wo Pɔɔ̀ naŋ nɔ̀ɔ̀ŋ gbuuye e jèèsùà e nììɛ sìà, yèè wò naŋ wi jòò wo ka.

Nyɛ̀nɛ̀ŋ 20:2

Nààŋ wò yaà wa kɔ̀ɛ̀ sùà maŋ tàta miiŋ, wò naŋ gbòò anyuùŋ hààwe nyàŋ kɔɔ wèè aŋ kɛɛnɛ̀ŋ maŋ jii nyingè e hààwe nyiŋ nɛ̀ sùà. Ko diemeì wò naŋ kɔ̀ ko Giliì,

Nyɛ̀nɛ̀ŋ 20:21

Mìŋ naŋ wòò aŋ Juùù yèè anyùùŋ nyaŋ fè àŋ Juùù nyaŋ kɛ̀ aŋ fè maŋ tùwo naanààŋ nyiŋ màŋ jɛwɛ wèè aŋ kìlà koɓɛ̀ Dayài yèè aŋ kɛɛnɛ̀ŋ hààwe wo Kana wiɔ̀ Jisɛ̀ sùà.

Nyɛ̀nɛ̀ŋ 20:24

Kɛɛ miŋ gò kpɛɛ̀ŋ kɛ̀ kiìŋ nàŋ do nàŋ kaaìŋ wɔ̀ŋ nyiiŋ miɔ̀ŋ, sèè nɔŋ mìŋ kpɛɛyɛ̀ e tòmoɛ̀ wo Kanaà Jisɛ̀ naim kiɛ̀ŋ wèè ka nyɛ̀nɛ̀ŋ lɛ. Yèè e tòmo lɛɛ̀ nàŋ yaà wèè ka wòò Ebò Siaàŋ e nyaàiŋ dè e tɛ̀ɛ̀tɛ̀ɛ̀ Dayàa.

Nyɛ̀nɛ̀ŋ 20:9

Wo fooninge bà yào wà àŋ nyaaŋ wo Yùtaikɔ̀, kɛɛ wò jaa wa ko jèènaài. Nààŋ wo Pɔɔ̀ yaà wa nɔŋ gbuuye, wo felaaà naŋ sɛ̀ɛ̀ maŋ jàwè ɓùuù. Ko diemeì wò felaaà naŋ fòlò ko sààŋ fùùiŋ ko kɛ̀ìŋ taai wo sɔ̀à ko dììnaŋ. Wèè anyùùŋ nyaŋ kauŋ noò gè dìì, auŋ mɛɛ̀ŋ wò yaà fàuŋ.

Nyɛ̀nɛ̀ŋ 28:23

Nààŋ àŋ naŋ tɔ̀ɔ̀ e teenga wèè aŋ mɛ̀ɛ̀ŋ wo Pɔɔ̀, aŋ zimgbe nyiŋ naŋ wa hnè ko gbooì wò joà lɛ ke ɗɔɔ yii. Wo Pɔɔ̀ naŋ gbòò ko nɛ̀ɛ̀ŋ nyiŋ niìŋ e nyaàiŋ dè e Kànà Dayàa e yìwìà maŋ nyiìŋ tɛ̀tɛ̀ e jèèsùà e gɔɛɛ hàì ko ɗìò tɛɛ. Wò naŋ gbòò ko nɛ̀ɛ̀ŋ nyiŋ niìŋ e yìwìà maŋ Sàwà maŋ wo Dayà naŋ wa kìɛ̀ŋ wo Mòòze màŋ yèè maŋ keì wòo màŋ e yìwìà maŋ fɛ̀ì aŋ Wɛ̀ijì nyaŋ sùà wèè wo kamè ɗewe aŋ kɛɛnɛ̀ŋ e hààwe wo Jisɛ̀ sùà.

Nyɛ̀nɛ̀ŋ 4:36

Kpeiŋ wo Jòòsɛ, wo Liivaà nyuuŋ e yìwìà ko Sapulɔ̀, wo yèɔ aŋ keela nyaŋ hewa nyààŋ wo Bànaŋɓà wɔ, naŋ wa mààŋ wɔŋ ɓùuŋ nɔɔ̀ŋ, yèè wò naŋ hìɛ̀ŋ e nɛɛnɛɛ̀ŋ, wo niŋ kìlà koɓɛ̀ aŋ keela nyàŋ. (E fàsàì e dèè Bànaŋɓà nàŋ yaà “Wo yèɔ kiɛ̀ŋ ke jii nyingè diɛŋ wɔ̀.”)

2 Kɔliìŋ 5:20

È yààìŋ gbuuyè wèè Jisɛ̀ Kulaì, mààŋ koɓɛ̀i wo Dayà wuŋ bi wò yààìŋ dàwe sùà e yìwìà yàwi sùà lɛ. È gboo wèè Kulaì, tɔ̀ wo Dayà vɔɔnɔ̀iŋ e yìwìà koɓɛ̀ aŋ joouŋ wèè koɓɛ̀ anyuùŋ mɔ̀ɔ̀nɔuŋ.

2 Kɔliìŋ 6:17

E wèètii wo Kanaà wààŋ, “Sɔɔ̀ naŋ nyiŋ dangè yèè ɓɔ̀ nìŋ nɔ̀ŋ nyiŋ è fèemàŋ. Ɓɔ̀ nìŋ kuwìè è nɛ̀ŋ bà gbiŋ wèè naŋ nyìnìàŋ è nɛ̀ŋ gò zɛ̀nɛ̀ŋ, kɛ̀ mìŋ doiŋ nàŋ jàà kùàŋ dìì.

Gàla 5:3

Mìŋ yààìŋ fè sùà e gòo lɛɛ̀, wo nyùnɔ̀ɔ̀ŋ naŋ nyimèè wèè auŋ jàà kpùà wɔ̀, sɔɔ̀ wo jɔ̀ɔ̀lɔ̀ ke Sàwàa gbiŋ dìì.

Ɛfesɔ̀ 4:17

Mìŋ yààìŋ fèe sùà e gòo e dèè Kanaà sùà, wèè naŋ hɔ̀ànè nɔ̀ŋ maŋ nyiiŋ gèeiŋ màŋ sùà mààŋ anyùùŋ nyaŋ fè àŋ Juùù nyaŋ, aŋ yè nyaŋ maŋ gòngo nyiŋ màŋ yaà maŋ foo miŋ lɛ̀.

Fèle 2:15

wèè kɛ̀ nìŋ naŋ ɓɛ̀nɛ̀ŋ nɔ̀ŋ aŋ jɔ̀à gò kɛ̀ɛ̀nɛ̀ŋ tɔ̀mɛ nyàŋ, aŋ yè nyaŋ e keì gò jeè nyaŋ wèè wo Dayà. Nìŋ joà anyùùŋ e tɛɛ e ɗuunyaàŋ aŋ yè nyaŋ naŋ dìè kàaɓì yaà maŋ keì naanààŋ. Kàmeìŋ ɗewe niŋ mɛ̀ɛ̀ŋ mààŋ e gbòlòùŋ maŋ ɗu ke nyiliɛ̀,

1Tɛsè 2:11

Nàŋ nyìmàŋ kɛ̀ è naŋ kùwò nyɛ̀iŋ nyɛɛ̀ŋ bà gbiŋ mààŋ e ɗeweɛ̀ wo nyuùŋ kòmaŋ kuwo aŋ jɔ̀àuŋ nyàŋ lɛ̀.

1Time 4:16

Yɛ̀mɛ̀ muaŋ bi diɛŋ, yèè e nɛ̀ɛŋ mùŋ kaà anyùùŋ nyaŋ lɛ̀ diɛŋ. Jèèe ko nyìnìè maŋ keì mɛɛ̀ŋ, efefoo sèè mùŋ nyɛ̀nɛ̀ŋ miìŋ, mùŋ do nàŋ jòèyè muaŋ bi yèè aŋ yè nyaŋ gbiŋ mùŋ naŋ kàa nyaŋ.

1Pììlɛ 5:12

Wo Sailɔ̀ naim kpuumò mìŋ naŋ sìngè wɔŋ fɛi kpuu wɛɛ̀ŋ ko nɛ̀ɛ̀ŋ niìŋ, wo yèɔ mìŋ naŋ ɓemè wèè wo nɔ̀ŋ wo wùìya hààwè tɔ̀ɔ̀nyaàŋ wɔ. Mìŋ yààìŋ sìa sùà ke di kɛ̀ tɛɛ̀ nàŋ yaà e kìɛ̀ŋ tɔ̀ɔ̀nyààŋ Dayàa nyììneìŋ sùà niŋ nɔ̀iŋ sùà.